انا معايا فى الدرس 3 ولاد وواحد منهم كان بيحبنى بس انا لا … صحبتى اتكلمت مع الولد على الفيس بوك وكان يعتبر اخ ليها كان بيحكلها كل حاجه وقالها انوا عايز يخطبنى وبعد فتره عرفت انوا كل لما يشوف واحده يقولها كده وفى اخر القصه قال لصاحبتى دى انوا بيحبها هى وانوا كان بيتقرب ليا عشان كده يبقى بيتقربلها وفى الوقت اللى قال كده كان صاحبه بيحب صاحبتى دى بس مشى من الدرس والولد الاولانى قالها ان صاحبه كان عايز يرتبط بيها عشان حاجه مش كويسه .. طبعا البنت كرهت الولد التانى وبعد كده قابلت الولد على الفيس بوك وكلمها وقالها انوا عايز يرتبط بيها وقالها انوا راجه الدرس وفى اليوم اللى كان مفروض يجى فيه مجاش ولا اعتذر واحنا مروحين لاقنيه قاعد ع كافيه ولما شافنى دارا وشه الناحيه التانيه ولا كانه يعرفنا دى غير ان شوفت فى رسايل صحبتى دى الولد الاولانى بيتكلم عليا بطريقه وحشه جدا وانى بستفزه فى الدرس واهزر مع صحبه التالت فلى الدرس ومش بكلمه وانا والله من السنه اللى فاتت مش بكلمه خالص واللى اكتشفته ان قايل للولد التالت ده تقريبا انى كنت موافقه عارتباطى بيه والولد قاله ان انا كنت مطنشاله … طب ليه بتكلم عليا ويفهم الناس حاجات غلط وانا كنت بعامله كويس رغم ان كنت اعرف عنه بلاوى ؟؟؟ ؟؟؟
مشاكل البنات مع الشباب
مش فاهمة ليه بيأذيني وبيشهر بيا
اضيف بتاريخ: Saturday, April 9th, 2011 في 07:03
كلمات مشاكل وحلول: البنت, الفيس بوك, بنت, مشاكل البنات, مشاكل البنات مع الشباب
لاعليك من الاول ولا الثاني ولا الثالث طزفيهم كلهم خليهم يولعوابقاز وينحرقوا اهتمي بنفسك وبدارستك يابنت الناس وحافظي على شرفك وتربيةاهلك لك وماتنخدعي بكلام الشباب اوتصرفاتهم فهم زي الكلاب السعرانة ينهشوافي شرف البنات ويجلبون لهن العاروالفضيحةاحذري منهم وابتعدي عنهم ربنايهديك ويصلح حالك
ايه العبط اللي انت فيه اهتمي بدراستك ومستقبلك ولسه انت صغيرةعلى الحاجةدي وكل اللي بيحصل معك مرحلةمراهقة وتعدي فكري في نفسك وربي يهديك ويسترعليك
انا تهت مين الاولانى ومين التانى وايه التالت ده كمان المهم اعرفى انك بتعملى ربنا وصدقينى طول ما انتى متوكله على ربنا مش هيهمك لا الاولانى ولا العاشر وخليكي واثقه فى نفسك وفى ربنا
واهتمى بمذاكرتك
ياحبيبته قلبى انتى لسه صغيرة قدامك كمان سنتين كدة وبعدين هتولى ايه العبط الى انا كنت فيه ده والله كلنا كن زيك كدة ودماغنا فاضيه بندور ع الهايفه ونشغل دماغنا بيها اعملى الى هقولك عليه نفضى لكوول دول ولا تشغلى بلك باى حد ولو حد جه قالك كلمة اسمعى من هنا وخرجى من هنا خلى الى يتكلم يتكلم اه حاجه نك متعمليش حاجه غلط فنظر نفسك عشان تكونى راضيه عن نفسك ومتحطيش فبالك وركزى فدراستك
الله يسامحك دوختيني اقولك انتبهي لمذاكرتك وسيبك من الهيافه دي انتوا لسه صغيرين علي الكلام ده
ابعدي عن العالم المقرف ده وارجعي لربنا هيقف معاكي
حبيبة قلبي
واضح انك لسه في الثانويه العامه
احب اعرفك ان المرحله دي عند الاولاد بتكون غير البنات
البنت بتكون بتدور على حب يملى الفراغ العاطفي عندها
انما الولد في الفتره دي بيكون فرحان بجسمه اللي بيتفرد
و يتفشخر بعضلاته و طوله و شعر الصدر حسين 🙂 و علاقاته بالبنات
المهم يعني من الاخر دي مراهقه صبيان سيبك انتي منهم و ان شاء الله لما تدخلي الجامعه ان شاء الله هتحسي ان دول كانو عيال و لسه لما تتخطبي هتكتشفي ان كل ده كلام عيال
اسفه لو كلامي فيه حاجه تدايق
ركزي في مزاكرتك
و طنشي شغل العيال بتاعه ده
و ياريت متكلميهوش على الفيس ولا اي حاجه تانيه و صاحبتك كمان لازم متكلموش عنك و يستحسن متكلموش اصلا
بالتوفيق
ايه اهبل ده اهتمى يا ماما بدروسك شكلك لسة صغيرة ولسه فى مراحل كتير فى حياتك بطلى وانتبهى لدراستك وصديقينى هتلقى الحب الحقيقى لما تنضجى وتكبرى خالى بالك من نفسك