السلام عليكم ورحمه الله وبركاته احب ادخل فى الموضوع انا طالب فى 3 جامعة حبيت بنت زميلتى بس المشكله انها بتبصلى وانا ببادلها نفس النظرات ونفسى اكلمها وهى بنت محترمه جدا وغايه فى الالتزام بس مش عارف اكلمها ازاى او اقولها ايه بصراجه انا تعبان جدا وعاوز حل ارجو الافاده
هموم الشباب
انا تعبان وعاوز حل ارجوكم
اضيف بتاريخ: Thursday, November 25th, 2010 في 18:51
كلمات مشاكل وحلول: بنت, طالب, هموم الشباب
انا على فكره قد جربت الحب..وللاسف اللي حبيتها طلعت خاينه وكذابه..وبعدها حبيت وحده ثانيه..وانا مش عارف كيف او حتى..بسرعه حبينا بعض..بس برضو خلاص..انا بقيت مهدود من الحب..وانا عايز اهرب من دنيا العشاق..انا مخنوق وكل لحظه بتعب وحس نفسي منهاااااااااااار
الحب لحظه فرح من بين الف لحظه الم..وضحكه من بين الف دمعه…داعواتك اخي وانا بدعيلك ربي يوفقك ببنت الحلال……….انا زهقان مخنوووووووووووووووق..اخوك نديم
اهى دى بقى اكتر حاجة بتضايقنى فى الشباب لما يكون معجب بوحدة وبتاع يفضل يبصلها وهيا تبصلو ويقعدو فترة ع كدة لدرجة انها ممكن بجد البنت تتخنق والمفروض انو ولد يعنى لازم يكون عندو جراءة ويدخل فى الموضوع ع طول ولو عجباه اوى ومرتحلها يدخل من الباب ع طول ويتقدملها ويصرحها بحبو واعجابو ليها
انا كدة زيك من سنتين وفى الاخر مقتدرتش اصارحة بس تعبت بسبب التفكير فى الانسانة دى خايف من النهاية بس اقلك صارحة وعرفة انك بتحبة عشان ترتاح وتريح نفسك لوكنت بتحبة بجدوقادر تتقدملة اتقدملة مش قادر ارتاح وريح نفسك او على الاقل عرفة انك بتحبة عشان ترتاح ولو ليك نصيب فية هتاخدة اللة معك
رووح كلمها و لو ماقدرتش كلم وحده من صحباتها يعني مثلآ آعرف تاريخ ميلاده اعرف اي حاجة ممهم منها و يوم ميلدهـآ جبلها هديه و اديها و بعدين قولها انا معجب بيكي و بحس بشعووورالحب تجاهك و اطلب ايدها و انتهى الموووضع
اسمع انا مريت بنفس المشكلة بس خد نصيحة منى اطلب رقم الجوال اذا رفضت سبك منها
أخى الفاضل انا مريت بنفس التجربة وانا فى تانية جامعة وكانت برده بنت محترمة وملتزمه وتبادلنى النظرات ، فضلت الى رابعة جامعة كل ما يهمنى ازاى أكلمها ؟ ازاى اعترفلها انى معجب بيها؟ ، كل ما انوى اذاكر ألاقى صورتها فى الكتاب ،أدخل اسمع محاضرة أفضل أفكر فيها وأنسى الدكتور بيقول ايه، وفى الأخر وجدت نفسى متخرج واناغير حاصل على أى تقدير وكنت شايل مواد.
خلاصة الموضوع انا مش بقولك كدا علشان أحطمك أو أعقدك ولكن نصيحة مجرب ان كنت قادر ماديا على الزواج وفعلا بتحبها وعايز تتجوزها خش من بابه وفى الحالة دى هيكون عندك هدف وهتحاول تخلص دراستك وتجيب تقدير كويس عشان تشتغل فى مكان كويس وتقدر تسعدها وتكون رضيت ربنا سبحانه وتعالى ، أما لو العكس فأنصحك انك تلتفت لدراستك عشان ما ترجعش تندم بعد التخرج لما تلاقى نفسك حتى مش قادر تقدم فى وظيفة وسيبها لربنا والجأله ولو لك نصيب فيها هتتجوزها ان شاء الله .
