مشاكل الزواج

اكره والدة خطيبتي ولا استريح لها

السلام عليكم ورحمة الله وبركاتة
هبدء في الموضوع سريعا
عمري في حياتي ما كنت اتوقع اني اتجوز عن حب او اني افكر في حد
وانا في اخر سنة في الجامعة حبيت بنت معرفش حصل اذاي وامتي لقيت نفسي بحبها وبخاف عليها وبغير عليها من كل حاجة
فقررت اني اتقدم للزواج من البنت دي هي واهلها يعرفوني لما اتقدمت وافقوا علي البنت مرت 3 سنين خطوبة وكنا متفقين علي الجواز بعد اربع سنين لاني البنت في كلية طب ولما اتقدمت كانت في سنة اولي
بعاني من مشكلة مسببالي حالة نفسية رهيبة ومش قادر اتخلص منها كنت حابب اعرف رايكم يمكن تفدوني
البنت وهي صغيرة هي واختها في عمر 3 سنوات توفي والدها وقامت بتربيتهم والدتها
ولما البنت وصلت 10 سنوات قررت الام انها تتجوز
تزوجت الام وظلت البنت تربيها امها وانجبت الام ولد وبنت مرة ثانية من الزوج الاخر وبعد جواز 4 سنوات توفي زوجها الاخر
و انا من اكتر الناس اللي جواز الست بعد وفاة زوجها بسبع او عشر سنوات يسبب لي ازمة نفسية
اصبحت اكرة والدتها ولا استريح لها

مشكلتي هي اني حاسس بخنقة جواي
اني زوجتي هتكون مامتها اتجوزت اتنين من قبل
واني لها اخوات من الام وهيكونوا اخوال لابنائي
كان نفسي اعيش ذي باقي الخلق بنت يكون والدتها ومامتها واخوتها من غير بقي ام اتجوزت شخص تاني بعد وفاة جوزها ولا اخوات من الام
مع اني البنت بتحبني جدا وانا ايضا احبها وعمرها مارفضت لي اي طلب وعمرها ماكسرت كلامي خالص وعارفة اني كارة لولدتها بسسب هذا الموقف ومازالت لاترفض لي طلب ولا تكسر كلامي ومن اكتر البنات اللي شوفتها في حياتي محترمة ومؤدبة وعارفة ربنا وبتصلي
حابب اعرف رايكم في النقطتين اللي فاتوا اعمل اية ورايكم اية اتقبل الموضوع اذاي ولا الموضوع هيفضل تاعبي طول حياتي

مشاكل وحلول ذات صلة

اضيف بتاريخ: Wednesday, March 29th, 2017 في 22:52

كلمات مشاكل وحلول: , , , , , ,

7 رد to “اكره والدة خطيبتي ولا استريح لها”

  1. ابوالبتول
    30/10/2018 at 21:59

    انت شخص مريض وتفكيرك غلط مليون مرة الست امها لم تعمل جريمة تزوجت بعد وفاة زوجها وده شرع الله عزوجل جاي حضرتك تعترض على شرع ربنا اللي احله مش احسن انها تتزوج بالحلال بدلا ماتقع في الحرام وثاني حاجة دي حياتها الخاصة انت مال اهلك صلاح عاوز البنت وتقول انك تحبها ومحترمة جدا ومودبة توكل على الله وتزوجها واحترم امها -حماتك -لانها هتكون في مقام امك واللي مايحترمش ام زوجته مايستاهلش بنتها تكون زوجة له

  2. ابوالبتول
    23/07/2017 at 07:45

    بصراحة انت عامل مشكلة من لاشي فيها ايه لما الست ام خطيبتك تزوجت بعد وفاة زوجها ده شرع ربنا ماحدش يعترض عليه وحقها الشرعي والا عاوزها تروح وتوقع في الحرام ودام انك تحب البنت خطيبتك وشايف انها بنت محترمة وعلى دين وخلق حسنة فتوكل على الله وتزوجها واحترم والدتها واعتبرها زي امك واترك عنك تلك الافكار والاوهام اللي هتدمر حياتك والله يصلحك ويهديك

  3. الحمد لله
    10/07/2017 at 10:59

    اي كلام كلامك استفزني و مشكلتك ليست بالمشكلة
    لا حول و لا قوة الا بالله ربنا يهديك
    مافيشهاش حاجة اصلا انت لي فيك المشكلة اعتدر

  4. ام يوسف
    14/06/2017 at 05:46

    ناس مش لاقية مشكلة فبتخترع مشكلة سبحان الله

  5. دع الخلق للخالق
    24/04/2017 at 02:12

    مفيش اي مشكله خاااالص،،،انت ليه بتعمل مشكله هي اصلا مامتها معملتشي حاجه وحشه خالص ده بعد زواج ابوها بكثير تزوجت وانت ليه تدخل في حياتها شخصيه دي حريه وهي صانت نفسها من كلام لهاي تزوجت وانت ملكش حق تدخل في حاجه زي دي،وبنت ماشاءالله اخلاق وادب وافضل شهاده انت عايز تدخل شيطان بينكو ليه،،نصيحتي سيبيك من تفكير المش منطقي وانت حتعيش معاها مش مع مامتها وانت حتكون كل حياتها وبالنسبه لإخوانها من اب ثاني دول ملهومش اي ذنب،،خلي ربنا بين عيونك ومتجيبشي مشاكل ووسواس لحياتك،،،ربنا يوفقك ان شاءالله

  6. mohamed
    01/04/2017 at 18:11

    انا شايف ان كلامك عنها او عن والدتها هو مجرد ظروف مشفتش كلمة واحدة تخص شخصية اى حد فيهم طول مخطيبتك مستريح معاها ووالدتها بتعاملك كويس فمفيش حاجة اسمها ان جوازك منها هتكون حاجة مش طبيعية كل الناس عندهم وظروف وحالهم بيختلف الاهم الانسان مش ظروفه

  7. رجل بسيط
    29/03/2017 at 23:39

    السلام عليكم
    المشكلة فيك انت يا عزيزي
    هي الست ارتكبت جريمه لما تزوجت بعد زوجها ؟؟؟؟؟؟؟؟؟؟؟؟؟؟
    يا اخي شرع الله وحقها
    سيبك من الكلام العبيط وتوكل علي الله وحافظ علي زوجتك واحترم والدتها لانها ما تصرفت غلط
    تزوجت مش صاحبت

اترك رداً أو حلاً لهذه المشكلة