بداية مشكلتى تبدا من يوم ان كان عمرى 18سنه وتقدم لى رجل متزوج زوجه واحدة وعنده اولاد وكان عمره حوالى 35سنه المهم هو شخص ثرى الى حد ما وتقدم لى عن طريق والدى وجلست معه واقتنعت به وبحياتى معه مستقبلا الا انه كان اخى الكبير غير راض عن هذه الزيجة وجلس اخى الذى يكبرنى باربع سنوات فقط وكانه بيتحايل عليا من اجل ان اقول كلمة لا او مش موافقه لدرجة ان اخى قد طلب من جميع اخواتى الخروج من المكان الذى نجلس فيه حتى ينفرد بى وقال لى كلام يكاد ان يكون مقنع ولكنى اصريت على الزواج من ذلك هذا الشخص مما جعل اخى يتحدث مع ابى وقال له ابى انا اعطيت كلمه وهيا موافقه وتم الزواج واخى غير راض ولكنه لم يحسسنى بعدم فرحته من زواجى وحضر وابتسم …….الخ
وتمر الايام وانجبت منه طفلين واحد 6سنين والاخرسنه ونصف وغالبا تحدث بيننا خلافات واشعر بالظلم عندما اراة يعطى الاولويه للزوجه الاولى وحدثت خلافات اثناء حملى بابنى الاول وتزوج واحدة اخرى مطلقه وهو انجب منها الان طفلين وبعد ولادتى بفتره ليست بالكبيرة تطلقت منه طلقه واحدة وردنى بعدها بعد التزامه ببعض الشروط ومنها العداله والمساواة ولكن هذة المرة كان السبب فى اقناعى بالرجوع الية هو اخى الكبيرمن اجل تربية الولد بين والدية والغريب المرة دى ان والدى هوا اللى كان معارض وبقوة شديدة الا ان اخى اقنعة باسلوبة وبعدها قلت اعيش وربى الاولاد واحتسبت ظلمى عند الله ولا تتخيلو مدى الظلم اللى انا فيه ولكن تحدث الان بعض الخلافات الطفيفة والاقى اخى ييجى معاة واشعر بعدها ان اخى وجهة نظرة صح ولا انكر على نفسى اننى عصبية وشديدة الحساسية من اى شىء ولو كان صغيرا لدرجة اننى اشك فى معاملته لاولادى واولاده من زوجاته الاخريات وهل من العدل ان يكون لكل واحدة منهن بيتا مستقلا وانا اعيش فى شقة متواضعة جدا فى بيت ابيه يعنى بيت عيله مع انى والله لو اننى احس معه بالعدالة لعشت لو كان على قوت يوم ولكن انا فى مشكله كبيرة لاننى الان فى بيت والدى وحدث خلاف بسيط جعلة يسبنى بافظع اساليب السب بالام وقد علم اخى واستمع منى للموضوع كامل وقال لى انتى غلطانه فى كل شىء ولكى حق فى شيئين هما
اولا السب الذى سبه لكى ثانيا ان ياتى لك بمكان مستقل مثلك مثل الاخريات من زوجاته اما حنانه لاولاده فهذا ليس لك فيه شىء لانه سيحاسبه الله على ذلك حتى فى حقوقك الاخرى سيحاسب عليها وقال لى اخى حقك فى السب سياتى من خلالى ويس منك لان البنت المتربيه لا ترد الاهانه لزوجها ولها اهل يجيبو حقها وقال اخى حالفا بالله ان يرد السب الذى كان حيائى قد منعنى اقوله له اطلاقا ان يرد السب الذى قاله لى اسوا مما سمعته منه
وقال لى اخى مش هاتمشى من بيتنا الا بعلمى وذلك لان اخى يعمل باحدى دول الخليج
وذلك ايماءا الى انه يريده الالتزام بما تعهد به سابقا
ولكنى الان اكره كل شىء ولا اريده وتقول لى امى علشان ولادك واسمع من يقول ان بيت الاب ان استحملوكى يوم مش هايستحملوكى التانى مع ان والله اخواتى واحنا كلنا بحب بعض ما شاء الله حتى اسمع مرة تانيه ان اخوكى بكرة هايجوز ومراته تبقى فى البيت وتحصل مشاكل مع ان اخويا ده خاطب دلوقتى بس بصراحة واحدة بسم الله ماشاء الله كلنا بنحبها لانه اختارها تناسبنا ومكنش انانى فى اختيارة مع انها بسيطه جدا
المهم انا محتارة وخايفة كمان من لقب مطلقة ونظرة الناس ليا واهلى بيقولو معندناش واحدة تتطلق مش عارفة اعمل اية فى حياتى دى ومع العلم الذى لم اذكرة لكم ان زوجى دة ملتحى واحيانا يخطب بالناس فى المساجد واماما فى قريتنا على عكس الواقع انه اذا مرت من امامه واحدة ظلت عيناة معها وعلمت مرة انه تزوج من امراة رابعة عرفيا وقال لاخى انه كانت مصلحة وطلقتها وحاجات كتير غلط فى العيشة دى مش عارفه اقول اية والا ايه والله فوق ما تتخيلو من ظلم لقهر لمذلة لتخلف ويصل الى اننى صدفة رايته بيكلم واحدة فى التليفون خلاف ما يعلمة اخى عنه ويخفية عليا وكان سبب عدم موافقته علية مبدئيا
