هموم البنات

صاحب الشغل بيضايقني ومش عارفة اقول لاهلي ايه

بصو ياجماعه انا عندي 19 سنه وبحب واحد من اربع سنين وهو بيحبني اوي لدرجه انو ساب بنت عمه علشاني وعلشان كده اهله مش موافقين على الزواج و انو يرتبط بياوالموضوع ده قبلتني مشاكل كتيره في حاولت ابعد عنه مقدرتش المهم حاولت اشتغل علشان اشغل نفسي بحاجه تانيه وبعد اما اشتغلت صاحب الشغل قعد يرخم عليا وكده وسبت الشغل بسبب كده وهو طلع كلام عليا كدب انا مش عارفه اقول لااهلي سبت الشغل ليه لانهم مصممين اني ارجع الشغل

مشاكل وحلول ذات صلة

اضيف بتاريخ: Wednesday, December 22nd, 2010 في 05:32

كلمات مشاكل وحلول: , , , ,

9 رد to “صاحب الشغل بيضايقني ومش عارفة اقول لاهلي ايه”

  1. KaLoOoSh
    30/09/2011 at 05:51

    قوليلهم السبب
    ولو بيحبوكى ويخافو عليكو مش هيقولولك ارجعى الشغل
    ودورى على شغل تانى
    واللى عايز يشتغل هيلاقى

  2. سكندرى
    11/01/2011 at 04:12

    1- اللى اهله رافضينك بلاش منه لان دى مش عزومة وتعدى
    2- قوللى لاهلك على صاحب الشغل وشوفى شغل تانى
    3- اغلب الشغل دلوقتى كده !!!
    4- كونى فى الشغل الجديد فى حالك وكونى مع ربنا وسرك مع نفسك عشان محدش يطمع فيكى
    وربنا يسترك ويسعدك اسكندرية

  3. جاسمين
    25/12/2010 at 13:04

    اقوللهم الحقيقة انى صاحب الشغل بيرخم عليكى وبعدين انا برده طلع عليا كلام كتير بسبب انى ليا اخ ولد وبقف معاه فى النادى بس انا مش برد على حد بسمع من ودن وبخرج من التانية وانتى اعملى ذيى اتمنى انى ردى يعجبك

  4. حبيبة الرحمن
    22/12/2010 at 15:32

    من المفروض انك عرفي اهلك انه انسان مش محترم ودوري علي شغل في مكان تاني

  5. إسلام
    22/12/2010 at 15:22

    إنتى غلطانه لأنك إرتبطتى بإنسان باع بنت عمه علشان وكان مسيرة يبيعك
    وهو ده الى حصل.
    أخوكى إسلام المحامى

  6. أبو عبد الله
    22/12/2010 at 10:18

    السلام عليكم أختي الكريمة، يجب عليكي أن تخبري أهلك وتعرفيهم كل شيء.
    وعليك بالتوجه إلى الله جل جلاله أن ينجيك ويرزقك الزوج الصالح إنه ولي ذلك والقادر عليه.

  7. الحبيب للرحمن
    22/12/2010 at 10:06

    صارحى اهلى طالما انتى واثقة من نفسك

  8. magdy
    22/12/2010 at 09:27

    سيبك من الاخ اللى اهله رافضين جوازكم انتى فى مقتبل العمر ولسه الوقت امامك ترتبطى بابن الحلال
    اما صاحب العمل اشرحى لاهلك بمنتهى الصراحه كل عمايله السوده وهما يتصرفو معاه
    ربنا يوفقك

  9. همسات حب
    22/12/2010 at 07:55

    فهميهم بشكل وبطريقة غير مباشرة زي ما فهمتيني كدة قولي انة بيرخم عليكي واكيد هما رايحين يفهموا

اترك رداً أو حلاً لهذه المشكلة