السلام عليكم
انا عمري ٣٢ سنة شغال في ايطاليا طباخ متزوج وعندي اولاد في مدارس . معايا اقامة وكله تمام . بس مش عارف هكمل حياتي هنا ولا هرجع مصر أو أشوف دولة عربية للهجرة وهفتح مطعم ؟
المشكلة إني بحكم شغلتي بشتغل في لحم خنزير وعشان كده بفكر أسافر لدولة عربية أو أرجع مصر . مش عايز أرمي نفسي في المجهول بعد ظروفي ما استقرت هنا بس في نفس الوقت مش عاجبني العنصرية وجو البلد هنا ومش عارف فين الصح لأن أولادي في مدارس وهيكون في مخاطرة لو الوضع مش هيتظبط لو سبت البلد هنا
شكرا
انت قلتها مش مستريح لانك بتبيع شئ محرم الله عزوجل حرمه وهولحم الخنزير وصدقني كل كسبك واموالك حرام وقاعدتاكل ولادك حرام اتقي الله في نفسك وفيهم ماحدش جبرك تعمل كدا فيك تشتغل بمايرضى الله عزوجل واسباب الرزق متنوعة والا يبغاالحلال يلاقيه والايبغاالحرام برضو هيلاقيه انصحك ان تترك الشغلانية دي وتخاف الله عزوجل عشان ربنايبارك لك في تجارتك وفي اولادك وترجع لبلدك مصر المحروسة كفاك غربة وبهدلة وتقدر تفتح لك مطعم خاص بك او شراكة مع احد وتبيع اكلات مصرية اوعربية اوغربية بالحلال وتكون وسط عيالك واهلك والناس اللي يحبوك هتلاقي الخيروالسعادة وراحةالبال والاستقرار النفسي والبدني وربنايوفقك ويهديك ويكرمك