حكايتي و بما فيها اني كنت بحب و احد من زمان اوي يعني لما فتحت عيني علي الدنيا كنت في خامسة ابتدائي وشوفتة هو في الاول خالص كنت مؤدبة جدا و كنت بلعب باسكت فمكنتش بكلم اي ولد خالص المهم حصلت مشكلة بيني و بينة دة كان اول تعارف و بعديها اتصالحنا و بقينا اخوات كان بيخاف عليا اكتر من نفسة وبدات اكبر علي ايدية و بدا يفهمني كل حاجة في الدنيا كاني اختة بالضبط و اي اللي اعملة و اي اللي مينفعش اعملة و كل يوم عن الاول كنا بنقرب من بعض اكتر لهاية ما بقيت في 3 اعدادي سعاتها كان لعب عيال وحبيت و احد المهم قضيت معاة شهور وسبتة وبعديها الولد اللي سبتة دة كان بيعملي مشاكل كنت اجري علي اخويا المزيف و اقولة ساعدني و فعلا عمره ما اتخلي عني وبعديها فاتت سنة وكان بيقول لاهلة عليا اسما بس و اني جدعة و بقف جنبية جدا بعديها هو حب و احدة وسابها و اتغير جدا بقي بشرب سجاير و بقي صعب بس مش معايا المهم حبينا بعض في 2 ثانوي هو اكبر مني بسنتين حبيتة جدا جدا و كنت بساعدة دايما حتي وصلت بيا اني في يوم هددتة انة لو مبطلش شرب سجاير هشرب زية و فعلا عملتها لهاية ما وافق انة يبطل و فعلا بطل شوية وكنت بساعدة في مذاكترة كنت دايما جنبة كنت اني عايشة معاة من كتر ما احنا عارفين عن بعض حاجات كتير وقربين جدا و كنت بكلم مامتة واختة كانوا عارفني بعد كدة بدات المشاكل سبنا بعض لمجرد اني ادخلت في حياتة و خليتة يسيب بيتة كل دة لاني قلت مامتة لانة مرحش الامتحان كنت خايفة علية مكنش قصدي حاجةو لاني روحت قولت مامتة المهم سبنا بعض بعديها في الاجازة عرفت من بعيد ان في كلام بيتقال علية فروحت و خلصتلة الموضوع دة رغم انة مقدرش دة و علي فكرة الكلام من ناس صحابة وبعدة كدة اتقطع كلامنا وفي اولي جامعة احتجتلهة لان حصلتلي مشكلة لقيتة لاني انا بعيد مش هعرف اجيلك وسكت و عديتها وبعديها عملنا حوارات علي بعض ان انا بحب حد و هو كمان بيحب واحدة ما علينا من كل دة اللي في الايام من حوالي اسبوعين حصلتلة مشكلة و انا مكنتش اعرف و اتخانقت معاة في التليفون وقلتلة كلام صعب و مكنتش اعرف انة اتوقف عن اللعب المهم كلمتة مردشو بعتلة رسالة انة يتصل بيا يطمني علية معملهاش المهم شوفت الموضوع من وراة و كلمت المدرب علشان لو ينفع اتحايل علي الحكم و كدة لو ينفع علشان يرجع تاني انتوا فاهمين يعني اي بنت تتصل بمدرب علشان اسالة ازاي تساعد ولد حتي لو اتطلب منها انها تتطرد وهو يرجع وعلي فكرة هو لغاية دلوقتي ميعرفش اني متابعة الموضوع من وراة والايام دي من حوالي يومين حصلتلي مشكلة علي النت و اتصلت بية و كنت بعيط جدا و منهارة فقولتة و بعدة قالي خلاص نبقي نحل الموضوع
دة بكرة و لا حتي عبرني بعد كدة انا عاوزة حد يرد عليا يقولي انا عملت اي علشان يحصلي دة كلة كل ما احتاجلة مش بلاقية علي الرغم اني عارفة انة بيحبني من كلامة ومن الحاجات اللي كاتبها علي الفيس البوك انا حسة ان جوايا نار موجوعة جامد تعبت انا بقف دايما جنبة و هو بيجرحني دايما انا عاوزة حل و محدش يقلي اني انساة انا نفسي اخد حقي منة انا دايما بستحمل و بعمل للعشرة و هو لا هنا
مشاكل الحب الفاشل
بقف دايما جنبه و هو بيجرحني ايه اخرة الحب
اضيف بتاريخ: Saturday, January 8th, 2011 في 22:14
كلمات مشاكل وحلول: ابتدائي, اعدادي, الامتحان, التليفون, الفيس بوك, النت, بنت, ثانوي, جامعة, مشاكل الحب, مشاكل الحب الفاشل
الظاهرانولعب عيال لافي حب ولايحزنون الولد يتسلى بالبنت وهوعقله وقلبه مع وحدةتانية والبنت عبيطةاوعلى نياتهامش فاهمه ان الحب شي والاعجاب شي اخر
