السلام عليكم
قبل ما اطرح مشكلتى ياريت تجوبونى بصراحة وبدون مجاملة وواقعية بحتة خصوصا من الرجال المتزوجين خصوصا العرسان الجداد
انا مخطوبة واعتقد ان خطيبى بيحبى والحمد لله المشكلة انه فاكر انى حلوة اوى اوى ومعجب بيه جدااا وده عشان الحمد لله وجهى حلو وجسمى من فوق الهدوم ولله الحمد المشكلة بقى انى وانا صغيرة كان عندى مرض جلدى والحمد لله راح من اغلب جسمى ماعدا الرجلين خصوصا الفخذين شكلهم مش حلو خالص ولله الحمد فيهم اثار قديمة زى اثار للجروح وكمان كل حته بلون جربت كريمات كتير بس النتيجة بطيئة جداااااا وانا المفروض ان جوازى ان شاء الله بعد 5 شهور هى التشوهات مش بتبان اوى فى الضوء الخافت اوى لاكن بتبان فى النور العادى وشكل رجلى بيبان مش حلو ومع انى مش تخينة بالعكس الحمد لله جسمى حلو وعاجبة جدا بيقولى بلاش ولا اتخن ولا اخس عن كده بس المشكلة ان منطقة الفخذ من جوه الرجل فيها ترهلات فده بيزيد الطين بله كمان طبعا صعب انى اصارحه خصوصا ان ممكن يفتكر ان الموضوع اكبر من كده واتكسف كمان سؤالى هنا
هو لازم بعد الجواز جوزى يشوفنى عريانة تماما ؟ تانى حاجة ممكن كده يتصدم فيا بدرجة قد ايه خصوصا انى حساه فاهم ان جسمى زى وجهى
ورد فعله هيكون ازاى يعنى ممكن يفتكر انى خدعته او ينفر منى او كده؟ وانا بصراحة مش عايزة اخسره لانه انسان كويس جداااا ولله الحمد وطيب معايا
وحنين وطاير بيا لانه ما يعرفش اللى فيها يمكن
ياريت جواب صريح لان نفسيتى مدمرة بجد لانى مش عارفة الموضوع ده مهم للرجالة لدرجة ايه
هموم البنات
كيف استعد للزواج وهل خدعت خطيبي
اضيف بتاريخ: Thursday, June 16th, 2011 في 03:08
كلمات مشاكل وحلول: الزواج, مشاكل البنات, هموم البنات
يا بنتي ليه كل ده التصبغات او التشوهات اللي في الجسم علاجها متوفر جدا المشكله كلها تتحل انك تروحي طبيب امراض جلديه مختص انتي بجد مكبره الموضوع اوي انتي محسساني ان عندك لا قدر الله برص او حاجه
انا من راي لازم تقوليلووو لازم لانك كدة بتخدعيه ولو طلب يشوف وريه لان فيه حاجة اسمها رؤية شرعية
وماتقلقيش لو بيحبك مش هيهموو اي حاجة واهي فرصة تختبري حبوو ليكي ، انا عندي ازمات شبه ربوية بتيجيلي ولازملي معاملة خاصة جدا منها اني ماابذلش مجهود جامد وانتي فاهماني طبعاً ، وبعد ماتخطبت قلت لخطيبي لان بابايا قاللي لازم تقوليلوو وكان رد فعلوو انوو هيحبني اكتر من الاول وان الموضوع دة مش فارق معاه نهائيا , وانا الحمدلله انا متجوزة ومبسووطة مع جوزي ومتتصوريش هوة كبر في نظري اد ايه
لو بيحبك مش هيستغنى عنك
انصحك تروحي لدكتورة جلدية بسرعة
صارحيه طبعا علي الاقل عشان لو هيسيبك يسيبك وانتي لسة بنت
انما هو لو باقي عليكي بجد مش هيفرق معاه اي حاجة وربنا يوفقك يارب ويسعدك
