انا فتاه عمرى 29 سنة بحب زميلى فى العمل هو اللى صرحلى بحبه الاول ولكنه كان خاطب وهيتزوج كمان 4 شهور وحاولت ان ابعد عنه وهو كمان حاول يبعد عشان هيتزوج فلم احد فينا عرف يبعد ودايما يقوللى (ايه المشكلة لما تبقى زوجة تانية) ، وبعد ذلك تزوج البنت اللى كان خاطبها مع العلم انها قريبته وطبعا كانت فترة بالنسبالى صعبة جدا حتى انى قررت انى ابعد وهو كان رافض القرار ده ولكن لم اعرف .. واحنا فى مشاكل بسبب انى حسا بالنقص كل اما افتكر انه متزوج مع العلم انه انجب طفلا من اسبوعين وايضا انا اتخطبت ولم تتم الخطبة من الاسباب انى لم احب خطيبى ولكن احب هذا الرجل المتزوج .. الموضوع ده بقالو اكتر من سنة ونص دلوقتى وهو مش بأيده حاجة يعملها ولكننا مع بعض على امل ان يحصل حاجة وانا مش حسا انه عارف يعمل حاجة لأرطباتنا .. انا مش عارفة اعمل ايه انا بحبه وهو كمان ولكنه لم يعرف ان يفعل شىء جاد فى الوقت الحالى هو بس كل اللى شايفه اننا نقضى وقت حلو مع بعض فيه حب من غير مشاكل ونكد انا والله غصب عنى كل اما افتكر مراته بتعب وخاصة ان في طفل دلوقتى منها .ارجوكو ساعدونى اعمل ايه ؟
ولاهيعمل حاجة وانت بكدا تضيع عمرك على امل انه يجي يتجوزك ليه هل الدنيا خلت من الرجال ولاايه اللي جرى لك يابنت الناس حرام عليك تعمل كلدا في نفسك انسيه خالص وخليه يعيش لمراته وابنه وانت شوفي حالك ومصلحتك وربنا بيكرمك بحسن منه ياست البنات
حرام عليك فكري في مراته وابنه الطفل الصغير عايزه تخرب بيت الراجل وتسبب في مشاكل له مع مراته اختفى من حياته للابد وخلي عندك كرامة واقطعي علاقتك به نهايا ولو تطلب الامر تتركي الشغل معه وتغيري رقمك وتختفى عنه للابد واتركيه يعيش لمراته وابنه وانت ربك بيكرمكي بحسن منه بابن الحلال اللي يستاهلكي ويقدركي ويسعدكي طول حياتكي
يااختي ده شخص كداب ومنافق وخاين عايز يوقعك في الحرام معه وقاعد يتسلى بكي ويخدعكي اتقي الله في نفسكي وفي اهلكي وابتعدي عنه نهايا وللابد واياك والاستمرار معه في العلاقة حتى لاتفرطي في شرفكي وسمعتكي وسمعة اهلكي واتركيه للابد وربنا يبععث لك نصيبكي مع ابن الحلال اللي يستاهلكي ويقدركي ويصون مشاعركي ويسعدكي طوال العمر
اختي ده انسان كداب ومنافق وعاوز يتسلي بيكي اللي بيحب حد يكسر الدنيا كلها علشان يوصل ليه مش تصدقيه كداب لانه كان يعرفك قبل مايتزوج يعني لو كان عاوزك كان فسخ خطوبته لكنه انسان اناني فاقد الاهليه يريد كل شيء في وقت واحد … انصحك الابتعاد عنه نهائيا لانه بيكدب ويضحك عليكي فكل ما يريده منكي هو وقت جميل ومتعه ليس أكثر من ذلك