مشاكل الازواج

زوجتي عصبية جدا و عنيدة ودايما زعلانة

انا شاب متجوز من 5 سنين مشكلتى ان زوجتي كثيره البكاء
وعنيدة وعصبيه
مش عارف اتعامل معاها ازاى حاولت معها بكل الطرق
هيا تحبنى جدا ولما بتكون رايقه بتقى كويسه اوى اوى
وهيه محترمه جدا
ولكن بتتنرفز بسرعه وحساسه اوى وبتبكى بدون سبب
لما خلاص بدات اشك فى نفسى
انا بحبها اوى وهيه كمان
مش عارف اعمل ايه اطلقها واخلص لانى مش قادر استحمل ولا اعمل ايه
افيدونى

مشاكل وحلول ذات صلة

اضيف بتاريخ: Saturday, January 15th, 2011 في 06:01

كلمات مشاكل وحلول: , , , , ,

18 رد to “زوجتي عصبية جدا و عنيدة ودايما زعلانة”

  1. ابوالبتول
    29/03/2018 at 00:18

    شوف يااخي زوجتك من النوع اللي ماينفعش معها الشجار او الخصام وطالما انها عصبية جدا وعنيدة خليك انت حنين جدا ورومنسي في تعامل معاها صدقني كانت مراتي بالشكل ده كنت بحبها واموت فيها ولاازعل منها وافضل طريقة لترويض المراة من النوع ده هو مداعبتها والجماع معها وسوف تهدا وتروق وتخليها تشعر بالسعادة معك جرب وسوف تعرف صدق كلامي هذا المراة العصبية والعنيدة دواها هو الكلام الرومنسي والغزل ومداعباتها واثارتها جنسيا

    قَـيّـم هذا الحل: Thumb up 0 Thumb down 0

  2. رايي مختلف
    09/12/2016 at 20:29

    الكل يحسدني على ان زوجتي رائعة الجمال وقليله الكلام ولا تتدخل في شؤن الاخرين .. ورغم ذلك وبعد زواج 25 سنه تمنيت اني كنت طلقتها من اول يوم نكد بشهر العسل ولا اعيش طوال هذه السنين انتظر ان تتعدل .. ياحبيبي بعض النساء النكد يسري في عروقهن والزوج مش وظيفته فقط يطبطب على الست هانم النكديه والعصبيه حتى هو يحتاج دائما لزوجه متفاهمه بشوشه

    قَـيّـم هذا الحل: Thumb up 4 Thumb down 0

  3. الفهدالاسود
    14/05/2016 at 10:50

    اخي انت للاسف لاتجيد فن التعامل مع زوجتك فهي من النوع الحساس وتحتاج لمزيدمن الحب والعاطفة والحنان والدلع والتغزل فيها فالانثى بطبعها تحب الرومنسية والكلام الجميل والعاطفي من الرجل فلاتبخل عل مراتك بهذا واذا لم ينفع معها كلهذا الحب والحنان والرومانسية فهددها انك سوف تتزوج عليها بااخرى اوغيراسلوبك معها بالحزم والصرامة والهجر في الفراش واخر الحلول الضرب الغير مبرح حتى ينعدل حال الزوجة والله يوفقك ويسعدك ويصلح حال زوجتك

    قَـيّـم هذا الحل: Thumb up 1 Thumb down 0

  4. Lord
    21/10/2014 at 07:29

    خليك حنين معاها وحسسها بالأمان وانك بتحبها ومتمسك بيها وأنك عمرك ماهتسبها واخرج فسحها وجبلها هدية حتى لو رمزية …………… وقبل كل دة واظب أنت وهى على الصلاة وخليها تصلى معاك وشغل قرأن فى الشقة وربنا يسعدكم

    حل مناسب حسب التصويت. وانت ما هو رأيك? Thumb up 16 Thumb down 0

  5. EI
    06/09/2014 at 20:26

    كل ست فيها عيب
    احمد ربنا انى مراتك عصبية بس
    احسن من انواع كتير ممكن تعجب بيها فى الظاهر لكن لا تتمنى ان تكون هذة الخصال بزوجتك
    احمد الله وقول الحمد لله

