أنا عندي 28سنة كنت مخطوبة وأن في الجامعة وإتفقنا أنا وخطيبي أننا سنتزوج بعد الجامعة وكنا بنحب بعض وفجأه بعد إنتهاء من دراستي تغير شعورة من نحيتي وقال لي كل شئ قسمة ونصيب كان عندي وقتها 21سنة ولأني كنت حساسة وهادئة الطبع إبتعدت عن الناس قليلاًو إبتعدت عن كل شئ مرح وتدينت وشغلت نفسي بالعمل وإمتنعت عن الزواج لمدة 6سنوات حتى العام الماضي تقدم لي شاب متدين وإتخطبت ليه حتى ظهرت عيوب فيه وهي أنه عصبي جداً لدرجة إنه تطاول علي بالشتيمة ثم إعتذر المهم أنا خيفه إنه يكون بخيل عشان مش جيد مادياً معايا في زياراته لي والمناسبات في الأول ماكنتش واخدة بالي وبعد كدة قولت يمكن ظروفة المادية تمنعه أومش فاهم وبعد ذلك تبادلت الهدايا بيننا وبين أسرته كنت بجيب أغلى الهدايا أما هو و أسرته فكانت هداياهم إما رخيصة أو كانت لديهم ثم هدوني بها فكبرت دماغي قولت يمكن ظرفهم لاتسمح ثم جأت بعد الخطوبة مباشرتاً عزمتهم على الغداء وتكررت هذه العزومات كثيراً ولا يردون لي عزومة واحدة حتى إتصلت بي أخته وقالت لي أصدقائها عوزيين يتعرفوا عليكي تعالي بكرة قولت لها حاضر وبالفعل ذهبت إليها وقضيت عندها اليوم بكاملة ومع أصدقائها التي كانت عزماهم على الغداء ولم تعزم علي بالأكل طول النهار حتى جالي هبوط وكنت هيغمى علي فزعلت جداً عشان لما حد فيهم بيكون عندي في وقت أكل لازم ياكل عندي حتى لو واكل فزعلت جداً والله أنا مش عشان أنا مادية أنا مش شايفة أي تقدير خصوصاً إني عرفة إن ظروفهم المادية كويسة وإتأكد لما عرفت إني خطيبي كان عازم أصدقائه في العمل ومواقف كثيرة تدل على إنه بخيل حتى الموبايل بيبعتلي رسالة كلميني عشان أنا إللي أكلمه أنا دلوقتي في مشكلة معاه بسبب إنه شاتمني وأنا قلت لاْهلي وهو إعتذر ليهم وأهلي قبلو الإعتذار عشان سني كبير وعوزيين يجوزوني خوفاً من العنوسة وأنا خيفة يكون بخيل وخطبني عشان وظيفتي أنا مش عرفة أعمل إية أتجوزه وانا عرفة إني مش هكون سعيدة معاه خوفاً من العنوسة أعمل إية
الوصف
مشاكل الخطوبة وحلولها: ما هي حدود العلاقة بين الخطيبين في فترة الخطوبة؟ الحب، الغيرة، الأهل، نصائح وارشادات لتجاوز الصعاب، فسخ الخطوبة واسبابها، مصارحة الخطيب،
بحث مصريات
شكاوي المواطنين
- طلب التماس لمراجعة نتيجة اختبار السمات الشخصية – الكلية الحربية
- البدء فى ترميم وصيانة مدرسة أسيوط الجديدة للتعليم الأساسى
- انسداد زاروق للصرف الزراعي في حوض الخمسين
- شكوى بخصوص ضعف التيار الكهربى في قرية كفر حجازي
- رفض تغيير المسمى الوظيفي من قبل الوزارة
- إضافة شارع جانبي لقطعة مباني خاصتي بقرية زاوية البحر
- تلوث بيئي صوتي وازعاج دائم بسبب المهرجانات في العصافرة قبلي
مصريات
- رابط موقع نتائج وزارة التربية والتعليم السورية moed.gov.sy
- فرص التعليم والمنح الدراسية في الجامعة المصرية الروسية
- ستاندرد تشارترد: توقعات بارتفاع اسعار البيتكوين إلى 120 ألف دولار
