مشاكل الزواج العرفي

زوجي والممرضة و الجواز العرفي

انا متزوجة من 17 سنة وتزوجني بعد قصة حب وزوجي طبيب واستاذ جامعة حاليا وكان يعمل باحدي المستشفيات وبدءت ممرض تلاحقة وتشغلة بالتليفونات وذهبها للعيادة بكل الحجج وعند علمي من اصدقائة واجهتة فقال لي انها بتحاول معة ولكنة فاهم النوعية دي وماخفش لان استحالة يحب اي فتاة غيري وعلي كلامة انا عشرة عمرة وعندما كان احساسي يحادثني عن شئ مريب بين زوجي والممرضة كنت ابحث ورائة والاقي رسايل ومقابلات وكلمات غير مفهومة وكان عندي احساس بالخيانة او متزوجها وعندما اوجه كان كالعادة بينكر علاقتة بيها وعندما اتصل بيها واكلمها بكل هدوء بان علاقتها بية حرام وبانة لم يتزوجها ومن الاحسن ان تنظر لمستقبلها كانت تنهال علية بالشتائم واتهامات بشرفي وكنت اختم كلامي معها باني لدي بنت وخايفي عليها كانت ترد وتقولي شوفيها جيباها من انهي راجل دة غير الرسايل اللي كانت بتنهال علية بالشتائم وادعية بكل امراض العالم لي ولاهلي تخيلوا لو ابوكم وامكم بيتشتمو باقذر الشتائم والدعاء عليهم بكل الامراض الدنيا من تلك الفتاة ومع مرور الوقت فجاءة قرر زوجي بعد خلافات استمرت سنوات وطلبي الطلاق تكرارا وبالفعل اطلقني مرتين وكان يمر علي طلقني ساعة واحدة كان ياتي الية ويبكي ويطلب مني ان اسامحة واني النقطة النظيفة الموجودة بحياتة قرر زوجي ان يسافر ويعمل في الخارج بعد رفضة لعروض كثيرة وكان السفر في خلال شهر وطلبت منة السفر هو وانا والاولاد ناتي بعد ذلك رفض وطلب اننا نسافر بع بعض وبعد وصولنا للمكان ترك لي كل شئ واضح امامي كي اعرف بانة كان متزوجها عرفي لمدة سبع سنوات وترك لي رسائل بينهم علي النت بكل التفاصيل من يوم كتابة الورقة التي كانت بدون ولي والشهود من الشارع ومعشرتة لها اول يوم في شقتي وبياتة في بيت ابيها في وجود ابيها واخيها بدون علمهم وانة عاشرها في كل شقق اخواتها بدون علمهم وفي المستشفي في المبتشيات وفي العيادتالخاصة بية وفي العربية وفي الشارع حتي الشارع وايضا معاة كانت بتنهال علية وعلي اهلي باقذر الشتائم والدعا وتقول لة كفاية عليها كدة عايزة تدربي وكانت بتحضر لي مجموعة من الستات ينهالوا علية بالضرب ويتبلوا علية باي شئ امام الجيران كي تفضحني وسوف تدبلي علية بقضية اداب تخيلوا زوجة تقرا كل دة ماذا تفعل انهرت وطلبت الانفصال فورا كالعادة بكي وقال لي احنا جينا هنا علشان تعبت ومش قادر اخبي اكتر من كدة وقررت اتوب اللي الله وساعديني ولك الحق في اللي عايزاة بعد كدة او حسيتي اني مش صادق في كلامي وبالفعل نهي كل الامور وسلملي خط تليفونة وترك لي كمبيوتر الخاص بية واعطاني كل اميلاتة والباسورد والاميل الخاص بينهم واتاح لي كل شئ وبعد مرور ثلاث اشهر من وجودنا في الخارج الحمد لله التزم في صلاتة وختم القران وتقرب اكثر للاولاد وايضا اخذنا كلنا وقمنا بفريضة الحج المشكلة بان ضميرة تعبان جدا وحاسس بالذنب وهي بعد محاولات عديدة لرجوعة ليها ولقت مافيش فايدة في الاول طلبت يتصرف وتعمل عملية غشاء بكارة وسبتة يرد علي هذا الكلام ورد عليها بالرفض وان دة جريمة استحالة يشارك فيها برغم سنة من السنين كانت حامل وهو اخذها للدكتور وعملت عملية اجهاض فهي الان بتدرجي بانة يستر عليها وتقولة انت عندك بنت ! امي لو عرفت هاتموت فيها ! واخواتي لو عرفا هايقتلوني ! فترك لي القرار كانسانة ومع التفكير مع نفسيى كنت بقول انا اتصلت بيها ياما وكنت بحذرها واترجتها وكانت تعتقد بانها سوف تفوز وكمان بقول هي قررت تتجوز عرفي وتخطئ انا اشيل زنبها لية وهي عندها 40 سنة يعني مش صغيرة ومش عارفة مصلحتها وكمان اهاناتي واهانات اهلي مين يجبلي حقي وكمان طول السبع سنين اللي عشتهم في حيرة ونكد وطلاق بسببها انساهم ازاي الخيار امامي بس مش قادرة احلها وقولت لزوجي بعد تفكير هي اختارت الزواج دي تستحمل وهي لما اتجوزت كدة ما عملتش حساب بكرة لية وامها واخوتها اللي عاملة ليهم حساب النهاردة كانوا فين امبارح لما عاشرها في بيتهم في وجودهم وهما لا يعلمون ! هل انا مخطئة انا لا اقدر ان اتحمل زواجة رسميا ولو حتي هايطلقها بعد ذلك وانا قولت لها هذا الكلام انة من المستحيلات انه يتزوجها رسميا انهالت علية بالسب وقالتلي هانشوف مين هايضحك في الاخر انا شايفة انها ماتستهلش نظرة عطف واحساس زوجي بالذنب انا سعيدة بية علشان يفوق علشان علي راية كان في غيبوبة اعمل اية محتارة في الحل واعتذر عن طول الرسالة وشكرا

