مشاكل الحب والزواج

حبيبي ظروفه سيئة واهلي بيبيعوا ويشتروا فيا

انا حبيت انسان خمس سنين وكنا لسه صغيرين وهو مكنش ايامها يقدر انو يدخل يتقدم وبعد سنتين طلب مني انو يتعرف علي مامتي وكان هو معرفني علي مامته واقاربه كلهم فعرفتو علي مامتي وكلمها وبقي يطمن عليهاعلطول وماما حبتو جداوهما كانت الظروف عندهم اتحسنت وكده وبعدين ماما قالتلي مينفعش كل شويه تكلميه وهو يكلميك لازم يكون في خطوبه فقولتلو وكلم ماما واتفق معاها ان اخر السنه هيجي يتقدملي وخلا مامته تكلم ماما وقالتلها فماما وافقت بس حصل عندو ظروف خسرتهم كتير في شغلهم فقالي بردو هاجي اخطبيك وبعدها بشهر جالي عريس كانت ظروفو كويسه جدا وجاهز من كل حاجه دا من وجهة نظر اهلي وانا رفضت فا امي وافقت عليه ومنعتني عن حبيبي وحصل مشاكل كتير علشان اسيبو بس انا رفضت بردو لاني مش قدره استغنى عنه فبابا وافق وحبيبي عرف اني هتخطب تعب جدا وخلا مامته تكلم ماما وتعاتبها لانها متفقه معاها ماما زعقت معاها وقالتلها ملكوش دعوه بيها وضربوني واخدو مني التليفون فانا كلمتو من مركز اتصالات وقعدت اعيط فبعتلي موبايل مع اختو واخدتو وبقي يطمن عليا علطول واتخطبت غصب عني ومكملتش اسبوع وروحت المستشفي واتحجزت هناك وبعدها بعد محاولات اني اسيب خطيبي ده سبتو وقولتلو انا بحب انسان تاني وحصل مشاكل عندي في البيت وماما قالتلي لو اخر واحد في الدنيا مش هتجوزيه مع ان هي كانت بتحبو جدا ورجعت لحبيبي وكان عايذ يجي يتقدم فانا قولتلو مش دلوقت علشان هيفكرو اني سبت خطيبي علشان انت تيجي ويعندو معانا فقالي ماشي فحدد معايا معاد بعد تلات شهور هيجي قولتلو ماشي فبعد تلات شهور باباه تعب جدا وعمل عملية قلب مفتوح والفلوس الي كان عاينها باباه خدها علشان العمليه والظرف بقيت وحشه جدا عندهم وهو الي شايل البيت كلو لان هو الكبير فظروفو دلوقت متسمحش انو يتقدم وقالي انا ظروفي متسمحش والله وغصب عني وانا عارف اني ظلمتيك معايا بس والله العظيم غصب عني وانا عرفه ان غصب عنو وبعدين بعد عني فتره وانا اتقدملي واحد فاهلي وافقو وانا بقيت عامله ذي الحاجه الي بيبيعو ويشترو فيهاواهلي مش حسين بيا وانا تعبت هو كلمني وقعدت اعيط وقالي انا بحبك مش عارف هي الدنيا بتعمل معايا كده ليه وعيطت انا بجد تعبانه جدا ومش لاقيه حل وشبكتي في العيط قولولي حل بالله عليكم وشكرا جدا

مشاكل وحلول ذات صلة

اضيف بتاريخ: Wednesday, December 13th, 2017 في 23:49

كلمات مشاكل وحلول: الحب, الخطوبة, بنات, بنت, حب, شاب, عريس

ردود to “حبيبي ظروفه سيئة واهلي بيبيعوا ويشتروا فيا”

ابوالبتول

14/12/2017 at 16:35

يابنتي ياحبيتي كل شي قسمة ونصيب وربنا عزوجل ماكتب لك نصيب مع الشاب ده والظروف حالت بينكما لازم ترضي بالنصيب فانت فتاة مسلمة وتعرف ان القضاء والقدر خيره وشره من اركان الايمان ولايكتمل ايمان المسلم مالم يؤمن بقضاء الله وقدره خيره وشره فدي هي السعادة وهذا هوالايمان الحقيقي عايزك تنسي امر ذلك الشاب وتفكري في مصلحتك وادخال السرور والسعادة على نفسك واهلك وتقبل بالعريس النتقدم لك اللي يرضو عنه اهلك وتلاقي الخيروالسعادة والامان والاستقرار معه طوال حياتك