مشاكل الخطوبة

اسيب خطيبي ولا اعمل ايه

انا كتبت مشكلتى وانا والله ببكى وارجو ردكم بسرعه انا مخطوبه وخطيبى بيحبنى بس اهله بيقلولى انتى مش جميله اخونا اجميل ووسيم مع انى مؤهلى عالى ومحترمه وبنت ناس وبيهنونى وهو بدا يبعد عنى رايكم اسيبه وزلا اتناقش واشكيله من اخواته وامه اخته قالتلى كان نفسى اخد له واحده اجمل منك مع انها كانت بتتراجانى عشان اوافق ارجوكم قلولى اسيبه ولا اعمل ايه انا مجروحه وكرامتى تعبت من اهانتهم وخايفه اسيبه ملاقيش فرصه تانيه فى الجواز

مشاكل وحلول ذات صلة

اضيف بتاريخ: Friday, March 11th, 2011 في 12:07

كلمات مشاكل وحلول: , ,

23 رد to “اسيب خطيبي ولا اعمل ايه”

  1. سفيره الاحزان
    06/08/2011 at 19:54

    ياريت يا اختي اناتصارحيه في موضوع اهله واذا حيوقف معاكي انتبهي تسبيه الان المتل عندنا في اليمن يقول تزوجي الي يحبك ولا تتجوزي الا تحبينه

    قَـيّـم هذا الحل: Thumb up 0 Thumb down 0

  2. توتة
    24/03/2011 at 17:34

    السلام عليكم بصي يا حبيبتي بجد لو انتي بتحبي ووثقة انو بيحبك يبقي لازم تتكلمو مع بعض لان اهانات اهل العريس للبنت لو بدأت مش هتنتهي غير لما هو ينهيا معاهم بنفسو لان الراجل هو اللي بيرفع من شان البنت وسط اهلو سدقيني انا شايفة ان احسن حل هو الكلام ومفيهاش اي كسوف علي فكرا قوليلو انتا ممكن يجي يوم عليك وتفكر في الاجمل مني هتيهالو مباشرة وساعتها هيبان علي وشو كل حاجا ووقتها انتي هتحددي ولو مقدرش يستغني عنك وجهي باهلو لان دا جرح ليكي كبير وهما ممكن يبهدلوكي بعدين اسفا طولت عليكي بااااااي الجمال عمرو مكان بالشكل بس دا الانسان اللي بيفهم

    قَـيّـم هذا الحل: Thumb up 0 Thumb down 0

  3. توتي
    21/03/2011 at 18:48

    اقولك علي حاجة انتي كدة ومش هتبقي غير كدة هو خدك شفقة يعني انت سبية احسن واللة واللة بعد كدة هتلاقي بيعرف ناس عليكي كتير وانتي مش بايدك حاجة لانك ساعتها هتكون مراتة سبيو وخدي واحد في نفس مستوي جمالك ومتزعليش هو ميستهلكيش

    قَـيّـم هذا الحل: Thumb up 0 Thumb down 0

  4. صديق
    15/03/2011 at 10:56

    اختى فى الله الافضل تصلى صلاة الاستخارة وان شاء الله لو فية خير ربناهيوفقك ولو شر هيبعده عنك واكثرى من الدعاء

    قَـيّـم هذا الحل: Thumb up 3 Thumb down 0

  5. سبحان الله
    14/03/2011 at 16:57

    بسم الله:يا أختي كلمة الجمال نسبية يعني اللي ممكن تشوفيه جميل جدا يكون في نظر غيرك وحش والعكس. ففي البداية كده انسي كلامهم عن الجمال الناس اذواق.وبعدين الاهم خطيبك لانه الشخص اللي هتعيشي معاه.مهما كان اللي هتتخطبي له هيطلعلك الشيطان من اي مكان يحاول عدم اتمام الزواج ويفرقكم سواء من اهله او منه او من اهلك لازم يبقى فيه مشاكل(افتكري ده كويس لاخر لحظة في جوازكم).وفي حاجة مهمة انتي ناسياها القبول يعني قلبه يتشد ليكي بكل تركيبتك حتى البسمة.سبحانه