والله هذه نصيحة مجرب وأرجو ألا أكون ضايقتك وأتمنى لك التوفيق وأدعو الله ان ييسرلك أمرك وشكرا
بص يا برنس الليالى
هو تقريبا انت تلاقيك اتصرفت لأن مشكلتك من زمان
بس نصيحتى لأى حد بيمر بالتجربه دى
لو نيتك كويسه ونفسك تتجوزها بعد كدا
انصحك ما تكلمهاش
الأول أتأكد من مشاعرك ولو حسيت فعلا انك حاببها كلم اهلها وقولهم انا لسه بأدرس وياريت تستنونى
رضوا يبقى خير
مارضوش يبقى اصبر لحد ما تتخرج لو لسه ما اتخطبتش اتقدملها
بس ما تخاطرش وتكلمها وتخش فى حوارات غلط
لأن متفهمنيش انك هتكلمها وتعيش معاها دور الأخ
وثانيا انت هترضى تتجوزها بعد ما تمشى معاك سنه ولا اتنين؟
فلو بتحبها حافظ عليها
خلى حد من صحابك قريب منك اوى وواحده صحبتها قريبة منها اوى يعنى هتلقيها رايحة جاية معاها واعدين مع بعض كده يعنى وخلى صحبك يكلم صحبتها ويقولها وصحبتها تروح تقولها
طب خد مجموعة الحلول دي ونقي حاجة تنفعك ماشي حل رقم 1 شوف حد قريب منك وفي نفي الوقت قريب منها وكلمو وقلو وهوا هيتوصتلك عندها وهيا هتعرف انك بتحبها واكيد هتبادلك نفس الشعور بدام يتبادلك نفس النظرات. حل رقم 2 البنات عامتة بتحب الشاب الجريئ وفي نفس الوقت الشاب الي بيلزء في الحاجة كلمها في اي حاجة اخط فيها غظبا عنك وحاول تكلمها لو صدتك خليك معاها ةتنح وهي في نفسها اصلا عاوزة تكلمك امال بيقلك [ويتمنعن وهن الراغبات] لية. حل 3 انتا لو اديت اهتمام وفي نفس الوقت اديت التظاهر بانك ميهمكش هيا احتمال تبصلك بانك انسان غريب واكيد هتتجهلك في حاجات معينة وبعدين تتجة انتا في حاجات مش معينة هه انتا فاهمني طبعاا. حل 4 واخر حل عشان انا ايدي وجعتني من الكتابة في كتاب دور علية اسمو كيف تلفت الانظار انا استفد من الكتاب دة بانك تعمل حاجة تلفت بيها نظرها هيا بس مثلا تكلم بنت تعمل حاجة وفي نفس الوقت تلاحظها وتشوفها لو هيا مهتمة اوي بيك اكيد هتتجهو لحاجة معينة وبعدين تصارحها يمشارك خلاص بكدة ايدي اتشخرمت ولكن فداك يا صديقي اتمني لك ان البنت دي تبصلك وتهتم بيك الله اما امين
قال رسول الله صلى الله عليه وسلم يعني بتحبها روح اتقدم لها وادخل من الباب على طول لوماتقدرش تاخدالخطوةدي دلوقتي يبقى ابعدعنهاتماما لمصلحتك ومصلحتها واستعين بالله واعرف إن أجمل حب هوحب الله ومن أحب شيئا غيرالله عذب به ومن ترك شيئالله أبدله الله خيرامنه
أنا من نفس عمرك وأنا مصرى وعايش فى ليبيا.
على فكرة أنا عندى نفس المشكلة وهى تبادل النظرات مع بنت ليبية.
وأنا قابلت البنت دى وأنا فى المكتبة وكانت قدامى الفرصة إنى أكلمها ولكن رفضت حتى لا تتعلق بى لأنى مش هقدر أرتبط بيها.
ألا أيها المأمول فى كل ساعة..
شكوت إليك الدر فارحم شكايتى..
زادى قليل ماأراه مبلغى..
أللزاد أبكى أم لطول مسافتى؟
أتحرقنى بالنار يا غاية المنى؟
أين فيك رجائى أين مخافتى؟
اول شي روحلها واسالها عن اخبارها وتعرفوا على بعض
ثاني شي روحلها اليوم الثاني كلمها في اي شي
ثالث شي اعترفلها بحبك
(انا مره فاشله في هذي السواليف واكيد ردي غبي مررررررررررررررررررررررررره)
اعترف لنفسك اولا بالحقيقه وبمدي مقياس حبك ليها هل هو حب مراهقه وشباب جامعه ولا حب ناتج عنه انك بتتمناها كزوجه لو مراهقه يبقي ابعد عنها ودور علي واحده تانيه تعرف نخليك تكلمها باسلوبها ولو جواز يبقي خاليك محافظ عليها ولو عرفت تبوح لها بالحب عرفها انك بتفكر كجواز بس ماتقولهاش اعذار تافهه علي انك مش هتعرف تتقدم دلوقتي وحجج فارغه علشان كده هي هتبعد عنك وياريت تكون صادق في حبك واحترامك ليها………..