- اختبارات القدرات 2023 مواعيد وأماكن التقديم والكليات المتاحة
- موعد ظهور نتيجة الثانوية العامة 2023 وأسرع طرق معرفتها الآن
- صور رمضان 2023 تحميل بطاقات وخلفيات كروت رمضانية جديدة جدًا
- وصفات حلويات عيد الحب: طريقة تحضير قلوب الشوكولاتة والبسكويت المحشي
شوفي يااختي خير لك تقعدي عانس في بيت اهلك ولا الزواجة الشوم دي بناقص منها ياستى هل من قلة الرجالة الف من يتمناكي ياقمر ونصيبك سوف ياتيك لامحالة وربنا سوف يكرمك بابن الحلال الكريم الشهم اللي يستاهلك ويقدرك ويسعدك
اختي الفاضلة مع احترامي لردود كل الاخوة اللي ردواعليك عاوز اقولك ان الزواج يكون مبنى قبل كل شي عل الدين والاخلاق والاحترام بغض النظر عن غيرها من مقومات الحياة ومافعله خطيبك لايدل على دين معه ولاخلق ولااحترام ولاتقدير للانسانة التي يريد الارتباط بها نهايا وعمره مايسعدك ولايحترمك ابدا ولايشرفك الارتباط بهذالشخص صدقينى هتلاقي منه كل الذل والمهانةوالاحتقار وانت في النهاية اللي هاتعاني في حياتك معه ارفضيه فورا واشتري كرامتك وسعادتك وربك هيعوضك بخيرمنه نشاءالله هتلاقي ابن الحلال الصالح الكريم اللي يستاهلك ويقدريسعدك وبلاش تفكري في العنوسة كل شي قسمةونصيب وماحدش يعرف مقادير الله عليه عليك بالصبر والدعاءلله عزوجل وربنابيكرمك بكل خير اعرف ستات عوانس رفضن الزواج امابحجةالدراسة اومساعدةالاهل او اعتراضهاعلى صفات العريس المتقدم لها وصبرناوتحملنا والله اكرمهن بالازواج الصالحين اللي تزوجت رجل اعمال واللي تزوجت دكتور كبير اومهندس اوموظف منصب كبير وعايشين في سعادة وراحةبال ودي سنةالحياة وربي يوفقك
الزواج من انسان بهذي الصفات والطباع يبقى انتحار وزواج فاشل بكل المعايير انصحك يااختي ان تكوني عانس ومعززةومكرمة في بيت اهلك ولا الذل والاهانةوالحرمان مع واحد لايقدرالحياةالزوجيةولايتحمل اعباءالمسوولية عليه وفوق ده بخيل هوواهله وغاقدالشي لايعطيه ابدا ارفضيه وخليه يولي عنك وربنابيكرمك بابن الحلال الكريم السخي اللي يقدريسعدك ويهنيك وتلاقي معه الراحةوالسعادةوالاستقرارفي حياتك
انتي بين نارييييييين واستخيري رينا يوفقك هذا ماليه لكي وشكرا ..؟
نصيحة من انسانة ضايقة المر انسي شي اسمه الحب والزواج وبالعربي حطي xعلى الي بتتزوجه وعيشي حره حره حره حره واشتغلي وسلي نفسك بالشغل او بدورات كمبيوتر او لغة اواي دورات واصدقاء ولابتوب وعيشي حرة نفسك نصيحة
اياكي ثم اياكي مسمعناش عن حد اجوز بخيل وصبر غير كريمة مختار في البخيل وانا ولكي في حالها وحال اولادها العبرة
أولا : لازم تفصلي بين إستمرارك مع خطيبك أو عدمه وبين سنك والخوف من العنوسة
بمعنى أوضح مينفعش يكون الخوف من عدم الزواج عامل ضغط في إختيارك.
لماذا تحكمين إنك إن لم تتزوجيه لن تتزوجي !!
فلا يعلم الغيب إلا الله
أختي هل ستتزوجي لمجرد الزواج وللهروب من لقب !
للأسف أكثر من تتزوج للهروب من لقب عانس تحصل على لقب مطلقة أو أقلها لقب زوجة تعيسة !
