السلام عليكم ورحمة الله
أنا شاب مصري في المرحلة الحامعبة, مشكلتي هي إن أنا مش عايز أما أتخرج – إن شاء الله- ألاقي نفسي لسة على أول الطريق ومش معايا ولا مليم أبدأ بيه مستقبلي, و أنا غير معظم الشباب اللي كل همهم إنهم يروحوا الجامعة كل يوم عشان يقضوا يوم حلو و يرجعوا ومش شايلين هم أي حاجة للمستقبل, وكمان أنا لفيت كتيييييير جدا و دورت على أي شغل يكون مناسب , لكن إكتشفت إن الشغل في بلدنا لازم أكون متفرغ ليه الـ 24 ساعة , و قولت أدور على أي جهة أخد منها قرض أو تمويل مشروع لكن كلهم عندهم شروط معقدة جدا جدا و خصوصا ان انا مش معايا حاجة تضمن لهم ان انا اقدر اسد القرض و كمان مش معايا شهادة المعاملة الجيش لأني لسة بدرس.
بالله عليكم اللي عنده حل يقول لي عليه و ياريت لو حد يعرف جهة بتدي تمويل مشروعات او قروض بدون شروط يقول لي لأن انا والله محتاج مصاريف كتيرة و آسف للإطالة
السلام عليكم اولا انا طالب جامعي مثلك و اعمل في نفس الوقت هتلاقي شغل كتير 9 ساعات و مناسب مع وقتك او اقل من كده و عادي لو نزلت شغل مش اوي لازم تبدأ صغير انا بدأت صغير جدا في شغلي و لكن الحمد لله دلوقتي عندي مكانه مميزه في عملي و بقيت مسئول مخازن الشركة اللي بعمل فيها ربنا يوفقك