بصي ياجميل انتي ال عرفاها اكتر من اي حد لو حسة انه هيتقبل الموضوع عادي ومش هيأثر عليه قوليله لو حاسة انه هيضايق ويزعل منك بسبب الموضوع ده اوعك تقولي وسبيها لحد بعد الجواز كده لو لاحظ حاجة ابقي قوليه انا ماجاش في دماغي ان دي حاجة مهمة اني اقولها لإنك بتحبني ومش يفرق معاك الكلام ده وبعدين ياستس بعد الجواز في 100 حاجة وحاجة تخليه متمسك بيكي جداً يعني تعرفي اذاي تبسطيه وتمتعيه ولما يكون مضايق من حاجة تهوني عليه وتهتمي بمظرك جدا تخليكي كل يوم متجددة علشان يشتاق ليكي كل لحظة وبرفن كده جامد علي الفكرة البرفن ليه تأثير جامد جداً علي الراجل جربي ومش هتندمي اوك يا قمر
حبيبتي صارحي خطيبك بالموضوع ده…وأنا متأكدة إنو حيتقبل الموضوع وحا يحترم صراحتك..لإنو انت بتقولي انو بيحبك جامد..ونا واثقة انت البنت بتقدر تعرف ازا حب حقيقي ولا لاء..وخلي ثقتك بنفسك تزيد..وتذكري إنو الله صحيح إداك المرض ده ..بس إداك بالمقابل مميزات جميلة نحلم بيها أي بنت….يعني باختصار افتكري النعم اللي أنعمها عليكي..و بالنسبة لخطيبك أكيد برضو هو عندو عيوب جسدية أو غير جسدية..وانت نتقبلاها لإنك بنت جميلة وأخلائها عالية.. أنا بنصحك تصارحي خطيبك بأسرع وقت وإزا حسيتي رافض أو متدايق جامد وبيفكر يسيبك متزعليش إحمدي ربك إنو عرفك على حقيقتو أبل الجواز..وأكيد ربنا حيرزقك بأحسن منو..أنا عندي نفس مشكلتك بس أنا مرضي إسمو البهاق..وفرحي بعد كام يوم وأنا صارحت خطيبي من البداية وهو احترم صراحتي وكبرت بعينو.. والحمدلله مش خايفة دلوقت انو يشوف جسمي بعد الجواز..مش بؤلك ان التوتر زال تماما” انما حاسة دلوقت إنو هم وانزاح عن صدري .. بتمنالك التوفيق والسعادة مع جوزك بإذن الله
طبعا لازم يشوفك عريانه . لأنك حلاله ..
لو كانت مسألة ترهلات فالقصة بسيطة ، ويمكن علاجها بجراحة تجميلية ..وإن كنت أميل إلى أن تصارحيه منذ الآن وبشكل مباشر !!! فإذا كان زواجه بك لأجل الشكل والهيئة افرضي لاسمح الله أن حادثا ما حدث بعد الزواج .. ما ردة فعله وقتها ؟
ثقي بنفسك وبما وهبك إياه ربنا سبحانه وتعالى ,, والكمال موضوع نسبي .. والمطلق فقط للباري عز وجل ..
بصي اناكمان عندي مرض بس اني اهون مني بكتير مرض ياثر عالخلفه بعد الجواز .ولما عرضت مشكلتي هنا الكل اجمع ان اقول لخطيبي .وانا سمعت الاراء وقولتله وهو تفاهم الموضوع جداواحترمني اكتر من الاول وخد عن فكره كويسه جدا قوليلو وخليها علي الله بس حاولي متتدخميش الموضوع اوي .يعني متدلوش اكبر من حجمه
انا نصيحه ليكي لازم تصرحيه ومش عيب تعرفيه اني ده كان مرض ولسه سايب علامات وانك شفيتي منه قبلك علي كده كان بها ماقبلكيش يبقه جاءت من عند ربنا لانه كده مش اهل ثقه انا بقولك والله لاني مركبه اسنان وماكنتشي باينه لما كان حد بيتقدم ليا كنت بعرفه قبل بالوضع كان بها مش قبل برحته بس نصيحه عرفيه اللي بيحب انسان وشاريه والله لو فيه عبر الدنيا بيرضي بيه
ماذا تنتظري؟؟؟؟
اعترفتي بان هناك مشكله ومأرقكي يبقى نفكر في الحل لنفسنا قبل غيرنا وسريعا .
