اسرار البنات

احساس مستمر بالوضاعة والشعور بالذنب

سامحوني علي السرد الطويل بس جايز احس بأقل الراحة

انا بنت يشهدلها الكل التزام ديني واخلاقي واحترام للناس وطيبة فوق الوصف لدرجه كانو بيقولو اني عايشه دور المثاليه في الدنيا وعشان كدا هتعب اوي في حياتيي

كنت في حالي لابعد درجة وعمري ما اتعاملت مع حد ولا حتي اديت فرصه لحد يقربلي دخلت الجامعة وفي تدريب صيفي قابلني واحد من النوع اللي عاوز كل حاجه ليه شاف مني كل اللامبالاة خاصه اننا كنا بنتقسم جروبات ف التدريب وكان بيقع في جروبي فكنت بستنكر عليه التعامل معايا بالذات كأنه عارفني بس معرفش ياخد مني كلمة حلوة حتي وفي نهاية التدريب قالي انه معجب وبقية الحوارات دي فصديته وفضل بعدها ستة او سبع شهور بيحاول يوصلي بكل الطرق وجاب رقمي من كشف التدريب وعرف بييتنا لحد ما في النهايه مالقاش طريق معايا غير انه يخطبني

جالنا البيت ورحبنا بيه واتخطبنا وفتحت قلبي للحب والحياة والمشاركه الوجدانية لاول مره واعتبرته العوض ليا في كل اللي مكنتش بلاقيه صاحبي اللي بفضفله وبحكيله وخطيبي وزوجي المستقبلي وكل حياتي

كان كل لحظه يكلمني حسيت الاهتمام طعمه ازاي لحد ما حسيت بدرجه اقوي من العشق معاه بقيت بخاف عليه اوي وبخاف ع زعله ومش برفضله طلب

استعبدني بمعني اصح لدرجه انه كان بيزعق فيا وانا ال بروح اصالحه وكان الصداع اما بس يجيله كنت ازعل وممكن كمان اعيط

لحد ماجت مرة في عيد ميلاده بعد خطوبتنا بأربع شهور كان ف بيتنا وكلهم بيجهزوا الغدا في الدور الارضي واحنا فوق ف الصالون حاولت ابعده مسك ايدي جامد وباسني وبعدها حضني وحقيقي من حبي ليه مالقاش مقاومه كبيره ولا صرخت ولا زعقتله وكنت اضعف من الضعيفه ادامه

وفي مرة تانيه بظروف غيير دي حضني وراح زانقني بالجدار حاولت اصده قالي ارجوكي دا لو بتحبيني المرة دي بس وخلاص قلت مقاومتي ليه لقيته بتحرك حركات غريبه وبيلتصق بجسمي من تحت وبعدها دخل ايده من تحت ملابسي ولمس كل جسمي من فوق بس بكل تفاصيله وبعده قعد يبوسني كتير واسفه علي التصوير الاقرب للدقيق بس دا عشان يوصلكم درجه البشاعه اللي انا كنت فيها

المهم فقت من الغيبوبه دي وقعدت ابكي بحرقه وصليت قيام طول الليل ان ربنا يغفرلي ودعيت يارب انه لو دا الانسان الصح قربه ليا ولو مش هو ابعده عني واتعذب شويه بدل ما اخسر طول حياتي

هو كان بعشقني بمعني الكلمه وبيحبني بجد وحصل بعدها موقف كدا بين باباه ووالدي خلت الظروف تتلخبط وكان السبب فيها والدي لانه كان الي حد ما مش مرتاحله وعليها بابا فركش الخطوبه

اتعذبت بعدها وشفت كل انواع الالم والبكاء بعد خيبة الحب اللي سمحتله يدخل حياتي وبعد احساس اني بعدت عن انسان عملت معاه كل دا وممكن ابقي من نصيب حد غيره مالوش ذنب ياخد واحده لمسها غيره

هو في الوقت دا كان زعلان لكن بعدها استسلم عادي هيجرب قصة جديده وخلاص وزي ما تقولو كدا خيرها في غيرها ولانه الولد الدلوع اللي ما بيترفضش له طلب من اهله محاولش يتعب نفسه ويصلح بين الطرفين وكنت اما اكلمه يقولي حسبي الله في باباكي هو السبب وانا مقدرش اعمل حاجه لانه جه علي كرامه بابا وطبعا غير كلام تاني ومعامله وحشه زي انه ميرددش علي رسايلي او تليفوناتي او يقولي خلينا اصحاب وابقي طمنيني عليكي

