مشاكل الازواج

زوجي مش بيفكر الا بالجنس وحاسة اني بخونه

انا واحدة عندى 22سنة اتجوزت من 3 سنين انا بنت عمرى ماعرفت ولد ولا حتى كلمت ولد ولو مجرد زمالة لانى كنت مقتنعة ان دة مش صح وعيب وحرام ومازلت مقتنعة بكدة و كنت بقول ان ربنا هيعوضنى بزوج يدلعنى ويحبنى بس للاسف اتخطبت لجوزى اللى حبيتة وحبنى جدا وكانت فترة الخطوبة اجمل فترة فى حياتى وعلى فكرة هو كمان محترم جدا وماعرفش بنات زى حالاتى وكلامة ليا فى الخطوبة بالساعات حسسنى احساس جميل اوى بس بعد الجواز الاحساس دة راح لان مفيش كلام اصلا ولان كل تعبيراتة بقت الجنس وفى نظرة ان هو دة دليل حبة وان وقت الكلام راح ودة وقت التطبيق حتى فى الوقت دة اختفت كلمة بحبك وحبيبتى وحتى لما سافر برة كمان عمرة ما اتصل مرة وقالى وحشتينى غير طبعا لما ارخم واطلبها بس كل دة وكنت بقول انة ما بيعرفش يعبر بس اللى وصلها معايا للاخر انى لما بتعب بيكون اخر واحد يسال عنى يعنى لما كنت حامل وسقطت اتصل وماما قالتلة انى تعبانة ما جاش الا تانى يوم بعد ما راح الشغل ورجع واكل ولما رحت اعمل اشاعة وقلتلة تعالى معايا مرضيش على الرغم انة كان فى اجازة يعنى مافيش اى حجة ولما رحت للمنظار كمان اتصل عليا الساعة 10 بالليل برغم انة عارف انها حاجة صعبة جدا فى حين انة مش كدة مع اخواتة ولو عرف ان حد بس اتخدش بيتصل مليون مرة علشان يتطمن انا اسفةلانى طولت بس مخنوقة جدا وانا دلوقتى حاسة انى بدات افكر تفكير غريب واحب ناس يمكن عمرى ماشفتهم بس من الكلام عليهم واتمنى لو كان جوزى فلان وبقيت افرح بالمعاكسات اللى كانت زمان بتخنقنى وحاسة انى بفقد دينى وبخون جوزى اللى بحبة بالاحساس دة بس مش عارفة اعمل اية ياريت كل الناس ترد عليا وتساعدنى واسفة لانى طولت عليكم

مشاكل وحلول ذات صلة

اضيف بتاريخ: Tuesday, April 5th, 2011 في 04:59

كلمات مشاكل وحلول: , , , , , , , , , , ,

33 رد to “زوجي مش بيفكر الا بالجنس وحاسة اني بخونه”

  1. ابوالبتول
    07/10/2017 at 23:48

    بصراحة استعرضت ردودكل الاخوة والاخوات الذين ردوا على الاخت السائلة واعجبني رد الاخ المدعو -ناصح- بارك الله فيه وجزاؤه الله خيرا على كل ماقال ومستشهدا الادلة من القران الكريم والسنة الشريفة ولاازيدعلى ماذكره فهو عين الصواب والراي الصحيح لمن كان له قلب اوالقى السمع وهوشهيد واتمنى ان الاخت تستفيد من كل ماذكر لها في حياتها الزوجية

  2. غريبة الناس
    31/10/2016 at 13:14

    نفس مشكلتي بس مش لقية حل بالاضافة الا ان زوجي بيقولي فلانة احسن منك طول النهار علي كدة

  3. اطلقي
    17/07/2016 at 18:09

    المرحله اللي وصلتليها مش كويسه خااااااااالص
    فالنصيحه اتطلقي ولو حابه تديل فرصه خديلك كام شهر حاولي تغيري من طريقك تفكيرك وتعملي معاه خناقه محترمع علي الموضوع دا وانه مش بيتغير و و و و لو اتغير يبقي في امل اما لو لسا زي ما هوا وبعد الخناف والصلح زي ما هوا وانتي بتاحاولي تعاتبيه كل شويه وهوا مفيش
    يبقي تتطلقي

