انا بنت عندي20 سنة عارفه ان مشاكلي كلها تافهه بس بارضو عايزه اعرف رايكو اول مشاكلي ويمكن هي اكبر مشكله عندي وهي بارضو سبب كل المشاكل التانيه اني عندي تكيس في المبايض وصوتي بقي خشن قوي بسببه مع اني اصلا صوتي كان جميل جدا وكان دايما اساتذتي يخلونى اقول وفي الاذاعة وكنت بطلع مسبقات شعر وكان كل المدرسين بيحبوني بس بعد كده بدا صوتي يخشن وانا كنت بطنش لغاية مابقي وحش قوي وعرفت ان عندي تكيس وقعت وما زلت باخد في علاجات اشكال والوان ومفيش فايده وبعد كده بقيت انطوائيه جدا مش بحب اتكلم مع حد حتي اخواتي بكلمهم بالعافيه ماليش اصحاب خالص وكمان بقيت غبيه جدا ومش بعرف اتعامل مع الناس ومش بطلع دايما قاعده في البيت بتفرج علي اي تفاهه في التليفزيون اضيع بيها الوقت وخلاص والناس كلها كرهتني بسبب غبائي دا لا وكمان ماليش نفس اعمل اي حاجه مفيدة مع اني اصلا طموحة وكان نفسي لما اكبر اعمل حجات كتير بس كلها اطحتمت من ساعة ماجاني المرض دا وصوتى بقي خشن ومزعج وتركيزي بقي قليل والكسل اللي بقي اعز صديق ليا انا فعلا تعبانة نفسيا ونفسي انجح ويبقي ليا اصحاب وصوتى يبقي جميل مش مزعج بس مش عارفه اعمل ايه وكمان ماما بقت تكرهني جدا ودا لاني مش زي باقي البنات اللي بتساعد امها انا والله نفسي اعملها كل حاجه نفسها فيها بس انا والله اي مجهود بيتعبني بعملها حاجات صغيره ومش عارفه ليه مبقتش اعرف اتعامل معاها ومش بحب اكلمها وبخاف منها ومبحبهاش تبصلي خالص مش عارفه ايه اللي حاصلي وبابا كمان بصراحه هو انسان كريم ومش بيحرمنا من حاجه بس عيبه انو بيحمل علي الكمبيوتر افلام اباحيه كتير ولما احذفها بيتدايق ويكون عايز يتخانق معايا وخلاص وكمان اخواتي مبيصلوش ولا بيقرو قران ولا اي حاجه من الكلام دا زي بابا كده بس بابا بيصلي الحمد لله دايما بحس ان بيتنا مليان عفاريت من كتر الذنوب اللي بنعملها معلش طولت عليكم بس انا نفسي تقولولي اعمل ايه وطبعا قبل اي كلام احب اقول الحمد لله علي كل حال بس انا حبيت افضفض وربنا يسامحني ارجوكم نزلوي مشكلتي
شوفي يابنتي العزيزة علاج تكيس المبايض مش صعبة جدا مثلما انت فاكره باتباع تعليمات الطبيب والعلاج ان شاءالله تتعافي منه وتننتهي المشكلة وعايزك تعرفي ان تكيس المبايض يصيب الكثير من البنات والنساء بمختلف الاعمار وله اسباب منها 1- اضطرابات هرمونية 2- السمنة الزائدة 3- الاضطرابات النفسية كالقلق والتوتر والاكتاب والعصبية والغضب والارهاق 4- قلة الحركة والكسل والخمول 5- لخبطة في الدورة الشهرية وعدم انتظامها وبالمتابعة مع الطبيبة وتناول العلاج في مواعيده سوف تخلص منها وتستردي عافيتك باذن الله تعالى اما مشكلة خشونة الصوت التي تعاني منها فعليك بشرب شاي الاعشاب الزنجبيل مع العسل يوميا كوب من زنجبيل محلى بالعسل وايضا تناول فنجان من الزبدة مع العسل نتناول كوب من الزعتر مع قليل من سكر النبات لمدة شهر – وتناول ملعقة كبيرة من العسل يوميا ثم تناول كوب من اليانسون السخن وضع ربع ملعقة كبيرةمن الملح في كوب من الماء الفاتر والمضمضة به -الغرغرة بمغلي ورق الزيتون الاخضرفي لتر من الماء قبل الذهاب للنوم وسوف تري ان صوتك رجعت له نعومته احسن من الاول ومسالة التصرفات اللي تصير من اهلك فلا ينبغي السكوت عنها او تجاهلها مثلا ابوك ومشاهدته للافلام الاباحية تكلم معه بكل هدوء وقولي له يابابا الحاجات دي حرام وانت ابونا وقدوتنا والمثل الاعلى لنا وعاوزين ربنا يكون راضيا عنا ويبارك لنا ارجوك تتركها وتقلع عنها وان شاء الله ابوك يتاثر بكلامك ويعرف غلطته ويقلع عنها للابد واما اخواتك فطلبي منهم يصلوا ويلتزموا بالحفاظ على صلاتهم سوا في المسجد او في البيت ويحرصون على اداءها في وقاتها ويلتزموا بقراءة القران عشان ربنا يؤفقهم ويبارك فيهم والله يصلح لكم الاحوال ويسترعليكم ويؤفقكم جميعا
انا عاوز افهم يا اختي فين انتو عايشين كيف والدك يحمل افلام اباحيه وكمان ما يخبيها عن بنته ولما تحذفيها يزعل . كيف ده يعني ما جا في تفكيره انو ممكن حد من اللي في البيت يشاهدها … حاولي تتقربي من ربنا كتير وتدعوه ليشفيكي وتدعوة ان يهدي والدك واخواتك لان كثر الذنوب بتجلب الشياطين في البيت وبالتالي يأتي معها الكسل والخمول ومسألة الاصدقاء حلها اذا احب الله عبد احبوة الخلق جميعا يعني حلك هو التقرب من الله بصدق وتستغفري كثير وبعدها حياتك سوف تتغير باذن الله للافضل ونسال الله لكي الشفاء والهدايه لكم جميعا