أنا مصري عمري 28 عام لدي دخل جيد والحمد لله .. ارتبطت ببنت وحبينا بعض جدا وفي الحقيقة هي شخصية مش هتتكرر..بعتت لباباها معاها إن أنا عايز أتقدم لها .. فطلب مني أأجل الموضوع لغاية الاجازة الكبيرة.. المهم روحت وقابلته.. وفي الحقيقة عاملني بجفاف جدا مع اني كنت حريص ارضيه.. وطلب بياناتي عشان يسأل عني .. وفعلا خدها لكن بعد كده قعد اتكلم مع بنته وقالها أنه مش مرتاح للموضوع عشان أنا غريب عنهم وحتي مش جاي من طرف أي حد هما يعرفوه.. مع انه ما قالش فيا ولا عيب ولا حتي لحق يسأل عني .. مع أني أكدتلو ان أنا مستعد لأي طلبات أو شروط.. بصراحه أنا منتظر منه الرفض لان ناس كتير من قرايبهم كانوا طلبوها وهو رفض ومش هيكون سهل يديها لحد غريب.. بس حتي لو رفض انا مش هقدر انهي ارتباطي بيها لإني متعلق بيها لدرجة مش طبيعية وهي كمان نفس الوضع .. إحنا عندنا القانون المصري بيدي البنت حق انها تجوز نفسها اذا كان العريس كفء وانا افضل منها مؤهل ووضع مادي واجتماعي والحمد لله دخلي جيد..
ايه رأيكم … لو انا اتجوزتها شرعي مش زواج عرفي وحطيت باباها قدام الامر الواقع .. ممكن تكون ايه النتيجة؟
خصوصا اني مش ممكن هقدر اسيبها.. وعايز اي حل للموضوع…ولو مفيش مش الجواز احسن من الوضع ده؟
حاول اقناع اهلك.اذا كانت حبيبتك اهل للسقة فحكم عقلق قبل فوات الاوان
حااااااااااااااول مرة واتنين ومليون لكن بلاش تيأس كده وليه تعمل كده صدقني بعد ماحياتكم تتم هي هتقولك انت السبب في ان اهلي يغضبوا عليا
لا تيأس من رحمة الله وخلي دايما نيتك صافية وممكن تكلم عمها اخو ابوها يكلمه
حاول توصل لقرايبها حاول حاول
هو لو ولده رفض حاول معاها اكتر من مرة بس حرام انك تجوزة وتحرم والده من فرحت جواز بنت وكمان حتبقا ظلمت نفسك وظلمته هى كمان عشان انتو مش حتحسوا بايه فرحة فرح وكمان متنساش انها ممكن تخسر اهله الى الابد وسورى مفيش حد يقدر يعوض الاهل حاول معاها اكتر من مرة وربنا معاك ويااااااااااااااارب يسعدكم ويوافق
انا بقول انتظر رد الب وحاول مرتين وثلاث وخلي البنت كمان اتحاول مع ابوها انا عارفة انك ابن حلال ونيتك طيبة عشان جيت من الباب وعاوز تتجوزها بس متنساش دي حتبقى ام اولادك مش معقول تشوه سمعتكو انتو الاثنين وتعملو حاجة من ورا ابوها انتو حاولو اكثر من مرة واذا اضطريتو اتجوزها واكتب عليها بس بدون دخلة وروحو لاهلها وحطوهم قدام الامر الواقع ارجو ان تخاف عليهاا وعلى سمعتها ولا تيأس ومتخليهاش تروح من ايدك اذا بتحبو بعض بس نصيحتي حاولو انتو الاثنين لان لوحدك مش حينفع واتحمل اذا لاسمح الله اهانك او طردك ماااااشي وربنا يوفقكو ويجمعكو بالحلاااا ل……….قول امين
السلام عليكم..
لازم تحاول مع والدها ولو رفضك بشكل رسمي تسأله اسباب الرفض ايه وتحاول معاه مرة واتنين
بس بلاش فكرة تجوزك نفسها لأنه مينفعش , قال صلى الله عليه وسلم ( لا نكاح الا بولي وشاهدي عدل) يعنى هيكون زواج باطل والعياذ بالله لو اتزوجتو من غير موافقه والدها اللي هو وليهاواخيرا عليك بالدعاء وربنا يوفقك لما يحبه ويرضاه.
لا متعملش كده لا تبدء حياتك بمشاكل مع اهلها ولكن ارسل لابوها شخص من رجال الدين بالحى يكون يعرف ابوها مثلا او احد من زملاءه المقربين ليه يعرف وجه نظره فى الرفض ويحاول يقنعه ده طريق وثانيا بضغط البت على اهلها شويه وحركات البنات اللى انت متعرفهاش واصرارها على انها ترتبط بيك هايوافق الاب ولكن بعد استعمال الخطوة الاولى
وعسى ان تكرهوا شيءوهو خير لكم وعسى ان تحبواشىء وهو كرهالكم
حســـــام
حاول مع باباها مرة واتنين وتلاته والمره الرابعه خد قرار الجواز بس من غير دخله وتكتبو و بعدها تحوتوه امام الامر الواقع هو ده الحل الوحيد للاسف الاباهات احيانا بيبقو متعصبييين
اخي انتظر رد الاب وعسي يكون خيرا متتسرعش والخطوه اللي انت بتفكر فيها مش سهله وممكن تندموا عليها بعد كدا وكمان انا اعرف ان البنت في جوازها اول مره لازم موافقه الوالي هي عندها كام سنه؟
انا من رأي لو بتحبها بجد بلاش تخليها تخسر اهلها فكر في طريقه تانيه وربنا يوفقكوا ويسهل لكوا امركوا