تعرفت على شاب عبر الانترنت وأريد الإبتعاد كي لا أغضب ربي

السلام عليكم ..

أود أن أطرح حكايتي وأريد حلاً سريعاً

أنا فتاة أبلغ من العمر 17 وشهرين، تعرفت على شاب عبر الأنترنت في البدايه انا لا اقبل صداقه شباب ولكن كنا نتحدث في جروب تابع لمؤسسه كنت باخد فيها كورسات

المهم كنا كلنا بنتكلم ف كومنتات كلام عادي بخصوص الكورس والولد اللي حبيته كان اسمه على الفيس مستعار بعتلي اد قبلته لاني كنت فاكره كل ده انه بنت، ولما بدأ يتكلم وعرفت انه ولد رفضت كلامي ولكن قال لي كويس انك بترفضي الكلام مع الشباب بس ماتحكميش ع الكل بالغلط

وكان كلامه ذوق جداً معايا وبطلنا نتكلم من اول مره لكن مرت فتره عليا مش عارفه اروح مكان الكورس عشان امتحاناتي في المدرسه ثانويه واضطريت اسأله ع حاجات كنت عايزه استفسر عليها وكان الكلام ف حدود الكورس.

وفجأه بقينا نتكلم ف حاجات تانيه زي اعمال الخير والتطوع فيها وده لاني كنت بكلمه عن التطوع في جمعيه خيريه انا متطوعه فيها، بس كل واحد بيروح الفرع الاقرب انا كنت بقوله عليها عشان كنت بشتغل دعاية ليها مش عشان اشوفه ولا حاجه اصلاً صورته كانت قدامي.

المهم بقه كل يوم بعد ما اخلص مراجعه ليله الامتحان افتح الفيس شويه وانام وكان بيسألني عملت ايه ف الامتحان وكدا وبعد ماخلصت امتحانات ف نفس اليوم قالي انه معجب بيا ومن الاخر بيحبني فسألته معجب بيا ليه قالي عشان محترمه وف كلامك حدود وبتخافي ربنا وبتحبي الخير وحاسس انك طيبه، قولتله برفض العلاقات دي تماماً ورافضه الحب.

وفضل اسبوع ورايا بصراحه انا كنت بحبه بس تأنيب الضمير اللي كان منعني لان عمري ما هوافق اغضب ربنا واكلمه من وراء اهلي بس كان بيحكي ع مشكله عنده ف الكورس عرضت عليه ابعتله حاجات ع النت قالي ماشي بس اصلا ف حاجات مش فاهمها قولتله افهمك ع النت قالي ماشي بس مش عارف هفهم ولا لا قولت لعمتي عل ان ف حد معايا عايزة افهمه حاجات قالتلي ماشي بس ف حدود، ماتعرفش اننا متعرفين ع النت قولتله كدا قالي ووافقم قولتله هم فاكرين ان انت معايا ف الكورس وكدا مش انت ف ليفل وانا ف ليفل، حسيت انه فهمني غلط وف الاخر قولتله بس انا مش هقدر اخدعهم انا هبعتلك الحاجات ع النت وخلاص بس ماعرفتش، قالي طب ممكن نتقابل في المعهد قولتله لا طبعاً قالي اديني الحاجه وامشي قولتله طب اسيبها مع الامن قالي هو انا للدرجه مش محترم والله انا محتاج الحاجه دي قولتله خلاص هدهالك وامشي وماتكلمنيش نهائي قالي وعد.

انا عارفه انه كان عايز يشوفني بس ده حق اي حد حب حد يعني واديته الحاجه وبعد كدا بعتله رساله وقولتله نبقى اصحاب عادي ع اساس ممكن اكون مش عجبته بس بعدها بعت مسدج قالي انا قولتلك قبل كدا لو قولتي نسيب بعض مش هكلمك تاني عرفته وجهه نظري.

وبعد كدا بقينا نتكلم مع بعض وهو ازهري وملتزم جدا ف صلاته وانا كمان بصلي وحكالي عن نفسه وانا بصراحه ماكلمتوش قووي زيه بس عشان مش ف حاجات كتير يعني هو السنه دي خلص تجاره بتقدير جيد جداً وهو من المتفوقين اللي اثر عليه ف التراكمي سنه اولي.

انا كل ما اكلمه بقوله انا حاسه بتأنيب الضمير عشان بغضب ربنا وبنتكلم من وراء اهلنا وكمان بقل ف نظرك قالي والله ماقبلت حد ف احترامك وف ادبك ده وعشان كدا متمسك بيكي.

بعد فتره صغيره جداً حوالي اسبوع بكلمه قالي مالك قولتله مافيش قالي لا ف انا حاسس اني تعبك معايا عرفت انه بينسحب قالي خليها ع ربنا مااعرفش ده ليه هل عشان بحس بتأنيب الضمير وتعبني فعلاً ولا عشان مش بيحبني وسبنا بعض.

وبعد فتره رجع كلمني تاني وقالي ممكن اسأل سؤال وتجاوبي بصراحه قولتله الموضوع اتقفل قولتله رجعت تكلمني ليه قالي ندمان عليكي قولتله ازاي قالي ندمان اني سبتك صعب حد يلاقي حد يحبه بجد ومن ساعة ماسبتك ماغبتيش عن بالي وبفضل اقرأ ف رسايلك لحد ماحفظتها واتأكدت اني حبيتك واني من غيرك حاسس اني تايه ولوحدي قولتله ايش معنا دلوقت قالي انا ماكنش ينفع اشغلك وسط امتحاناتك وامتحاناتي كمان بس حاولت اتصل كتير والفون بتاعك مقفول ولما رن ماردتيش عليا اتصلت من رقم غريب ماردتيش، كان نفسي اسمع صوتك بس للاسف قولتله كل اللي ف قلبي من ساعة ما سبته.

وانا كنت دعيت ربنا انه لو كويس وصالح وبيحبني يرجعلي وعشان كدا رجعتله تاني بقالنا شهر راجعين انا دلوقت مش عايزه اكمل ف اني اكلمه من وراء هلي واغضب ربنا.

انا عارفه ان ظروفه صعبه لسه مخلص كليه السنه دي ولسه ظاهره النتيجه وف جيش واخواته اللي كانو بيصرفو عليه وهما حالياً هيتزوجو بعد العيد، يعني في مسؤليات عليهم وظروفه دلوقت صعبه، ولو جاء يخطبني بابايا هيرفض عشان سني وعشان كمان لسه هيشتغل، بس انا قررت ابعد عنه ونطمن ع بعض من بعيد لبعيد كدا كل فتره.

عايزه اقتراحاتكم وارائكم وهل انا صح ولا لا؟ ويا ترى رد فعله هيكون ايه من اللي حكيته؟ انا عارفاه بس عايزه اسمعكم وشكراً واسفة جدا ع الاطاله، يارب الاقي عندكم الحل عشان بجد تأنيب الضمير ده صعب اووي ربنا مايكتبه ع حد

مشاكل وحلول ذات صلة

• بتحب من شباب كتير بس أنا مش بعرف احب
• نفسي احس جمبى راجل بيحبنى وبيخاف عليا
• الحب والاختيار بين اتنين من قرايبي
• كرهت ابن عمي وانقهرت واتبهدلت منه
• محتارة في صدقه او كذبه
• بحبه ومتأكدة انه بيحبني بس اتخطبت
• امي عرفت كيف اكسب ثقتها مرة اخرى