انا من رأى طالما انها بنت محترمة فهى اكيد تحب انك تكون محترم فى تعرفك عليها برضه ، كلمها فى مرة كده باحترام وقولها انك معجب بيها وباخلاقها وان غرضك الاساسى انك ترتبط بيها ارتباط رسمى وشرعى محترم ، فى الحالة دى هى هتقدرك اوى وهتحترمك .. حتى لو – فى اسوأ الاحوال – انها لو رفضتك .. يكفيك احترامك قدامها ولنفسك .. ولو هى فرضا رفضتك .. يبقى احسن بلاش تعيش فى الوهم والزعل والحزن .. كمل حياتك ودراستك وشوف مستقبلك .. لكن مقدرش انكر ان الحب المحترم المتبادل احلى واجمل حاجة فى الدنيا .. بس المهم تقولها .. قبل ما حد تانى يكون هو كمان معجب بيها .. ويكلمها قبلك .. يللا اتشجع ربنا معاك لو نيتك فعلا سليمة… ملحوظة اخيرة بس اوعى تقولها فكرة ان احنا نبقى صحاب والكلام ده خااااااااالص عشان لو كانت هى بنت محترمة فعلا .. فده هيخليها تبعد عنك تماما .. ربنا يوفقك
الحل المنطقى انو انت لازم تنتبه لدراستك وهيه لو بتبصلك فهى اكيد معجبه بزكائك او بتجعلك اخ فاضل لها او لانو انت دايما بتبصلها لاكن اجعل مستقبلك هو شغلك الشاغل ومع الايام هتلاقى الانمسانه الى ربنا سبحانه وتعالى قسمهالك وشكرا
ايه يا عم انت محسسنى انك عندك مشكلة كبيرة جدا وبعدين انت عاوز تكلمها ليه حب وارتباط وزواج وكدة ولا ايام دراسة تسلية ولعب وخلاص حط الامرين بين عينيك واعتبرها اختك لو انت عاوز ترتبط بيها يبقا ربنا يوفقك ولو عاوز تتسلى يبقا خليك فى حالك احسن وسيبها فى حالها
انا حبيتها من غير ما اعرف عنها اى حاجه كل اللى بنا نظرات بس مش اكتر وعلى فكره يا جماعه البنت دى من يوم ما عرفتها غيرت فيا حاجات كتيره انا اما بشوفها برتاح جدا ونفسى تكون من نصيبى انا عاوز حلول منطقيه يا جماعه انا عارف انى رخمت عليكم
كلم اهلها عشان تستناك
ولما تتخرج روح واتقدملها
وفي كل الاحوال:اخرج نفسك من نظاق\بحبها ومش قادر وهموت
اشغل نفسك مثلا في اخوانك الفلسطينيين والمشاكل العربيه والاسلاميه
يعني ازعل على مواضيع قيمه
اما الحب والزواج
فلو من نصيبك هتكون ليك
لو لا
فهتلاقي الاحسن منها
وان شاء الله تكون ليك بس انت ادعي ربنا 🙂
يا ابن الناس بو هى بتبدلك نفس الشعور يبقى دوس ورحو لها على طول متبقاش خايب او ضعيف
روح لها وقول لها انا معجب بيكى وعايز اخطبك ممكن ولو فعلا انت مستعد للخطوبة والارتباط الجاد اتقدم لها ولو ناوى تحب وتضيع وقت فدا مايرضيش ربنا
الحب محتاج جراءة كلمها علطول و اقول الى عايز تقوله حتى لو لم يحدث الزى تريده
لو عايز تكلمها حب والكلام دا ياريت بلاش عشان المعصية
ولو بتحبها فعلا اتقدم لها لو انت ناوى انك تخطبها واتعرف عليها اكتر
حسسها انك موجود اعمل اى حاجا تلفت انتظرها هات رقم تليفونها وكلمها من خلال اى حد تانى واولها انا عاوز نبقا اصحاب وشوف هتاولك اية
بص انت حاول تتعرف عليها بأى طريقه بس ماتقولهاش حاجا غير لمه تبدلك نفس الاحساس لاحسن تتجرح انا ليا واحد زميلي برضو كان زيك بظبط ولمه اتعرف عليها اعدو يتكلمو اصحاب وهيا ولا كانت بتدلو اى احساس ولمه قالها انو حبها وكدا جرحتو وقولتو انا مش في دماغي الموضوع دا ومن ساعتها الواد متعقد اوى ومش قارد ينسى احسلك ماتندفعش في احساسك فكر مية مره الاول عشان متنجرحش
انت عايز تحب علشان الحب ولا انت عايز تحب وتتجوز ياريت توضح