اانا مامتي اتوفت ف حادثة وانا كنت معاها ومع اهلي من 8 سنين و بعدها بابا اتجوز ومراته مش كويسة ودايما خنقاني ف عيشتي و مقومة بابا عليا ومخلياه ميثقش فيا خااالص وابتدا انو يضربني ضرب وحش ومكنش بيعمل كدة خالص قبل ماما متموت و لما دخلت ثانوي اتعرفت ع ولد محترم جدااا انا مش من النوع اللي بيرتبط و كدة بس انا حبيته وارتبطت بيه والمشاكل زادت دلوقتي بيني وبين اللي ف البيت حتي اللي كنت بلجألهم عمتي و جدتي والعالم دول بقو مش كويسين معايا وبقيت وحيدة انا وحبيبي بس المشكلة انو قدي ف تالتة ثانوي انا قربت يبقا عندي 19 سنة ومش عايزة اقعود ف بيت اهلي احنا عايزين نتجوز انا وهوا بس المشكلة انتو عارفين ان لسة صغيرين شوية حتي قال لمامته ومامته اتعرفت عليها وبكلمها وزي مامتي بالظبط دلوقتي بقا مليش حد ولا اهل ولا اي حاجة ومش مخليني عارفة اركز ف مزكرتي ولاني مليش حد غير حبيبي ف بنروح الدروس سوا بدات ان ناس كتير تشوفني انا وهوا وبقيت خايفة يقولو لاهلي انا مش عارفة اخلص من السنة بسببهم وف نفس الوقت مش عايزة اقعود معاهم وعايزة نلاقي حل و بابا يوافق عليه انا عارفة اننا ثغيرين بس انا معنديش استعداد اني اقعود مع اهلي دول تاني يا رب تقدروا تساعدوني وتشوفولي حل بابا يقبله بيه حتي لو دلوقتي
شوفي يابنتي ربنا يرحم والدتك ويسكنها الجنة ويعوضك خيرا ان شاء الله لاشك انك غلطت لما تعرفت على الولد ده وانت لسه صغيرة في السن وطالبة في الثانوي واحتمال اهلك يرفضوا ارتباطه بك لازم تبعدي عنو وتقطع علاقتك به وتهتم بدراستك ومستقبلك يا ست البنات التصرفات دي غير اخلاقية وتجلب لك العار والفضيحة ولافي بنت محترمة وعاقلة ترضى بهذا على نفسها اوعي تستمري معه في تلك العلاقة حافظي على خلاقك وشرفك وسمعتك وسمعة اهلك وكرامتهم وصدقيني هتلاقي نصيبك مع ابن الحلال اللي يستاهلك ويقدرك ويسعدك المهم انك تركزي في دراستك وتخلص من ثانوية وقدامك المشوار طويل في لسه جامعة ولاتجعل الحاجات دي توثر عليك وتضيع مستقبلك وربنا بيكرمك ويؤفقك ويسترعليك ويسعدك طوال حياتك
زمان كان في باب اسمه بريد الجمعة في جريدة الاهرام ماسكه الصحفي الراحل عبد الوهاب مطاوع
كان بيعرض مشاكل وبيرد عليها هو بحلول
اغلب المشاكل كانت عن بنت مش طايقة اهلها او بتواجه ضغوط وسط اسرتها وبتفكر في الزواج عشان تهرب من الجحيم ده
وغالبا النهاية بتبقى سيئة لانه خلصت من اهلها صحيح لكن شالت مسئولية كبيرة ممكن ماتكونش قدها
اهلك مهما كانوا قاسيين عليكي فحاولي ما تخسرهمش لانه مهما حصل ملكيش غيرهم والضفر ما بيطلعش من لحم
في مشاكل او خلافات بتبقى صغيرة بس لانه واخدين موقف مسبق من الشخص اللي بيعملها بتكبيرها
كبري دماغك واديها طناش وماتديش اي مشكلة اكبر من حجمها
انتي بتفكري في الزواج دلوقتي لكن انتي لسه صغيرة وحبيبك لسه صغير والفترة دي اصلا كلنا مرينا بيها واراءنا ومشاعرنا بتبقى متقلبة
اه في حب بس لما يكون مع مسئولية ممكن المشاعر تتغير وتحت الضغوط الكتير ممكن ما تقدروش تتعايشوا مع بعض لو اتجوزتو حتى لو الحب حقيقي وكبير
اهم حاجة دلوقتي تقدري تعتمدي على نفسك تكملي تعليمك وتشجعي حبيبك كمان لو عرفتي تشتغلي في الاجازة اشتغلي الشغل مش عيب اهو منه تخلصي منهم كام ساعة وتقللي من احتكاكك باهلك ومنه ما تحتكيش باهلك والناس اللي مضايقينك كتير
ولو اعترضو على فكرة الشغل قولي انك نازلة كورسات او نشاط تبع المدرسة
بس اتأكدي الاول انه شغل كويس ومفيش حد ها يضايقك هناك
ولو اهلك تنحوا على الاخر او انتي مش حابة فكرة الشغل اشغلي نفسك بحاجة تانية زي انك تأهلي نفسك وتكسبي مهارات جديدة والنت واليوتيوب مليان مليون فكرة وحاجات لا يمكن تتخيليها ممكن تساعدك
وياريت اكون افدتك وتراجعي نفسك وتفكري بدل المرة مليون قبل ما تعملي اي حاجة وتخاطري