أنا زوجة من حوالى ثلاثة عشر سنة وزوجى من اصول عائلية جيدة ولكن المشكلة كان مدلل يعنى النوع اللى يعرف يصرف ولكن لايعرف كيف يكسب القرش وفى بداية جوازنا كان ينفق باسراف شديد وحاولت كثيرا ان امنعه أو ارشد نفقاتنا ولكن طبعا لم يكن لى أى تأثير لأنه من النوع العنيد بيعمل اللى فى دماغه طبعا لما خلصت الفلوس لم يتبقى سوى مرتبه عمل حكومى نوع كدة زى البطالة المقنعة وهو لايكفيه سوى أيام قليلة من الشهروطبعا عشت ايام صعبة جدا بسبب حالته العصبية وحاولت ان اعطيه شبكتى يفتح مشروع ليوسع دخله وخاصة انه فاضى رفض رفض قاطع لانه مش بتاع شغل ولم اجد امامى سوى ان اتحمل مسئولية البيت و بناتى من سكات لانى لو قلت له العيال محتاجين كذا او كيت يثور ويخرب الدنيا ويبدو ان هذا الحال اعجبه واستمر بنا الحال على كدة الحمد لله مستورة وانا بشتغل عمل اضافى إلى عملى عشان اقدر اوفر احتياجات بناتى هذا من الناحية المادية أما من ناحية أخرى زوجى يكره انجاب البنات وفى كل مرة يعرف انى حامل فى بنت كان يغضب ويخاصمنى ويفضل يقول كلام وحش خالص مثل يارب تموت يارب ما توعى تيجى 000الخ وآخر حمل تطور معه الموضوع لدرجة انه سمح لنفسه يضربنى وكان بيضرب جامد فى بطنى ويقول انا عايز اسقطك مش عايز اللى ف بطنك لما عرف انها بنت وربنا يعلم انا تعبت نفسيتى قد ايه ولولا وجود البنات كانت علاقتى بيه انتهت وقتها بس انا من الصعيد وعندنا طلاق المرأة اللى عندها بنات صعب وعشانهم اتحملت بس حلفت انى لااحمل مرة اخرى ابدا وكفاية اربى بناتى بنتى الصغيرة حاليا دخلت المدرسة وهو طول الوقت يعايرنى انت فاكرة نفسك مخلفة ولا واحدة فيهم لها عازة كلام من ده كتير حتى هددنى انه يتجوز على واحدة زميلته ارمله ومعاها شقة يعنى عايزة رجل يكون معاها وخلاص قلت له براحتك وحاليا نازل يخوفنى من عذاب ربنا لانى عاصياه ومش سامعه كلامه ف موضوع الانجاب تانى لهذه الاسباب هل انا كدة بغضب ربنا
مشاكل الازواج
كره زوجي للبنات خلاني ارفض الانجاب تاني
اضيف بتاريخ: Friday, January 7th, 2011 في 23:00
كلمات مشاكل وحلول: الانجاب, البطالة, البنات, المدرسة, بنات, بنت, حامل, زوجة, طلاق, مدرسة, مشاكل زوجية, مشاكل زوجية, مشروع
لو هو رجل بجد كان انجب الولد مهو المسؤول وبغدين ربنا ماعطاه دنتو ياصعييد مبهدليين مصر وكل الشعوب تضحك علينا شعب منغلق
ياخواني ماهذااللي نسمعه كل يوم ويتردد صداه في اذانناهل نحن مسلمين حقانومن بالله الخالق الوهاب ونومن بملايكته وبكتبه وبرسله وباليوم الاخر ونومن بالقدرخيره وشره اذاماهذاالاعتراض على مقادير الله لنافهو المعطي وهوالرزاق الوهاب بيده كل شي يعطي لمن يشاءالبنين ويعطي لمن يشاءالبنات ويجعل من يشاءعقيم بدلامن ان نشكره ونحمدفضله على نعمه التي لاتعد ولاتحصى نكفربه ونجحد نعمه والعيادبالله قال تعالى – ولين شكرتم لازيدنكم ولين كفرتم اني عذابي لشديد وقال تعالى ومن يشكرفانمايشكرلنفسه ومن كفر فان الله غنى عن العالمين – ورسولناالكريم يقول -من كانت له ثلاث بنات فصبر عليهن فادبهن واحسن تربيتهن كن له حجابامن النار يوم القيامة -وقال عليه الصلاةوالسلام -من عال جاريتين حتى يبلغاجاءيوم القيامةاناوهو كهاتين وضم بين اصابعه -فليتقي كل الاباءالذين عندهم بنات وليرضوابمارزقهم الله وليقوموابرعايةبناتهم وتربيتهم والاحسان اليهن ينالوارضاالرحمن عليهم وكم من بنت خير من عشر من ولد فهن الام والاخت والابنة والزوجة ولااحد يعلم البركة في من الولد اوالبنت وهذةقصة