فافصلي بين ذلك الأمر وأمر إستمرارك مع خطيبك من عدمه
واعلمي إنه لن تموت نفس قبل أن تستوفى رزقها
{وَفِي السَّمَاءِ رِزْقُكُمْ وَمَا تُوعَدُونَ (22) فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ (23)} [الذاريات : 22 – 23]
ثانيا : موضوع خطيبك
بداية كل إنسان على وجة الأرض له عيوبه ومميزاته
ولكن هناك من يغلب خيره شره وهناك العكس
وعندما نحكم على إنسان فإننا نحكم عليه بشكل مجمل بعيوبه ومميزاته
وأهم شرطين في الزواج : الدين والخلق
طبعا كون إن الأمر يتطور بينكم ليشتمك ! وأنتم مازلتم في الخطوبة فهذا غير مطمأن
ولكن هل هذا طبعه ؟ وهكذا يتعامل مع أهله وأصدقاؤه ؟؟ وأخواته بصفة خاصة ؟؟
هل هو بشكل عام لا يلتزم بأخلاقيات الدين ؟
أى فى المجمل لا تستطعي أن تقولي إنه على خلق؟؟
فإن كان كذلك فقد إختل شرط مهم من شروط القبول
وإن كانت مرة وتأكدتي إن ذلك ليس من طبعه ، فلعلها زلة وهو ليس بمعصوم
حتى الموبايل بيبعتلي رسالة كلميني عشان أنا إللي أكلمه
!!
بغض النظر عن حكم المكالمات وضوابطها
المفترض أنه الرجل الذي سيقوم بالإنفاق وتحمل مسئولية البيت ولا يقبل أن يلقيها على زوجته .
الآن
1 :: عليك بالاستخارة ثم الاستخارة ثم الاستخارة
والدعاء الكثيييييير جدا أن يلهمك الله الصواب
وثقي إنه لن يكون إلا خيرا
2:: فكري بهدوء واوزني عيوبه ومميزاته دون التفكير بضغوط خارجية
وضعي في إعتبارك إنك لن تجدى إنسانا كاملا
ولكن يجب أن يكون لديك القدرة على تحمل عيوب من ترتبطين به والتأقلم معها
نسأل الله أن يلهمك رشدك وأن ييسر لك الخير حيث كان
اولا استخيرى ربنا ولو شوفتى خير كملى لو مشفتيش حاجه خدى قرارك من غير تردد وابعدى انتى سنك كبير بس بنت وفى شباب بيحبوا يتجوزوا بنات فى سنك وكمان هو تقريبا بقى سن الجواز دلوقتى توكلى على الله وسبيه لانه لو بيعرف فى الدين اصلا كان عامل ربنا فيكى وخاصة من ساعة ما شتمك لان المتدين عارف حقوق الانسانه اللى هتبقى معاه لو ربنا كاتب فيه خير هيقربك لو مفيش خير هيبعدك وسبيها لله
أنا بين حيرة وهي أن خطيبي متمسك بي جداًو إعتذر لأخي الأكبر وقال له أنا أسف أنا رجل قليل أدب ومش هشتمها تاني وقال لأخي إللي إنتم عوزينوا أنا موافق علية سواءولوهي عوزانا نكمل الموضوع أو نفسخ الخطوبةوهو جاي عندنا النهاردة عشان يعتذر لنا وأنا مترردة أكمل ولا لأ بس ماما قالت لي أنها سوف تواجه وتقول له إني خائفة من البخل
أختاه استخيرى لربك وتأكدى من ظروفه فأنت الأكثر معرفة به وبشخصيته أقبح شئ البخل ولكن اتثقلين عليه بطلب الهدايا ؟ وما نوع الشتمه ؟ لازم يكون لك شخصيه قويه تجبره على احترامك وتقديرك واعلمى انه ليس بين الرجل وزوجته فارق مادى إذا كان بالتراضى ولكن الإحترام أولا لبعضنا البعض وان كان كما تقولين فالوحدة أفضل من بخيل مريض نفسيااتركيه ولاتخشى العنوسه فمازال العمر ممدود وربنا هيعوضك خير منه ولكن لاتغلقى عليك الباب واستعينى بربك
ربنا يوفقك يا اختى ويصلح حالك
لو واحد جعان جداً ومفيش أدامه غير فضلات ! يعمل إيه ؟ ياكلها ويسد جوعه ؟ هل هي فعلاً هتسد جوعه ؟؟!! الوحدة أفضل 100 مليون مرة من شريك حياه سيئ … وكونك انسانة حساسة يبقى توقعي حدوث صدمات نفسية ومش بعيد أمراض نتيجة بقائك مع شخص زي خطيبك … إنفدي بجلدك يابنت الناس … التدين لا يلتقي مع البخل والعصبية .