    قَـيّـم هذا الحل: Thumb up 1 Thumb down 0

  6. منى
    14/03/2011 at 00:45

    ما تسبشى خطيبك طنش امه واخته وخاليىوثقهمن نفسك وانك احسن منهم دائما

    قَـيّـم هذا الحل: Thumb up 0 Thumb down 0

  7. حيران
    13/03/2011 at 20:29

    اولا موضوع انك خايفه انك تسبيه عشان خوفك من عدم وجود فرصه للزواج هذا تفكير خاطئ لان هذا رزق من الله وكل واحد هايشوف نصيبه وده مجرد خوف جواكي لازم تتغلبي عليه وبعدين انتي شكلك انسانه متعلمه المفروض انك عندك ثقه في نفسك وماتخليش الخوف يوصلك للتفكير ده
    ثانيا حكايه ان كل أهله بيقولو انك مش جميله ده سبب مش منظفي لرفضهم المهم شوفي انتي رأيه فين هو فين من الكلام ده حسيتي انه مش عارف ياخد قرار يبقي من الافضل ابعدي عنه وخليكي انتي ال تبعدي عنه مش هو ال يبعد عنك وخد ي قرار في الموضوع بسرعه وسيبك من حكايه انك خايفه عشان مايكونش فيه فرصه تانيه للجواز دي انسيها خالص دي حاجه في علم الغيب مش احسن ما تتجوزيه ويكون فيه مشاكل بينكم وبعدين يحصل طلاق وربنا يوفق لما فيه الخير

    قَـيّـم هذا الحل: Thumb up 1 Thumb down 0

  8. واحد وطني
    13/03/2011 at 09:33

    أختي الكريمة أنا أخوكي من سورية ومررت بنفس المشكلة لولا أن خطيبتي كان عقلها كبير لكان انفصلنا مع العلم أن خطيبتي تحمل كل مواصفات الجمال للفتاة يعني العيون الزرقاء و الشعر الأشقر و البشرة البيضاء الطول
    ومع ذلك كان أهلي يقولون لها نفس الكلام الموضوع بما فيه ردة فعل طبيعية لأهل كل عريس و بالذات إذا كان في شي يميزك عن ابنهم كالدراسة مثلاَ
    بس لازم كمان خطيبك ياخد موقف ايجابي من الموضوع و يوقف جمبك لانو ممكن يلحق شور أهلو و يكبر دماغو بجد و يصدق انك ما تستاهلوش و انتي و شطارتك لو حسيتي انو ممكن يستغني عنك و لو بالمزاح سيبيه انتي و حيجيلك جري
    افتكريني و ادعيلي  

    قَـيّـم هذا الحل: Thumb up 0 Thumb down 0

  9. منى
    13/03/2011 at 03:15

    خلى عندك ثقة بنفسك اكتر من كده مافى بنت مافيهاش نسبة جمال ربنا مايخلقش حاجة مش حلوة لو ماماته شايفاكى مش مناسبة ما كنتشى اتقدمت من الاول

    قَـيّـم هذا الحل: Thumb up 0 Thumb down 0

  10. صلى على نبيك محمد(مسلمه
    13/03/2011 at 02:18

    اللهم صلى على سيدنا محمد وعلى اله وصحبه وسلم يا اختى الجمال جمال الروح اغلبيهم بادبك واخلاقك اتعاملى معهم كويس جدا واحترميهم حسسيهم انك انسانه بجد صدقينى لو حسوا انك انسانه جميله من جواكى حيحسوا انك اجمل امراة فى العالم حتى لو مفيش نصيب هيندموا عليكى لما يجربوا غيرك انا عوزاكى تكونى طيبه معاهم جدا مش تمثيل صدقينى هيحبوكى اكثر من ابنهم وما تشتكيش من اهله له لان ده هيخليهم يكرهوكى ويحسوا انك من النوع الشكاى عامليهم بالحسنى وحببى خطيبك فيكى هو الاهم صدقينى ولما اخته تقولك كان نفسى اخدله واحده اجمل منك قوليلها الجمال جمال الروح والاخلاق