مشاكل وحلول ذات صلة

اضيف بتاريخ: Sunday, December 4th, 2011 في 03:14

كلمات مشاكل وحلول: , , , , ,

24 رد to “زوجي والممرضة و الجواز العرفي”

  1. البرنس
    29/08/2019 at 13:22

    الظاهر انك ست عبيطة وساذجة جدا وماتعرفيش حقيقة جوزك الخاين السافل طوال تلك المدة وهو بيخدعك ومتزوج من البنت دي الممرضة زواج عرفي ولايريد تركها والابتعادعنها مافيش وحدة عاقلة وعندها كرامة تقبل بهذا الوضع على نفسها وتستمر في العيش والبقاء مع شخص خاين وكداب ومخادع مثل جوزك دا طلبي الطلاق منه وقولي لاهلك على كل شئ عشان يعرفوا حقيقته ويقفوا معاك حتى تخلص منه وتاخذي حقوقك وحقوق اولادك منه وهو يعيش مع الساقطة دي لانو هو اللي جابه لنفسه ويستاهل كل ماجرى له وعايزك تعرفي ان اغلب الدكاترة كدا على علاقات محرمة مع زميلاتهم الممرضات وفضائحهم كثيرة على وسائل التواصل الاجتماعي بل وصل الحال ببعضهم الى اقامة علاقات جنسية مع مرضاهم من البنات والنساء تطلقي منه والزامه بالنفقة لاولادك وعيش حياتك حتى يرزقك الله بالزوج الصالح اللي تكمل حياتك معو وتلاقي معه الرضا والامان والخيروالسعادة والاستقرار في حياتك

