انا ماماتي بتخون بابا بقالها فتره يعني تعرف واحد تاني وعملت معاه علاقه وانا تعبانه اوووى بسبب الحكايه دي انا عارفه انها مفتقده الحنان والرومانسيه من بابا وكمان هي طول عمرها بتشتغل وهي اللي بتصرف علينا وتعبانه علشانا لغايه ما دخلت جامعه وجوزت اوختي بس انا مش قادره اصرحها بأي حاجه بس هي حاسه اني عارفه بس لو اتكلمت معاها في حاجه بتقولي انا اللي بصرف عليكي وانا من غيري تضيعو ومينفعش اقول لاي حد خالص لاننا هنتفضح ولا حتى ينفع اني اتكلم معاها في حاجه لانها هتنكر او هتقولي ملكيش دعوه وحرام عليكي انا تعبانه من الشغل والمسؤليه اللي شايلها لوحدي (مع العلم ان ماما عمرها ما كانت كده وكانت ست كويسه اوى بس اتصاحبت علي ناس مش كويسه وخلوها كده)لو سمحت قولولي اعمل ايه
مشاكل الخيانة الزوجية
والدتى تخون ابى ولا اعرف ما الحل
اضيف بتاريخ: Wednesday, March 13th, 2013 في 11:13
كلمات مشاكل وحلول: زوج, زوجة, مشاكل زوجية
انا شايف انك تقولي لخطيبك وتحكيلو كل شئ بالتفصيل وتطلبي منه المساعده كمان وهوه لو بيحبك فعلا هيساعدك ويقف جنبك لان المشكلة بتاعت مامتك دي اكيد هيجلها يوم وتنكشف حتى لو المشكلة اتحلت ممكن تتكشف وساعتها انتي هتقولي يارتني قولت لخطيبي صدقيني مفيش حاجة بتستخبى الحل الوحيد ان خطيبك هوه اللي يحل المشكلة دي لان هوة دلوقتي الراجل بتاعك ولازم انتي اللي تكبريه وتحسسيه انك من غيره ولا حاجة عشان يقدر يحس بيكي ويساعدك وصدقيني المشكلة دي هتكون خير ليكي في الاخر لان ربنا قال وعسى ان تكرهو شئ وهوه خير لكم والمشكلة دي هتعرفك قيمتك عند خطيبك وساعتها هتعرفي الانسان ده بيحبك وشاريكي ولا هيتخلى عنك مهما كانت الظروف
انتى كده بتشاركى امك فى المعصيه قال رسول الله صلى الله عليه وسلم ” من رأى منكم منكراً فليغيره حرام عليكى واكبر حرام على والدتك دا كده زنا والعياذ بالله من الكبائر لازم تمنعيها لو وصل الامر انك تقولى لوالدك لازم تمنعيها بأى شكل والكلب ال بيعمل معاها كده لازم توقفوه عند حده
الاخوان كفو ووفو
لكن انتهي انتبهي انتبهي تخبري خطيبك راح يكون هذا أغبى شيء تعمليه بحياتك
عموما هذه ازمة اسمها ازمة الاربعين
غالبية النساء يقعون بها بهذا السن لحاجتها بأن تشعر انه لازالت مرغوبة ولازالت لديها مقومات انوثة مرغوب بها
وهي بالحقيقة فترة صعبة جدا ولا تتوقعي ان امك سعيدة
لو تقدري تجيبي داعية مايعرفكم لا من قريب ولا من بعيد وتاخذي امك ينصحها بإسلوب جميل قد يؤثر فيها
لأن النصح الديني اللبق والحجة القوية لها وقع بالقلب
بالذات ان امك باين من كلامك انها تشعر بالمسؤولية اتجاهكم والدليل تضحيتها وهذا يعني ان فيها الخير
اوصيك بالاستغفار والدعاء
فهما يقربانك لله ويفك كربتك
مفعولها كالسحر
أنا من رأيي لو خطيبك عاقل تديله خلفية عن الموضوع طالما والدك مصمم يكبره ويخليه على الملأ
عشان ميبعدش عنك لما يعرف وكمان ممكن الكلام يوصل له على إن كل بناتها زيها وتبقى مصيبة من كل الجوانب.
