السلام عليكم
انا عمري 16 سنه و بحب ابن عمي من لما كان عمري 11 سنه رغم اني مكنتش بشوفه غير في الاعياد بس عمري ما اتخليت اني ممكن احب حد غيره
و في فتره قربنا من بعض اوي و قالي ان هو بيحبني انا كنت اسعد واحده في الدنيا لما قالي كده….و بدأنا نتكلم في الموبايل من لما كان عمري 13 سنه و اتعلقنا ببعض اكتر و هو كان بيحبني و بيحاول يرضيني بكل الطرق…و لما وصلت 15 سنه حسيت ان مش من المفروض اتكلم معاه لان ما فيش حاجه رسمي بينا و ان لو محصلش نصيب لما نكبر هكون خسرته للأبد…و قلت اني لازم اسيبه قبل ما اتعلق بيه اكتر لان حرام اني اتكلم معاه رغم ان كل كلامنا في حدود الادب و عمرنا ما اتكلمنا في اي حاجه عيب او حرام…و لما قلتله و فهمته وجهة نظري قالي انه احترمني اكتر و حبني اكتر ووافق اننا نبعد فتره لحد ما ظروفنا تسمح بالخطوبه..بس بعدها بإسبوع كلمني و قالي انه تعبان اوي في بعدي و مش قار يستحمل دنيته من غيري..بس انا رفضت ارجع اتكلم معاه في الموبايل تاني..و بعدها حصلت مشكله بينا و انا حرحته بكلام فقالي انا مش عايز اعرفك تاني و قالي انه حب واحده تانيه بس انا مش مصدقاه…و فاتت سنه لحد دلوقتي و نا تعبانه اوي و مش عارفه انساه بأي طريقه و لما بشوفه مش بقدر اكلمه ولا هو بيحاول يكلمني
انا زعلانه اوي لاني خسرت اقرب انسان ليا في الدنيا لانه كان اكتر من ابن عمي
و مينفعش اتكلم معاه و اعتذرله لانه بيعتبر الاعتذار تقليل من الكرامه..و هو لما كنا بنزعل كنت انا دايما اللي بصالحه
اعمل ايه انا بحبه اوي و مش عارفه انساه
الحب بين الاقارب
مجنونه بحب ابن عمي
اضيف بتاريخ: Friday, April 27th, 2018 في 04:26
كلمات مشاكل وحلول: الحب, الخطوبة, بنت, حب, شاب, موبايل
انت فاكره ان دا حب تبقي غلطانة جدا دي كلها تصرفات وطيش مراهقين احمدي الله انك ماتورطت معو في شئ وحافظتي على شرفكي وسمعتكي اهتم بدراستك والتركيز بها وربنا يؤفقك ويكرمك بكل الخير اوعي ترجعي للكلام معه انسيه تماما وربنا يستر عليكي ويصلحكي
حب ايه يابنتي انت فاهمة غلط دي كانت مرحلة مراهقة وكلها طيش وتهور واندفاع وتصرفات غير اخلاقية تقع فيها البنت والولد في سن المراهقة الحمدلله انك ماتورطت معو في العلاقة وعرفت ان هذا حرام ولايجوز وابتعدت عنه نهايئا استمري في تجاهلك له واياك والرجوع اليه او الكلام معو حافظي على خلاقك وشرفك وسمعتك وسمعة اهلك وثقتهم فيك وربنا بيكرمك بحسن منو ياقموره هتلاقي نصيبك مع ابن الحلال اللي يستاهلك فعلا ويحافظ عليك ويقدرمشاعرك ويسعدك العمر كله