السلام عليكم
انا حبيت معيد عندنا ف الجامعة هو وسيم وبجد شخصيه محترمه جدا ف الاول كنت بكابر جدا وبرفض اى اعجاب او حب من اى حد سواء من طرفى او طرفه كنوع من الحفاظ ع النفس بس غصب عنى مقدرتش امنع نفسى صحيح محصلش بينا كلام اكتر من كلام الكورسات والسكاشن لكن كانت كل نظره ليها معنى المهم مش هطول عليكم وانا ف سنه تانيه اخدت عندو كورس وكان رغم انه بيرفض اى حد لزياده المجموعات عنده لكن قبلنا من اول مره روحناله فيها وبعدها لما ابتدى الكورس اكتشفت ان بنات كتير بتاخد عنده مش لغرض الكورس نفسه زيى انا واصحابى فكانو مركزين مع كل حركه او كلمه او نظره ليه وهو كان مهتم وقتها جداااااااا بيا لدرجه انه اول ما يخلص شرح يبصلى ان فهمت فبيبان وان مفهمتش بيعيد لوحده من غير ما اتكلم احيانا وطبعا البنات دول اخدو بالهم وبقو يتكلمو انه هو مهتم بيا ومعجب بيا لانى بتقل عليه وعشان كدا هو بيسال عليا علطول وبيتنبالى بمستقبل حلو المهم جات واحده فيهم وقالتلى انه ايه رايى فيه وليه بتقل كدا ومكنش حد يعرف اصلا باعجابى وحبى ليه ولما عرف او بمعنى اصح زهق من الصد من نحيتى هو ابتدى يتقل اووووووى لكن النظرات هى والاهتمام هو لكن بيتعزز بدرجه غيبه ف الكلام معايا بصراحه اخدنى الكبرياء ومبقتش بروح اساله ع اى حاجه غير وقت السكشن ولحد النهارده رغم انى خلصت ومشفتهوش تقريبا ليا سنتين غير مره او اتنين لكن مش قادره انساه ولا اقبل حد تانى كل ما اشوف حد بيجى ف بالى وصورته ما ببتفارقنيش و ف نفس الوقت بقول لو كان عايزنى او بيبادلنى نفس الشعور كان هيتقدملى ومش عارفه اعمل حاجه بجد انا تعبت وتعبت اهلى اوووووووى معايا وحالتى النفسيه بقى وحشه اوى بسبب الموضوع دا ياريت تقولولى ع حل مهما كان قاسى لكن هحاول اعمل بيه بس كمان ياريت ميكنش انساه لانى لو كنت قادره كنت نسيته من بدرى
واسفه لو كنت طولت عليكم
لو كان عايزنى او بيبادلنى نفس الشعور كان هيتقدملى
انتي اللي قولتيمش انا يعنتي فاهمة
زمانة عرف واحدة تاني
يابنتي دة شغل بزنس يعني
بلاش الوهم دة فكري كويس
لو عايزك كان سأل عليكي وجاللك لحد عندك
بلاش تضيعي فرصة عنرك علشان حد مش حاسس بيكي
وربنا يوفقك
انسية
انا حصل معايا نفس الى حكيتىه لكن الفرق انى ده اتقدملى مرتين من بابا وانا فى الاخر الى رفضته برضو على الرغم انى كنت معجبه بييييييييه جدا من سنه ولكن لمه جالى حسيت انى هوه ده مش المناسب ليه كنت بوهم نفسى انى بحبه لانى كان وال واحد ولكن لقيت انى مش هوه ده المناسب ليه يعنى انتى مش بتحبيه اصلا وسيبك منه بس سنتين يامفتريه مش بتشوفيه .. اذا كان انا لمه سبتوا شهر راح خطب فى الاجازة على طول وبعدهااتجوز 4 شهور
الحل اعتقد انك عاوزة حل متفصل على مقاسك مش عاوزة حد يقولك انسيه ماشى روحى شوفيه فين وقوليله بحبك ومش قادرة اعيش من غيرك هو دة الحل اللى يريحك يا اختى انتى رومانسية وخيالية بدرجة كبيرة نظرات واهتمام وحاجات كتير خيلت لك انه بيموت فيكى ومييقدرش يستغنى عنك واصحابك يكبروا الموضوع فى دماغك وانتى بالمعنى البلدى عايشة الدور يا ستى انتى مقولتيش على اى حاجة تبين انه بيحبك او بمعنى اصح عاوز يتزوجك والدليل انك بتقولى بقالك سنتين دة ممكن اصلا يكون نساكى وانتى لسة منتظرة الله يكون فى عون اهلك فعلا عموما انتى مشكلتك بردة بسيطة انسى الانسان دة خالص اللى لو بيحبك كان جه عشان يخطبك وما تروحيش من ايدة انسيه ولو جالك انسان كويس وابن حلال وشفتى فيه الدين والاخلاق وافقى علية وربنا يكرمك ويرزقك الحلال ان شاء الله