قولي لماما تبعد عن الناس دي وتنسى أي حاجة ووالدك مش هيقدر يعرف حاجة دي كلام وخلاص
وخليها تقفل معاه الموضوع ومتردش عليه لما يتكلم فيه وربنا يغفر لها.
بس في نقطة
عرفتي منين إنها كده؟
وعرفتي ازاي إنها عملت معاه علاقة؟
بصى يابتنت الناس انتى اوصلى لللندل اللى نام مع امك وشوفى ان كان ليه مرا او عيال او او وحولى تخوفيه من تحت لتحت وسعتها هيخلع ويسيب امك وامك هتوب وان متبتش اجى اضربها بالنار من الصعيد ربنا يسترها معانا
الاخت الكريمة فى وجهة نظرى مادامت الامور وصلت للطريقىة دى احسن حل لوالدك ان يطلقها لان هايكون فى الحالة دى استحالة معيشة بينهم وتجيبى حد من العائلة يأثر عليه عشان يتم الموضوع بدون فضايح ولا شوشرة وخصوصا انكم بنات وفى حاجة مهمة جدا اياكى ثم اياكى تحكى لخطيبك اى حاجة لانه لو عرف هايدخله الشيطان من كل حته ويبدأ فى الشك فيكى سواء حاليا او مستقبلا هاتفضل خيانة والدتك دائما امام عينه فمن الافضل عدم معرفة بالموضوع نهائيا وبالنسبة للطلاق تقوللى مثلا ان والدك ووالدتك مش متفاهمين مع بعض من زمان والامور وصلت لكدة وادعى ربنا وصلى واستغفرى حتى يفرج عنكم المحنة دى ونسال الله ان يوفق الجميع
الرد رقم واحد كلامه منطقي
اذا لم تستطيعي الصبر اكتبي لها ورقه وتكلمي فيها بكل هدوء وعقلانيه وذكريها بالله وبالاخرة وكذلك ذكريها بانها ليست صغيرة في السن والفضيحة مضرة
عايزه اقولكو اني الان في ضياع بابا عرف وشك في ماما وهما الاتنين بيهددوا بعض انهم هيخلصو عي بعض انا مش عارفه اعمل ايه وللاسف بابا بيسمع لامه اللي هي تيتا وهي بتسخنه اكتر علي ماما ودلوقتي انا قولت لبابا يطلق ماما ونخلص لكن هو بيفضحنا وبيعلي صوته واحنا كلنا بنات انا مش عارفه اعمل ايه (بصراحه اللي مصبرني علي الحياه هو خطيبي لانه الانسان الوحيد اللي بيخاف عليه وبيحبني من قلبه لو هو مكنش في حياتي انا كان زماني موت نفسي علي الاقل كانو هما الاتنين ربنا هيهديهم )المشكله بابا مش ساكت وعمال يقول انه هيعرف كانت بتكلم مين في التليفون من الشركه بتاعه الاتصالات انا مش عارفه اعمل ايه وانا اتخانقت مع بابا وقولتله حرام عليك احنا بنات مش شباب حرام عليك هتفضحناوهو بردو مفيش فايده فيه انا نفسي احكي لخطيبي بس عارفه انه مش هيفنع وانا مش عارفه االف اي موضوع عشان اقوله انا مضايقه ليه مش عارفه اعمل ليه بدعي ربنا ياخدني من عنده
أولا اود ان اقول لك انكى لست الوحيدة التى تعرضت لهذا الموقف انا .. لقد حصل معى مثلما ماحصل معك وانا فى سن 17 سنة ونحن عائلة ذات مركز مرموق ووالدى ذو مركز محترم الحمدلله ورايت خيانة امى مع السائق الخاص لوالدى وفى غرفة النوم ووقتها كانت المشاكل كثيرة جدا بينهما وانا كنت الكبير الان عمرى 35 سنة وامى هى ام لرجلين انا واخى 30 سنة واختى 22 سنة ولكنى ترددت ان افصح السر ولا حتى بينت لها انى اعرف اى شى حتى لا اكون سبب فى خراب البيت وضياع وتشريد الاسرة وسترت على امى