  4. المحب
    07/03/2015 at 09:15

    يمكن ان يكون يحس بأنه قد تمادى في تدليعك في الخطوبة و بالتالي يخاف أن تستغلي حبه لكي وتتسلطي عليه .نحن الرجال لدينا هذا الخوف .الحوار هو الحل

  5. ابن السعودية
    11/10/2014 at 23:44

    اختي العزيزة بحكم خبرتي بالحياةالزوجية اكبر منك بيوم اعلم منك بسنة اقول لك انك مش عارفة تتعاملين معه حبك واهتمامك الزائد به خلاه يتمادى في الجفاواللامبالة بك الرجل شافك مدلوقة عليه اكثر فتمعن في اذلالك والاستهانة بك وصار يعاملك بكل جفاء وغير مهتم لشانك تماما اثقلي الثقل صنعة غيري من تعاملك معه وحاولي ماتكلمي معه اوتطلب منه شيئا ولاتساليه وين راح ولا منين اتى وتاكدي انه بيحاول هو التقرب منك ومعرفة مايحدث معك وعندها تصارحيه بكل شي وتخليه يعرف قدرك ومكانتك في حياته والمراة الذكيةوالعاقلة تعرف كيف تاخذ كافة حقوقها من الزوج واتمنى لك السعادةوالتوفيق في حياتك الزوجية

  6. SOSO
    24/06/2014 at 17:58

    معرفش ليه الرجالة قبل ما يبقوا باردين كده مش بيفكروا ان اللي معاهم انسانة وممكن تمل زيهم بالظبط ليه دايما بعد الجواز المعاملات بتبقي جافة وكل واحد مستني ع الواحدة والملل بيدب بين الاتنين عاما كل اللي اقدر اقولهولك اقعدوا معاه انتي واهلك ولازم يفهم ان لكل انسان طاقة يتحمل بيها الاهمال وانك انسانة وليكي حقوق عليه زي ما بيعرف يدي كل شئ حقه

  7. caaliya
    10/06/2014 at 19:20

    سبحان الله قل خير اواصمت ليش ماتصبر عل زوجها ليش تطلب طلاق ياختي لا تخربي بيوت ناس وليش هو متعرف عل واحده او متزوج ياخي اتقوو الله في ناس ماتعرف توصل مشاعر انا عن نفسي متزوجه عن حب وزوجي مايقولي كلام غزل زي اول بس اعرف انو طبيعي مش مشكله اختي احمدي ربك في ناس صابرين عل ضرب وبخل وااهانه ودل ٢٠ سنه اقول لكي احفطي بيتك وزوجك ولاتسمعي كل ماقيل طلاق مش سهل يمكن زوجك يحبك اكثر منك

  8. بتول
    25/04/2014 at 01:46

    انامش مع الاخوةاللي قالوا لك اصبري وتحملي الى متى وانت صابرةومتحملة رجل بلاقلب ولاحساس ولامشاعر وكانه كجلمودصخر انت في الاخر التعبانا وماحدش حاس بك ابدا ولاعمره حيتغير اطلاقا النوع ده من الرجال صعب العشرةمعه وعاوزله وحده زيه كده بلاقلب ولامشاعر من الافضل لك طلب الطلاق منه لاجل كرامتك كامراة وزوجة لهاحقوق وواجبات مش مقدرهاهذالزوج ولاعارف يقوم بهاابدا وربنابيعوضك خيرمنه بالزوج الصالح اللي يقدرك ويراعي حقوقك ومشاعرك الزوجية وتلاقي معه السعادةوالاستقرار

  9. ناصح
    03/03/2014 at 07:53

    نصيحة للفائدة :

    والزواج تحصين للفرج وغض للبصر، وقضاء للوطر في ما أباحه الله، وفيه صيانة وحفظ النسل البشري؛ ليعمر الأرض بعبادة الله، وحفظ للأنساب، وفيه إكثار لأمة محمد – صلى الله عليه وسلم – وحماية للمجتمعات من الأمراض الخُلُقية، وهو فوق ذلك وسيلة للاطمئنان والسكن النفسي، والهدوء القلبي والوجداني.