    قَـيّـم هذا الحل: Thumb up 4 Thumb down 0

  6. ابو جويرية
    06/06/2013 at 11:51

    السلام عليكم ورحمه الله وبركاته
    والله انا تقريبا عندى نفس المشكله ومش عارف اعمل ايه نكون قاعدين وحلوين خالص واقول كلمه ولو حتى عادية بهزار يعنى الموقف مناسب وطبعا تطلع كلمه مش على هواها وتنقلب 180 درجة وتبكى وتبعد ولى منها طفلين ويمكن بصراحه دا اللى مصبرنى هى طيبة وخدومة ومتعاونه بس الزعل اللا محدود داا شىء صعب جدا ياااخوانى ماهو لازم حد يستحملك لما تقول كلمه بدون قصد ولازم حد يسامحك لما تغلط ولازم ولازم الله المستعان ويرزقنا حسن التصرف مع النساء ويجعلنا كما قال صل الله عليه وسلم خياركم خياركم لاهله ) او كما قال صل الله عليه وسلم
    بس طبعا الى الان مش لاقى حل شكلى هاتجوز واخلص 🙂 بس اتجوز ما يمكن تطلع هى كمان حساسة وتبقى شغلانه تانيه 🙂 شر البلية ما يضحك

    حل مناسب حسب التصويت. وانت ما هو رأيك? Thumb up 9 Thumb down 0

  7. فاتي
    03/03/2012 at 17:17

    النوع ده يحب كلام حلو وتخاليك حنين معاها لو كنت بتخرج وبتسهر كثير مع صحابك حاول تقلل من ده وحاول تحسسها انها هي كل حايتك واني مفيش حاجة بتشغلها عنك ومرة جبلها هدية او اعمل لها مفاجاة وكده يعني خاليك حنين وانسى موضوع الطلاق

    حل مناسب حسب التصويت. وانت ما هو رأيك? Thumb up 20 Thumb down 2

  8. virus
    26/06/2011 at 16:42

    وبعدين حرام عليك الستات كلهم بيحبوا الكلام خليك جنب ودنها علبى طول بحبك بموت فيكى كده يعنى

    حل مناسب حسب التصويت. وانت ما هو رأيك? Thumb up 13 Thumb down 2

  9. virus
    26/06/2011 at 16:40

    بص يا صحبى لو انت بتحبها اوى اصبر عليه ممكن تكون كويسه صدقنى

    حل مناسب حسب التصويت. وانت ما هو رأيك? Thumb up 9 Thumb down 0

  10. Hoss
    19/01/2011 at 10:11

    هددها بالجواز عليها لو استمر النكد ده وهيا هاتلاقيها عمرها ماهتنكد عليك ، أما لو قعدت تطبطب وتدلع هاتسوق فيها ، أما لو حست بالخطر هاتتعدل . اسمع كلامي وجرب مش هاتخسر حاجة.

    قيم هذا الحل سلباً او ايجاباً: Thumb up 16 Thumb down 16

  11. امير القلوب
    17/01/2011 at 01:09

    على فكره انا عايز اقول حاجه حساسه ورومانسيه مش حاجه حلوه قووووى زى ما كلكوا متخيلين كدا احنا يا جماعه عايشين حياه واقعيه مش خيال ، يعنى بردو الراجل محتاج يسمع كلام حب ومحتاج اللى تطبطب عليه وهوه زعلان زمحتاج اللى تقرب منه ومحتاج اللى تقف جمبه وقت الشده مش يكلمه وهو زهقان شويه تعيط مش نثلا يكون مخنوق شويه تتجنبه تتنرفز يعنى الحياه مش كدا يا جماعه علشانبس تحسوا بالراجل مش كل اللى يعلق يقولوا يا بختك
    لازم الواحد او الواحده يكون عنده توازن يعنى لا رومانسيه قوى وعاطفيه ولا عمليه قوى وبارده

    حل مناسب حسب التصويت. وانت ما هو رأيك? Thumb up 30 Thumb down 1

  12. dua
    15/01/2011 at 23:06

    الله يبعد عنكم كل المشكل يا رب وزوجته واحدة حساسة رجالة كتير بيتمنوا ست زى زوجتك اكيد ان الحل الوحيد مش الطلاق تتعامل معها ازاى وانسى فكره الطلاق دى خالص انت بتحبها وهى بتحبك بلاش تضيع حياتك ياعالم لو اتجوزت واحده تانيه هيحصل

