هموم البنات

اكره حياتي وعائلتي

فتاه اكره حياتي وعائلتي نجحت في التوجيهي الحمدلله وطلعت الجامعه بصراحه من لما كنت توجيهي ما كنت حاطه ببالي هدف النجاح كنت حاطه ببالي اني اخلص من عيلتي بلكي بتزوج بسرعه وبخلص منهم بس للاسف ما في فايده . . احنا عيله وضعها المادي صعب جدا حتى دراسة الجامعه تبهدلت لحتى خلصت فصل بس . . وكمان بكره ابوي وكل يوم بتهاوش معه وبصير مشاكل واحنا عايشين بغرفتين بس والوضع صعب واخواني 4 شباب ومش ماخذ راحتي بالبيت من مره حتى اجلس اشوف حالي قدام المرايه صعب اوقات بكون ارقص وبدخلو اخواني فجاه وبخجل عنجد والبيت ضيق كثير عنجد والشغل فيه ما بيخلص . . . بصير مشاكل كثير بيني وبين اخواني وابوي والوضع صعب عنجد يعني عيشه من العدم . . عيشه بتقرف . وهالعيشه بتخليني افكر اعمل علاقات مع شباب . . بصراحه مشاعري مخربطه واحيانا بفكر احكي مع شباب واجرب هالتجربه . . صدقوني لو كانت حياتي حلوه ما بفكر التفكير السيء هاد بس عنجد انا بكره اصحا من النوم الصبح حتى لانه شغل ومشاكل واليوم بمر علي كانه سنه . . تعبت . زهقت .. مليت مع العلم اني بصلي وبقرا قران وقريبه من ربي …بس وضعي بالبيت عنجد رح يسببلي الجلطه . . ساعدوني لو عندكم حل . .

مشاكل وحلول ذات صلة

اضيف بتاريخ: Sunday, January 21st, 2018 في 03:05

كلمات مشاكل وحلول: , , , ,

ردود to “اكره حياتي وعائلتي”

  1. ابوالبتول
    21/01/2018 at 14:04

    لازم تهتم بدراستك ومستقبلك ارجع وكمل دراسة في الجامعة وربنا يؤفقك ويكرمك ان شاء الله ومسالة وضعكم الاجتماعي والظروف الصعبة التي تعيشيها مع اهلك لاتخليه تؤثر عليك او تخليك تفكري في الهروب من اهلك والوقوع في المحرمات والمعاصي احذري يابنت الناس من الشباب والتعارف عليهم او الكلام معهم فدي بداية طريق الانحراف والضياع ربنا يسترعليك ويحميك من كل شر ويبارك لك في اهلك ويرسع عليكم من واسع فضله ورحمته ويفرجها عنكم ويكرمكم بكل الخير اصبري واحتسبي مااصابك عند الله عزوجل وربنا بيعوض صبرك خيرا وبيفرجها عنك وبيرزقك من حيث لاتحتسب اكثري من الدعاءلله عزوجل والمحافظة على صلاتك وقراءتك للقران والصوم وكثرة الاستغفار وتلاقي الفرج اتي بعون الله وتوفيقه

اترك رداً أو حلاً لهذه المشكلة