  2. بتول
    06/04/2014 at 10:07

    والله يااختي قطعتي قلبي بقصتك ديه وحاسة فيك ومتالمةلكل ماحصل لك ولكنني عايزاك تكوني قويةوشجاعة وتاخذي حقك من زوجك الخاين الزاني وتلك الممرضةالساقطةالحقيرة افضحيهم وخلي اللي مايشتري يفترج عليهم بلغي شرطةالاداب عن تلك الساقطة ونشاءالله يقبضواعليهاودي نهايتهاقذرةوحقارة خاطفةالرجالة الفاجرة اما الكلب زوجك ده فطلبي الطلاق منه وفورا ولاتسامحيه لانوديل الكلب عمره مايتعدل ابدا ولايستاهل ظفرك ياست الهوانم ارميه وراءظهرك واعتبريه مات من زمان ولاتسالي فيه اوتتهاوني معه وانت الف من يتمناكي وربك مايضيع احدابدا بيكرمك بابن الحلال اللي يسترعليك ويساعدك على تربيةالبنت ويكون نعم الزوج لك وتلاقي معه السعادةوالهناءوراحةالبال نشاءالله ربنامعك وطمانيناعليك قريبا

  3. ميرنا
    16/02/2014 at 22:46

    اولا ربنامعاكي ويصبرك وااحصل معاياموقف يشبه حكاية حضرتك بس عرفت انة مش واثق من حبي لية علشان كدة صارحني انة بيحب واحده غيري بس انالسة مخطوبة لكن اتخطبتلة علي قصة حب كبيرة واناطبعا انهرت ووصلت للانتحار ولماحس ان خلاص هاموت صارحني انة ملهوش غيري وكان بس بيختبرني فانتي من حقك كنتي تاخدي بحقك واللي بيحب بيسامح سامحية علشان خاطراولادك

  4. ابواميرة
    05/10/2013 at 09:35

    اختي انت ضعيفةالشخصيةامام زوجك وهذاماشجعه على التمادي في خيانته لك مع تلك الممرضةالماجنةالسافلة كان الاجدربك بعدمافضحتيه وكشفت لك الحقيقة طلب الطلاق منه فورا لاجل كرامتك كزوجةوام عياله ولكنك تساهلتي معه وسامحتيه رغم كل الاهانات والسباب اللي شفتيهامن الممرضةوالتطاول عليك وعل سمعتك وكرامتك اين عقلك لاتعتذري بخوفك على الاولاد اوحرصك على سمعةزوجك لاغلط كبيرمنك لانومثل هذي المواقف لابدمن الحزم والشدةولاينفع اللين والمهاودةابدا حتى تقدري تحافظي على بيتك وولادك وتحمي كرامتك وعزةنفسك وتخليهم عبرةلكن من لايعتبر ربي يسعدك ويوفقك

  5. mohd
    18/05/2013 at 17:20

    انت ست مش طبيعية .. وتساعدين زوجك على هذا التهريج .. لانك ليس لديك موقف .. وضعيفة الشخصية .. وهو انسان لا يتقي الله

  6. ابواميرة
    30/11/2012 at 20:20

    زوجك خانك مع الممرضةالفاسقة دي وتاب الى الله وانت سامحتيه منكل قلبك ورجعت المياه لمجاريها وحياتكمامستقرة انصحك بالاهتمام بزوجك وانسي الماضي وراءظهرك وابدو صفحةجديدة ملية بالحب والاحترام والتقدير وخليه يقطع اي اتصال بالممرضة دي علشان ماتجي تخرب عليكماحياتكم الله يصلح الحال

  7. الانسان ده دعيف
    07/11/2012 at 06:14

    لا يمكن هوا في ناس كده في الدنيا ما علينا بس اهم حاجه فعلا انك ترجعي بلدك تاني وتخليه هوا عند وعدو من انو يصرف عليكي وكذا وكذا وتشتري نفسك واولادك والحل الاخر ربما يكون العيب فيكي عذرا على التعبير ولاكن القصد تبحثي لماذا هوا هكذا واذا هوا اعترف انه لا يستطيع ان يعيش من غير بنات حواليه فكوني انتي البنات اللتي حواليه

