انا فتاه فى المرحله الثانويه من عمرى احب معلمى من المرحله الاعداديه وهو اخبرنى انه يحبنى و لكن فى الصف الثالث الاعدادى ذهب الى مدرسه اخرى وتعبت تعبا شديدا لمغادرته مدرستى ومرضت ولانى على قدر كبير من الاخلاق واعلم الحلال والحرام وان كل مانا فيه مرحله المراهقه ليس اكثر فانى دائما اكون منتبهه لتصرفاتى واعامله كمعاملتى لاى مدرس اخر وقد طلب منى ان احادثه فى الهاتف ولكنى رفضت ووصفت ( بانه تصرفات الصايعين بس ) ثم عاد يطلب منى ان ادخل معه درسا خصوصيا ولكنى رفضت حتى لا تحدث اى تجاوزات منه …..ولكنى من بعد ماغادر المدرسه حادثته فى الهاتف لاطمئن على حااله فقط وكان الكلام بيننا كلاما عام جدا وكنت احادثو من فتره الى اخرى ولكن فى اخر الايام هذه بدأ يحادثنى بطريقه ليس عامه كقوله (وحشانى ) وكلام من هذا القبيل ولكنى لم انطق بكلمه ولم ارد عليه وانا اعلم انى مراهقه وهو قد يكون يريد منى شيئا فقط واننى سانساه يوما ما …اريد ان اعرف ماهى حدود علاقتى معه .هل عادى ان احادثه بين كل فتره واخرى ام ذلك حرامما وعيبا؟؟؟ وانا الحمدلله متقربه الى الله ومتفوقه بدراستى وشكررررررا
مشاكل حب المراهقة
كيف اتعامل مع معلمي الذي احبه
اضيف بتاريخ: Tuesday, August 21st, 2012 في 12:13
كلمات مشاكل وحلول: الاعدادية, الثانوية, المراهقة, حب المراهقة, فتاة
النوع من الحب ده مراهقه ونادر جدا انكو تكملو مع بعض..
وحاولي في اسرع وقت تبعدي عنه..
وانا واثقه من هذا الكلام
عيييييييييييييييييييييب خدي بالك في ذئاب بشرية يابنتي شغلتهم انهم يتصادو كل البنات الي في سنك ويضيعو مستقبلهم هو لو بيحب هيخبط علي بيت اهلك بس خلاص
انا صراحة ما انصح بالكلام عبر الموبايل 🙁
خاصة انك تحبينة وهو يحبك .. وانا عاجبني حذرك
بس الحذر هذا يمكن ينقع مع تواجد الشيطان !
فحاولي تقولي له .. انا بنت مسلمة و لا ابي اقع في الحرام .. فلو تعرف ظروفي انقطع عني
.. واذا هو يحبك بيطلب يدك اكيد لما تصيرين في سن محدد للزواج
والسلام عليكم
يا اختي عندك الحظ الحمد لله انك ما تعاشرتي معو على اساس انو كلنا مجربين هالشي فمبين عليه انو شاب خائن فحتى لو ما كان بيحبك ما كان لازم يتكلم معاك بهديك الطريقة اتخايلي انك عاشرتيه شو كان حيحصل فيكي بنصحك على انك تكملي مشوارك الدراسي و الاخلاقي و شكرا
الحب الحقيقي لايوجد إلا في الطفولة فقط ، وبعد الزواج في زوجتك عندما تكبر وفي أبنائك ..
وبين الاهل ..
لكن مع الجنس الآخر فلا يوجد أبداً حب حقيقي إلا بعد الزواج ونضج العلاقة، والباقي كله رغبات
فكري في المشاعر الرائعة التي تحصلين عليها في عفتك وطهارتك وحبك للحياة وأملك وبساطتك وإبتعادك عن الحرام ورضا الله ..
وجدِي أحلام وابحثي جيداً وفتشي في قلبك عن احلامك وهواياتك المنسية وحاولي تحقيقها …
بدلاً من الإنصياع لعالم الشهوات والعلاقات السرية الفارغة التي تضيع العمر والوقت والطاقة ..