    قَـيّـم هذا الحل: Thumb up 3 Thumb down 0

  13. reda
    15/01/2011 at 19:42

    اكيد محتاجين لاستشارة طبيبه متخصصه، تخلي حياتك اجمل

    قيم هذا الحل سلباً او ايجاباً: Thumb up 5 Thumb down 0

  14. نونا
    15/01/2011 at 19:06

    دى واحدة حساسة رجالة كتير بيتمنوا ست زى زوجتك مش الحساسة دى احسن من الناس الجامدة يمكن هى اوفر عادى تتعالج بحنيتك ليها اوعى تقول اطلقها دى تانى ربنا يخليكوا لبعض يارب

    قيم هذا الحل سلباً او ايجاباً: Thumb up 6 Thumb down 0

  15. رومانسي
    15/01/2011 at 17:49

    دى ست حساسة. حد يكرة يكون عندة واحدة حساسة تحس بية وبهمومة وبكل حاجة من غير ما يتكلم؟
    انا عارفة انها حاجة متعبة بالنسبالك. بس بردو غصب عنها هى طبعا مش تقصد تنكد عليك زى ما بتفكر ساعتها.الشخصيات دى بتحب الحب, بتحب الحنية والدلع.مش اكتر. اعتبرها بنتك وعاوزة تدلع شوية .ماتكبرش الموضوع .وساعت العصبية بتاعتها كلمة واحدة بس .قولها انا مش بحب اتكلم معاكى وانتى كدة اهدى. وسبها شوية صغيرة وارجع قولها كلمة حلوة هتلاقيها راقت على طول. على فكرة انا كمان كدة بتعصب واعيط بس بروق بسرعة . صدقنى قلبها طيب. بتحبك. اوعى تطلقها .وان شاء اللة هتتعودو على طبع بعض.

    قيم هذا الحل سلباً او ايجاباً: Thumb up 8 Thumb down 5

  16. shery
    15/01/2011 at 08:57

    ياترى فى اولاد متهيالى الاولاد بتمنع الموضوع ده شويه لان الاولاد بتاخد الاهتمام والوقت ممكن تكون عندها مشكله وفى ناس بطبيعتها حساسه وممكن تكون بتدلع عليك فى ستات كده عايزه تشوف غلاوتهاعندك حاول تخرج كتير انت وهى من جو البيت طبعامش هتقدر تعيط بره هههههه حسيسها بهتمامك لومتقبل الفكره اتكلم مع دكتور نفسانى دى بقت حاجه طبيعيه جداهيخليك تعرف تتعامل معها ازاى وانسى فكره الطلاق دى خالص انت بتحبها وهى بتحبك بلاش تضيع حياتك ياعالم لو اتجوزت واحده تانيه هيحصل ايه

    قَـيّـم هذا الحل: Thumb up 3 Thumb down 0

  17. محمد أبراهيم
    15/01/2011 at 08:55

    هناك عدة حلول أستاذى الفاضل يارب يوفقكم دائما أسمع اخى الكريم المراءة بطبعها رومانسية تحب ان تسمع كلامات الغزل والكلام الطيب أحتويها عاطفياأخرج معها قل لها انك بتعشقها وليس أمامك غيرها أجلسوا فى البيت أقرءوا القراءن علمها كيف تضبط مشاعرها وعواطفها أبحث عن أسباب عصبيتها اذا كنت محب لها فستغفر لها أى شيئ وهى كذلك والا أسمعها الرقية الشرعية فربما يكون عندها مس او سحر فهذة هى أعراضة سرعة الغضب لأتفة الاسباب قواك الله وهداكم الله ونتمنى نسمع عنك كل خير أن شاء الله

    قيم هذا الحل سلباً او ايجاباً: Thumb up 7 Thumb down 0

  18. أمير القلوب
    15/01/2011 at 07:59

    اكيد ان الحل الوحيد مش الطلاق ، عايز اعرف فى اولاد ولا لأ .
    انا هبعد عن الموضوع شويه بس اهى محاولات
    اولا : شغل قرآن كتير فى البيت وخصوصا سورة البقرة
    لو مكنش حاول تعرف من امها كانت بتعاملها ازاى فى سن الطفوله
    يمكن المشكله فيك انت
    حاول تعمل تغير فى حياتك
    حسسها انك جمبها وقريب منها

    قيم هذا الحل سلباً او ايجاباً: Thumb up 6 Thumb down 0

اترك رداً أو حلاً لهذه المشكلة