  8. دكتور نساء
    02/11/2012 at 02:10

    راي حافظي علي بيتك و اعتبري نفسك مطلقه و خليه تيجوز تاني و تالت و استقلي بحياتك بديا عناه حيشي لاولادك
    اللي اتكسر مش بيتصلح

  9. نانا
    29/10/2012 at 23:29

    بجد انتي تستاهلي اللي بيجرالك عارفه ان جوزك عينه زايغه فتعرفيه على واحدة وتخليه يكلمها قال ويعالجها على النت بصراحه ده اسمه كهن منك ومنه

  10. صاحبة المشكلة
    08/10/2012 at 08:10

    السلام عليكم انا صاحبة المشكلة احب اعرفكم اخر المطاف كان ايه بعد الفترة دي بعد ما رجعنا من الحج والامورالقديمة كادت تتلاشااتصلت بنا مريضة كانت عندة وقالت له انا معرفتش اذهب لاي دكتور غيرك انا مش برتاح اللي معاك وكان رافض بس انا قولتلة حرام دي مريضة وعالجها عن طريق النت برامج الدردشا بالصوت كتيرة و مش هتخسر حاجة بالعكس هتاخد صواب وكنت بحضر له المكان بعيد عن دوشة العيال وكنت اتركة بالساعة حتي ينهي الجلسات وكان في الاول قبل الاذان يعتذر عن المقاطعة لوقت الصلاة ويوعدها بالتواصل بعد الصلاة وكانت الامور عادية حين جاء وقت ولاحظ باقامة الصلاة وهو لسة جالس معها علي النت وياتي وقت الفطار في ايام الصيام اتنين وخميس مع اذان المغرب وهو مش عارف يغلق المكالمة ويتحجج بانها تتكلم في موضوع انتحار وخايف عليها بدءت اشك واتكلمت معة في شكي وقاللي انا جاي هنا علشان مصيبة اعمل مصيبة تانية وصدقتة بس احساسي بان الموضوع مش طبيعي كان قلقني وكان الباسورد مشترك بنا دخلت علي الدردشا ولقتها كلها ممسوحة عايزة اقول انهم كانوا بيتكلموا بصوت روحت غيرت في ايكونة الاصوات فا كان الحل انهم يكتبوا علشان اقرء واطمن لقيتة ماسح كل الدردشة جعلتة يوما يذهب الي المستشفي وانا اعلم ان له هناك جهاز خاص بية وفتحت اميلة عندى ولقيت بعد وصولة فتح الجهاز من الساعة 7 صباحا بتوقيت مصر وهي المريضة فتحت في نفس الوقت وبدء الكلام وكلة كان ظاهر عندي وعرفت من الحوار ان بدءت علاقة اعجاب وحب منذ شهر تقريبا وكانت بتقولة ايه الخطوة اللي بعد كدة قالها مش عارف واحدد لما انزل مصر مع العلم انها تعلم انه متزوج وعندة اولاد واتقابلنا في العيادة في مصر عدد مرات ورات الاولات وتعرفهم جيدا واحضرت لبنتي هديه انسيال من الذهب وهي طبيبه اسنان وكان موضوع جوازة لا يهم بلنسبه لها قررت ان اكلمها علشان الموضوع مايطولش المهم فضلو مع بعض في الدردشا من 7 الي 1 وكان وقت الراحة في الشغل ياتي الي البيت كي يتغدي ويريح ساعة ويرجع تاني سالتة وهو بيتغدي اخبار شغلك ايه النهاردة قالي كان شغل كتير قوي حتي ما فضتش ارن عليكي اتاكد بان ريمة عادت من جديد ورجع شغلة تاني الساعة 2 واول ما وصل فتح النت تاني وهي رجعت تاني وبدؤا تاني كلام لغاية الساعة 5 وهي سالته النهاردة فين شغلك المرضي اجازة قالها حظك حلو محدش حجز خالص طبعا كل دا انا سيبت اللي ورايا وكنت استمتع بكلام الدلع منها والغزل منه وانا منهارة وبفكر الحل ايه انا تعبت وعندما رجع الي البيت كان واضح علية الزعل ما بعرفش اخبي وصمم يعرف في ايه قولتلة اني كنت طرف تالت في الموضوع وانك كنت تكذب علية وانك مش هتتغير وكالعادة اعتذر وقاللي كانت غلطة ولازم تتصلح وصدقت لالف مرة وتاني يوم كلمها في نفس الميعاد وقالها انها غلطة منه وطلب منها انها تنسي الموضوع ويرجعوا تاني دكتور ومريضة لانه عندة مشاكل ملهاش حل ومش