    وبذلك يتضح أنَّ العلاقة بين الزوجين هي علاقة امتزاج والتصاق، وهي أقوى علاقة اجتماعية؛ لاحتوائها على ناحيتين: ناحية غريزية فطرية، وناحية عاطفية وجدانية،

    وإذا التقت الغريزة والعاطفة، فثمَّ أقوى رابطة نفسية.

    ويصوِّر القرآن الكريم ارتباط الغريزة والعاطفة بين الزوجين، ويشير إلى أنه آية من آيات الله ونعمة من نعمه التي لا تُعد ولا تُحصى، يقول – تعالى -: {وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ} [الروم: 21].

    فسكون الزوج إلى زوجه والتصاق المرأة بزوجها أمرٌ فطري غريزي، وما بينهما من مودة ورحمة، أمور عاطفية تتولد وتنشأ عن الجانب الغريزي وغيره.

    وفي تلك الآية وضع القرآن أُسس الحياة العاطفية الهانئة الهادئة، فالزوجة ملاذ للزوج يأوي إليها بعد جهاده اليومي في سبيل تحصيل لقمة العيش، ويركن إلى مؤنسته بعد كده وجهده وسعيه ودَأَبِه، يلقي في نهاية مطافه بمتاعبه إلى هذا الملاذ إلى زوجته التي ينبغي أن تتلقاه فَرِحَة، طلقة الوجه، ضاحكة الأسارير، يجد منها آنئذٍ أُذنًا صاغية وقلبًا حانيًا، وحديثًا رقيقًا.

    عن أبي أُمامة – رضي الله عنه – عن النبي – صلى الله عليه وسلم – قال: ((ما استفاد المؤمن بعد تقوى الله – عزّ وجلّ – خيرًا له من زوجة صالحة، إن أمرها أطاعته، وإن نظر إليها سرته، وإن أقسم عليها أبرته، وإن غاب عنها نصحته في نفسها وماله)).

    وهذا المفهوم لصلاح المرأة يؤكده ما خُلِقت المرأة من أجله وهو أن تكون سكنًا للرجل، بكل ما تحمله كلمة سكن من دلالات ومعان وأبعاد، وحتى يكون السكن صالحًا لا بد من أن تتوفر فيه صفات أهمها أن يرى فيه صاحبه ما يَسرُّه، وأن يقدر على أن يحفظ فيه أهله وماله، وألاَّ يقيم فيه معه من يخالفه وينازعه، وهذه هي الصفات نفسها التي أطلقها النبي – صلى الله عليه وسلم – على المرأة الصالحة.

    فإن لفظ الحديث كما رواه الإمام أحمد عن عبد الرحمن بن عوف قال: قال رسول الله صلى الله عليه وسلم: إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت. ورواه ابن حبان في صحيحه عن أبي هريرة رضي الله عنه، والحديث صححه الألباني في الجامع الصغير.

    ومعناه أن المرأة المسلمة إذا حافظت على صيام رمضان، وأداء الصلوات الخمس المفروضات، وأطاعت زوجها فيما ليس فيه معصية، وحصنت فرجها من الحرام دخلت الجنة، أما ملامسة الزوج واستمتاعه بها فهذا ليس داخلاً في معنى حفظ الفرج لأن المقصود حفظه عن الحرام وليس عن الحلال، بل إنما يتعلق بالزوج يدخل في طاعته وهي واجبة في المعروف، قال المناوي في فيض القدير وهو يشرح هذا الحديث: (إذا صلت المرأة خمسها) المكتوبات الخمس (وصامت شهرها) رمضان غير أيام الحيض إن كان (وحفظت) وفي رواية أحصنت (فرجها) عن الجماع المحرم والسحاق (وأطاعت زوجها) في غير معصية (دخلت) لم يقل تدخل إشارة إلى تحقق الدخول (الجنة) إن اجتنبت مع ذلك بقية الكبائر أو تابت توبة نصوحاً أو عفي عنها، والمراد مع السابقين الأولين وإلا فكل مسلم لا بد أن يدخل الجنة وإن دخل النار. انتهى.

