السلام عليكم
انا شاب عمرى 31 سنه و خاطب بنت عمرها 19 سنه و اشك في خطيبتي لانها اعترفتلى انها كانت على علاقه بشباب على النت وكلام مش كويس كانت بتسمعه وكمان حبيبت واحد بجنون ولكنه تخلى عنها فى الاخر
وقالت انها نسيته ولكنى حاسس انها لسه فاكراه وبتفكر فيه
وساعات بتسرح واسالها تقول مفيش
هيه بتحبيبنى ولكن الموضوع ده يؤرقنى
ارجوكم افيدونى وشكرا
ياابني مافيش بنت ولاشاب الاوتعرضوا للحالات زي كداويمكن اكتر منها لكن عايزك تتقرب منهااكتر وتحاول تعرفها اكتر هل مازالت تكلم شباب زي الاول اوانهاصادقة معك وقطعت اي علاقات بيهم وانت لك الاختيار اما الزواج منها اوالابتعادعنها
انا حكون صريح معك اول حاجة هيا وصلت لوين في حبها القديم يعني للحرام الاكبر ولا مجرد حب عفيف لو حب عفيف انت وريها حنانك وحسسها انها اذا فكرت ولو تفكير في الشخص القديم دي اسمها خيانة وكدة اما لو كانت واصلة في حبها الاول للجسد نصيحة ابعد عنها تبئى مش من توبك
انا رأيي انك تقرب منها اكتر وتشملها بحنانك وتنسيها حبها الاولاني ده وخليه تحبك اكتر من حبها ليه وهي انسانة طيبة وقلبها ابيض وثادقة معاك والدليل انها حكتلك علي ماضيها واعذرني ده مبيحصلش من بنات كتير عشان صورتها متتهزش ادام الراجل اللي هيتجوزها وانا شخصيا مش هحكي لخطيبتي عن تجاربي القديمة ولا هسألها عن تجاربها لأننا هنتولد في اليوم اللي هنحب فيه بعض
على فكره أدام هي حكتلك دي حاجه كويسه في حقها و دا معناه إنها صادقه ومش حبت تغشك .. كان ممكن تبين نفسها إنها عمرها ما كلمت حد وتبان زي ماانت عاوزها وانت كنت هتعرف منين ؟ .. وعلى فكره هتلاقيها كانت حاجات عبيطه يعني وهي علشان حاسه انها غلطت ف قالتلك .. دي حاجه مش مستاهله إنها تشغلك كدا وبعدين ادام هي حكتلك يبقى بتحبك او على الاقل اطمنتلك ; خلاص إبدأ معاها دنيا جديده كدا و شكل و عرفها الصح وعلى شخصيتها دي انت سهل تخليها زي ماانت عاوز هي هتسمع كلامك .. بس بلاش تجيبلها سيرة الموضوع اللي حتكهولك علشان لو عملت كدا عمرها ماهتآمنلك بعد كدا وممكن توصلها لإنها تخبي عليك ابسط الحاجات
لكل بنى ادم فى الدنيا تفكير لوحدة اولا البنت اصغر منك بياما وبعدين الى عرفتو من كلامك عن الى كانت بتحبو بجنون والكلام الهايف دة لعب عيال انت معاك بنت لسة مش ناضجة فى الدنيا كويس اعملها انت حاوى مرة تبقى الانسان الى كانت بتحبو بجنون ومرة حنون ومرة مجنون البنات عايزة الروش والى فاهم الدنيا وبرضو خليك حنين معاها البنات تموت فى الى يكون حنين معاهم
الصراحه يا ابو الكباتن انت غلطان انك اصلا خطبت واحده كانت علي علاقه بشاب وكمان عندها اميلات ع النت وازاى كبريائك وكرمتك يسمحولك تكمل معاها بعد ما هي بنفسها اعترفتلك انا لومنك اقسم بالله اسبها عشان قدام حياتك هيبقي فيها شك حتى لو كانت ملكه جمال الكون انا شب زيك ويهمنى مصلحتك اصل دلوقتى احنا ع البر قبل ما تندم دول يابنى بير خيانه وابعد عن بنات القاهره خليك في الصعيد والشرقيه اهليهم رجاله وفي ضبط وربط
واضح انها طيبة عشان حكتلك حاجة زى كدة دى طيبة مش قلة ادب احتويها انت ومتخوفهاش انها حكتلك حاجة زى كدةربنا يسعدكوا ويوفقكوا
هي عبيطه انها حكت ليك اي شي عن معرفتها باي حد بس هي طيبه وبنت حلال لانها حكت ليك المهم اتقرب منها واحتويها وشوفها واتكلم معاها في اللي شاغلها
المشكلة ان رجال كتير مش بياخدو بالهم ان البنت اللى عملت حاجات كتير غلط بتكون فاهمة طبيعة الرجالة مش بيحبوا يسمعوا اى حاجة عن ماضى اللى هاتكون شريكة حياتهم وبتتعامل معاهم على هذا الاساس وتعمل نفسها فلة وتبقى خربت الدنيا بس انت خطيبتك لسة صغيرة وطيبة وزى ما بيقولو لسة ما تعلمتش تبقى مزيفة وده المفروض تحترمه فيها مش تشك فيها انا كان ممكن اعذرك لو هى بتعمل شات حاليا او بتكلم حد حاليا واوعى يوم تعايرها باللى هى حكت لك عليه هاتفقد الثقة فيك وحاول تحبها زى هى ما بتحبك وهذا اهم شىء البنت لو حبت مش بتشوف غير حبيبها حتى لو الدنيا مليانة ناس
انصحك بأن تكون علي قدر الثقه التي منحتها لك فكونها اعترفت لك بماضيها فهي انسانه تستحق الغفران علي مامضي من عمرها وصدقني مادامت قد اعترفت لك بهذا كله فهي تحبك وتقدرك وتريد بدء حياه جميله وجديده بقربك فلا تجعل شكوك الماضي تعك صفو حياتك وترفع عن هذا كله بالحمه والتقدير كن لها اباً حنون يحتويها بكل مافيها ويوجهها الي الصواب حين الوقوع في الخطأ وليس مجرد زوج للمستقبل بيدك انت وحدك تستيع رسم حياه جديده سعيده بعيده عن الاوهام والهواجس.. وبيدك انت وحدك تستيع ان تملك قلبها طوال عمرها فتذكر هذه الكلمات فهي نصيحه مخلصه ….
اتمني لك حياه سعيده بعيده عن المشكلات والشكوك