حابب انها تدخل فيها قالتله كاني مسمعتش حاجة وممكن تغير كلامك بعد كدة جاءت في المساء نسيت اقول كان بيخلص معاها في الشغل وكان بيكمل في البيت لساعة واحدة صباحا وكنت في الاول اعلم انه بيكلمها في البيت وبس طبعا لما قولتله اني عرفت بمكالمات الشغل بطل يرد عليها في البيت ومرة كانت بترن وهو نام انا قفلت عليها ورنيت وقفلت هي دي طرقتهم علشان يدخلوا علي النت دخلت انا وهي فوجئت بي وقولتلها انا عايزة اتكلم معاكي وتكلمت بكل صراحة ووضوح وحكيت علي الجواز العرفي وعلي علاقتة بالبنات ومن يوم ما جينا البلد دي والحمد لله الامور بقت احسن لغاية ما ظهرت هي وكنت انا السبب قالت انابعتبرة دكتور وبس بس هو اللي خلط الامور بس اسمحيلي اكمل معاه علشان ما ينفعش تشوف دكتور تاني وافقت وطلبت منه ينهي هو معاها علشان انا مش مرتاحة ليها ولقيت الامور بدءت تتغير ويعانت ويقول مش كل ما ابقي اكون عايز حاجة مرتحلها تيجي انتي وتنهيها انتي خنقاني وبقيت محبوس وبدءت المشاكل وبدءت اطلب منها هي بانها تبعت علشان الامور بدءت تتلخبط وكنت ببعتلها رسايل وكنت بحلفها بالله بانها لا تقولة بشيء حتي احاول احافظ علي البيت وقولتلها انها اذا استمرت في الحديث معة سوف يؤدي الي الانفصال وتبقي هي السبب ترد عليه وتقولي يا ريد يبقي في حدود في الكلام وانا هفضل مع دكتوري ومشاكلكم مليش دعوة بيها والاقي كل رسالة بعتها ليها وصلتلة بالشرح المفصل وبدءنا المشاكل والعند وانه حر وذهبنا في اول اسبوع رمضان للعمرة لمدة اسبوع وكان عندي امل بان ربنا يهدي الحال لقيت رنات ومكالمات طول ما احنا في اداء العمرة حتي بعد رجعنا وقالي انه مش هيتغير اتمسكت بالامل تاني وقولت احاول تاني بالهدوءوشوية شوية قاللي انا هقطع معاها وكان الواضح فعلا ان مافيش مكلامات علي التليفون ولا نت بعد ما الامور هديت باسبوعين فقط بنتي جابتلي تليفون قالت انها لقيتة في شنطة الاسعافات في العربية فتحت التليفون لقيت المفاجئة لقيت خط بيتشحن كل 3 ايام بمبلغ وقدرة ومكالمات من البلد الخليجية لمصر ومدة لا تقل عن عشر دقائق وحوالي 8 مكالمات يوميا لمين للدكتورة المحترمة وللممرضة اللي متجوزها عرفي بيتكلموا في ايه معرفش هوي يتصل ويتكلم طول النهار ومكالمات بعد الصلاة مباشرتا كدا ايقنت ان مافيش فايدة تركت له التليفون بعد ما عرفت ان الخط شغال من سنه كانت الممرضة ثم مع الدكتورة كمان وهو كان موجود في المشهد كلة واولادة واقفين من غير ماتكلم الكل فهم والاولاد فهموا والكل تركة ودخلوا حجراتهم وانا دخلت حجرتي والتزمت الصمت برغم اللي حصل بس ماتوقعتش ان بعد ما قرب لربنا كدا يرجع ويكذب تاني بعد اسبوع لم اراه وهو لم يراني واحنا في شقة واحدة ارسلت له رسالة وسالته ليه الكذب لو كان صارحني انه بيحب اي وحدة تانية او عايز يتجوز تاني كان اكرمله من الموقف اللي هو فيه رد عليه وقال هو مش بيعمل حاجة غلط هو دا طبعة ما يعرفش يعيش من غير بنات حوالية وعندي حرية الاختيار ان اعيش معاه واسيبه علي راحته يحب يتجوز هو حر او يتم انفصال بنا من غير طلاق وااخذ الاولاد بعد السنه الدراسية وارجع الي مصر وكل طلباتي انا واولادي مجابة من عربية جديدة وتغيير سكن اكبر وكل الطلبات من مصاريف وخلافة بجد يكرم طبعا انا اخترت ان ارتاح علشان تعبت وعلشان خايفة علي بنتي تشيل ذنب ابوها وعلشان بعدي عنه اكيد هاحس بالكرامة والامان