    قَـيّـم هذا الحل: Thumb up 0 Thumb down 1

  11. مروه
    12/03/2011 at 20:16

    بصى يا حبيبتى قبل متاخدى اى قرار صلى استخاره مره واثنين وثلاثه… انا فى رأيي تكلميه فى موضوع اهله ده وتهدديه انك هتسيبيه وشوفى هو هيعمل ايه ولو حسيتى انو هيقف معاهم سيبيه احسن

    قَـيّـم هذا الحل: Thumb up 0 Thumb down 0

  12. yagamal
    12/03/2011 at 18:24

    لا يوجد شئ إسمه جميلة وقبيحة (حلوة… ووحشة) هذا كلام فارغ وفهم خاطئ.. فالجميلة عندي قد تكون دميمة عن غيري, والعكس صحيح..
    وعليك أن تتأكدي إذا كان هذا الإنسان يحبك “لشخصك” و”أخلاقك”.. لا لمجرد أنك جميلة.. ويجب أن تتأكدي أن هعلى عكس رأي أهله وأنه لن ينصاع لهم بهذه الحجة.. وإذا كلن هو حسب قولك “”وهو بدا يبعد عنى”" فهذا لا يمكن أن يكون حباً أبداً أبداً.. ولو كان حباً فهو بدون رجولة.. فاهمة يعني إيه بدون رجول؟؟ يعني سيبيه يروح في ستين داهية.. فأنت -كما تقولين- “”مؤهلى عالى ومحترمه وبنت ناس”".. وبنت الناس -يابنت الناس- يلزمها راجل ابن ناس وليس راجل يقبل الإهانة لمراته حتى ولو أهانتها أمه التي ولدته, فهو إذن مش راجل.. وعمرك ما هتكوني امرأة محترمة..

    قَـيّـم هذا الحل: Thumb up 0 Thumb down 0

  13. تأكدي انك جميله جداً
    12/03/2011 at 16:42

    السلام عليكم ورحمته تعالى وبركاته
    شوفي حبيبتي .. انا متأكده انك جميله جداً بس جمالك ناقصه حاجه واحده بس .. ثقتك بنفسك .. الجمال مو بس بالشكل .. جمال الرووح بأنك تكوني مرحةدائماً ثانيا جمال الشخصيه وهذا طبعاً بأنك تكوني واثقه بنفسك لكي شخصيه مستقله عن اي احد .. ثالثاً انك تكوني جذابه والجاذبيه اهم ميه بالميه من الجمال .. وتكوني جذابه ف كلامك بانك تتعلمي فن الاصغاء وترسمي ع وجهك دأئماً ابتسامة خفيفه كلها ثقه وتفاؤل .. اهتمي بأناقتك وشياكتك واوقفي قدام المرايه وبصي لعيونك وقولي انا حلوووه انا جذاابه انا كلي انوثه .. . . شوفي اذا قالولك اخواته انك مو حلوه كان نفسي اخطب لاخويا احلى منك ابتسمي وقولي (هو في اصلا احلى مني) .. واضحكي كأنك جبتيها ع هيئة مزحة حتى مايفهموها غرور .. حاولي تقرأي بالنت عن الجمال والموضه والمصممين وكل شي جديد حتى اذا جلستي معاهم تقدري تتكلمي عن الجمال بكل ثقه ويمكن تغلبيهم .. اهتمي براستك وتفوقك لان هذا يضفي لكي احتراما خاصا ً .. . . بالنسبه لخطيبك .. لاتكلميه عن اهله لانهم اولا اهلو وممكن يزعل عليهم ثانيا حتى مايحس انك تأثرتي بكلامهم ويقول بنفسه انك ماعندك ثقه بجمالك .. بس كوني ذكيه بتعاملك معو .. مثلا اذا مره رحتو انتي واهلك فرح او مناسبه .. لما ترجعي اذا اتصل فيكي قولي في وحده ست بالفرح كانت عاوزه تخطبني لابنها ولما قلتلها مخطوبه ماصدقتني.. .. او مثلا احكيله عن اي شخص كان بدو بيحبك زمان بس تكوني انتي ابدا ماحبيتيه .. او مثلا قوليله جارتنا قالتلي اني بقيت حلوه خالص .. بس لاتكثري من هالحكي حتى مايمل منو.. . , . حبيبتي انا مخطوبه وخطيبي احلى مني بمية مرره .. بس مابيشوف حدا احلى مني وللعلم زوجة اخو خطيبي جمالها يأخذ العقل وهيا طيوبه وبتحبني وبصراحه احلى مني بس كل اللي بيشوفناغ بيقول اني احلى منها واني جذابه .. حبيبتي الثقه ثم الثقه .. ومافيها شي لو بحثتي بجوجل عن مواضيع .. 1-كيف تكونين جذابه 2-كيف تكونين واثقه من نفسك 3-كيف تكوني انيقه 4-كيف تتعاملي مع خطيبك 5-كيف تكوني محبوبه انشالله اكون افدتك .. اسفه ع الاطاله … (نونه) ادعو لخطيبي بالشفاء العاجل