احدالاعراب من اهل بغداد ويدعى ابي حمزة كان تاجر من تجاربغداد وعنده زوجة وكانت له منها 9بنات ولم يرزق بولد وقال لهااني اريدغلام يحمل اسمي وبرعي تجارتي وانت كل خلفتك ياامراة بنات لقدسيمت من تلك الحياة واذالم تنجب الغلام فانتي حرام على كاامي وكانت حامل وولدت له البنت العاشرة فطلقهاوهجر بناته والبيت وراح يبحث عن امراة تلد له غلام وتزوج بالثانيةولم ينجب والثالثةوالرابعة ولم تنجب له شي فجن جنونه واضاع تجارته واصبح يهيم في المدينة بلاعقل حتى سال احد الشيوخ فقال له انظر لنفسك يااباحمزة ماذاصنعت الله غاضب عليك ومحق عنك الخيروالبركةوالرزق قد ظلمت احدامن العباد فاتقي دعوة المظلوم فانهاترفع لعنان السماء وليس بينهاوبين الله حجاب فتذكر ابى حمزة زوجته السابقة وام بناته فحن لرويتهم واشتاق لهم بعدان هجرهم قرابة15سنة فمربجوارالبيت فسمع زوجته تنشدشعرا – مال لابي حمزة لاياتينا غضبان منا تالله ماذاك في ايدينا انمانحن كالارض نحصد مازرعوافينا – فبكي ابى حمزة وطرق الباب وفتحت له احدى بناته ولم تعرفه والدموع تغرق وجهه وصوته مبحوح فقالت من انت ياعماه فقالت لهاامهامن بالباب يابنتي قالت رجل عجوز لااعرفه قامت الام لتنظرمن الطارق فاذاهو ابى حمزة زوجهاوابوبناتها فقالت المراة ابوكم يابناتي فطلب من زوجته وبناته السماح والمغفرةوالعفو فرضواعنه وسامحوه ورجع لزوجته وبناته وعرف ان الله هوالمقدروهوالرازق الوهاب وعادت له تجارته وكسب المال الكثير ببركةهولاءالبنات ورضى الله عنه
سلام عليكم اختي
الله يكون في عونك اولا ويصبرك العطاء من الله ان كان اولاد ولا بنات قال تعالي يهب لمن يشاع اناثا ويهب لمن يشاء الذكوراويزوجهم ذكرانناويجعل من يشاء عقيم هو المفروض يحمدربه انه ينجب غيره يتمني ظافر من طفل سواء ولد ولابنت
اخي دا لو في شوية عقل لازم يعرف انك مالكي دخل في موضوع ولد ولابنت المراه زي الارض زرعت فول هيطلع فول زرعتي ارز هيطلع قمح؟يعني اولا مفيش عنده وعي ومعلشي اسلوبي يمكن بسيط بس عشان اللي يقرا ان كان هو او غيرهيفهم كلامي وخلاص يكفي كداعايز يتزوج يروح وهيخلف بنات مايعرف ان ربنا بحبه ان اكرمه بانجاب البنات هما هيكونوا احن عليه من الولد والبنت لما يحسن تربيتها هتزوج وتجيب زوج ابن حللا مثل ابنه وهيكونا سبب لدخوله الجنه خليكي علي اصرارك لانك لوحملت في بنت هيكون اكتر من كداوربي يعينك …………اخوكي في الله
نروح لصاحبه المشكله انا كنت فقير جدا جدا جدا ابتديت حياتى من تحت الصفر بمليون صفر اتجوزت والحمد لله انسانه ملهاش مثيل بالكون كلو وربنا يخليهالى ويحفظها امين يارب انجبت منها اربع امورات بنات زي السكر زى القمر ولا احلى ولا اجمل ولا احن ولا اروع من كده وربنا يخليهم وباتمنى من كل قلبى بجد تكون خلفتى كلها بنات وبكل بنت يزداد وضعى فضلا على فضل ونجاح على نجاح وتقدم على تقدوم وراحه على راحه حتى وصل بى الحال الان والحمد لله انى اصبحت اغنى الناس واقسم بالله لم يدخل بيتى قرش من حرام حتى اضبح عندى فائض من المال لا حاجه لى به الا انى اتعمد الصدقه الذائه ومع ذالك يزيد المال يوما بعد يوم وكل هاذا من فضل الله وحسن رعايتى لبيتى ولاهلى اصبرى واحتسبى عند الله اما من جهة العصيان انتى فعلا مقصره فى حق زوجك هو بيامل بوجود ولد والحل الامثل انو يتجوز وانتى تكونى معاه بس هو يهددك بالزواج لتقصيرك اما هو فلا يستطيع الزواج لانو عارف مقدرتو على المصاريف لا تسمحلو بالزواج ثم عدم انجابك كمان معصيه لربك طالما انو مفيش مانع يقرره طبيب من الانجاب وربنا يهديه ويهدى زوج حبيبه الرحمن وباشكر جدا الطائر الحزين قال قصه جميله فى عهد سيدنا موسى عليه السلام وشكرا
