انا فتاة مراهقة عمري 16وادرس في الثانوية قد تبدو مشكلتي سخيفة
للبعض ولكنها مهمة بالنسبة لي انا الحمداللة حباني الله جمال ساحر وقوام مثالي ورائع الكل يمدحني عليه
ولكن مشكلتي انني فتاة سمراء واتضايق احيانا عندما لاتناسبني الوان الثياب التي اشتريها ومشكلتي الثانية وهي الاهم ان الكل يوصفني بالتكبر والغرور مع العلم انني من اسرة مرموقة ومرتاحة ماديا فانا ابذل كل جهدي حتى تراني الناس متواضعة لكن دون جدوى فساعدووني لقد تعبت
هموم البنات
مشكلتي اني سمراء ومتهمة بالتكبر والغرور
اضيف بتاريخ: Saturday, February 2nd, 2019 في 06:34
كلمات مشاكل وحلول: الثانوية, المراهقة, فتاة
من علامات الجمال والرقة الانثي السمراء ومن حقك تدلعي وتحسي بنفسك وكمان بتقولي انك من أسرة ميسوره لكن ممكن تصرفاتك تكون تلقائيه يعني بتتعاملي بطبيعتك لكن الناس شايفاها تكبر هقولك على حاجه كويسه حاولي في اي موقف مع أي شخص تتعاملي معاه إنك تديله اهتمام وتحسسي الناس اللي بتتعاملي معاهم انك مركزه معاهم في اي حوار بيدور بينكم.ثانيا اي حد ياخد رأيك في حاجه دائما تقولي جميله واوعي تقللي من اي حد.اهم حاجه انك وانني بتتعاملي مع أي حد ما تتكلميش عن أي حاجه اشترتيها أو اي مكان روحتيله سواء سفر أو أماكن تسوق باهظه الثمن لأن ده هيحسس اللي حواليكي انك بتستعرضي عليه.اما عن موضوع الملابس البسي اللي يعجبك وما فيش حاجه اسمها الوان الملابس ما بتناسبكيش البسي والغي من تفكيرك انك سمراء و ده ينفع و ده ما ينفعش.واهم حاجه ابعدي عن الأشخاص اللي دايما بيقولولك انك مغروره واوعي تحاولي تثبتيلهم انك عكس اللي بيقولوه .لان في ناس عندها حقد.حاولي تعملي اللي بقولك عليه وربنا يوفقك في حياتك.
شوف يابنتي الجمال موجمال الشكل وانما الجمال الحقيقي جمال الروح والاخلاق لازم تكون اخلاقك عالية ومحترمة مع الجميع وتبعدي عن الغرور والتكبر وخليك متواضعة وصادقة وطيبة جدا ومتفوقة في دراستك بكدا تكسبين حب واحترام الاخرين لك وربنا يؤفقك ويصلح حالك ويهديك