افيدونى من فضلكم وجزاكم الله خيرا ونظرا للمصارحة بينى وبين اخى بعد ان اقرا تعليقاتكم ساجعلة يقراهاويحكم حتى يستنتج من ارائكم التى اتمنى من الله ارى فيها اجابه عن الحيرة التى كادت ان تدمر حياتى وللجميع شكرى وتحياتى…
انا مع الحل فى كل كلمه قالها ربنا يبارك فيه بجد نعم الراى والله يااختى اوعى تفكرى بالطلاق نهائى ولا تدخلى هده الدوامه وربنا يسعدك وعلى فكره كل الرجاله زى جوزك كده يمكن هو كمان فيه ميزه مش هتلاقيها عند غيره ارضى حببتى بنصيبك واصبرى واحتسبى والله عنده حسن الجزاء
واضح جدا ان اخوكى عاقل قوى وبيتصرف بحكمه ولانه مخه كبير رفض فى البدايه زواجك من هذا الرجل ولما اتجوزتى حاول يحافظ على بيتك وعيالك انا من راييى سيبيه يتصرف واسالى نفسك سؤال واحد انتى بتحبى الرجل ده ولا لا لو بتحبيه عيشى يا اختى وعدى الامور البسيطه دى اهم حاجه فى الدنيا راحه البال حتى لو شقه صغيرة ممكن تخلى شقتك الصغيرة جنه لزوجك ياما ناس عايشه فى قصور وفيلل ومش حاسين بطعم السعاده انتى بس خليكى فى نفسك وولادك ومتبصيش لضرايرك ابدا ومتخليش حياتك نكد انتى كده بتفشى جوزك مش بتعششى ما هو زوجك لو كان مبسوط قوى مع زوجته الاولى ما كان اتجوزك ولولا الخلافت بينكم ما كان اتزوج الثالثه استعملى مخك فى كسب زوجك خليه يحس انك انسانه ثانيه طيبه رقيقه قدرى ان زوجك غير متزوج غيرك انسى انه متزوج صدقينى هتعيشى عيشه مليئه بالسعاده لكن انتى مسيطر عليكى فكرة مين الاحسن انا ولا هما مين معاه اكثر انا ولا هما عمرك كده ما هترتاحى ابدا وبرده الطلاق مش حل لان نتايجه دايما مش فى صالح الست وبعدين لو زوجك شتمك فى لحظه غضب استحملى كل الرجال كده فى لظه غضبهم ولا يفرق بين وزير او غفير كلهم بيشتموا ولو سالتى بباكى هتلقيه شتم مامتك بس الشطاره انك تستحملى وبعد ما يهدا فى لحظه صفا وهو عاوز يتقربلك قوليله بدلع انك زعلانه منه لانه شتمك وقولى اللى فى نفسك لكن بدلع مش بعراك
انتي اكده مش غلطانه بس من راي انك استهنتي بحقك من الاول انا زيك بس اللي يفرق اني زوجي بيقولي روحي عند بيت اهلك وانا برفض قولت علي شان خاطر بناتي يتربه وبعد اكده دلوقتي بضرب نقسي جزم لاني ماعملت ليا كرامه من الاول واخواتي مافيه حد وقف جمبي الا جم ضدي الاهم انك تثبتي وجودك وتخليه يامن مستقبلك ومشتقبل اولادك ولو ماوفقشي علي اكده يبقه ده نصيبك واعدي واشتغلي وانكسري علي اولادك وربيهم تربيه حسنه الراجل اللي طبعه زباله عمره والله مابيتغير ولو بوستي ايديديه ورجليه وسمعة المطلقه ده نصيب ربي ماوفق وانتي لو مافيش نصيب اديكي جالسه مع امك وابوكي يعني الناس شايفه انتي ايه بتعملي ربي يسعدك ويبارك في اولادك وربي يعوض عليكي خير يارب
اذا مش عاوزة ترجعيلو كلامنا سيكون ما عندوش معني ولكن علي سبيل اذا استنصحك فانصح له
زي ما قررت انك تتزوجيه لوحدك حاتقرري انك ما ترجعليهوش لوحدك
انت اخترت وهذا خيارك الذي لك منه ولدين
عندما تزوجت تزوجت رجلا له زوجة
الله قال “ولن تعدلوا بين النساء ولو حرصتم” وهنالك فرق بين العدل و المساواة
بداية الحل في الاجابة علي هذا السؤال انت عايزة عدل ولا مساواة
ربنا قال عدل مافيش وانت بتطلبي المستحيل
ارجعي لكلامك كده وحطي خط تحت كل كلمة عدل قلتيها …. هل من العدل … هل من العدل …وده المنكد عليك.