    ملاحظة مهمة الشيطان ابتعدي عنه لأنه يسعي للخراب بين الزوجين الكلام والخيانة بعدها ندم والمستفيد من هذا الشيطان الذي يريد الوقيعة بين الزوجين يجب الكلام بينكِ وبين وزوجكِ بخصوص الكلام الملاطفة وعلى فكرة الكلام هذا يكون صدقيني بالأفلام بين المراهقين الذين يكذبون على بعضهم لكي يأخذ كل منهم مصلحته ثم التغيير ، أما الزواج فهو تحصين وحفظ أسرار ومودة ورحمة تكون بين الزوجين

    هذا زوجك هذا نوعيته يحب الأطفال صدقيني الله يرزقك منه الذرية رجلكِ رجل صالح وطيب حافظي عليه واتركي سبيل الشيطان المعاكسات ثم الإبتزاز لكِ ولسمعتكِ ثم الفضيحة واعتبري بالجرائم العشاق ماذا يؤدي ياقتل يافضيحة تشمتين عدوك وعدو والديك التى حامله أسمه وتزعلين الصديق المحب للوالديك .
    وقبلهن غضب الله عليك .

    تقبلي تحياتي إختي

    واتقي الله فى كل شئ بارك الله فيك

    والسلام عليكم ورحمة الآه وبركاته

  10. ابواميرة
    04/10/2013 at 10:15

    اختي زوجك هذارخم وباردالاحساس والمشاعرمعك صارحيه بكل ماتعاني منه واذالم يغيرمعاملته معك من حقك طلب الطلاق منه لاجل ماتعيشي في عذاب مع واحدلايقدرللزوجةحقهاولايهتم فيهاوربي بيعوضك خيرمنه قادريسعدك وانت لسه شابةوالعمرقدامك والف من يتمنى الزواج منك

  11. ابواميرة
    26/11/2012 at 18:45

    من خلال خبرتي في الحياة ومن كلامك انت عن زوجك وتصرفاته معك اعتقد ان زوجك عل علاقة بوحدة تانية ومش بعيد متزوجها الرجل ياستي يحب يغير ويبحث عن كل جديد وذي طبيعة في اغلب رجالة ومن حقك عليه المصارحة والمكاشفة ووضع النقاط على الحروف ليه التغيير في معاملتي معاك انا قصرت معك في شي هل انامااريحك جنسيا وهل وهل حتى تعرف الحقيقة بنفسك وعندهالك حرية الاختيار تطلب الطلاق اوالاستمرارفي العيش معه على حالته

  12. الفرعون العاشق
    19/10/2012 at 13:40

    حاولي بينك وبينة انك تكلمية وتقوليلة انت مش فاكر اخر مرة قولتلي فيها بحبك من كلامك انك رومانسية حاولي توفريلة هو كمان الجو دة قوليلة فين كلامك واحنا مخطوبين حاولي تدلعي علية ولو مافيش حاجة جابت نتيجة معاة اعملي فيها انك زعلانة حتي لو حصل جماع بينكم خلية يحس انك مش مهتمة او بمعني اصح مش عايزة هتردي عليا وتقوليلي ماهو كدة ممكن يشك فياهقوللك لو جة كلمك قوليلة انا مش عايزاك تعتبرني عروسة وقت ماعيزها هتخدني انا عايزاك تحسسني اني عايشة احلي قصة حب مع الانسان اللي بحبة

  13. زهرة اللوتس
    21/04/2012 at 20:27

    لى راى اخر مخالف للزملاء فربما العكس اذا كنتى تعاملين زوجك بفيض من الاهتمام والحب والحنان احيانا يتولد عند الرجل الشعور بالانانيه وحب الذات عندما يشعر بالهتمام الزائد من المراه كونى معتدله فى معاملتك معه

  14. ابو عمر
    09/04/2012 at 12:49

    اختى العزيزه من كلامك احس انك تحبى زوجك جدا وهوا الاخر يحبك جدا بس احب ان تعلمى من ضغوط الحياه ممكن ان تغير الانسان بس مش على حبيبو الموضوع سهل جدا انك تشوفى هوا بيحب ايه وهتلاقيه علطول رجع لحضنك وحبك اكتر من الاول اوعى تتجهليه ولا تتجهلى طلباته اذا عملتى كدا اوعدك انك هتبقى اسعد انسانه فى الدنيا ولا تلتفتى الى الكلام المعسول الخارجى لانه مجرد كلام وربنا يسترها عليكى

