انا فتاه عندى 25 سنه وطيبه جدا، عايزه اعتمد على نفسى لكن انا بخاف من كل حاجه فى الدنيا، حتى ساعات بخاف انام عشان محلمش بكابوس، وخايفه اكون وحيده. انا مش عارفه اتخلص من الخوف وساعات بكون متسرعه فى تصرفاتى وقرارتى وللأسف بعد كده بعرف انى اسأت التصرف ،انا الان مش عايزه اتكلم مع حد. انا فكرت كتير فالموت، لكن خايفه افعل ذلك وايضا لايوجد شئ يشغلنى ولا يوجد هدف هى حياتى، ذلك خايفة افقد عقلى وانتحر انا بامن بالقدر ولكن لا أؤمن بالصدفه … ماذا افعل؟
هموم البنات
خايفة افقد عقلي وانتحر
اضيف بتاريخ: Monday, December 6th, 2010 في 21:14
كلمات مشاكل وحلول: بنت, كابوس, هموم البنات
لالالالالالالالالا يا حببتى اوعى تفكرى فى يوم فى الانتحار انتى كده حتكونى خسرتى دنيتك والاهم انك خسرتى اخرتك
يا حببتى كل انسان مبيخدش اكتر من نصيبه ليه دايما بتفكرى انك حتبقى وحيد ليه مش بتقولى ان اهلك جامبك وبعد كده زوجك واولادك الحياة مش بتقف لازم بيكون جامبك ناس بتحبك اوعى تفكرى عشان انتى طيبة اوى ان ده شى وحش لا يا حببتى بالعكس الطيبة دى احلى حاجة فى الدنيا بدل على برئتك انتى من البنت الجميل اللى نادرة دلوقتى فى الزمن ده خليك يا حببتى متفائله مهم حصل وخليكى فكرة ان ربنا معاكى دايما وقربى من ربنا اكتر ويارب يحميكى ويوفقك فى حياتك وميجيش عليكى ابداااااااااااااااا انك تبقى وحيدة
مشكلتك ان مافيش حد فى حياتك يملا فراغك حاولى تقربى من حد تحبيه مثلا قربى من ربنا ماتحوطيش الحاجات دى فى دماغك فى حاجتين يقدروا يخرجوكى من مشكلتك الحل الاول هو ربنا الحل التانى الحب ربنا يوفقك
هذا مرض نفسى اعرضى نفسك على طبيب نفسى حالاً وقبل فوات الاوان
لا
انت ما بتخافيش من كل حاجة في الدنيا
الدليل انك كتبتي هنا …. لو كنتي بتخافي من كل حاجة ما كنتيش كتبتي هنا
مشكتك ان خيالك خصب جدا
ويصنع لك اوهام حول كل شئ
وانت تصدقي هذه الاوهام
حل مشكلتك يبدا بالتعرف علي حقيقة الاشياء وتمييزها من الوهم المنسوج حولها
الاستشارة النفسية قد تنفعك
وذكر الله يطمئن القلوب
بلاش تشاؤم ، انظري للاشياء التي تحسني عملها
لو كان عندي مثل خيالك لكتبت اروع القصص
وفقك الله
شكواكى اختى الغاليه تفيد على اتزان عقلك وسعه فى الافق انتى من النوع العملى الى مبيميلش للخمول انتى فعلا تقدرى تعملى حاجات كتير لاكن معندكيش ثقه بنفسك بتخافى دايما من الفشل والخوف من الفشل هو قمه الفشل نفسو لاكنهقولك على بعض الاعمال الى ممكن تستثمريها ونبدا بالسهل ونروح لكتاب الله حاولى تشغلى وقتك بحفظ القران الكريم يعنى تقومى دلوقتى وتمسكى بالمصحف وتقررى لنفسك خمس اسطر تحفظيهم باليوم صدقينى بالحل الاول ده هتحسى بسعاده ملهاش وصف _ الحل الثانى تقدرى تقترضى من اى حد بعض من المال على سبيل الدين وتحضرى بعض من مواد التجميل وتعرضيها على الاقارب والاصدقاء اكيد هتلاقى رواج وارباح تقدرى تعتمدى بيها على نفسك وغالبا الحاجات الحريمى بيكون لها رواج سريع فى المبيعات _ الحل الثالث عمل مفارش تريكو اى بنت بتقدر تقوم بيها وبتكون بنفس البيت هيه بس محتاجه بعض من الاموال لاكن سهل اقتراض الاموال دى من اى شخص مقرب انا لو اعرف انتى منين لاقترضتك عادى لاكن كمان فيه نقطه مهمه جدا مقلتيهاش انتى متعلمه ولا لا وحاصله على ايه لو كنتى قلتى كان التعليق هيكون اوضح بكتير وشكرا
السلام عليكم ورحمه الله وبركاته …
انتى بحاجه الى الشعور بالامان والاحتواء من الاهل وبحاجه الى شعور باهميتك وسط اهلك واصحابك وتبعدى عنك الوساوس دى لانها من الشيطان وتعلقى بالله تعالى واشغلى وقتك بالقران والذكر والصلاه ( الا بذكر الله تطمئن القلوب ) ان اردتى الاطمئنان عليكى بذكر الله وحاولى تفكرى بدل من الخوف انك تعيشى حياتك طبيعى وتعلمى ان الانتحار كفر وانتى لا ترضين لنفسك بالكفر وان لزم الامر عليكى باستشارة طبيب نفسى يساعدك بالادويه ولا حرج عليكى ان تذهبى واكيد العلاج نتيجته فعاله اطمئنى واجعلى لنفسك هدف وانشغلى به