اكره حياتي وعائلتي

فتاه اكره حياتي وعائلتي نجحت في التوجيهي الحمدلله وطلعت الجامعه بصراحه من لما كنت توجيهي ما كنت حاطه ببالي هدف النجاح كنت حاطه ببالي اني اخلص من عيلتي بلكي بتزوج بسرعه وبخلص منهم بس للاسف ما في فايده . . احنا عيله وضعها المادي صعب جدا حتى دراسة الجامعه تبهدلت لحتى خلصت فصل بس . . وكمان بكره ابوي وكل يوم بتهاوش معه وبصير مشاكل واحنا عايشين بغرفتين بس والوضع صعب واخواني 4 شباب ومش ماخذ راحتي بالبيت من مره حتى اجلس اشوف حالي قدام المرايه صعب اوقات بكون ارقص وبدخلو اخواني فجاه وبخجل عنجد والبيت ضيق كثير عنجد والشغل فيه ما بيخلص . . . بصير مشاكل كثير بيني وبين اخواني وابوي والوضع صعب عنجد يعني عيشه من العدم . . عيشه بتقرف . وهالعيشه بتخليني افكر اعمل علاقات مع شباب . . بصراحه مشاعري مخربطه واحيانا بفكر احكي مع شباب واجرب هالتجربه . . صدقوني لو كانت حياتي حلوه ما بفكر التفكير السيء هاد بس عنجد انا بكره اصحا من النوم الصبح حتى لانه شغل ومشاكل واليوم بمر علي كانه سنه . . تعبت . زهقت .. مليت مع العلم اني بصلي وبقرا قران وقريبه من ربي …بس وضعي بالبيت عنجد رح يسببلي الجلطه . . ساعدوني لو عندكم حل . .

مشاكل وحلول ذات صلة

• غربه و دراسه و زواج و حمل
• دوامه مابين اهلي ومن احب
• ماما عايزة تفرئني عن الحب الاول
• أريد الزواج بحبيبتي و لكني عاطل عن العمل
• حبيبي مهموم بسبب دراستي
• اتصرف ازاي مع خطيبتي قبل الزواج
• بحبها وجيت افاتحها فى موضوع الزواج رفضت