وقولت ربنا سبحانه وتعالى لو رايد هيكشف الموضوع بدون اى تدخل منى حتى لا اكون سبب مع العلم ان امى انسانة متسلطة جدا وقوية الشخصية جدا ودائما تاليف القصص وتحب انا تعيش دور الضحية بإستمرار وابى هو رجل متسلط ايضا وعصبى بطريقة جنونية .. نصيحة منى إلك من ستر على عبد ستره الله يوم القيامة لو فضحتى الموضوع هيكون فى دم وممكن تكون هناك جريمة ابدأى بالسعى فى الزواج والخروج من هذه الحياه إلى حياة نظيفة وشريفة مع زوج يحبك ويحترمك ودعى الحكم لله سبحانه وتعالى انا امى الأن تعانى من امراض الوحدة والنفسية وضيق المال والضياع وبالطبع حصل انفصال بين اهلى والبيت كله اتشرد وكل واحد فينا راح لطريق وللأسف صدقينى من يدفع الثمن هم الابناء ونصيحة منى خدى حد تحبيه ويحبك من قلبه ويخاف عليكى واوعى تصارحى حد او تتكلمى فى الموضوع ده مع اى مخلوق فى حياتك مهما كان قريب منك لأن السكين لا تضرب إلا من القريب ارمى السر فى البحر لانك طاعة الام واجبة إلا فى معصية اللله وهى اللى بتعصى الله مش بتخليكى انتى تمارسى الزنا ادعيلها بالهداية وإبداى فى اتخاذ القرارت المناسبة للبعد عنها بإى شكل وليس التخلى منها وعلى ما اعتقد ان ماتقوم به والدتك هو نوع من الانتقام من شى ما فى الماضى
أولا الساكت عن الحق شيطان أخرس فسكوتك عن خيانة والدتك حرام وكأنك تعينيها على الاستمرار في هذا الفعل الحرام والدتك تحاول تشتري ثمن سكوتك بذكر أفضالها عليك دائما وهذا المبرر غير كافي للتمادي في سكوتك أن ماتفعله والدتك شيء طبيعي ليس فضل منها أو منة لان هذا دور الزوجة الطبيعي أن تقف بجوار زوجها اذا كان الزوج عاجز عن الانفاق على الاسرة مهما كانت الاسباب حاولي أن تذكرك والدتك بأن ماتفعله حرام وسيدخلها النار فعليها ان تتوب وتدعو الله أن يتقبل توبها قبل أن يأتي يوم لاتفع فيه التوبة كوني شجاعة وهدديها بفضح أمرها لعلها ترجع عن هذا الفعب المشين والمخجل وبطريقة غير مباشرة حاولي مع والدك أن يغير من معاملة لوالدتك ويهتم بها ويقدر تضحياتها لعل والدتك تغود الى صوابها وتكف عن هذا الفعل المشين والفاضح حاول مع والدك أن يكون لطيف مع والدتك ويحسن معاملتها لعل ذلك يكون له مفعول السحر على والتك وتكف عن خيانتها والله الموفق
لو الكلام اكيد اتكلي علي الله وقولي لبوكي هوا يتصرف الجبانه مش هتنفعك واللي خلقك مش هينساكي لو تقدري تحلي الموضوع حليه لو مش هتقدري قولي لبوكي
لو مفتقدة الحنان والرومانسية من ابوكى ده مش مبرر أنها تزنى وتخون جوزها لازم تراعى ربنا قبل ما تراعى جوزها,انصحيها بالتى هى أحسن أنها تتوب وتستغفر ربنا وتبعد عن طريق الزنا واذا كانت بتصرف عليكوا فده مش هيدوم كتير لأن الفقر والخراب هيعم عليكوا كلكم(وبشر الزاني والزانية بالفقر ولو بعد حين)وهى لازم تكون قدوة حسنة لبناتها وحذريها أنك ممكن تبقى زانية زيها فى المستقبل لو افتقدتى انتى كمان للحنان من جوزك!!!
ما هو عمر مامتك وهل انتى متاكده