  11. مساعدة
    17/06/2012 at 15:09

    احلى شي انه زوجك عرف خطئه و ندم على كل الي عمله و هو أزاي يتزوج وحده زي ديه و انتي كنتي فين ف السبع السنين ههههههههههههه أنا مستغربه ازاي معرفتيش ! المدة دي طويله قوي الله يصبرك و يخليكي لاولادك 🙂  

  12. حسام
    19/04/2012 at 22:54

    بغض النظر عن كل اللى بيحصل جوزك مفكرش فى ربنه وخاف منك ليه يعمل فيها كده هوه بحكمه كطبيب واستاذ كبير رضعت ليه وقبلت انه يجوزها عرفى ويعمل فيها كل شى حرااااااااااااااااامممممممممممم عليكم

  13. حزينة
    13/02/2012 at 20:33

    مش عرفة اقلك اية لو هو ندم سمحية بس عندى سؤال انتى كنت فين لما هو متجوز من المدة دي كلها ممكن تكونى قصرتى معاة بس ربنا يهنيكى ويبعدها عنك وعن جوزك بس حولى تشغلية بيكى عشان ميرجعش يفكر فيها تانى

  14. الطيار الرايق
    25/12/2011 at 07:55

    صباح الخير بتقولى لسه زوجكك بيفكر فيها بين الحين والاخر انتى تقدرى تغيرى التفكير ده بوجودك جنبه وتملى كل لحظه فى حياته بوجودك انتى يقوم ميفكرش فيها نهائى ولا تجيله على بال دى حاجهالحاجه التانيه والجميلهانك بتقولى فى حاله شفاء من حبها خلاص دى حاجه مبشره انه على وشك نسيانها او اخراجها من جواه ساعديه وخليه ينسى الامر نهائى وديما جددى ليه حياته بوجودك بوجود اولاده قدامه كل شويه بجو رايق بخروجه مثلا كدهاملى كل وقته بوجودك اتى واولاده وحياتكم وما يخص مستقبل اولادكم وربنا يهديهولك وييسر ليك الامور / المحامى

