أنا شخصية تبدو نوعا ما قوية وأقول تبدو. فأنا بشهادة الجميع فتاة ذات شخصية رقيقة و مهذبة وحساسة وكذلك قوية ولا أتنازل عن مبادئي. والحمد لله ساعني هذا الأمر على أن أمر مرحلة المراهقة بسهولة نوعا ما. مشكلتي الان أني على ما يبدو بدأت مرحلة مراهقة متأخرة و طبعا في بيتنا كأي بيت شرقي هناك مشاعر وأحاسيس من العيب أن تبوح بها لأحد ولا حتى نفسك! فأنا فتاة تبلغ من العمر 18 عاما. وليس لي إخوات بنات لكي أحكي ما يدور بداخلي. بدأت يا سيدي أولا بمشاكل الحب من طرف واحد ولناس لا أعرف سوى أسمائهم. أي على ما يبدو لا يوجد مبرر للحب أساسا ولكن مع الأسف لا أستطيع التخلص منه وإذا تخلصت منه يعني حب اخر جديد من طرف واحد أيضا بل ووصل الأمر إلى الممثلين في التليفيزيون. كيف هذا وأنا التي لم تعهد على نفسها سوى الأستقامة وحسن الخلق؟ المشكلة الأكبر أني أبدو أمام الجميع شخصية عملية جدا ولا أعترف بمشاعر الحب أساسا. مع العلم بأني لم أعرف شابا في حياتي من قبل ولن أعرف سوى الشخص الذي يستحقني ويحترمني ويحترم أهلي فأنا لا أحب أن أفعل شيئا يسيء إليهم ولو مجرد التفكير.
كذلك أنا شخصية بريئة جدا ولا أفهم أشياء كثيرة لابد من فهمها وإن فهمت شيء أفهمه خطأ وقد كنت مثار سخرية من بعض زملائي بالمدرسة و كذلك فأنا أشعر بالحياء الشديد على أن أتجرأ واسأل. وحدث أن سألت مرة أمي فإذ بي افاجأ أنها تظنني أفهم كل شئ وأني أدعي عدم الفهم. المشكلة الان أني بدأت أشعر بخطورة عدم الفهم.
فهل أنا شخصية معقدة وماذا أفعل؟ أرجوكم ساعدوني…… وآسفة على الإطالة.
هموم البنات
أشعر بالارتباك الشديد بسبب شخصيتي
اضيف بتاريخ: Tuesday, February 15th, 2011 في 03:59
كلمات مشاكل وحلول: البنات, المراهقة, فتاة, مرحلة المراهقة, هموم البنات
على فكرة انا زيك كتير تغلبت على مشكلتى بانى التزم اكتر بمبادئ ومحاولتش اعرف ولما حد بيتكلم على الحاجات دى مبركزش معاه ولا اناقشوا لانى خلاص مش عايزة اعرف اهتميت بدراستى لحد مخلصت وانا بشتغل دلوقتى لاول سنة مدرسه وبهتم بشغلى كتير وبناقش رؤسائى فى واجباتى وحقوقى ومشكلتى الحالية شخصيتى قوية وبيقولوا عليه عنيدة لانى مش بقبل اى حاجه كده وخلاص ولازم اقول راى خاص بيه بس اعمل ايه عقلية الرجل الشرقى ان الست مينفعش تقول راى ويمشى ومينفعش تناقش الراجل بس انا مش هقبل ده وهتفضل شخصيتى قوية انا اسفة ليكى طولت عليكى بس افهمى مضمون رسالتى هتعرفى انا عايزة اقولك ايه
السلام عليكم…انا فتاه مثلك بس اكبر بسنتين.الكلام اللي قولتيه مريت بيه واكتر.كنت لما اشوف شاب جامد(طويل ومسمسم حبتين)اتهبل عليه واعد افكر فيه وازاي هنتقابل تاني وتكررت الحكايه يعني طبيعي جدا ولما افتكر المواقف ديه دلوقتي بضحك بس المهم انك تكوني عارفه ان المشاعر ديه ليست حقيقيه عشان متربطيش نفسك بحد معين وتفتكري ان هو ده حب حياتك وتتوهمي زي منا بنيت قصور علي الرمل.بالنسبه للناس وارائهم فيكي ده نتيجه عدم شعورك بالامان والثقه بالنفس.في سني ده تقريبا كله بقي عارف اني مش عايزه اتجوز لتكراري الجمله امامهم وده مش لاني رفضه الحب بل بالعكس بس مستنيه حد يحسسني بالحب اللي قرات عنه في الروايات الرومانسيه لذلك لجات الي الله بالدعاء ان يرزقني بالرجل الذي يشعرني بالحب واردده كثيرافالجي الي الله مثلي.وبالنسبه لسخريه زميلاتك سيبك منها لان ساعات كلام البنات بيبقي غلط. خليكي علي طبيعتك ولما يرزقك الله بالشاب الصالح مشاعرك هي اللي هتحركك طالما ان الاساس موجود(الحب بينكم)بس اهم حاجه تحافظى علي نفسك حتي تجدي من يقدر روحك الجميله ديه والحاجات اللي مش فهماها ديه لها وقتها ولو محدش فهمك هتحسيها بالفطره انتي ناسيه ستني حواء بس حاولي توسعي مجال تفكيرك الضيق شويه(سامحيني)عشان انا اعرف امهات تشعر بالخجل الشديد في التحدث عن المواضيع ديه بس حاولي تصاحبيها وكلميها عن زمايلك وكلامهم بهزار وضحك هتلائيها بدات تقتح معاكي مواضيع لغايه الكلام ده هيبقي عادي بينكم وخليكي دايما صادقه مع نفسك هترتاحي كتير ومتخليش التفكير ده ياثر علي دراستك وربنا يميكي