انتى عيزانا تاولك ايه ؟؟؟؟؟؟؟تالك روحى ليه واليلو انا بحبك وبفكر فيك ع مدار سنتين ؟؟؟تقبليها على نفسك ؟ سنتين فراء اكيد حب وحده تنيه لانه فى عالم مفتوح ونتى كنتى فى البيت “ولو كان معجب كان اتكلم او اتقدم انما شكلو كده كان بلعب باعصابك يا فلحه ” كبرى دماغك وخلى حبك ووفائك ده لجوزك الى انتى برده الى هتخطريه وبتوقيق ان شاء الله
سيبك من كل اللى فات وفكرى فى مستقبللك لان العمر بيفوت سنه ورا سنه فارجوكى فكرى فى نفسك ومتتعلقيش بالحبال الدايبه وحاولى او ما اى حد يتقدمللك تفكر فيه بعقلانيه
اولا من ناحيه الاهتمام احتمال كبير ميكنش في اعجاب من ناحيته ولا حاجه لكن هو يتعامل معاكو بهذه الطريق ولكن انتي اعتقدي انه معجب بيكي من حبك له
لانه لو كان فعلا معجب بيكي او بيحبك ايه الي يمنع انه يجيلك ويقولك
بصي يا قمر كل بنت بتمر بالمراحل دي
حتي الان دي علاقة عابرة
فعلا اذا عاوزك ممكن يتقدملك بس مش دلوقت لانك ممكن تاثري علي سمعته ولكن بعد تخرجك
ركزي علي دراستك واذا كان في نصيب لن يأخذه منك احد.
ضعي نفسك مكانه مستحيل تتقدمي لطالبتك قبل ان تتخرج الناس تقول ايه ، استاذ مراهق بيعاكس الطالبات في الكورسات، انتي بترضي بكده.
معرفتش من كلمة خلصت انك خلصت الدراسة ولا الكورس معاه المهم اذا خلصت الدراسة لا باس ان يعرف من وسيط انك مهتمة به ولكن كنت خائفة من كلام الناس وعيونهم ، واذا ما خلصتيش اصبري حتي تخلصي دراسةوكورسات معاه بعدين يعرف
ربنا يوفق لما فيه الخير
الحل انك لازم تنسيه فعلا لان كل البنات ا في المدارس او الجامعات بيحصل ليهم نفس الاحساس ال انت حسيتيه مع المرسين او اساتذة الجامعه لو ديه اول مرة تعجب فيها بحد اعرف انه مش اسمه حب واحنا دايما ال بنضحك علي انفسنا باننا مش هنقدر ننسي وانه الاول والاخير ولكنها تجارب لابد ان نخطوها لكي نتعلم ازاي نتعامل مع الناس وامتي نقول ده حب بجد وامتي نقول ده مش حب ده اعجاب بس الكل واخد كلمة الحب في كل حاجه الحب كلمه كبيرة جدا وصعبه جدا الحب مش نظرات بس ولا كلام بس ولا احترام بس ولا مشاعر صادقه بس الحب شامل كل ده النظرات والكلام والافعال والاحترام والاهتمام والحنان والتقدير والصدق والخوف والامان الحب بيشمل كل ده لو حاجه نقصت يبقي مش حب حقيقي الحب انواع حب من غير امل للظروف وحب انانيه وده اسمه برده حب تملك وحب من طرف واحد وحب شهوة بس ولا واحد في دول يستحق انه يكون اسمه حب بالمعني الحقيقي الحب الحقيقي الصادق هو الماضي والحاضر والمستقبل وال يشمل كل الاحاسيس السابقه ال بقولك عليها ومش اي واحد نقابله ونرتحله يبقي هو ده الحب الحقيقي لأ الحب الحقيقي حاجه تانيه خالص بتحسيها اكتر ما تتكلمي عليه فياريت تنسيه تنتظري حبك الحقيقي ال يستحق ويخبط علي بابك وربنا يوفقك ………