كوني على ثقة أن الحب الحقيقي هو حب الله
ابعدى عنه احسن (وحشانى) والكلام ده يبقى مش مظبوط و انتى فاهمه
السلام عليكم والله لازلت اكرر انه لابد من الابتعاد عن هذا الموضوع والهروب منه هروب الخائف من الاسد وليس ذلك احتقارا للمشاعر انما حفاظا على المشاعر لاستخدامها الاستخدام الامث الصحيح وصلى الله على نبينا محمد وعلى اله وصحبه وسلم
بسم الله والصلاة والسلام على رسول الله اما بعد فان الاخت المتحدثة عالية الاخلاق والتربية ولكني اقول لها تجنبي حبال الشيطان فان والله اول طريق التعاسة هي الابتسامة والتساهل وانا اقول لكي كل فتاة تحب من يحبها ويقول لها الكلام الجميل لكن سيكون ذلك في الحلال ان شاء الله فالاخت التي تصبر والله سيرزقها الله عز وجل بذلك في الحلال وبأجمل مما تتوقع فاتركي ذلك الامر لله وسيعوظك الله عز وجل بحلاوة ستجدينها في الحياة الدنيا قبل الاخرة وستكونين فخورة بما تصنعين ورافعة راسك خير من تكوني منكوسة الرأس تخافين من كل شيئ والحمد لله والصلاة والسلام على حبيبي رسول الله وعلى اله وصحبه وسلم
اشركم جميعا للردود بس انا لاحظت انكو فهمتو انى بكلمو كتير وكلام حب وانى بشوفو وكده بس ده مش بيحصل بتاتا ….انا مش بشوفو خاااااااااااااالص وبكلمو فالمناسبات وبس او كل فتره والكلام كلو فى حدود شديده كانى بكلم مستر عااادى لكن التجاوز حصل اخر مره اللى هو كلمه وحشتينى وانا قولت مش كلمو تانى .. لكن التعليقات اللى بتقول انى بخون اهلى وان ده لايرضى الله .ايه اللى فكده حرام ولا يرضى الله واهلى ؟؟؟؟؟؟؟؟؟ واشكرم على الردود وافاددتى :d
اولا انا بحييكي على تصرفك لانه يدل على انك بنت كويسة وطبعا ديه فترة مراهقة لكن الي انا فهمته من كلامك وحكايتك والواضح كمان انه عايز يعمل حاجة مش كويسة وده واضح من موضوع الدرس ومن التليفون واكيد هو لاحظ اعجابك علشان كده بدأ يعمل الحاجات ديه نصيحتي ليكي ابعدي عن الموضوع ده تماما بجد لانك لو ابتعدتي فترة طويلة هتنسي خلاص وحاولي تمسحي رقمه وبعد فترة الموضوع هتنسيه وعايز الك حاجة كمان لازم قبل ما نعمل اي حاجة نعرف احنا عايزين نتيجتها ازاي او هدفنا من الفعل ده ايه فانتي هدفك ايه وفكري هو هدفه ايه وهل انتي بجد عايزة ترتبطي بواحد على الاقل اكبر منك ب10 سنين ولا عايزة حد من سنك ويفهمك فكري كويس اوي ومتتسرعيش اني بنت محترمة وشاطرة وكويسة وده يخلي شباب محترمة كتير يفكروا يرتبطوا بيكي في المستقبل ان شاء الله لكن الشكل ده مش حلو وفي النهاية انا عايز اقولك مرة تانية اني احترمت موقفك وانا متأكد انك هتاخدي القرار الصح لانك بنت محترمة واكيد مش هتمشي في الموضوع ده اكتر من كده ممكن ربنا يكون بيديكي فرصة لانك كويسة
بكره تنسي مانا برضو حبيت المدرس بتاعي بيني وبين نفسي وكنت بغير عليه وكنت في اعدادى برضو ولمه دخلت الثانوى نسيته ولمه دخلت الجامعه اتلاهيت في حاجات تانيه كتير كل حاجا بتاخد وقتها صدقيني بكره تكبرى دماعك وهاتنسي كل دا وهاتشوفي حياة تانيه مع ناس تانيه ومش هاتفتكرى حاجا من الايام دى اصلا
بسم الله الرحمن الرحيم :
* أختي الصغيرة :
– أنا أستاذ في الثانوية العامة ، و من واقع تجاربي أقدر أقولك :
1 إعجاب الطالبة بأستاذها بيتدخل فيه عوامل كتيرة أهمها افتقاد الحنان داخل الأسرة و غياب النموذج و المثال اللي بتدور عليه المراهقة الصغيرة . كمان ممكن أنتي رومانسية زيادة عن اللزوم ، و هو بيساعد في اشتعال عواطفك و مشاعرك المفتقدة للخبرة ، عن طريق كلامه المعسول و ملاطفته المستمرة ليكي و إظهاره اهتمام غير طبيعي بيكي .
2 طبعا هو بيعاني من افتقاده للحب و المشاعر الدافئة ، و مفتقد الصورة الجميلة للأنثى في حياته ، فلما لقاها فيكي ، ما فكرش في فرق السن و لا الظروف الاجتماعية و لا الواقع اللي انتوا عايشين فيه .هو فكر بس إزاي يحصل على الصورة دي و بأي طريقة : مكالمات / درس / وحشاني ، و غيره .
3 كل ده لو كان حسن النية ، أما بقى لو بيتسلى فأنتي بتساعديه بمجرد ما بتسمحيله يتمادى في مراهقته معاكي .
– و على أية حال : تقدري تمنعي نفسك من العلاقة دي :
1 ابعدي عنه تماما و غيري أرقام تليفوناتك .
2 ما تظهريش أي اهتمام غير عادي بيه في حضوره أو حتى غيابه .
3 انتي بتقولي إنك على أخلاق و بتعرفي الحلال من الحرام ، اسألي نفسك ” اللي باعمله ده صح
شرعي ؟ يفرح أهلي لو عرفوا ؟ و لا يكسر عينهم ؟
4 لو عايزك ، يخطبك في النور . لكن علاقات سرية ؟ مش هيفيدك و لا هيفيده ؟ افرضي الموضوع ده اتعرف ، سمعتكم هتبقى إزاي ؟ فكري فيها يا صاحبة الأخلاق و الدين .
