سمعتي تدهورت ومستقبلي الدراسي

السلام عليكم ..انا بنت في الصف الثالث الثانوى واعيش في قريه في الدقهليه ..عندي مشكلة كبيره ولكني مظلومة فيها..كنت معروفه دايما في الدفعه بتاعي اني كويسه وعلى خلق وكان دايما ولاد في سني يحولوا يكلموني علي الفيس بوك وكنت أرفض واصدهم. وكانوا مضايقني مني وبيقولوا عليا مغرورة عشان مش برضي اكلمهم ويقولوا اكيد هي بتكلم حد تاني ..لكني والله ماكلمت حد ابدا وكنت في حالي بكلم اصحابي البنات بس .وبعدين كلمتني واحده مرة وبقينا أصحاب اوي علي الفيس كانت كويسه ومرحه كنت بحب اتكلم معاها دايما وحبتها زي اختي وهي كانت أصغر مني بكم سنه وكانت من قريتي بس مش كنت عرفاها فطلبت اقبلها اشوفها وفعلا حددنا ميعاد واتقبلنا في الشارع وطلعت أخت واحد زميلي ويعرف وهو كان كويس وفي حاله برضه انا اما عرفت أنها اخته أترددت وقلت بلاش اكلمها بس كنت بحب اكلمها الصراحه لأنها كانت دمها خفيف وجه العيد وطلبت مني اني اروح أزورها في البيت وقبلت ورحت فعلا واتعرفت ع والدتها ووالدها وكده وفضلت قاعده شويه معاهم لحد ما جه أصحاب الولد زميلنا اللي هما زميلنا برضه وأول ماشفوني قعدوا يضحكون وحسيت منهم حاجه غريبه من نظرتهم ورحت وخلاص بعد الحكايه دي بكام يوم سمعت أن الولاد دول بيقولوا عليا أن بحب الولد أخو البنت دي وبروح له الدار وصحبته وقالوا كلام قذر وزي مايكون وا اتصلبوا انهم لاقولي غلطه وفرحوا ونشروا الكلام فى كل حته وانا عرفت وتعبت وفضلت أعيط وبطلت اذاكر مع العلم أن مستوايا كويس جدا وجاتلي حاله وتعبت واحنا ايام امتحانات ثانويه عامه والكلام ده مؤثر ع مذاكرتي وتركيزي ودايما بعيط وانا والله مظلومة من الكلام ده كله ومليش علاقه بالولد ده حاسه أن كده خلاص سمعتي تدهورت من ناحيه وكمان مستقبلي الدراسي اتدهور … يعني ده كله يحصلي عشان زرت واحده ! ياريت حد يساعدني ويقولي اعمل ايه في المشكله دي…شكرا

مشاكل وحلول ذات صلة

• اتعرفنا على الفيس وبيقول انه بيحبني وناوي يخطبني
• بيحبني بجد بس اسيبه ولا افضل معاه
• بحبه ومتأكدة انه بيحبني بس اتخطبت
• سابتني وجرحتني وعمرها ما حبتني
• عاوز اسيبها ونبعد عشان تنجح في حياتها
• بحبها وهي مش بتحبني وزهقت من الكلام معايا
• ناوي اخطبها بس سني صغير شويه