هموم الشباب

بنت تقضي على علاقتي بأخي

السلام عليكم،
تبدأ القصة قبل ٣ اشهر في منطقة مكة المكرمة بمدينة جدة لنكون اكثر وضوحاً، كنت راجع من دوامي و فجأة اطالع بجوالي الاقي ١٠ رسائل من اخوي الصغير ف ، و ف يعيش بالمانيا، قال لي انه في بنت حبته و هو بعد حبها عشانها هي الوحيدة الي كانت تعبره بين جميع البنات في فصله، و قال انه هي المانية الجنسية، و هي *لاحدة*..طبعا زواج اللاحدات مو من عاداتنا و تقاليدنا فرفضت رفض تام انه يفكر بالزواج منها، مع انه الوالدة متوفية و الوالد حاطني مربي عياله.. انا رفضت و بدون نقاش فجأة قال لي كلام غريب، و اكون واضح و صريح،قال: “تراك غيران مني عشاني برة لحالي و انت في هالبلد المكبوتة (الله يهديه) اقدر اسوي الي ابيهو ما تقدر توقفني. و حاولت افهمه انه الكلام ذا ما يجوز بس لا حياة لمن تنادي… بعظين ناديت اخويا م ، قلت له فهم الولد، طبعا مازن هو الفاهم بيناتتا و هو الي بعدي و قبل ف… المهم م قال له كلام حاااار و مرررة صريح، عطاه الزبد في وجهه.. طبعا ف زعل و بعدين قال لي، “بعد كل هالعشرة، تهزئوني كذا؟ تراني ماني بورع! و تراكم زودتوها اكثر من اللازم، انا الغلطان اني ضيعت نصف عمري تاكي معكم، انقلعو من وجهي لا عاد اسمع عنكم شيء! روافض مجانين.” و بعدها حظرنا في جميع مواقع التواصل الاجتماعي و دحين مو قادرين نتواصل معه ولا عارفينه حي ولا ميت. قولو لي ايش اسويله، كيييف نراضيه؟ تكفون ساعدوني تراه اخوي و ما ارضى له

مشاكل وحلول ذات صلة

اضيف بتاريخ: Tuesday, August 29th, 2017 في 17:16

كلمات مشاكل وحلول: , , , , ,

2 رد to “بنت تقضي على علاقتي بأخي”

  1. ابوعبدالله
    30/08/2017 at 16:59

    هذي من مصائب الابتعاث الارعن وماخفي كان اعظم
    لاحول ولاقوة الابالله
    مانه كبير وعاقل مالك الاالدعاء له بالهدايه وهذا السبيل الوحيد

  2. ابوالبتول
    30/08/2017 at 00:18

    اخي الفاضل من جدة -السعودية السلام عليكم ورحمة الله وبركاته اخوك هذا كم عمره وماطبعية دراسته في المانيا وبالنسبة لكل كلامه معكم يوحي بان اخوكم في خطر كبير جدا مالم تسارعوا في انقاذه قبل فوات الاوان وارى ان احد منكم وانت الاخ الكبير ان يسافر للمانيا ويرى اخوكم الصغير ماذا يفعل هناك قد يكون مايدرس اصلا ومقضيها صياعة وفله وسهرات كما يفعل معظم الشباب المغتربين في الخارج وانتم لكم الله ياغافلين ماتدون عن ولدكم شئ ذي الحقيقة يااخي العزيز كم من شباب سافروا لتلك البلاد بحجة الدراسة واكمال تعليمهم وجاءوا لاهليهم بافكار الالحاد والتكفير والطعن في الدين وفي الاعراف والتقاليد وبعضهم اخطر من كدا تجده منتمي للجماعات الارهابية ومتواصل معهم الحذر من كلهذا اخوكم امانة في اعناقكم والله عزوجل سائلكم عن هذةالامانة اليوم قالكم يبي يتزوج وحدة ملحدة ليست على ديتكم ولاتدرون عنها شي ويقول عنكم روافض مجانين وبكره الله العالم وشي بيجيكم منه الحقوا على اخوكم قبل ان يضيع وساعتها مايفيدكم الندم تقدروا الاستدلال عليه ومعرفة عنوانه والجامعة اللي يدرس بها عن طريق السفارة السعودية بالمانيا تطلبوا من السفارة مساعدتكم في البحث عن اخيكم المغترب واكيد عندهم كل المعلومات عنه وعن اي مواطن يعيش هناك ولاترجعوا الا به والله يطمنكم عليه ويصلح حاله ويهديه ولايفرقكم عن بعض ولاحول ولاقوة الابالله العلي العظيم

اترك رداً أو حلاً لهذه المشكلة