مشاكل البنات

مش عارفه عملت كده ازاي؟

انا كنت معجبه بواحد جارنا وهو كمان كان معجب بيا اوي وجيه وقالي كده المهم انا قولتله كمان انا معجبه بيك وكده المهم اتكلمنا مع بعض حوالي شهرين بعد كده طلب مني نطلع رحله مع بعض المهم طلعت معاه وانا كنت في الطريق تعبت اووي ورجعت وانا في الميكروباص المهم هو لما شافني خدني علي الاوده اللي كان قاعد فيها بس كان غصب عني علشان كنت تعبانه اوي المهم سابني وراح جبلي برشام وكده المهم اخدته حسيت اني مغم عليا معرفتش ايه اللي حصلي وبعد كده لما فقت قلتله حرام عليك ليه عملت كده قالي غصب عني بس ده تعبير عن حبي ليكي فقلتله ده مش حب قالي امال ايه قلتله ماعرفش المهم الكلام ده كان قبل رمضان يوم الواقفه المهم دلؤتي هو اتغير من ناحيتي وكل ماقوله لازم نبعد عن بعض يقولي انتي اجمل حلجه حصلتلي في حياتي وانا مش هقدر انساكي اعمل ايه ده المفروض انه يخطب واحده جارتنا انا وهي متربين مع بعض الشهر ده انا خايفه اوي لحد يعرف من عندي في البيت انا مش عارفه اعمل ايه؟؟؟ استمر معاه ولا ابعد عنه انا خايفه ابعد عنه يقول لاهلي وخايفه استمر هيبقي في الاخر عالفاضي ومش هينفع يتقدملي خالص بعد اللي حصل
انا بجد محتاجه الرد بتاعكم بس انا عارفه اصلا اني غلطت لما سافرتله

مشاكل وحلول ذات صلة

اضيف بتاريخ: Tuesday, August 31st, 2010 في 23:20

كلمات مشاكل وحلول: , ,

18 رد to “مش عارفه عملت كده ازاي؟”

  1. sara
    04/09/2010 at 14:00

    علي فكره هو مش بيحبك وكداب لانو لو كان بيحبك مكنش اتخلي عنك مهما حصل وفضل جمبك.. ولو مفيش حمل من رايي تسبيكي منو لانو حتي لو اجوزتو مينفعش تعيشي مع واحد زي ده.

  2. احلام
    02/09/2010 at 02:44

    انتي هبله يبنتي ازاي تخرجي مع واحد انت عارفه مسبقا انه عايز يتقدم لجارتك ويتجوزها هي ايه حكايتك بالظبط وايه قصتك اللي مش مترابطه دي متفهمينا لو فعلا القصه دي حقيقيه غصب عن عين امه يتقدملك ولو امتنع ورفض قولي لاهلك واقلبي الدنيا عليه ده حقك ولا هي بنات الناس لعبه ينام مع وحده ويجوز التانيه وفرصه بقا عشان جارتك دي تعرف هي هتجوز مين فاتحيه بالموضوع او صارحي اهلك وقولي يارب ولو انتي مظلومه بجد حقك هيجيلك

  3. أبو خليل المصري
    01/09/2010 at 13:10

    تقولي انه معجب بيكي ، ثم تقولي انه سيخطب واحدة جارتك !
    تقولي أنه اغمي عليكي في المكروباس وانه اخذك لغرفتك غضبا عنك مع ان المكروباس مفروض مليان ناس ممكن يحموكي منه !

    طلامك متناقض ، وللأسف وضعت نفسك في موقف صعب للغاية ، بسبب خروجك مع هذا الشاب ، والحل في رأيي أن تطلبي منه أن يتقدم لخطبتك بأقصى سرعة ، ولو رفض ، ابتعدي عنه للأبد ، وحاولي التقرب إلى الله ليغفر لك ذنبك

  4. ريري
    01/09/2010 at 13:01

    بصى يا حببتى اولا وحاجة اكيدة انتى غلطانة 100 فى 100 انك سافرتى معاة لان مهما كانت العلاقة الى بينكم دوت ولد ولية مشاعر واحاسيس وبعدين هو انسان مش كويس لانو لو بيحبك هيبقة عاوزك احسن واحدة فى الدنيا وهيخاف ليكى بصى بقة سيبك من جارتى ولا مش جارتى هو يا بنتى لو لسة عاوزك يتادملك وتتجوزو ولو مش اتقدم ولا اتحجج باى كلام سيبك منو دا واطى وندك سورى ارفة انى كلامى مجرح بس ان شاء الله الى فية الخير يقدمة ربنا ومش تقلقى بقة يا قمر ومش تخافى بس احنا لما بنغلط لازم نتعلم من اخطاءنا وعلى راى المثل الواحد مش بيتعلم با الساهل يارب تكونى فاهمانى