انتى بجد انسانة رقيقة جميلة وربنا يرزقك من يستحقك ويخاف الله ويسعدك ولكى اختى العزيزة الحياء جميل للبنت وانا بحب البنت المحترمة ذات الحياء بس انا بقلك الحياء شى ء وانك تحجبى نفسك وتخاف من الناس شىء تانى خليكى واثقة من نفسك وخلى سعاتك جواكى ملك وحدك مش حد ينتقد تزعلى او حد يمتدحك تفرحى والا بكدة تكونى ملكتى غيرك السيطرة عليكى المهم اللى انتى عارفةانة صح اعملية واعرفى اختى الفاضلة الطيبون للطيبات وداما راعى ربنا كاءنكى ترية وربنا هتشوفى هيكرمك وههعوضك كل خير
السلام عليكم ورحمه الله وبركاته,انت ليه عايزة تخبى نفسك من العالم,كلامك عن الحب الاول والاعجاب بالممثلين اكبر دليل على انك معترفة بالحب فليه بقى بتقول العكس لاصحابك ,هل علشان مش عايزة ولا مش لاقيه واحدة تثقى فيها وتتكلمى معاها على طبيعتك ولا خايفة الناس تشوف شخصيتك الحقيقية؟؟؟
ركزى كويس فى سؤالى وسببه وهتجدى ان الجواب حاجة بسيطة,خلى الناس تعرفك على طبيعتك ومتحاوليش انك تخليهم يشوفوكى زى ماانتى عايزة,وبكد هيتفاعلوا معاكى اكتر وهتثقى بنفسك اكتر ومش هتحسى بالحياء معاهم وهتسألى وتتعلمى وتتفتح ادامك ابواب العلم مدام معاك ناس واثقين فيكى وبتحبيهم ويحبوكى (وكذلك الامر مع عائلتك)وشوية شوية هتلاقى فكرة انا معقدة ازيلت من عقلك.
على فكرة انا برضه كنت كده(انا ولد بس الاسم مش مبين)وكتير كنت باحس انى اهبل ومش باقدر اقتح حوار او اكلم حد او اوجهه فى اى قضية علمية او علمانية وباقول على نفسى انا معقد انا معقد بس اوقات كده باهدا مع نفسى واقول وفيها ايه لو اعيش الحياة بجراءة اكبر واكلم ده واناقش واحاور واتعرف على ناس جديدة واحكليلهم على نفسى (بس بحدود)واخليهم يعرفونى على طبيعتك .(مع انى لسه باحاول اتجنب بعض المشاكل ولكن كله بيهون لما الانسان يفكر مع نفسه ويحكم الامور بالعقل والدين والمنطق)
الحمدلله على كل شئ ..لا تنسى مشكلتك انك بتحاولى ادعاء عكس ما انت عليه
واى خدمة يا سيدتى واتمنى ان اكون افدنك(على الله الاقى حد يفدنى انا بقه)!!!
انتى عادية خالص كل الناس بيجى عليها فترة تكون معجبة باى حد ولما يكون عنديك اكتلر من عشرين هتفتكرى كل دة وتضحكى علية دة عادى خالص وانيك مش بتفهمى حاجات دة احسن عايزة تفهمى لية يعنى كل حاجة بتيجى فوقتها متحوليش اصلا تعرفى بكرة هتلاقى كل حاجة بتتفسر قداميك لوحدها علفكرة انا كنت زيك بالظبط ومع اول خطوبة بدات اعرف واسمع واحس وكل حاجة ودلوقتى بعرف كل حاجة ويارتنى معرفت البراءة مقيش احسن منها
أنا طالبة جامعية ولهذا لا يوجد معلمة ممكنن أثق فيها
انتى الان فى مرحله تعليميه واظن ان هناك مدرسات بالمدرسه حاولى ان تصاحبى احد من المدرسات وتاتمنيها على سرك فهى اكثر منك خبره وتستطيع ان تفيدك وحاولى التجاوب مع اصدقائك حتى لو كانت ثرثرة حديث وعديمه الفائدة فيمكن منها ان تجعلك اكثر ثقه بنفسك لاعتقادك انك تعرفين كل شىء فالحقيقه ان كل البشر يتعلمون ويعرفون يوما بعد يوم حتى مماتهم ومن الواضح انك بنت مهذبه جداوسوف تجدين من يقدرك ويحترمك ويحبك ايضا