بصى انا مش هقدر اقولك انسيه انا فعلا حسة بيكى وعارفة قد ايه انتى مجروحة بس بصى حاولى تخدى الموضوع ببساطة وكمان حاولى تغظيه وبصيله من تحت لفوق علشان تفوقيه وتعرفيه انه من غيرك ميسواش وحاولى كل ما تشوفيه امشى من قدامه او دارى وشك واتقلى عليه اسمعى كلامى الرجالة عاملين ذى الطابع كل ما تتفى عليه يلزق اكتر وصدقينى بعد كدة هو اللى هيجيلك وهيكلمك بس هو عشان عارف انك بتحبيه بيعمل كدة
عارفه والله انا حاسه بيكى جدا وانا حصلى نفس موقفك دا بس مع تغير فى الاحداث وطلع صايع فى الاخر ويعرف بنات كتير وهو كان مفهمنى الاول انو بيحبنى انا بس ومش بيكلم حد غيرى وانا صدقته وفى الاخر طلع كله فى الهجايس انا انصحك انك تفكك منو وتدورى على غيره هما بيعملو كدا يااما تنتبهى لدراستك دلوقتى وبعدين الحب بيجى بعدين وربنا يوفقك
علي شان تعرفي ايه اخرة الشباب انه مخادع البنت ماتعرف حد الا اذا دخل البيت وبقا من نصيبها مش كلام حبيبتي بيبقه بالفعل وانا كلامي حاد معاكي لانك اختي في الاسلام وخوفي عليكي لاني الشباب والله والله مابيضمن وخالي بالك من حالك
هو تقريبا كان بيثق فيكى لكن اعتقد انك قبل ماتقولى لمامته تشوفى هل هو هيزعل ولا لا
ردا علي نونو فانا فعلا سبتة من زمان و انا عمري ما قولتلة انا بساعدك او حاجة زي كدة انا بعملها علشان بحبة و ردا علي حبيبة الرحمن ماما ومامتة كانوا عارفين و كنا نتخطب لما اخلص جامعة لان بابا و بباة متوفين
و علي فكرة انا ندامة جدا لاني كلمتة او حبيتة وعلي فكرة انا لهاية اول امبارح كنت فاكرة انة بيحبني غير لما فهمت كل حاجة انة كان بيتسلي او كان واخدني لعبة علشان يضايق حبيبتة القديمة يعني طلعت مغفلة وساذجة و افتكرت انة بيحبني بس مش مبين تعرفوا اول مرة احسن اني اتدهيت او اني كان بيضحك عليا طب لو كان في بيكلمني تسلية لية كنا متفين نتخطب او عرفنا اهلنا بجد انا ندامة علي كل حاجة
هو أنا مش عارفه أنتى عندك كام سنه ،بس ممكن تكونا صغيرين على أختيار شريك الحياة المناسب ،بس عمتا فى معلومه مهمه لحياتك مهما كان سنك لازم تعرفيها ،لما تساعدى حد تساعديه ويكون عارف أنك بتعملى كذا كذا عشانه ،لان دا بيعمق الحب وبيساعد على تقدير الناس لمجهودنا ،وأنك تقولى أنا هعمل كذا ليك ،مش معناها معايرة دى رساله بتعبر عن مدى حبك وأهتمامك بيه ،شئ تانى لما قلتى لمامته أنه مرحش الامتحان هدفك نبيل ،بس هو أمنك على شئ أو أنتى عرفتى شئ وأدخلتى وعملتيله مشكله فى بيته ،حتى لو كان لمصلحته فى النهايه هو حس أنك قيد على تصرفاته ،أنتى ما عليكى إلا النصيحه أنما تقومى الدنيا عليه لازم ياخد جنب منك ،حتى لو كنتى خايفه على مصلحته ،هو كبير وواعى وعارف انه لما ميرحش الأمتحان دا مصيبه ،أنصحيه ولما يرفض هتقع على دماغه فى الأخر وهيتعلم الدرس ،لازم تعرفى أن لما تدى للى أدامك مساحه يعيش من غير ما تبقى واصيه عليه هيحبك أكتر ،بالنسبه لأنه بيطنشك ، الوصفه السحريه كترى صدقاتك ،متتصليش بيه كتير ،متجريش وراه ،هتلاقيه هو اللى بيدور عليكى ،ولو مدورش عليكى أعرفى أنه كدة كدة كان ناوى يسيبك فكويس انها جت منك من الاول ،أكبر غلطه بتعملها البنت أنها تلحق الرجل كأنها أمه أو المدرسه وهو التلميذ
انتي اكيد غلطانه لاني مافيش صداقه ولا اخويه بين ولد وبنت واللي بينكم ده مش حب ده لعب عيال وسوري لو انتي محترمه ومابتكلمي شباب عمرك ماراح تقعي في مشاكل وانتي ايه دخلك تكلمي مدربه انه يرجع ولا مايرجع قدر المدرب قال ليا شرط انه يعمل معاكي شي مش محترم هاتوافقي علي شان باسم النبي حرسه خالي بالك من نفسك وحافظي علي نفسك وهو لو اخوكي اهلك يعرفوا باكده واللي بيحصل راعي ربك في حالك وفي ثقة اهلك فيكي وخالي بالك الشباب اصحابه ممكن يتكلمو ا عليكي دول لو مكانوا اتكلمه وسمعة البنت وتشوها مش بالساهل اي نعم انتي بتتعملي بسزاجه بس الزمن الاغبر الي احنه مش عاوز اكده