    قَـيّـم هذا الحل: Thumb up 1 Thumb down 0

  14. ورد المنى
    12/03/2011 at 11:54

    ونسيت اقولك حاجة انتى بتقولى انهم هانوكى فى كرامتك يعنى ازاى عايزة تكملى مع واحد بيهين كرامتك!طيب بعد الجواز هتعملى ايه!دى أسئلة توجيهيها لنفسك ومتاخديش اى قرار وانتى منفعلة لوكان ربنا رايد تتجوزيه هتتجوزيه حتى لو العمر طال وانتى شكلك طيبة جدا اختى فى الله انا بنصحك ولآخر مرة انك متخديش قرار وترجعى تندمى عليه وكل الناس هنا بصراحة بيتكلموا صح بارك الله فيكم جميعا واتمنالك كل خير وسعادة ان شاء الله

    قَـيّـم هذا الحل: Thumb up 1 Thumb down 0

  15. ورد المنى
    12/03/2011 at 11:47

    يا اختى افضل حل انك تستخيرى ربنا سبحانه وتعالى

    قَـيّـم هذا الحل: Thumb up 2 Thumb down 0

  16. ميدو
    11/03/2011 at 22:54

    بسم الله وصلاه والسلام على سيدنا محمد
    اولا اكلمى معا وشوفى هو عايز ايه ما من ناحيه اخواته ممكن يكون مش مجوزنى وبيغيره
    ثاينا ام حكايه مفيش فرصه
    فده غلط جداااااا
    لان الموضوع رزق من عندلله ولا مفيش نصيب معا قولى الحمدلله اكيد هو خسرنا لانوا سابك وخسر
    وربنا يكرمك ان شاء الله باحسن منه
    واتعودى فى حياتك اللى بيسيب هو اللى بيكون خسرنا
    والله المستعان
    بالتوفيق ان شاء الله لجميع

    حل مناسب حسب التصويت. وانت ما هو رأيك? Thumb up 9 Thumb down 0

  17. واحد من الناس
    11/03/2011 at 22:37

    انا في راي تمسك بيه وربي حيغلب عليهم والجمال جمال الروح والدين والتربية لو انت فعلا بتحبيه كافحي وخليه يحس بانك متماسكة بيه وبتحبيه اكيد الله شايف وحاسس بيك وغد ينصرك عليهم جميعا توكل على الله ودعي لله في السجود

    قيم هذا الحل سلباً او ايجاباً: Thumb up 2 Thumb down 3

  18. توتا
    11/03/2011 at 18:56

    يعنى سمعتى الاهانات دى كلها وانتى لسة فى فترة خطوبة امال لو اتجوزتية هتسمعى اية وبعدين انتى بتقولى بدا يبعد عنك سبية انتى احسن قبل ما هو يسيبك والجواز دة بتاع ربنا لو ليكى نصيب فى الجواز هتتجوزى انتى مقولتيش انتى كام سنة عشان خايفة انك تسيبة عشان الفرص

