مشاكل الازواج

كيف اعرف اني مطلقة ولا لا

انا متزوجة وعندي ولد وبنت وزوجي مسافر وبقالي 6 سنين متزوجة الست سنين دول ولا يوم هنا ولا راحة كل يوم مشاكل وهم وزوجي عمره ماقدرني ودايما مهزئني وسط اهله وكل شوية يحلف عليا طلاق واتنازل واعديها فالمرة دي انا غضبانة حاليا عند اهلي بسبب انه هو بخيل معايا ومش مكفي عياله من احتياجات ولما اقوله زودني 200 جنيه يقولي مش معايا فلوس ومشي نفسك باللي معاكي رغم ان ربنا فاتحها عليه بس مقصر معايا من كله فبابا كان بيكلمه عشان يشوف حل معاه فبابا اخر مازهق قاله انزل خلص بعدها قفل بعد كدا زوجى بعت لاختي رساله بيقولها اقسم بالله لو مراتي مالزمت بيتي لحد ماانزل لتبقي آخر يوم ع زمتي فانا مرضتش اروح لاني جبت اخري كدا يبقي طلقني فعلا ولا ايه واعرف ازاي؟ وشكرا

مشاكل وحلول ذات صلة

اضيف بتاريخ: Wednesday, April 24th, 2019 في 16:44

كلمات مشاكل وحلول: , , , ,

2 رد to “كيف اعرف اني مطلقة ولا لا”

  1. البرنس
    07/08/2019 at 21:50

    اختي العزيزة اذا كان جوزك مقصر معك انت والاولاد في المصروف فمن حقكي تطلبي منه ان يبعث لك مايكفيك انت واولادك وده حقكي شرعا انت واولادك وان رفض فمن حقكي طلب الطلاق منه والزامه بالنفقة الشرعية للابناء اما مسالة حلفه بالطلاق عليك ان خرجت من البيت فالعلماء قالوا اذا كان يقصد الزوج منعها من الخروج ولايقصد الطلاق وانما يريد منعها وتخويفها فعليه كفارة يمين ويكفي وهي اطعام عشرة مساكين او كسوتهم او تحريررقبة فمن عجز عن ذلك صام 3 ايام وتكون متتابعة اما اذا كان يقصد الطلاق فانه يقع عليها طلقة واحدة فقط ويراجعها وتشهد على ذلك شاهدين انك رجعت زوجتك فلانة اذا لم تكن طلقها قبلها طلقتين

  2. Peace
    25/04/2019 at 06:05

    والله عندك دار الإفتاء ولهم ارقام تليفونات ممكن تدخلي على النت وتجيبي ارقامهم.. ونصيحتي ليكي لو هتقدري تعيشي إنتي واولادك عند والدك.الطلاق احسنلك واكرملك.. ونصيحة ليكي كمان ردي عليه واعملي فيه زي ما عمل فيكي وياريت يكون قدام الناس عشان تبقى خدتي حقك والنوع اللي زي جوزك بيحب اللي تديلوا على دماغه..اتجراي واجمدي وما تسبيش حقك.وربنا يوفقك للصالح دائما.

اترك رداً أو حلاً لهذه المشكلة