  15. محب المحامى
    06/03/2012 at 16:10

    اختى الكريمه
    لكل شخص لغته فى اظهار الحب للطرف الاخر
    يعنى زوجك اللغة اللى يفهمها فى الحب هى ” الجنس ”
    ودا مش معناتو انه مش كويس او شهوانى
    لا 00 لكن الامارة والعلامة الاكيدة اللى تؤكد له انك انتى بتحبيه
    هى انك تستجيبى للغته وهى ” لغة الجنس ” والكلام الجنسى00 انتى زوجته ولو مطلعش طاقته الجنسية معاكى امال هيوديها فين 00 ومن ضمن طاقته الجنسية ” الكلام الجنسى ” لانو من حقو انو يقولو ليكى لانك ” شريكته فى العلاقة الجنسية المشروعة ”
    خلاصة كلامى ليكى انك تفهمى ان لغة زوجك هى ” الاستجابة للجنس كعلاقة وككلام جنسى ” والا سيفهم انك ” لاتحبيه ” مهما عملتى ليه من امور اخرى ! !
    وواجب عليكى انك تعرفيه لغتك انتى فى الحب
    وواضح ان ” لغتك فى الحب هى ” الكلام الرومانسى وكلام الغزل الراقى والجنسى ” ودا من حقك على جوزك وواجبه انو يعملو عشانك 0 بس هو مش فاهم لغتك فى الحب
    ولما تتفاهمو وكل واحد يفهم التانى ” لغة الحب الخاصة بيه ” هتصبحو على موجه واحدة وفى دائرة واحدة وهيسود الوفاق الجنسى والعاطفى بينكم 0
    اعرفى لغتك فى الحب ايه وخبريه بيها 0
    وافهمى زى ما قلت لك ان لغة جوزك فى الحب هى ” ممارسة العلاقة الجنسية والتعبير اللفظى والحركى عنها معاكى 0
    الرب يبنى بيتكما ويشمله بالسلام 0
    سلامى اليكما

  16. jody
    27/02/2012 at 12:16

    انتي انسانه محترمه جدا بس ارجوكي اوعي تفكري في حد غير جوزك ولا تتمني حد غير جوزك لان دا اللي ربنا كتبهولك واكيد خير (عسي ان تكرهوا شيئا وهو خير لكم) فهميه عيوبه واتكلمي معاه اكتر من مره ولو مستجبش دخلي والدتك واهلك ولو متحلتش لا قدر الله ابعدي عنه وربنا يوفقك ان شاء الله واتمني ان زوجك يستجيب ليكي بدون تدخل اهلك

  17. شوشو هيما
    29/01/2012 at 23:30

    ياقمر انتى اهم حاجة متعمليش حاجة غلط او تخونية بوصى حتى لو عمل فيكى ال ميعملشى اوعى تخونية اووووووعى خليكى مع جوزك ممكن يتغير لو متغيرشى ابعدى عنة بس بعد ماا تخلى ابوكى مامتك تتكلم معاة انتى اقعدى وعرفية عيووووبة عرفية غيرية خلى يشتقلك بايدك تعملى كل داااا

  18. حكيم
    13/12/2011 at 06:25

    مش تستعجلى ثلاث سنوات مش كفاية حتى يكون فى وفاق كامل المهم اتعبى شوية وكونى بشوشة معاة وتكلمى معاة كتير محسسية انك بحبة وبتمو تى فية وان هو كل حاجة ليكى حتى لو بالكدب وهتشوفى النتيجة هي هيشيلك على راسو وهتحسى بالتغير انتى الا خلاة همل كدة انك انتى معندكيش حاجة الا الجنس زى ما قولتلك وشوفى النتيجةحسسية بالحب وكلام الحب والرسائل وشوفى

  19. سمسمه
    09/12/2011 at 03:15

    حبيبتى حاولى تتقربى ليه من الطريقه اللى بتعجبه يمكن هو بيعاملك المعامله دى علشان حاسس بتقصير منك فى الحاجه اللى هو بيحبها حاولى تاخديه فى حضنك وتتكلموا مع بعض فى اللى بيضايقك واكيد صدقينى هاتلاقى منه كل خير ان شاء الله لانه باين من كلامك انه انسان محترم بس هو واضح انه بيحب الجنس صدقينى انا كمان زيك كده بس انا الحمد لله اتقربت وبقيت اعمل له كل حاجه هو بيحبها وعاوزها دلوقتى هو بيتمنالى الرضا ارضى ربنا يوفقكم اللهم امين

  20. مودى
    29/10/2011 at 04:36

    حاولى تقربوا من بعض وتناقشوا وربنا يصلح الحال

  21. HanyMoh
    22/10/2011 at 14:37

    لا أعلم ماذا أقول لك..

