حلمت حلمين الفترة بينهم حوالي 4 أو 5 أيام مع العلم اني في امتحانات ثانوية عامة
الحلم الأول : كنت في امتحان ومدرسة زميلة والدتي بتراقب عليا و بدأت تلم ورق الامتحان من اللجنه وانا ملحقتش أخلص حل قعدت اعيط علشان تسيبلي الورقه قالت مينفعش خرجت من الفصل ودخلت الورق في اوضه وسابته لقيت والدتي بتشاورلي علي الورق علشان أخد ورقتي وأكمل حل وبعدين صحيت
الحلم التاني : كنت في امتحان ايطالي وكانت اللجنه كلها بتحل مع بعض وانا ملحقتش أخلص حل اللجنه خلصت والمُدرسة قعدت معايا وخلتني أكمل حل وادتني ورقة بنت تانيه انقل منها علشان الحق أخلص بس ورقتي ضاعت مني رَوَّحت وانا بعيط لوالدي خدني وروحنا المدرسة ودخلوني امتحن تاني دخلت لقيت الامتحان شكله غريب والكل قاعد جنب بعض قعدت جنبهم لقيت اسئله عن قصه وانا مخدتش قصه في الإيطالي البنات قالولي أن هما عندهم قصه في المنهج وغششولي السؤال دة بس بردو ملحقتش أحل وصحيت
مع العلم اني حليت كويس في امتحان الإيطالي وهو خلص اصلا
تفسير الاحلام
حلم متكرر عن الامتحانات في الثانوية العامة
اضيف بتاريخ: Tuesday, July 3rd, 2018 في 06:55
كلمات مشاكل وحلول: احلام, الثانوية, الثانوية العامة, امتحانات, حلم
ابنتي الغالية تفسير هذا الحلم يفسر على حسب حالتك فان كنت في الدراسة واقترب موعد الامتحان ورايت انك تغش في الامتحان فهذا يدل على خوفك وتوتركك لعدم استعدادك الجيد للامتحان فاضطريت للغش لتجاوز الخوف والقلق من الفشل وهذا انذار لك لاجل تجتهدي في دروسك اكثر وتسرع في استذكار ماعليك من بقية المواد ليكون النجاح حليفك وتتجنب الفشل والله اعلم