اوعييييييييييييييي . تغلطي غلطة عمرك وتتجوزي هذا الانسان . انتي مستنية اية بعد انه يشتمك انه يضربك !!!؟؟؟ ثم انه بخيل واهله بخلة كمان يعني حتي لو زعلتي بعد الجواز واشتكيتي ليهم حيطلعوكي اني الغلطانة المفترية ثم اهلة قبله . انتي كدة مش بتضري نفسك وبس بتضري كمان اولادك في المستقبل وحتظلميهم باختيارك اب زي دة . يا اختي العزيزة خدي بالاسباب ونصيبك مستنيكي كل شيء مكتوب في علم الغيب لا تتسرعي وتلقي نفسك للتهلكة ثم انتي مش كبيرة اوي ولا حاجة اصبري على رزقك حيجيلك الى يستهلك . وافتكري حاجة وحدة ان انتو حيغلق عليكم باب واحد والناس مش حتنفعك لو كنتي تعيسة وبمناسبة البخل فالبخيل بخيل في كل شيء مش فلوس وبس لا بخيل في مشاعرة كمان
لا مش تتجوزيه
وايه ياعنى عندك 28 سنه ما أحسن ما تتجوزى وتحصل معاه مشاكل وممكن يحصل طلاق
ويكون فى أولاد بصى هو فى حلين
الأول أنك تصارحيه بكل ده واللى انتى خايفه منه وتقوليلوه كده فى وشه انا حاسه انك بخيل عليه
ومش فى تقدير خالص حتى الموبيل بتبعت ليه كلمنى ده المكلمات مش بقى فى ارخص منها
والتانى أنك تفسخى الخطوبه من غير ما تصارحيه بأى حاجه
ومش معنى انك عندك 28 تبقى عنستى مفيش حد بياخد أكتر من نصيبه
اتجوزي احسن
الحياة الزوجية السليمة تبني علي الاحترام المتبادل بين الزوجان وهذا اهم مافي الموضوع
كونه شتمك هذا غير مقبول تماما منه لانه مؤشر لما سوف يفعله ويعتاد عليه بعد الزواج بل ممكن يصل الي الضرب وهذا مرفوض تماما
الانسان المحترم غير معتاد الشتائم حتي لو اضطر للتشاجر مع اي احد تجديه ينسحب بكرامة او يقوم بالضرب فقط ولا يتلفظ بالشتائم
اما المعتاد علي الشتائم فهو سهل عليه يتلفظ بها لذلك هذا سبب قوي قبل سبب البخل المشكوك فيه فهو كافي لانهاء هذه العلاقة
وربنا يخلف عليكي بافضل منه
السلام عليكم ورحمه الله وبركاته
انا مع الجواز اتجوزي احسن لك لانك لو عنستي والله راح تندمي على الفرصه الي جات لك عندك
وزجك انتي تقدري تغيريه بذكائك وتعامك معاه وايش معانا بالدنيا دي غير الجواز
والسلام
كله إلا البخل يبنتى
سيبيه فورا وربنا هيرزقك باللى أحسن منه
طبعا مدايقتك من اللى حصل مخليكى تتذكرى الان فقط مساوئه,وهى امور طبعا ان صحت لا تطاق ,لكن اخيرا عليكى ان تتحدثى الى نفسك و نفسك فقط و ان تفندى مميزاته و عيوبه ,فان رجحت كفة العيوب و كانت المميزات لا تفوقها ولا تعوض عنها ,فعليكى تركه على الفور حتى و ان انتظرت لا قدر الله باقى عمرك ,لانك ان خشيت الان شبح العنوسة فستخشى غدا شبح الطلاق و تظلى تتحملى ما لا تطيقين مستترة من الاشباح ,التى صنعتها مجتمعاتنا العربية و لا اساس لها
يا بنت الناس طوال ما انتى في بيت ابوك انتى ملكة ومتعززه ومفيش لقب اسمه عناس بس في حاجة اسمها حياه تعيسه وحاجة اسمها مطلقة في بنات كتير بتفسخ الخطوبة مرة واتنين وخمسة وبيتقدم ليها عرسان كتير بس لما بيجى النصيب بيكون افضل من التقدم واللي اتخطبت لي وانا اعلم اكثر من تجربة وكان منهم تجربة العرسان البيرفضو اتمنى ان ياتى لكي نصيب افضل من اي عريس جه وبلاش تظلمى نفسيك ويا ريت يكون كلامى مفهوم لحضرتيك
صلى استخارة وماتخافبش من العنوسة كل انسان بياخد نصيبه حتى لو مش حلو فى نظرك ادعى ربنا باالخير واحتسبى عند ربنا بس هو لو بخيل صدقينى البخيل مش فى المادية بس ده بيكون فى كل حاجة حتى فى المشاعر ولو متاكدة اتركيه وادعى انه يرزقك الزوج الصالح
أولا : لا رهبانية في الاسلام ، والتزامك بالدين لا يعني عزوفك عن المجتمع وعن واجباتك الاجتماعية والأسرية ..
