انا كل حياتى مشاكل من كترها مش عارف اعدها طيب اعمل ايه انتحر اموت كافر
تعبت من كل شيء حياتى كلها مافيهاش شيء يذكر ليا ماليش حد يصاحبنى ويخرج معايا
تعبان فى دراستى وكل شيء فيها صعب عليا وبحاول والله ومش نافع بردو
زهقت وبحاول اصلح من نفسى واقع كل شوية لدرجة من كتر الوقوع وانى اقوم احاول تانى بقيت اخاف انى ماقعش لاحسن احس انى بقت شخص تانى
مش عارف ايه عيبى وايه سبب اللى فيا اللى مخلى حياتى كدة نفسى اخلص وافنى من الدنيا دى عايش فيها وحيد هاطلع منها وحيد
اصل اللى زيه ايه يعنى اللى ممكن يحصله يعيش عدل يكون مبسوط حتى بابط الاشياء مافتكرش
هموم الشباب
انتحر اموت كافر
اضيف بتاريخ: Wednesday, February 22nd, 2017 في 06:29
كلمات مشاكل وحلول: الانتحار, الشباب, شاب, مشاكل
طيب وين الصبر ؟كيف ربنا رح يعطيك حياة سعيدة وانت مش راضي باللي كتبلك ياه ؟قال رسول الله تعالى في حديث قدسي (أشاء يا عبدي وتشاء فإذا رضيت بما أشاء أعطيتك ماتشاء ) والله مشاكل العالم كلها حلها بالتقرب من الله وفكرة الإنتحار أخي هاي إمحيها شو بدك تتعذب بالدنيا والآخرة؟؟ ربنا يهديك
ودي أسوأ حاجة لمرحلة العشرين مرحلة الخوف من كل شيئ وانه حتى خايف من نفسه لكن ليه بيحصل كدة ؟ لان معظم الأسر بتعزل ولادها وبناتها لغاية تعليمهم ما يخلص وأما يحب يختلط بالناس كل مرة يحس انه يتعور وكمان بيعور الناس معاه ودي نتيجة طبيعية وانك دلوقتي في مرحلة العزلة تتجنب الناس كلها لكن ببساطة وانت في عزلتك حاول تجدد النية في سبب العزلة نفسها “ليه ؟” لان فيه مليون واحد زيك لان معظم الأسر بتعزل ولادها وبناتها لغاية تعليمهم ما يخلص ومن أقل تجربة يتصدموا مليون واحد على الفيسبوك مصدوم ومش قادر يعرف مشكلته وأسباب حدوثها لكن “هل انا ضحية طول الوقت ؟” انت ضحية ومقدر ظروفك لكن عادي انك تكون ضحية في موقف وجاني في موقف احنا بشر لاني لاحظت ملايين الشباب والبنات على نفس النهج دة مش شباب بس عشان أطمنك ان البنات عندهم نفس المشاعر لان ملايين الشباب يعتقدوا ان البنات كائنات لا تشعر ودورها انها تصطاد في الميه العكرة وتخليك مفلس عشان البنات أحلى وتقدر توقع الشباب زي ما هيه عاوزة “انا كنت واحد من هؤلاء بصراحة” لكن الحل البسيط جداً حتى لو مقتنع انك لازم تنعزل عن الناس تجدد النية ” انا بعزل نفسي عشان أعرف عيوبها ” ودة الي انا عملته بتتعلم ازاي تفكر وتتأمل وتبحث لو انت عندك مبدأ سياسي تبدأها بقراءة كتب التاريخ أعمال مؤلفة بعينها جنباً الى جنب مع قناتين يوتيوب عندهم اتجاه سياسي مختلف والخوف من جنس الحريم ببساطة شوف بروفايل أي بنت على الفيسبوك تلاقي العجب وتعرف ايه مشكلات بلدك الاقتصادية والصحية ودة الي خلاني أعرف ان فيه ملايين من الشباب زيي بعد ما تعرف عيوب نفسك وتحس انك متصالح مع نفسك وتاريخك وبلدك ودينك كمان تحس ان عزلتك بتزيد لكن بطريقة ايجابية تبقى انسان حساس شوية وقلبك يرق وتتقبل الناس بسهولة تحس ان مناعتك النفسية مهيأة للعمل فتستمر في القراية لحد ما تعزل نفسك بنية أكبر “انا هعزل نفسي كمان عشان أطورها” وهنا انت بتزور قرايبك وتختلط بالناس بشكل محدود وفي البيت تاخد راحتك أوي ، ماغفلش ان فيه ظروف في البيت وان بتبقى فيه مشاكل عائلية قاهرة وصادمة لكن نطقة انطلاقنا في تغيير نفسنا بتكون من البيت وانا طورت نفسي (حبتين) حسيت ان البيت حلو ولساني مش بيبطل شكر لربنا وبرضى بالقليل وأتمنى الخير لاخواتي وأمي أخاف تسيبني أفهمها من عينيها وأعمل مكانها حاجات البيت وشغل البيت الي بيتكرر واعرف دة يلزمه إيه و البيت ناقصه إيه وتستمر الحياة
صلى كتير وقرب من ربنا اكتر حاول تحس بحلاوه الايمان
تانى حاجه انت كشاب ممكن تنزل شغل اثناء الاجازه
حاول تاخذ دورات ف مجالك هيحببك فى دراستك اكتر وهيوسع معاك التعارف بالاشخاص
اشغل وقتك وحاقظ ع صلاتك وقربك من ربنا
السلام عليكم ورحمة الله وبركاته انا محمود من سوهاج انا عندى حل بسيط ليك يا اخى الغالى وهو اولا انتا بتصلى ولا لا طاب بتعمل حاجات ترضى ربنا ولو تحاول تقرا سوره او كام ايه كل يوم بجد نفسيتك هترتاح ومتشلش هم انك معندكش صحاب متعرفش ربنا شايلك ايه فى علم الغيب على فكره انا فى نفس حالتك ومحدش نصحنى بحاجه انا عملت كدا من نفسى ونفسيتى ارتاحت وخد عندك انا صحابى يتعدوا على الايد انا مش فارقه معايا اعرف كام صاحب ما انتا ممكن يكون عندك صحاب فى كل حته بس واحد او اتنين هما اللى ممكن يوقفوا جنبك ويساعدوك فى كل حاجه انتا حاول تتعرف على صحاب يشرفوك لان الصاحب ساحب عشان كدا خلى بالك من اللى انتا عاوز تصاحبه