انا وخطيبى ارتبطنا ببعض وكنا بنحب بعض كنا زملاء دراسة وعمرنا ما حسينا اننا هنختلف لكن دلوقتى مشاكلنا كتير هو بيقول ان انا مش بدلعه ومش بعرف اخرجه من خنقته مع انى بستحمله ده غير المشاكل القاسيه اللى عندى فى البيت لكن بفصل بينه وبين مشاكلى بس انا بجد تعبانه اوى قلتله انا مش بعرف اتعامل بدله انا كده واحده واحده وهبقى عادى انا ما اتخطبتطش قبل كده قالى طيب بس برضه بترجع المشكله تانى انا مش عارفه اعمل ايه ارجو حل لمشكلتى لانى بجد تعبت من الخناقات والمشاكل كل شويه
مشاكل الخطوبة
مشكلتى مع خطيبى
اضيف بتاريخ: Thursday, September 9th, 2010 في 01:30
كلمات مشاكل وحلول: الخطوبة, دراسة, زملاء, مشاكل الخطوبة
بجد بعد الكلام ا/ابراهيم مفيش كلام ونصحتى ليكى اسمعه كلامه
بعد كلام استاذاابراهيم مفيش كلام
أي فترة خطوبة لا تخلو من الشد و الجذب ,, و دة طبيعي و ظاهرة صحية جدا لإن الإختلاف إللي بيحصل بينكم هيخليكم تفهموا بعض أوي .. أما بخصوص الدلع ,, فالراجل عامل زي الطفل ( البيبي ) دايما بيحتاج كلمة حلوة ,, حد يطبطب عليه ,, مش لازم تدلعي بمعنى إنك تهشتكيه يعني لأ طبعا ,, إنما خللي عندك الحد الأدنى من الدلع ,, يعني مثلا نادي عليه بإسم دلع مثلا يا زيزو لا هيما يا كوكو .. كدة يعني . حاولي تبعتيله رسايل حب في وقت ميكونش هو متوقعه . هاتيله باقة ورد في وقت ميكونش فيه مناسبة ,, جربي مرة تجبيله شيكولاتة وأكليه بإديكي منها , تعالي في مرة قوليله غمض عنيك يا حبيبي , و لما يفتحها يلاقيكي جايباله هدية ظريفة .. حاولي بقدر الإمكان تعملي دايما الأشياء الغير متوقعة دي بتفرح أوي و بيكون ليها أثر كبير سواء عند الراجل أو عند الست ,, في كل الأحوال ,, حاولي تعملي دة من جواكي و بطبيعتك ,, يعني متكونيش مجبرة أو تطصنعي دة لإنه لو حس بكدة مش هيقبل منك أي حاجة بتعمليها ,
ربنا يوفقك
إبراهيم