عيشت في عذاب الحب اللي قدرت اتخلص منه واحرقه كل اما افتكر الاحداث ال حصلت كلها وبعذاب النفس اللي مبسبنيش ابدالحد ما جالي بعد نهايه الخطوبه دي باربع شهور شخص تاني ملااااااااااااك

في الاول وافقت عليه مراضاة لاهلي بس بعد كدا بعد ما قعدت مره واتني وتلاته معاه حسيت بحب من عند ربنا كدا كل شويه ودلوقتي بعشقه حب تاني من نوع تاني حب ربنا قاسمه ليا وعاطيلي الاذن فيه اني افتحله قلبي حب نضيف لانه اساسا شخص نضيف اخلاق ودين واحتترام وسمعه طيبه وشهره كبيره

بقالي معاه سته شهور بعشقه عشق حقيقي حاولت اتفاادي معاه اخطاء التجربه ال فاتت وخفت اكون معاه ضعيفه بعد ما حبيته فقررنا نكتب الكتاب وبالفعل كتبناه

عاوزه اقول اني بعيش معاه احلي ايام حياتي بدون مبالغه وحاسه معاه كل الاحاسيس الحلوة ال كنت مفقتقداها مع الاولاني علي الاقل ببقي ضامناه بره مبيكلمش واحده او بيبص لها لانه دايما غاضض بصره

دلوقتي

تأنيب الضمير هو اللي تاعبني خاصة اما الاقيني انا اول واحده يعرفها في حين اني كنت عارفه قبله واحد وحصل بينا اللي حصل ده واللي اكتشفت قريب انه رد دين لوالدي لانه عمل شئ مشابه مع واحده انتقاما من اخوها اللي كان اتعرض لعمتي

بحس نفسي حقيره ووضيعه وعايشه الاحساس دا داايما

بحاول اسعده بكل الطرق ونفسي اعوضه عن كل حاجه بس للاسف مش هقدر بسبب اللي فات واللي هو ميعرفوش

انا دلوقتي مخلياه دايما الحمد لله سعيد وماشي دايما بتنطط من الفرحه وانا كمان اسعد واحده في الدنيا

بطيعه في كل حاجه وعمري ما زعلته ولا رفضت له طلب وبتقي ربنا فيه لابعد حدود بس مش قادره اسامح نفسي وحاسه اني ظلمته وانه خساره فيا وكتير علي واحده مقرفه زيي

22222حاجه تانيه احساسي ان ربنا خايفه يكون غضبان عليا وحاسه اني مستحقش انه يغفرلي ولا يغفر القرف اللي عملته دا وكل ما احس اني كنت في الوقت دا في وضع زنا وبيتهزله سبع سمات اخاف وابكي واستغفره كتير

انا مفيش يوم بيعدي من وقتها ولحد دلوقتي الا لما بعيط وبقيم الليل ادعي ربنا يغفرلي بس خايفه يكون غضبان عليا وحاسه ان ال عملته ذنب كبير ميغتفرش رغم اني عارفه ان رحمة ربنا وسعت كل شئ مهما بلغت الذنوب

هل فعلا ممكن ربنا يغفرلي وازاي انسي ال فات وابدا اعيش بدون تأنيب الذات ال ملازمني دا رغم ان قربت لربنا اوووي وصلحت كل التقصير اللي فات

33333 حاجه تالته بتخوفني ان الشخص الاولاني دا يقول كلام عني او زوجي يعرف حاجه منه او يسمع حاجه خاصة ان الشخص دا بالفعل لسه بيحبني وندمان انه فرط فيا كدا بسهوله واستغرب اني ازاي اتخطب لواحد كدا بعده وبالسهوله دي حتي بعتلي ليلة الخطوبة رساله ومعرفش عرف ازاي اني هتخطب بس مردتش عليه بس خايفه اوي وكل ما احس ان ممكن الاتنين يتقابلو مره وزوجي يمشي عادي لانه مش عارف حاجه والتاني من جواه ممكن يكون بيفتكر جواه كل اللي حصل بينا بزعل اووي وبحتقر نفسي اوي اوي واقول مالوش ذنب زوجي في كل دا

