مشاكل الثانوية العامة

كيف اتغلب على عدم التركيز فى المذاكره

في الثانوية العامة مشكلتى انى كل ما اذهب الى المذاكره بقوم تانى وافضل رايحه جايه ومش بعرف اذاكر وساعات اشرب قهوه بس بنام بعدها ومش بعرف اذاكر وساعات احس انى مخنوقه وتعبانه ودايما بحس بخوف شديد مش بيخلينى اعرف انام

مشاكل وحلول ذات صلة

اضيف بتاريخ: Thursday, December 31st, 2015 في 18:53

كلمات مشاكل وحلول: , ,

2 رد to “كيف اتغلب على عدم التركيز فى المذاكره”

  1. مجنون نسوان
    12/01/2016 at 23:22

    الحل في الخطوات التالية1-الاستعانةبالله عزوجل والتوكل عليه 2- البعدعن القلق والخوف والذعر من شبح الامتحانات نهايئا3- اخذقسط كافي من النوم قبل المذاكرة وتكون قرابة 7-8 ساعات نوم والاستيقاظ قبل صلاة الفجر ومراجعة ماتم مذاكرته حتى قرب الذهاب للمدرسة 4- التقليل من شرب القهوةوالشاي والافضل تناول عصير ليمون اوبرتقال مع سندويتش جبنه بالمربى 5- الحرص على المذاكرة في اجواءهادئة بعيداعن صخب وازعاج الاهل اوالاطفال في البيت 6- الافضل تكون المذاكرة مع زميلة لك عشان كل وحدة تساعد التانية في حل اسئلة صعبة قد ماتعرفش اجابتها 7- البدء في حل الاسئلة اللي موجودة في المقرر وكتابة كل سؤال وتحته جوابه 8- التركيز على المواضيع المهمة لانها الغالب تجي في الامتحان وربي يوفق كل الطلبة والطالبات في دراستهم

    قَـيّـم هذا الحل: Thumb up 3 Thumb down 0

  2. محمد
    02/01/2016 at 21:47

    اول حاجه مفيش داعى للذعر الخوف و القلق الشديد مش هيساعدك بالعكس ده ممكن يلهيكى و يقلل تركيزك و يخلى قرارتك مش فى احسن حالاتها ، مذاكره الليل متعبه و المنبهات القهوه و الشاى الزياده بتأثر على الجسم شويه و التحصيل مش 100% افضل حاجه تنامى بالليل بعد 12 و تصحى بدرى الساعه 7 بحيث تبقى نمتى 7 ساعات و لو اتزنقتى اوى تصحى 5 و انقلى مذاكرتك للصبح فى الاول هيكون صعب بس اغصبى على نفسك تصحى فى الميعاد و تنامى فى الميعاد تانى حاجه نظمى اليوم شوفى مواعيد دروسك امتى و بتخلص امتى و حددى الوقت اللى فاضى ، رتبى المواد على حسب درجه صعوبتها بالنسبه ليكى و رتبيها على حسب نسبه اللى ذاكرتيه منها و شوفى عندك مواد ايه فى ايام ايه ، و بعدين قررى ايه المواد اللى محتاجه تذاكريها كتير و تبدأى فيها على اساس كده يستحسن تخلصى واجب كل درس بعده بيوم فوتى اليوم اللى اخدتي فيه الواجب و حليه بكره او بعده متخليهوش لقبل الدرس على طول ، و متخليش الحاجات تتراكم كل حاجه و هى صغيره سهله كل اما الحاجه تتراكم هتبقى اصعب، بالنسبه لوقت المذاكره حطى هدف قدامك هحل التمرينات من كذا لكذا او هراجع على باب كذا كده و متعوديش نفسك على مكان واحد تذاكرى فيه على طول و متذاكريش ماده واحده تقيله عليكى كل المده المتاحه خلى فى فاصل بحاجه تانيه بتحبيها ، خلى الحاجات اللى بتحتاجيها قدامك مثلا لو بتعطشى خلى ازازه مليانه جنبك و هكذا ممكن تخلى موبايل جنبك لو زهقتى بدل ما تقومى شغلى اغنيه العبى دور صب واى كده بس ما “تطوليش” و شويه بشويه هتتعودى ، خلى بالك من اكلك كلى كربوهيدرات و بروتين و اشربى ميه كتير و كلى فواكه و خضروات و متجوعيش نفسك الاكل مهم ، كلى برضه مكسرات بالذات عين الجمل و الكاجو و اللوز و حاولى تمشى 15 دقيقه فى اليوم ، لو احتاجتى تهدى عقلك شويه ممكن تاخدى حمام دافى و تشربى كوبايه ينسون باللبن و العسل، ممكن تقللى 3 باستمرار من رقم معين تبداى برقم كبير و تقعدى تخصمى منه 3 و الناتج تخصمى منه 3 و هكذا ، حاجه كمان ممكن تصلى و تقرى قران و ممكن تتأملى ببساطه اقعدى قعده مريحه ثابته فى مكان هادى و بصى لقدامك و متفكريش فى حاجه الفكره اللى تيجى فى بالك متكمليش فيها و لا تتفاعلى معاها سيبيها هتلاقيها راحت و هكذا شويه وقت لحد اما دماغك ميبقاش فيها اى افكار و اثبتى على الوضيعه دى حبه ، خلى بالك فى الاخر برضه الثانويه العامه مش اخر المطاف ولا نهايه الدنيا ابدا هى مرحله و بتعدى و النجاح فى الحياه العمليه مش مرتبط بمجموع ثانوى و مصر محتاجه كل المجالات و مفيش حاجه اسمها كليه حلوه و كليه وحشه العلم النافع كله حلو و لكل مجتهد نصيب احنا بنختار حاجه بنحبها و مناسبه لقدراتنا و خبراتنا و لو اشتغلناها هنعرف نحقق كل متطلباتها و متحطيش الفلوس غايه لانها متستاهلش و كمان الرزق بايد ربنا و الناجحين مميزين فى اى مجال انا عارف ان فتره الثانويه فتره صعبه بس حاولى برضه تخلى حياتك متوازنه بقدر الامكان شغل و راحه،ضيق و متعه، يعنى كفايه جدا 8 ساعات مذاكره متواصله، و حاولى تحافظى على صحتك احنا مش داخلين حرب ، اللغبطه المبالغ فيها فى النوم و الصحيان و التوتر و القلق المبالغ فيه و الخنقه المبالغ فيها مش شئ ايجابى نافع ،اعملى و لو حاجه بتفرحك كل يوم ان شاء الله حتى تاكلى شوكلاتايه ضغيره و خلى فيه يوم فى الاسبوع مبتذاكريش فيه بالتوفيق..

    قيم هذا الحل سلباً او ايجاباً: Thumb up 6 Thumb down 0

اترك رداً أو حلاً لهذه المشكلة