    قيم هذا الحل سلباً او ايجاباً: Thumb up 6 Thumb down 4

  19. هند
    11/03/2011 at 18:31

    لو هو بيحبك ومتمسك بيكى ومعجب بشكلك يبقى خلاص ملكيش دعوة بأهله لكن لوة هو رأيه من رأى أهله ناقشيه فى الموضوع وبعدين هما لملا يحبوكى هيحبوا شكلك وهو كذلك وهى مسأله تعود

    قيم هذا الحل سلباً او ايجاباً: Thumb up 5 Thumb down 3

  20. ماهى
    11/03/2011 at 17:52

    ولا تدلهم اى عتبار وخليكى مع خطيبك وكبرى دماغك منهم خالص

    قيم هذا الحل سلباً او ايجاباً: Thumb up 5 Thumb down 5

  21. الاسم دين التسامح
    11/03/2011 at 17:37

    بصي هقول ليك نصيحتى انا اسفه على الرد الاول مكنش ليك وصل غلط يعني المهم اولا اى بنت جميلة لو هى عاوزة تبقا جميلة اى شاب يحب البنت الوثقه فى نفسها مش جمال الشكل اهم حاجة الشخصية اعملى ليك شخصية اذا كنتى ضيعفة خليك قوية معاه فى الشخصية الحوار الكلام والناقش دا كله هيعمل ليك شخصية اخته اذا قالت ليك انك مش جميله اعتبري الكلام مش عليكي قولى ليه الا مش جميلة الثقه اهم من كل شيء فى بنات كتير مش جميله الشكل ولكن شخصيته جميله وفى بنات كتير جميله الشكل ولكن لا يوجد روح ولا قلب اثبتى شخصيتك مع خطيبك غيري من نفسك شوف ايه فيك يتغير وصدقنى هتلاقيه هو يجري وراكي

    حل مناسب حسب التصويت. وانت ما هو رأيك? Thumb up 12 Thumb down 1

  22. حياتى كلها لله
    11/03/2011 at 14:16

    اختى في الله ربنا خلق الناس اشكال والوان وقسم كل حاجة بالتساوى بين البشر والناس عمرها مكانت بشكلها لا يا اختى الناس بعملها الطيب واخلاقها الصالحة ودى خلقة ربنا محدش بايدوا اختار يكون جميل ولا حد اختار يكون وحش والجمال الحقيقي هو جمال الروح والطبع لو اهل خطيبيك شايفينك وحشة طب خطيبك اختارك ليه اكيد شايفك اجمل واحدة في عينة وحتى لو ملكة جمال مع الوقت الجمال بيروح ويكبر السن والعمر شوفي يا اختى لازم يكون عندك ثقة في نفسك اكتر من كدا انصحك تقولي لخطيبك كل راي اهلة فيكى ولو معملش حاجة معاهم وفضل سلبي زى ما هو يبقي تسيبك منه وربنا هيعوضك خير باذن الله استخيري ربك وصلي استخارة والاقرب الي قلبك اعمليه ربنا يسعدك اسفة للاطاله

    حل مناسب حسب التصويت. وانت ما هو رأيك? Thumb up 13 Thumb down 1

  23. لله الامر من قبل ومن بعد
    11/03/2011 at 13:15

    اختى الفاضله انتى لسه عروسه وسمعتى هذه الاهانات من اهله طيب امال لما تدخلى بقا منتظرك ايه انا من رأيى انك تسبيه وربنا حيرزقك بغيره وافضل منه وبلاش تنزلى من كرامتك ابدا لو حتفضلى طول عمرك بدون جواز نصيحه من اخ لاخته فى الله بعد الكرامه تغوركل حاجه حتى لو الانسان متجوز ومخلف كمان الكرامه الكرامه الكرامه ثم الكرامه وبلاش تسمعى اى رد يقولك طيب اتكلمى معاه وخطيبك زنبه ايه والكلام اللى مش بيودى ولا بيجيب ده زنبه ان اهله ناس جهلاء وهو مالوش شخصيه انه يستحمل منهم عليكى كلام زى ده واسف على حديتى فى الرد

    قيم هذا الحل سلباً او ايجاباً: Thumb up 9 Thumb down 5

اترك رداً أو حلاً لهذه المشكلة