  5. mograd ensana
    01/09/2010 at 12:35

    بصى انا ردى انك تكملى وتحاولى تفاتحيه انه يتقدملك بس ازاى بيحبك وازاى حيخطب

  6. بسنت
    01/09/2010 at 11:30

    الصراحه انتى غلطانه لانك امتنى لواحد زباله اوى وبعدين حتى لو كان انسان كويس مهما حصل العلاقه ماما توصلش للسفر والكلام ده لان فى زمنا حاليا الحب والاعجاب البرء خلص خلاص ة.. بصى انتى اقطعى علاقت بيه خالص طلما ما حصلش حمل ومش لازم تتجوزى اساسا لانك لو اتنازلتى واتجوزتنى للانسان الزباله ده حيبقى عملتى غلطه تانى فى حياتك وكده ممكن تخلفى منه بقى واتشبكتىمعاه وخلاص ولواتملك وافقى وخليه يكتب عليكى واطلقى منه علشان يبقى فى ايديكى ورقه على الاقل ممكن تعيش حياتك طبيعيه مع انسان محترم وما تدوريش على الحب فى الزمن ده لانه قل اوى

  7. الفراشة الناعمة
    01/09/2010 at 11:19

    بصي بقي انتي وصلت معاه لمرحلة مينفعش تقولي نسب بعض
    انتي حتي لو مش بتحبيه وكرهتيه بعد اللي هملو
    لازم تكملي معاه لانه لازم يصلح غلطته
    ول متقدم لاختك حتي مش صاحبتك لازم تحاربيها وتفوزي انتي بيه
    لانك تعتبري سوري من غي ما تزعلي متورطة ولازم تطلعي من الورطة دي باقل الخسائر

  8. Blink
    01/09/2010 at 08:37

    حسبي الله ونعم الوكيل فيه

    بصي يابنتي مينفعش تبعدي مفيش حاجة اسمها جارتي وصاحبتي واختي

    دي سمعة ياحبيبة البي سمعة وشرف عيلة

    طالما هو متمسك بيكي ليه يتقدملك مع انو واطي ومش هيحافظ عليكي

    دي شهواته هيا اللي بتتحكم فيه..بسمفيش برائيي حل غير كدا

    دا لو كان طبعا عمل معاكي حاجة ممكن تؤدي الى حمل

    لكن لو مكنش هيؤدي الى حمل يبقى عامليه ببرود كدا حد ما يزهق.. انتي هتقدري تزهقيه وربنا معاكي واتعلمي بليز من اخطائك

  9. رايق
    01/09/2010 at 06:47

    اولا دة انسان انانى مش بيحبك وبيتسلى بيكى وهو عايزك لكدة بس بدليل انه حيخطب واحدة تانى ومعتقدش انه يقول عليكى حاجة لان دة بردو يدينه وفى وشه قدام خطبته فانسيه واستغفرى الله واديكى اتعلمتى من الدرس هو عايز يمسك العصايا من النص يخطب صحبتك ويكلمك بردو ويعمل اللى عايزة

  10. nour
    01/09/2010 at 06:37

    خلاص اللى حصل حصل ومش حينفع دلوقتى لووم خالص المهم قربى من ربنا وادعى وخليكى عندك ايمان بربنا وااقوى وواحد زى ده اكيد ضعيف من جواه مش حيقدر يقول لاهلك ولا حاجه ابعدى عنه وشوفه حياتك واول حاجه اكسبى ثقه اهلك عشان مش يصدقوا اى حاجه تتقال عنك وهو اللى حيتبهدل فى النهايه

  11. اكيد مـن مصـر
    01/09/2010 at 06:36

    اولا انتى غلطانه فى حاجتيين.. انك توافقى تسافرى معاه وانك توافقى تاخدى برشام من حد مينفعش يابنتى الثقه اوى كده مع حد انتى معرفتك بيه مش قويه.. مش كل واحد معجب بيكى هيقولك تعالى نسافر هتروحى فى ديله لا طبعا شكلك صغيره ومفيش حد بيوجهلك نصيحه.. ادامك حل بكل صراحه هتفهميه.. وتتانقشوا بهدوء وتقوليله لو بتحبنى بجد تعالى ويبقى الموضوع رسمى.. طالما بتقولى انو بيحبك وشايف انك اجمل حاجه عنده.. حاولى تتكلمى معاه. لان من العدل انو يكونمعاكى وميسبكيش. بعد اللى عمله.. وهو لو بيحبك بجد هيوافق على الموضوع.. وربنا يوفقك ان شاء الله.. بس ياريت تخلى بالك ومتثقيش فى حد بالسرعه دى.. حرصى على اد ماتقدرى.. وربنا معاكى ياجميله