الحل :
ان تقبلي بالمساواة وتريحي بالك.
الرجال ما تجيش بالحساب والنكد ،(انت منكده عليه بحسابك وارد ان يطلقك ويرتاح من نكدك)
انت عاوزة الطلاق اهو رمي عليك اليمين مرة ورجعك لانو عايزك ولانك مميزة
لا تقارني نفسك باي واحدة منهم فانت لست مثلها ولذلك تزوجك زوجك لانك مميزة في جانب
واقبلي بالمساواة
الشماته حارة ، ما تفرحيش زوجاته بطلاقك ده يوم المني ويوم الهني
واقبلي بالمساواة
تخيلي لحظة الاستغلال والتمثيل التي تمارسها الاخريات عندما يدخل عليها وهو منكد منك
ستتحول في نظره الي ملاك طاهر عذب رقيق
اقبلي بالمساواة
لا ترجعي بالشريط للماضي ، اذا صح الحساب فان عمرك 24 ومازلت في عمر الزهور .
من الممكن ان تكسبي الجولة وتنافسي الاخريات بسهولة وتحصلي علي ما تريدين لانك مميزة
بس تقبلي بالمساواة
يعني ايه المساواة
اذا صحت توقعاتي فانت شاطرة في الرياضيات – و حسبتيها من عندك 18 سنة
المساواة ان تحسبيها صح لتصلي لنفس النتائج أ = ب = ج = د
خلي زوجاته يعيشوا في وهم انهم احسن منك والعالم كله حايقول كده ماهو باين
بس المحصلة النهائية انت الوحيدة اللي حا تعرفيها
وانت الوحيدة القادرة تصنعيها
الرجالة ما بتجيش بالحساب ، يعني ما احسش انك بتقلعي مني ، لانه الراجل في اللحظة دي بتحول الي وحش كاسر لا يرحم
ممكن تاخدي منه قرش ، لكن حايكون مسموم
خليه يديدك برضاه
ولن تبلغي رضاه حتي ترضيه
وساعة الرضا المليون ولا حاجة … وهو حاس انه ظالمك ، ماهو العالم كله شايف
بس ما تستعجليش النتائج
زيدي من تميزك ، وعيشي مع من اخترت لانك تريدين ان تعيشي معه وليس من اجل اولادك
عيشي بالمساواة
هو الان في سن الاربعينات اذا صح الحساب ، سن الرشد والتمييز ، لن تنطلي عليه الاكاذيب .
حدتك في صالحك لانها دليل براءتك من التزييف وعنوان صدقك في الزواج منه وليس الزواج من ثروته ، فلا تجعلي مطالبك بما عند غيرك رغم شرعيتها تظهرها له زوجاته بأنك تزوجته من اجل المال.
اما سبيلك لمعالجة ما مضي وفتح صفحة جديدة فهو الاعتزار بالغيرة …. انك بتغيري من الحولك .. وهذا حقيقة … انت شايفة انك مش ناقصة حاجة علشان تتم معاملتك كده، وهذا هو المخرج الوحيد الذي اراه من المأزق الذي ادخلتي فيه نفسك بالخروج من بيتك والذهاب الي بيت ابوك …لو كنت مكانه لتركتك في بيت ابوك الي الابد مش حتي يعود اخوك من الغربة ..زي ما خرجت لوحدك ترجعي لوحدك ..اذا جاء الرجل لارجاعك “واسأل الله ان يفعل وان يعتذر عن زلة لسانه” استغفري ربك وارجعي معاه .
هل فهمتي معني المساواة
معناها القبول بالتفاوت الظاهر لان الحقيقة غير ذلك
عيشي معه بالعفوية وعدم المبالاة يعني ولا كانه متزوج غيرك وهذا بالمناسبة ما يفتقده في بيتك ، فاخر ما يريد ان يحس به الرجل في بيته ان تحسسه زوجته انه متزوج من اخري ، وحسني من علاقة الاولاد بابيهم بأن تجعليهم يحبوه، اذكريه امامهم باطيب الكلمات ، وبانه معلم ، وانك اخترتيه لانه راجل مثقف ، و مافيش حاجة بتولد الحنية اكثر من التلامس.
خلي بيتك وان كان ظل شجره البيت الذي يحصي الايام للعودة اليه.
لا تؤاخدوني في بعض الكلمات التي كتبتها في لحظات انفعالي مع الموضوع – لا انت ولا اخوك ولا السادة القراء … واللي عايز يعيش بالعدل يعيش ، بس انا مبحبش خراب البيوت – خدي البينفع معاك من كلامي ….واعتبريني جاهل …. عارف كلامي ده ما بينفعش مع كتيرين وبدل ما يحطولك حل حا يفضلوا ينهشوا ، وانا مش حا رد ولا حا اوضح .
وفقك الله