مشاكل عائلية

اختي حاسدة ارى الكره الدفين والغيرة في عينيها

مشكلتي مع اختي بدأت من نهار تزوجت قبل عدة اعوام.

تزوجت درت العرس فرحانة بزاف، من بعد الزواج بشهر خرجت حاملة فرحت بزاف.

ولكن بديت الاحظ على اختي اصغر مني وماهية مزوجة كتغير مني بزاف في اي حاجة: سافرت مع راجلي كتغير، خرجنا شي مرة نتغدا ولا نمشو شي مدينة كتغير، شرا ليا دهب كتغير، شرا ليا الملابس كتغير، اي حجاة شافتها تزادت عليا بدلنا دار فرشنا.

ولدت بنتي الاولى، عاوت ولدت مولود دكر، عاود شرينا دار تانية فرشناها بارفع اتات ودرت دخلة دار وفرحت وجمعت العائلة كنشوف في عينها كره ليا وحقد وحسد دفين.

وانا تلقائيا كلشي كنعاودو ليها ومنعرفش نخبي وكتحرش عليا حتى ماما كتمشي معها وملي كنكول ليها علاش كتمشي معها، وهيا ضالمة وكتشوفيها كفاش كتبين الحسد كتكوليا لا مالها مدارت والو غير فهاد لعيد شريت كورميت دهب صورتو وسيفتو ليها سيمانة متكلمات معايا سبحان الله انا والله مكنحس بهاد الغيرة والحقد من جهتها حيث الحمد الله والشكر الله كتيرا مخاصني حتى خير زوج ديالي ميسور الحال الله يخليه ليا وليداتو تاحجا مامخليها ناقصانا اللهم لك الحمد والشكر حتى ترضى.

وبعد الرضى بغيت من القراء الكرام بكل تواضع رأيكم في هاد اختي لي ملقيتش لهاد لكره ديالها اي سبب!!

تقولو ليا تجاوبوني انا فتحت ليكم قلبي وهضرت معاكم حتى نتوما متبخلوش عليا بجوابكم انا  ما عندي غير اخت وحدة وخوتي اولاد 3 لكن هي بزاف محسادة الله يستر كنشوف خوتات كفاش كيبغو خوتاتهم وكيطحو على بعضهم ومكبرين بعضياتهم كنبقا غير نشوف كنستنا جوابكم، والله ولي التوفيق.

مشاكل وحلول ذات صلة

اضيف بتاريخ: Monday, August 2nd, 2021 في 22:53

كلمات مشاكل وحلول: , , , ,

2 رد to “اختي حاسدة ارى الكره الدفين والغيرة في عينيها”

  1. لوليا
    12/08/2021 at 17:56

    إن الله أعطاكي من فضله ولم يعطي أختك لذلك حاولي مساعدتها اجلبي هدايا لها و اعطيها فلوس و حاولي تجيبلها عريس.

  2. الة حاسبة
    05/08/2021 at 05:42

    هذا مجرد وهم ومن عمل ألڜيطان ، لا يعلم الانسان ما في نفس غيره ،لا تظلمي قلب اختك المسكينة ، ممكن تكون غيرة طبيعية ونظراتك لها بسوء الظن اربكها ، النفس ضعيفة جدا تمرض بوهم وتحزن بكلمة سيئة وتفرحها كلمة حسنة، ليسو كل الناس حاسدين ، الذي يضر حسده نادر بين الناس ،احسني انت الظن واحبي الخير ل،ها ، كلامك انت فيه من صفات الحاسدين ، الذي يكره الخير للناس يحرم من خير منه والذي يرضى لهم الشر يجزى شر منه ، الذي يعلم هذا يمشي في الارض بسلام ، لا تعاملي الناس على نظراتهم وما يبدو على وجوههم ، اذا كان لك انت اخلاق حسنة تعاملي پها معهم لا تغير الاخلاق نظرة او عبوس او ابتسامة ، الذي هكذا كلمة سيئة تستفزه وتظيع دينه وتجعله يرتكب اكبر الظلم وشر الاعمال ، اهل الخير يتعاملون بحسن الظن والحلم والرفق ، لن تجد خير مما عند غيرك حتى تبلغ منزلة ان تحب له خير مما تحبه لنفسك ، ولن تسلم من شر تمنيته او رضيته لغيرك ،

اترك رداً أو حلاً لهذه المشكلة