  12. ميدو
    01/09/2010 at 03:35

    اسف على ردى بس ده كوهن بنات وانتى الغلطانة من الاول انتى اللى امانتى ليه من الاول الحل انك تتفاهمى معاه بدل الفضايح ليك والاهلك

  13. ahmadhamdy
    01/09/2010 at 02:47

    دة شاب واطى ومش محترم ومعندوش مبادى انتى بالنسبة لية واحدة بيقضى معاها وقت دة لو الغلط اللى عملوا معاكى ممكن ما يتعرفش ابعدى عنة نهائى لاكن لو الغلط اللى عملة يتعرف سايسية لحد ما ييجى ويطلبك من اهلك وبعد كدة عرفى اهلك علشان يكونوا عرفوا مكانة ويعرفوا يخدوا حقك لو حاول يفلت بعملتةوانتى لحد ما يجى يطلبك من اهلك اوعى تخلية يقرب منك تانى

  14. ميدو الاسكندرانى
    01/09/2010 at 02:35

    بصي يا قمر انا اول مره اخش على الموقع ده ودخلت بالصدفه وقريت مشاكل كتير بس مشكلتك شدتنى انى ارد عليها بصي انتى مينفعش تبعدى عنه لانو انا اسف دمرك لازم انتى كمان تخليه يصلح غلطتو انتى الاول تقوليلو انك تقدملى ولو على جارتك انتى مالك مافيش حاجه اسمها تضحيه فزمنا ده يا بنت الناس كولو بيقول يالاه نفسي وممكن لو ماكنش حصل حاجه كانت خلاص لاكن طالما حصل تخليكى معاه مش فالغلط طبعا لا فالنور وتخليه يجى يتقدملك ولو اهلك رفضوه قوليلهم على اللى حصل وهما اكيد حيقدرو الموقف بس لازم تلحقى نفسكوربنا معاكى ان شاء الله

  15. توكل على الله
    01/09/2010 at 01:43

    اوعك تكون لة فريسة طول عمرك اوعك عايزك للشهوات دة انسان حرام ما بخافش الله انسي وابعدي عنو اذا بتقدري تحكي لاهلك قولي لهم ما حصل
    هذا الافضل اوعك ترجعيلو اصلان حرام تخرجو مع بعض انسي واتقي الله وتقربي الى الله وتذكري توبي الى الله تذكري دائما ان الحياه قصيرة بين الحياة والموت شعرة
    وتذكري عندما تسالين يوم القيامة لا تقعي فريسة لهو
    الله يرزقك بلزوج الصالح

  16. بنوتة رقيقة
    01/09/2010 at 00:48

    ليه مش هينفع يجى يتقملك يعنى بجد المفروض تبقومع بعض وهو يجى يتقدملك فعلا وان شاء الله اهلكو يوافقو ولو على كان ارتك كل شئ قسمة ونصيب واكيدهو مش بيحبها المهم انتو والاهم انتى فكرى فى نفسك دلوقتى بجد وصلحى غلطيتك دى بسرعه اوووووووووووووووى

  17. wolf
    01/09/2010 at 00:44

    قصتك صعبة كتير بس الحل ياللي عندي انك تحكي ل اهلك كل شي حصل بينكم وتحكي لجارتكم كمان اهم شي لانو ياللي اصعب من الحب والغلط هو الكذب يمكن اهلك مايقدرو هالشي بس بينك وبين ربك بتكوني مرتاحة انا اسف يمكن الحل صعب بس هاد ياللي بقدر ساعدك في وعلى فكرة انتي كلامك كان منطقي لو بحبك الشخص هاد كان ماعمل معك شي غلط او اتقدملك للزواج من الاول وبالتوفيق انشالله .. WOLF ..

  18. مونة
    31/08/2010 at 23:26

    ب بوصي اولا طول ما انتي مع ربنا ما تخافيش من اي حاجة واوعي تستمري فالغلط ابدا و هوة فعلا لو هيخطب قريب ابعدي عنو نهائي و ما تخافيش من حاجة و طول ما انتي بتصلي ادعي ربنا يسترها معاكي ويحميكي ويحفظك من كل شر وسوء واذى صدقيني مفيش اي مخلوق هيقدر عليكي بس اوعي تستمري فالغلط ابعدي خالص و ما تخافيش انتي معاكي ربنا
    و ربنا يسعدك ياارب بالزوج الصالح

اترك رداً أو حلاً لهذه المشكلة