* أي تساهل من أي أنثي مع أي راجل – حتى لو أكبر منها ب 20 سنة – بيطمع الراجل ده فيها و يجرأه عليها .
* فكري : علاقة رسمية شرعية تشرف ، و لا علاقة سرية مخالفة تجيب العار للجميع ؟
* ربنا يهدينا للخير – آمين .
*** و الله أعلم ***
اختى وحبيبتى فى الله حافظى على نفسك لا تحادثيه ولا تتصلى به مرة اخرى
وحافظى على ايمانك وقربك من ربنا الفترة اللى انتى فيها دى فترة مراهقة
يعنى ده مش حب بجد احفظى قلبك لانسان يستاهلك ويكون زوج صالح ليكى
اوعى تكلميه تانى الاستاذ ده لو كان كويس كان هيحافظ عليكى
مش يقولك الكلام ده ركزى دلوقت على دراستك وحياتك الجاية هى الاهم
اوعى تعطيه اى اهتمام وانسيه خالص امسحى رقمه من عندك او غيرى انتى رقمك
والله انا خايفة عليكى لانك اختى فى الله ودى نصيحة منى ليكى ياريت تسمعيها
اعتقد ان المفروض متكلميهوش ابدا فالتليفون اولا بما انه خلاص مبقاش مدرسك دا هيساعدك اكتر على الخروج من الحالة دى بسرعة وهيبقى اسرع لو بطلتى تكلميه بذات بعد مقلتى ان الكلام بدا ياخد مجرى تانى وشكرا
حببتي الحقي عمرك ابوس ايدك اقفلى الخط دا واحرقيه
والمدرس لو جرب يكلمك تانى ارجوكى ابعدي عنه وربنا يحفظك منه ويكفيكي شره
بصي المدرس مش هيسيب البنات اللى فعمره ويكلم مراهقه خليكي عاقله
وانتى عارفه انه بيكلم كل الستات كدا في نوعيه بيبان عليها ويتهيالى دا منها
سكتي ليه على وحشانى يا خوفي لا يقول بكرى بحبك وتسكتي بردو بلاش تجاوزات يا حببتي
وكمان بالله عليكي ربنا راضي عن الكلام دا الرسول لو شافك مش هيزعل منك
ربنا قال ولا متخذات اخدان يعني ايه بيكلمك ويقولك وحشانى وبتطمنى عليه
انتى بتبرري تصرفك يا حبيبتي انتى عاوزه حدود العلاقه انا بقولك نصيحه اقطعيها اصلا ولو حصل تجاوز تانى قولى لماما انه قالك كذا كذا
مره واحد كان بيمشي ورايا سكت فالاول وكنت مع امى بس هي ماما مبتاخدش بالها قلت هو هيمشي لقيته مكمل ويانا قلتلها فالاخر بصتله وقالتله نعم في حاجه هو حط جزمه فبقه ومشي ومشفتش وشه بقيت السكه
لو تجاوز تانى قولى لماما المدرس دا قالى كذا كذا هي هتكلمه تهزاه مش هيقرب منك تانى
وخدي بالك من نفسك
بصى كل البنات بيحصل معاهم كدا فى السن ده بس انا بقولك طالما انتى انسانه محترمه وبتخافى ربنا يبقى اقطعى صلتك بيه لانه نهاية القصص دى هى الفراق فسيبيه قبل ما تتعلقى بيه اكتر من كدا وهو تصرفاته مش مسئوله بالمرة انا مريت بتجربتك دى وكان بيحبنى وعرفت بالصدفه من حد قريب منه وطبعا الحد ده ميعرفش انه كان بيتكلم عنى وكان مش متجوز ومع ذلك متجرأش يقولى حاجه لانه شخص بيحترم نفسه قبل اى حاجه عشان كدا بقولك متتصليش بيه ومترديش عليه لو كلمك احسن ويشهد الله انى استحرمت اخرج من غير ما انصحك لانك فكرتينى بحاجه مريت بيها وبعدت عنه وارتحت فأعملى زيى وريحى نفسك وارضى اهلك وربك وركزى فى مستقبلك
اختى الصغيرة
طبعا مينفعش يكون في كلام خاص بينكم لان دة لايجوز شرعا وبعدين انتى لسه صغيرة وادامك العمر ولسه كمان مشاعرك هتتغير , فكري في دراستك ومستقبلك وبلاش تتصلي عليه تانى عشان مش يتطور الكلام بينكم لاكتر من كدة وربنا يوفقك للصواب
احترت بكلامك انتي عارفة كويس انه هو يريد منك شئ وانك انتي بمرحلة مراهقة …..علي العموم بنتي لازم تنهي الموضوع لانه حرام شرعا ويغضب الله وركزي بدراستك وثقي مافي اجمل من الحب الحلال اللي بيجي بوقت الله يوفقك
هو حرام وعيب بالقطع وخير لك ان تتركيه وااله الموفق