ثانياً: إن أسوأ صفة في الرجل هي البخل والشح .. وهذا خلق مذموم على مر العصور وعواقبه وخيمة على الأسرة .. وأن يصل البخل وقلة الشهامة إلى الطعام والموبايل ، فهذا في بدايته فوق حد الاحتمال ، فما بالك بعد الزواج ؟
أنا أخبرك كيف يكون هذا الخطيب بعد الزواج ، سوف يتطاول عليك بيده أول الشهر لينهب منك راتبك ، ثم يرميك بقية الشهر في حدودك الدنيا من المصروف والاحتياجات .. والشرخ سيكبر بينكما فإما تصلين إلى الطلاق والمخالعة معه .. أو تنحرفين وتجدين شخصا آخر يملأ عليك فراغا تعيشينه .. وصدقيني لن يكون الحال بأفضل من ذلك فالمكتوب واضح من عنوانه ..
ابنتي الكريمة ، أنت لا تزالين في مقتبل العمر وزهرة شبابك ، ولديك وظيفتك واستقلالك المادي ، فوجودك في بيت أهلك لا يشكل عليهم عبئاً .. ونصيبك سوف يأتي سوف يأتي .. فتجنبي هذا الأرعن الذي يسمح لنفسه بشتمك أنت وأهلك وأنتما لا تزالان في مرحلة الخطوبة ، ولا تخافي من شبح العنوسة ، فالزواج والطلاق والموت والولادة من الأقدار الكبرى ..
أمنياتي لك بالتوفيق
اعوى تعملى حاجه عشان خاطر حد او عشان موقف انتى خايفه منه اوعاكى بجد
انتى شايفه انك مش سعيده معاه يبقى خلااص كل شئ نصيب و28 سنه مش كبيره يعنى ايه فى ايه ؟
تفضلى تستنى وتاخدى واحد يسعدك وترتاحى معااه وتكونى راضيه عنه وعن نفسك ولا انك تتجوزى وتندمى باقى عمرك وتفضلى م مرتاحه طو العمر ؟فكرى شويه وبلاش تتسرعى .
محدش هينفعك انتى اللى هتعيشى معاه مش حد تانى .وربنا يكتبلك اللى فيه الخير
وبالعقل كده لما انتى مش مرتاحه من دلوقتى وشايفه كل الأنتقادات دى امال بعدين هتعملى ايه؟
فكررررررى كويس
انا انصحك لا كانت واحدة سالت الرسول علية الصلاة والسلام قالتلة انا متقدملى عريسين كان ابو جهل وواحد كمان والكلام دة قبل ماتشريع الجواز ينزل مكنش لسة بقى حرام انها تتجوز كافر فطلعلها العيوب اللى فيهم وقالها بلاش
كان من ضمن العيوب البخل والضرب والكلام دة
انا من رايي بلاش وقربى من ربنا ربنا سبحانة وتعالى قالنا نصيحة حلوة استعينوا بالصبر والصلاة
الصبر والصلاة
الصبر والصلاة
الصبر والصلاة
افضل شيئ انك اتصلى ركعتين استخاره وتفوضى امرك لله انه سبحانه وتعالى يختار ليكى الأفضل
والاصلح فى الدنيا والاخره