امامك خمسة شهور فيكي تبقي فيهم احلا من هيفاء وهبي انصحك بعيادات التجميل الطب تقدم ومازل كل يوم بجديد
قولي يارب
وعن هذا الخطيب فيمكن نعبتر انه يمر باختبار بسيط في مادة الحب ؟
دعواتي لخطيبك بالنجاح والتفوق يارب
كلنا عندنا عيوب ف جسمنا ومحدش كامل لانه الكمال لله وحده وحتى هو كمان اكيد فيه علامات ف جسمه ممكن وهو بيلعب كورة وقع او ممكن من عملية او من مرض او اى حاجة المهم انه حتى خطيبك مش كامل فصارحيه وقوليله عشان هو لازم يعرف قبل الجواز عشان بعد كدا ميقولكيش انتو دبستونى
اختى العزيزه اولا خلى ثقتك فى الله اولا وثقتك فى نفسك ثانيا وان اى حاجه بيتعرض ليها الانسان دا قضاء وقدر يعنى ماتحمليش نفسك اكتر من طاقتها اما بالنسبه انك تخبرى خطيبك او لا فدا لازم لازم تخبريه لان هو لما خطبك فى اعتقاده ان اللى جوه زى اللى بره يعنى انتى مافكيش شئ ممكن يتوقعه من تشوهات او الحاجات البسيطه اللى انتى بتقولى عليها دى بس من وجهه نظره فيما بعد ممكن تكون صدمه وصدمه شديده كمان يمكن هو فى الوقت الحالى اذا صارحتيه يتقبل الموضوع وخلاص اما اذا لم تخبريه وعرف بعدين فالنقطه دى بتكون جرح بالنسبه ليه انك خبيتى عليه فصارحيه وتوكلى على الله وان شاء الله يتمم فرحكم على خير
شوفي يا اختي انا عريس ولسة داخل علي الزواج كمان كام يوم وبصراحة انا شايف ان الصراحة مفيش احسن منها علشان ميظنش انك بتخدعيه وكمان هوا لو بجد كويس وبيحبك مش بيحب جسمك وبس اكيد الموضوع ده مش هياثر علي علاقتكم بل بالعكس هيخليه يحترم صراحتك ويثق انك عمرك متخبي عليه حاجة لاكن لو الموضوع اداري بجد هيشك فيكي طوول العمر انك مخبيه غير دا مواضيع تانيه المهم لو بجد سابك يبقي انتي ارتاحتي من الهم اللي انتي فيه ومن انسان مش بيحبك انتي وبيحب جسمك اللي كدا كدا مصيره انه مع الزمن مش هيفضل بجماله وممكن يكون وقتها الوضع اسوا ( انا رايي الصراحة هيا الحل)
حبيبتى انتى لازم تقوليله عشان ميعتبرش انك بتخدعيه و الحب بالاخلاق مش بالشكل و لو هو بيحبك عشان نفسك مش عشان جمالك عمره ما يسيبك اما لو سابك عشان حاجة مكنتش بأديكى انتى من الاول الا فهو ميستهلكيش و انتى تستهلى احسن منه و دا رأييى انك لازم تقوليله
و تقبلى ردى ………..شكرا
اولا الف مبروك وربنا يتمم بخير
ثانيا فى الجواز ما فيش ضوء خافت وتقريبا ما فيش هدوم
ثالثا انصحك بطبيبة امراض جلديه وبسرعه هى اللى هتساعدك لان وضعك محتاج تدخل طبى وكمان مش هيرتاح جوزك مع الوضع اللى شرحتيه
ربنا يوفقك
الحمد لله وحده ولااله غيرة
شوف يا اختى العزيزة مشكلتك محيرة
ولكن من راى اخوك انك تخبرية واحة واحدة يعنى تخلية يكلم عن طفولته وتتكلمى معاة وبعدين
تخبريه عن تلاثار دى من الطفولة
ولكن ولكن مرة اخرى احترسى جدا من ان تفقدى ثقتك بنفسك الثقة بالنقس والروح الجميلة تعطى جمال اكثر
والله اذا كان انسان محترم هيقدر واكيد بيحب فيك حاجات كتير غير جسمك
اما اذا كان لا يرى فيك الا جسم جميل وتركك لا قدر الله فيذلك يكون انسان سطحى وخسارته مزعلش
فى النهايه لازم تخبرية بس المهم الطريقة والوقت المناسب والثقة بالنفس والابتسامة
وربنا يحفظك ويسعدك ان شاء الله