  15. صاحبة المشكلة
    20/12/2011 at 14:06

    اشكركم جميعا علي الردود وزودت في قلبي الطمئنينة وكانت كل الكلمات بلسم علي قلبي واحب ان ارد علي ابو عمار في سؤالة لي هذا الكلام مكتوب في رسائل خاصة بينهم عندما قال لها اية الشء الوحيد اللي عملناة استحالة اي حد يعملة رصد لة كل ما ذكرتة في الرسالة انا كمان بسال ازاي ؟ واللي اعلمة عن حياتها انها تسكن في منزل خاص باخواتهاكل اخ او اخت لها شقتها فمن الممكن ان يتركوا لها المفاتيح عند غيابهم هذا تصوري وبرغم هذا هي حتي الان في نظرة بنت محترمة جدا وكل هذا كانت تفعلة من كثرة حبها لة عملت كل شئ كي تحافظ علي حبة لها برغم انه قال لي انها كانت علي علاقات بالشباب وهي ملتزمة ودائما كان في حدود ولا يقدر احد ان يتعدي هذة الحدودوهذة العلاقات هي صحبية لا زيادة ولا اقل وانه هو اللي غير حياتها بس سؤالي حتي هذة اللحظة ما فيش اي اجابة علية هو احساس زوجي بالذنب من ناحيتها وعقاب ربنا لزوجي وتفكيرة الدائم في الحل بعيدا عن اي زواج رسمي ماذا يفعل ؟ هو قال لي انه يخاف من الزواج الرسمي لانه من الممكن ان يضعف ويعود اليها لانه من الحين لالااخر يفكر فيها وانه في حالة شفاء من حبه لها هذا طبعا صعب علية بس لازم اكون صديقة قبل ما اكون زوجة لزوجي اشكركم لتواصلكم معي وجزاكم كل الخير

  16. ابو عمار
    18/12/2011 at 23:53

    بصراحة انا مش فاهم حاجة معقولة في وحدة تجيب واحد بيت اوها ويمارس معاها الجنس من غير ميحسو طب ازاي وكمان فكل شقق اخواتها معقولة شايلة كل المفاتيح دي بامانة في حاجة مش مفهومة يريت توضحي

  17. abed
    12/12/2011 at 12:22

    أختي السلام عليك أرى أن ترفضي هذا الأمر تماما ولا تشتركي في جريمة لا ذنب لك فيها وستظل معك ليوم القيامة يوم لا مال ولا بنون إلا من أتى الله بقلب سليم فهل أنت قادرة على أن تتحملي ذنب غش واحد مسلم أمام الله هل تقبلين ؟هذا الأمر لا يد لك فيه وليس من مسؤوليتك ابعدي أنت وأسرتك عن هذه الأشكال وليحمد زوجك الله ألف ألف مرة على أن رزقه بزوجة عاقلة محترمة ترعى الله وفيه وفي أولاده وعندها القدرة على السماح إلى هذه الدرجة , فبارك الله فيك وعوضك عما عانيتيه بأحسن الجزاء في الدنيا والآخرة ولكن إياك وأن تغرك دموع التماسيح لأنك لوسمحتس لها أن تدخل حياتك أو تتصل بزوجك فستكون فرصتها لخراب بيتك فاحذري منها ألف مرة وربنا معاك

  18. الوردة الزرقاء
    09/12/2011 at 20:27

    سلام عليكم يا اختى اعجبنى صبرك جدا انتى زوجه نادرة كملى حياتك مع زوجك بس ان عندى راى مختلف يعنى فى ظل هذه السنين عمر ماتفكيرك ماقال لكى انها ممكن تكون عماله عمل لو عندك شيخ تثقى فيه لاتترددى فى استشارته لائنهوا هيعالج الموضوع بالقران اما بالنسبه للسيدة الممرضة فجزاها من عند ربها لااستطيع ان افيدك لانكى صبرتى صبر كل سيدات العالم وهذه ليست مبالغة انا احترمك جدا جدا عارفه لوكنت مكانك كنت هدمت حياتى من اول سنه لكن انتى لكى منى كل احترام وتقدير