    ولكن أنت أفضل من كثيرات غيرك..

    والحمد لله على كل شيء..

    ولا خيانة من تفكيرك إن كان شيئا عابرا وبدون تدبير..

    وحاولي أن تتفاهمي مع زوجك أكثر واعلمي سبب التحول الكبير هذا..

    وإن لم يحدث تفاهم فاصبري..

    الصبر يكون هنا وليس الصبر في حالات الإهانة والضرب كما يعتقد البعض..

    أقول لك اصبري في حالات الإهمال، ولا تصبري في حالات الضرب والإهانة..

    وختاما أرجو لك وله الهداية والسداد، وأنا على ثقة من خلقلك الكريم..

  22. H+N=M
    02/08/2011 at 13:43

    على فكره يمكن محبتيش قبل كده ولما جوزيك خطبيك حبتيه جدا ودلوقتى مخنوقه معلش فتره وهتعدى بس متنيلهاش اكتر وتكلمى حد وانتى متزوجه دى مصيبه اكبر ولو عرف مش هتبقه عادى هتبقه خيانه والخيانه حلها الطلاق؟؟ فكرى صح انا اسف لو ديقتيك بس هوه داه الكلام اللى فيه مصلحتيك بكل صراحه؟؟

  23. بيستو
    08/07/2011 at 16:37

    الصفات الى ذكرتيها عن جوزك معناها انك بتحبيه جدا وانه انسان كويس
    على فكرة معظم الرجاله كده وانا منهم
    بنفتكر انى لما اشتغل واتعب عشان اجيب المال لزوجتى يبقى دة معناه انى باحبها لكن الزوجه محتاجهالكلام الحلو اكتر من احتياجها للعيشه الحلوة
    زى ماقالك الاخوة والاخوات حافظى على النعمه الى انتى فيها واحمدى ربنا عليها وافتكرى له الحاجات الحلوة الى بيعملها معاكى وربنا يوفقكم

  24. ياسر
    05/07/2011 at 10:47

    عارفه ربنا بيقول وعاشروهن بالمعروف عارفه معناه ايه انك تعطى الاخر كل ما تتمنين ان يعاملك به وتتنازلى عن بعض ما هو لكى يقول النبى صلى الله عليه وسلم( لا يفرك مؤمن منؤمنه ان كره منها خلق رضى منها اخر) الفرك بيقلك النبى يعنى الكره سيد الاباله الذى بيغض الزوج فى الزوجه والعكس فراىى عبرو ومفيش حدود بين الرجل وزوجته هن لباس لكم وانتم لباس لهن الى بتتمنيه يقولهولك قولهولو وربنا يحببكم فى بعض ويصرف عنكى وسواس الصدر ويقنط الشيطان منك واوعى يظفر منك بهذا والاخر الصبر انا على فكره العكس منك بس الى بقلهولك بعمله والله علشان ربنا

  25. فايد المصري
    25/04/2011 at 03:24

    السلام عليكم
    اختى العزيزة لا تجعلى الشيطان يوسوس لكى ان الحياة بعد الزواج تختلف عن ايام الخطوبة فى مهام تنية ممكن تكون شغلة جوزك فى شغلة وانتى حاولى تتقربى منة ومدام هو بيخاف على اهلة يبقى بيخاف عليكى بس فى رجالة مش بتحب تبين دة او متعرفش او بتتكبر على كدة المهم اصبرى وانتى فى نعمة وحفظى عليها انتى احسن من غيرك ودى مش مشكلة خالص

  26. احمد ايطاليا
    22/04/2011 at 00:25

    طالما بتقولي انة انسان وعلي خلق يبقي الكلام معاةهيوصلك لحل حولي تكلمية باي طريقة وليس مباشر يعني ممكن تقولية تيجي نرجع يوم من ايام الخطوبة تاني ونعد نتكلم مع بعض بس دا طبعا في لحظة رومانسية اختاري الوقت ووحدة وحدة جوزك هيرجعلك ان شاء الله