معلش طولت بس كلموني وردو عليا جايز كلامكم يريحني جايز الاقي حل عندكم للي حاساه وسامحوني اني طولت بس كنت عاوزه افضفض حاسه اني بتخنق بالكلام دا كله

مشاكل وحلول ذات صلة

اضيف بتاريخ: Sunday, November 19th, 2017 في 19:06

كلمات مشاكل وحلول: , , , , ,

4 رد to “احساس مستمر بالوضاعة والشعور بالذنب”

  1. Dr-aaa
    01/02/2018 at 12:46

    رسالتي حتوصلك متأخرة،،بس لي وحدة اعرفها حصل معاها موقف شبيه بالي حصل لك بس مش مخطوبة،،أسألك بالله تدعي لها زي ماربنا عوضك يعوضها عاجلا غير آجل ويغفر لها ويعفو عنها ويسعدها،،أنا بانألم عشانها ولماقريت قصتك تمنيت يحصل معاها زي الي حصل معاك،،ماتنسيش تدعي لها،،وربنا يسعدك،،

  2. نودي
    11/12/2017 at 14:17

    يا حبيبتي ولا يهمك عيشي والمكتوب هيحصل متفضليش متخوفه كده وعايشة في تهيؤات وحتي لو الحقير ده قال لزوجك حاجة ايه الدليل اكيد جوزك فاهم وكويس انو مش هيصدق اي حد كده فهيقول ده واحد بيفرق بيني وبين مراتي متخافيش خالص الحاجة تانية بالنسبه للغلطة اي انسان معرض للخطا سواء كويس ونضيف او سئ والله يابنتي عادي غلطي بتقدري تتوبي وتستغفري وخلاص ربنا جمييييل جدااا والله والله …بالنسبة لتأنيب ضميرك ياستي اعتبري ده عقاب وكمان ده شئ كويس تأنيب ضميرك وبالالم ده بيدل علي انك نضيفه اووي وغصب عنك المهم انك تكوني عرفتي غلطك وخلاص وكمان ده شئ طبيعي اي حد بيعمل غلط بيتعب بعدها عشان الواحد يقف لنفسه وياخد القرار الصحيح ده احساس طبيعي ربنا بيبعته لينا بعد المعصيه عشان ميكونش للواحد مبرر ولا حجة بالنسبه انك شايفه جوزك كتير وانك وحشه والله دي مجرد تهيؤات من الشيطان بصي هو فترة وهتعدي بعد كدة هتلاقي نفسك نسيتي كل ده مع انشغالك في الحياه وكده هتبقي مجرد ذكريات مراهقه وكدة والله يابنتي انصحك الدنيا دي فانية وخلاص احنا بقينا في زمن مايعلم بيه الا ربنا انصحك بدل متتعبي نفسك في حاجات ملهاش قيمه وعدت ركزي في اللي جاي وركزي في الاخرة انتي فهماني طبعا وانتي زي العسل ومفيش حاجه تستاهل زعلك

  3. المتواضع
    25/11/2017 at 22:58

    ولا تزعلي نفسك اختي فانتي الان ست بيت و ماقمت به ليس ذنب بل غلطة و صلحتيها بطلب المغفرة
    الان اهتمي بزوجك وانتي لم تخدعيه لانكي لم تكوني على ذمته ولا تحسي ابداً بالشعور بالندم ولا الحقارة فانتي على حسب كلامك ست الستات وياريت بنات اخر زمان يلحقوا شعرة من تربيتك واخلاقك

  4. رجل بسيط
    20/11/2017 at 05:19

    رسالتك جميلة وانتي جميلو قلب ودين واخلاق
    اللي حصل حصل انسي الماضي بكل ما فيه وخليكي مع زوجك وخليكم انتو الاتنين في معية الله
    ولا تخافي من حطيبك الأول ولا تخافي من اللي حصل
    ربنا عوضك خير لانك خير وتستاهلي كل خير
    ويمكن ربنا عمل كده مخصوص عشان انتي كويسة
    وتاكدي ان ربنا غفور رحيم
    انتي بنت ناس ومؤدبة تحياتي لك
    وربنا يسعدك ارمي الماضي في سلة المهملات بكل ما فيه

اترك رداً أو حلاً لهذه المشكلة