  19. حنين للماضي
    07/12/2011 at 10:13

    بجد انا مش عارفة ازاي طبيب واستاذ جامعة يفكر كدةواذاي ينسي بيتة ومراتة وولادة علشان نذوة مع شيطانة كل همها انها تخرب بيتة واذاي يسمحلها تدخل حياتة وتهين مراتة واهل مراتة وهو رضي اذاي دة ماكنش في غيبوبة دة كان ميت وصحي وانكتبلة حياة جديدة ربنا دلوقتي خيرة بين الحلال بالعيشة مع مراتة واولادة والحرام مع الشيطانة دي وادام اختار ام ولادة وولادة يبقي صفحة الشيطانة لازم تتقفل ومالهاش اي حق ذي ما انتي يا اختي ماقولتي هي اختارت الجوازة دى رضيت بالعيشة الحرام مش علشان سواد عيونة اكيد علشان المنصب والفلوس وتقول انا مرات الدكتور واكيد كل المستشفة عارفة بالجوازة دي ولو مش عارف كدة يبقي لسة بيضحك علية انا ممرضة في مستشفي وعندي نفس النوعية بتبكى دموع التماسيح وبتعمل المستحيل للوصول لاي دكتور واللي يبقي سهل بيقع ويبقي فاكر انة زيد الهلالي تبقي في عينة ملاك وشايفها الخضرة الشريفة وهي غير كدة خالص النوعية دي عايزة الحرق بالنار مش عطف انا علشان شايفة من دة كتير من اللي حوليا بتكلم علي الاساس دة وربنا معاكي ويعينك

  20. صمت وكبرياء
    05/12/2011 at 20:43

    اوعى تسمحى لللاشكال دى بخراب بيتك انا سمحت للعطف وطيبة القلب تدخل حياتى ودفعت التمن فقدان بيتى وحياتى وافقت انة يرجع طلقيتة عليا علشان الاطفال دخلت هى وخرجت انا مع الفرق طبعا دى بنت ملهاش اى اخلاق اوعى تسمحى للبنت دى تخرب بيتك

  21. لولو
    05/12/2011 at 19:29

    ربنا يوفقك ويسعدك انتى وزوجك ونفدى مها خالص وعيشى حياتك

  22. ميرو
    05/12/2011 at 17:22

    بصى لو جوزك ساعدها ممكن ترجعوه
    هى بمعرفتها خلى زوجك يبعد عنها بكل الطرق

  23. الطيار الرايق
    04/12/2011 at 07:39

    لا تهتمى لكلامها هيه تقدر تدبر امورها ولا ترجعى زوجكك لمجرد التفكير فيها تانى ولملمى على بيتك وزوجكك وغيرو ارقام تليفوناتكم والتزمو ببيتكم وبس وعلى راى المثل الا حضر عفريت يقدر يصرفه هيه الا اتسببت فى الزواج العرفى ده من الاول وشتمت وعملت الا مايعمل لازم تتحمل وتتصرف الممرضات كلهم بيعرفو يعملو الا ما يعمل شوفى بيتك وزوجكك وبس ربنا يهديه ويوفقكم/المحامى

  24. اختك في الله
    04/12/2011 at 07:29

    بصي يا حبيتي انتي كتر خيرك اوي انك سامحتيه بعد ماعرفتي ككككككككككككككككككل البلاوي دي
    كتر الف خيرك
    وماتحسيشي بالذنب خالص من ناحيتها هي تتحمل اللي عملته وتشوف واحد تاني يعمل ليها عملية الترقيع ماهي واضح انها مومس على مستوي
    خلي بالك من جوزك وسيبك من المومس دي الاشكال دي تعرف تتصرف كويس اوي ولفين وعارفين
    ربنا ياخد كل اللي على شاكلتها خرابين البيوت

اترك رداً أو حلاً لهذه المشكلة