قولي لزوجك العزيز ان نوع المولود -ولد او بنت- يحدده الرجل ولا دخل للمرأه في تحديد النوع, وخليه يسأل بنفسه, لو ارادانجاب الولد الذي يحرر فلسطين ومصر !!!!كما قالت السيده حبيبة الرحمن فيمكنه ذلك عن طريق اطفال الانابيب, والتكلفه في مصر مع تحديد نوع الجنين المطلوب في حدود 25000جنيه(بدون تحديد نوع الجنين 12000جنيه) والصبر والرضا مطلوب وكان الله في عونك
معقول ؟؟؟ احنا بالقرن العشرين ولسا في ناس بتفكر بالطريقة دي اختي صاحبة المشكلة والاخت حبيبة الرحمن على فكرة يوجد طريقة لانجاب الذكور طريقة مجربة ونفعت اسئلي طكتورك لو شاطر عليها وانا اعرف ناس كتير جربوها كنت عاوزة اكتبها بس مش عارفة لو الموقع بيسمح ولا لا
وعلى كل حال كلوو بايد ربنا ربك كبير يرزقك بولد صالح مش مهم يا اختي ذكر ولا انثى المهم يطون تربية صالحة
اقول لحبيبه الرحمن انتى كل مشكله حصلت معاكى بالظبط وكل مره ****
انا من الصعيد وده وسام على صدرى ومخلف والحمد لله 3 بنات همه كل حياتى ومعاى اولاد 2 لاكن معزه البنات عندى فوق كل تصور
والراجل بطبيعته الى ربنا خالقه بيها بيميل لبنته اكثر من الولد
وزوجك ده حاله شازه واستحاله يكون متعلم
ومفيش واحد بالصعيد مراتو تصرف عليه ****
الهم ما عقوك
انا اقسم برب العزه جوزي ريه وطينته ومن الصعيد انا قالي لو جائت بنت 2 تبقي تروحي بيت ابوكي وتبقي طالق ب3 انا معايا بنتين الكبيره في تانيه حضانه والصغيره عندها 4 سنتين ونفسي اجيب ولد وخايفه لاني ربك مابيتعاند وبيقولي هاتزوج عليكي واحده تجيب ليا السبع اللي هايحرر فلسطين قولت ليه برحتك انا لسه بدري عليا لما اكمل 30 سنه ابقه اخلف وخايفه هو الراجل الصعيده فاكر الست حماره في البيت وبقره في السرير وعاوز ولد والمصيبه السوده انه العيب بيبقه منه انا قولت ليه ابقه شوف ايه بيتاخد للولد وابقه هات ولد او انزل السوبر ماركت وهات ولد بيتباع وعليه كيس مكرونه هديه ونصيحه قولي ليه واعدي معاه لو جائت بنت ايه هاتعمل هاترضي وتسكت وتبقه محترم ولا ايه نظامك وشوفي رده لو بقا لسانه طويل يبقه اصبري ومتستعجليش
السلام عليكم يا اختى اولا سواء ان كانت بنات او صبيان فكله من عند الله لانه سبحانه وتعالى يقول يهب لمن يشاء الاناث ويهب لمن يشاء الذكور او يزوجهم اناثا وذكورا ويجعل من يشاء عقيما يعنى كل شئ بيدى الله ولكن هذا انسان جاهل ولا يعلم شئ عن الدين لانه لو يعلم شئيا عن الدنين ما كان فعل ذلك وما كان من المبذرين والمسرفين ثانيا الولد او البنت وصلت احد الابحاث الى انه اذا سبق ماء الرجل ماء المراة كان المولود ذكر واذا سبق ماء المراة ماء الرجل كان المولود انثى وهذا يعتمد كذالك على حالته الجنسية والنفسية يعنى مهما عمل او تزوج فلن يلاقى الا ما قسم له الله واذا طلب منك انه تنجبى ولم تستجيبى له فانتى فعلا بتعصى الله لانهاذا باتت المراة وزوجها غاضب عليها ظلت الملائكة تلعنها حتى يرضى عنها وبعدين من كان له وبعدين اللى يرزقه الله بخلفة البنات ويقوى على تربيتهم دنينا واخلاقيا كانوا سببا فى دخوله الجنة واستحملى واجرك عند الله ولو انتى شايفة انه مش هاتقدرى تكملى يبقى احسن ليكى الطلاق وحاولى تعوضيه عن اى شئ وتنسيه حتى نفسه اتزينى له وكونى فى عينه جميلة دايما وما تقصرى معاه فى شئ وهو انشاء الله ربنا ها يهديه عليكى واصبرى ان الله مع الصابرين