  27. الجبل
    12/04/2011 at 19:55

    خلى الامور تمشى طبيعى الحياه صعبه شويه ولابد ان نتحمل بعضينا كويس انه محترم ومحافظ عليكى واياكى واتباع هوى النفس هتخسرى دينك ودا الاهم وباقى حياتك سوف تصبح ذكرى اليمه استمرى فى المعامله الحسنه لزوجك وحافظى على بيتك احسن غير كده ضياع من كله ربنا يهديك للخير ويبعد عنك الشيطان

  28. koko
    12/04/2011 at 12:56

    السلام عليكم
    عارفه والله بجد اوقات بيكون الزوج بيحب زوجته جدااا ومش عارف يوصل احساسه بالطريقه الصح ليها وعلى فكره بددال ماتشتكى وتقعدى تكتبى مشاكل كده ليه مابتفهميه وده بناء على حوار فى ايطار العلاقعه الزوجه انا عيزاك تبقى جمبى حسسيه بوجودك فى حياته مش انك بس على السرير موجوده سامحينى هذا تقصير منك ولا تعطى لنفسك المبررات وانسى المقارنه بين زوجك او احد اخر لان هذا يفتح مجال للشيطان تقربى من زوجك وعليكى ان تعرفيه ماتحبه وماتكرهييه وهذا ليس عيباا والله المستعان اخوكى فى الله

  29. mohamed
    11/04/2011 at 09:28

    دى مشاكل عاديه يا ست الكل وصدقينى ده من حبه فيكى بيخاف عليكى احمد الله والصلاه والحجاب وربنا يجازيكى بالخير

  30. رومانسى
    07/04/2011 at 17:11

    بصى اولا كلنا لاحظنا ان المعاملة بتتغير 180 درجة بعد الجواز ودة مش مشكلتك لوحدك دى مشكلتنا كلنا.وفعلا الرجالة عندهم التعبير عن الحب هو الجنس مش جوزك لوحدة دى طبيعة عندهم . انتى ادلعى علية ساعتها وقولى كلام حلو وهو كمان هيتعود ويقول.. لاكن على اهتمامة ليكى صرحية بس بطريقة حنينة . انت لية مش بتقلق علية مش انا بقيت حتة منك لية مش بتخاف علية .. عارفة كلام فية حنية وعتاب فى نفس الوقت.. وفى رجالة طبيعتهم عمليين احنا ربنا خلق فينا الحنية اديلة جرعة حنية كل يوم هيتعود على كدة وهيفهم يعنى اية حنية واهتمام . وربنا يهدىهولك ويخليكى لية

  31. حكيم
    06/04/2011 at 12:29

    اختى العزيزة لا تجعلى الشيطان يوسوس لكى ان الحياة بعد الزواج تختلف عن ايام الخطوبة فى مهام تنية ممكن تكون شغلة جوزك فى شغلة وانتى حاولى تتقربى منة ومدام هو بيخاف على اهلة يبقى بيخاف عليكى بس فى رجالة مش بتحب تبين دة او متعرفش او بتتكبر على كدة المهم اصبرى وانتى فى نعمة وحفظى عليها انتى احسن من غيرك ودى مش مشكلة خالص

  32. اميرة
    05/04/2011 at 19:27

    ربنا يصبرك حاولى تحبييه فيكى اكتر يمكن فى حاجة مدايقاه انتى مش حساها ربنا يسعدك يا حبيبتى وساعة الجنس ممكن تحسى بالرومانسية برده حببيه فيكى اوىىىىىىى ربنا يسعدك

  33. الفتى الطاير
    05/04/2011 at 12:45

    ياختى انا عايز االك الحمدالله ان هناك زوجه مثلك بس يايت الحوار مع جوزك لانه انسان على خلق كما ذكرتى اهم حاجه بين الزوجين التفاهم والحوار والتسامح والاتجاه فطريق واحد حتى تتقابلوا ليس هناك داعى لتضخيم المشكله لان حلها بسيط وهو الحوار واخير اتقى الله واصبرى على وسوسة الشيطان والله يحميك ويحفظك

اترك رداً أو حلاً لهذه المشكلة