مشاكل عائلية

هل تخليت عن اختي بهذا الموقف

انا عضوه معاكوا هنا من زمان
دايما برد على المحتاره ومش ببخل على حد فيكوا فانى افيدوا
اتمنى انكوا تقفوا جنبى وتردوا عليا بامانه
اولا انا والدتى اتوفت من سنه الله رحمها ويغفر لها
والدى اتجوز بعد وفاتها ب8 شهور
وزوجته حامل دلوقت
انا متزوجه من سنه و6 شهور
وعندى اخت اصغر منى بسنتين واخت واخ تانيين فى ابتدائى
انا مش عايزه اطول عليكوا
بس دى مقدمه بسيطه عشان الصوره توصلكوا
اختى عامله مشاكل كتير من وقت وفاة امى الله يرحمها
وحاليا مشاكل كتير مع مرات والدى وبسبب المشاكل دى جالى الضغط ومش عارفه اخلف لدلوقت بسبب نفسيتى واخيرا صداع عصبى واخر حاجه طلع عندى السكر الحمدلله
مع العلم انى مش كبيره 25 سنه
هى اتخطبت كتير اوى قبل كدا ومن قبل وفاه امى
بس مش بيحصل نصيب
جوزى جابلها عريس من فتره وبرضه محصلش نصيب
دلوقتى لاقيتها متصله بيه بتقولى انا عرفت واحد كويس جدا من النت من محافظه تانيه
واتصلت بعمتى تحكيلها لان عمتى دى بتتدخل فى كل مشاكلها مع والدى بس مش بتحل هى بتكون موجوده فى الصوره وخلاص عشان بابا ميزعلش ولانها بتشتغل وليها علاقات تحاول تدخله البيت عن طريقها
اتصلت قالتلها ان فيه عريس من النت بس من محافظه تانيه وحالته الاجتماعيه كويسه وكذا وكذا
وعرفاه مت فتره وهو عايز يجى يخطبها قبل مابابا يسافر لانه مسافر فتره شهرين وراجع فى شغل
وهى مش عارفه تقول لبابا هى عرفاه منين
مع العلم انها ش بتخرج ابدا ولا ليها اختلاط باى حد ابدا ولا حتى اصحاب
تخيلوا عمتى عشان تخرج نفسها من الموضوع ده على اساس انها مكان امى بس فعلا مفيش حد مكان الام ابدا
قالتلها قولى لاختك تقول لجوزها يقول انه تبعه وهى اتصلت تقولى
طبعا انا اتفجاة بالموضوع من اوله لاخره
بس قولتلها مستحيل جوزى يوافق على حاجه زى دى
ازاى ياجماعه اروح اقول لجوزى اختى عرفت واحد على النت
ازاى اقوله روح اقعد مع واحد نتعرفوش واتفق معاه انك تعرفه
ازاى ازاى
انا من ساعتها وانا صدعت
مش عارفه اقولها اى
بتقولى عمتى هتتصل بليل تقنعك
مش عارفه اقول اى ليها
انا ببعد عن المشاكل عشان صحتى تعبانه وهما برضه بيجبولى المشاكل لغاية عندى
هو العريس كويس وكل حاجه ماشى بس ازاى اقول انه تبع جوزى وهو من محافظه تانيه
طب لى عمتى ماقلتش انه تبع واحده معاها فى الشغل مثلا
تفتكروا ممكن جوزى يوافق على حاجه زى دى
ولو وافق ده يبقى صح
ياترى انا لو موقفتش جنب اختى يبقى بتخلى عنها
لانها هتزعل منى
هما نفسهم يجوزوها عشان مشاكلها ربنا يهديها
بس هى طيبه اوى والله
الله يرحمك يامى والله من غيرك هنضيع ولا عمه زك ولا خاله ابدا ياحبيبتى
وكمان خلاتى مقطعنا عشان وفقنا على جواز والدى
ارجوكوا قولولى اعمل اى
وانا المفروض اوافق ولا لا
انتوا ممكن تعتبرونى اختكوا او بنتكوا الله يكرمكوا يارب

مشاكل وحلول ذات صلة

اضيف بتاريخ: Sunday, June 6th, 2021 في 22:06

كلمات مشاكل وحلول: , , , , ,

اترك رداً أو حلاً لهذه المشكلة