معلش يا جماعة اعذروني لو هطول عليكو لكن انا مش عارف احكي لمين وياريت تساعدوني
حكايتي بدأت لما جيت من السعودية وكنت وقتها فـ1ثانوي وخلصتها وجيت اكمل الثانوية من مصر ودخلت مدرسة بالفعل وكانت مدرسة مشتركة(بنين و بنات) وبعدين هقولكو بصراحة كانت البنات عندي حاجة مشكلة ومليش فاللون ولغاية دلوقتي لكن دلوقتي الوضع اختلف واصلا كنت دايما بالمعني الاصح كنت ببص لاي بنت بنظرات حادة قصدي يعني كانت اي بنت اشوفها مهما كانت جميلة مكنتش بتعجبني ولا تملي عيني -وعلي فكرة انا بعترف ان ده كان غلط مني لاني ضيعت بسببه حجات كتير من ضمنها دي-لغاية لما جه اليوم وانا داخل المدرسة ببص ععلي جنب الطريق لقيتها حاجة مش عادية لو وصفتها هتفتكروني ببالغ اية من الجمال والرقة (ما شاء الله) لقيتها باصالي من قبل ما ابص وقيت فعنيها معني الاعجاب حسيت ان انا فبالها وتتصورو عملت ايه … بصيت لها نفس النظرة المعتادة بتاعتي(اللي معناها انها مش عاجباني -الاستحقار-) ورحت فنفس اليوم اخد درس فمجموعة طبعا وفجاة ببص يميني وانا قاعد فالدرس لقيتها قاعدة لكن المرة دي مقدرتش اقاوم وفضلت ابص لكن مدتنيش وش مبصتش اصلا وجينا فمرة بنجاوب علي اسالة بالدور فهي جاوبت بدالي بالغلط فبصيت لها تاني نفس البصة لدرجة ان زمايلها خدو بالهم ومن بعد المجموعة دي مجتش تاني وعرفت انها نقلت نفسها لمجموعة تانية ساعتها حسيت اني صدمتها ومبقتش اشوفها الا نادر جدا وبصراحة معرفش ايه اللي حصلي وانا متيم بيها وبصحي بلليل والاقيها فبالي خصوصا بعد ما شوفت انها مؤدبة لدرجة ان محدش يعرف عنها اي حاجة وده اللي شدني اكتر ومع الاسف جت فترة مشفتهاش فيها لغاية الامتحانات النهائية شوفتها لكن مظهرش عليها اي حاجة دايما تكشر وتبص لتحت وللاسف قرر ابويا اننا نرجع السعودية تاني وبالفعل رجعنا وكملت الثانوية ورجعت سنة اجباري حسب نظام التعليم اللي هناك ومرت حوالي اربع سنين اهو واول لما نزلت السنة دي ماشي باصدفة فالكلية لقيتها ماشية مع صحابها بس مشفتنيش المهم ركبت العربية ومشيت وعرفت بعدين انها فالكلية اللي جنبي وشوفتها تاني بقي كنت فالمكتبة فجاة لقيتها فوشي مع صاحبتها ولما عيني جت فعينها بصت وكشرت ووطت راسها وشوية وقعدت برة المكتبة حاولت اني المح دبلة فايدها لكن لقيتها فاديها الشمال وكان فوقها خاتم ومش عارف دي ممكن تكون خطوبة ولا كتب كتاب ولا زينة وبس المشكلة انها طول الاربع او الخمس سنين فبالي وعنيها دايما قدامي ولو راحت فعلا مني لاقدر الله انا هندم طول عمري وبصراحة شوفت بنات كتير لكن زيها مفيش واحدة ملت عيني زيها او ربع حتي ولو راحت يبقي انا كمان رحت انتو عارفين انا كنت بصلي بس يعني متقطع بعد ما عرفتها بقيت دايما بصلي ودايما فكل ركعة ادعي انها تكون ليا وبقالي علي الحال ده تقريبا اهو 5 سنين انتو عارفين لما حاولت اوجها المرة دي واصارحها مبقتش اشوفها خالص لدرجة انها بقت تتشبهلي بالناس اللي ماشيين فالشارع انا مستعد اخسر كل حاجة فحياتي اوحياتي كلها لو اضطريت الا اني اخسرها هي او تروح مني وهي الامنية الوحيدة اللي بدعيها لربنا فكل صلاة لكن لا قدر الله لو مكنتش من نصيبي فانا مش هصلي إلا عشان ادعي بامنية تانية هتبقي هي الوحيدة برضو وهي ان ربنا ينهي حياتي وياخدني وارتاح.. اصل هي تعتبر الحاجة الوحيدة الجميلة اللي فحياتي ومش عارف ايه حكاية الدبلة والخاتم دول ياريت حد يقولي رايه ويساعدني…. اعذروني يا جماعة لو طولت عليكو بس مش عارف انا ايه اللي خلاني اتكلم كدة…. شكرا علي حسن استماعكو
مشاكل الشباب مع البنات
حبتها بصمت ومش قادر انساها
اضيف بتاريخ: Tuesday, December 14th, 2010 في 04:53
كلمات مشاكل وحلول: البنات, الجامعة, الحب, السعودية, بنت, كلية, مدرس, مشاكل الحب, مشاكل الشباب, مصر
يابني انت شاب كويس ومودب لوكنت تحب البنت دي مستني ايه صارحهابكل مافي قلبك وسيب الخجل اللي يضيع البنت منك والا انت عاوزهاهي اللي تجري وراك وتقولك انابحبك كبر دماغك وقرب من البنت وكلمهابكل صراحة وربي يجعلهامن نصيبك ويسعدكما
والله يا صاحبى انا عارف اللى انت تقصدة بس حاجة واحدة تعملها و هو انك تصارحها بحبك لان مش اى حد ممكن يلاقى الحب الحقيقى لانة صعب تلاقية فى الزمن ده والله
أخي العزيز لم أقرأ ما كتبه الإخوة من قبلي لأني متعب وقرأت قصتك وأنا متعب أخي العزيز إدهب وتكلم معها ولا تخاف من أي شي أو تقدم لهاا
هههه ياعم بس عشان انتا مكلمتهاش لو كلمتها هتلاقى الموضوع عادى جدن وسيبك من الياس ده لو مش من نصيبك بعد الاراء دى هتعرف وحده وتنين وتحب وحده وتنين وهتعيش والى فى نصيبك فى الاخر هتخدها انا بكلمك بعد قصت حب معايه 5سنين واهلى واهله موفقين وجاهز للجواز من كل شىوسنى 23 سنه وسنه 20 سنه وفجاه حصل مشاكل من الاتجاهات وفى خلال 20يوم اتختبت وتجوزت ونا حضر ت الفرح بنفسى ايه رايك قبملى حلى انتا كمان
ممكن اقولك اعقل شوية تموت نفسك لية وتنهى حياتك كل دة عشان الحب انا معاك انو صعب بس ما تنساش انك انت السبب من الاول يعنى ما تلومش الا نفسك المهم انت اما تشوفها وقفها بص هى مش هتيجى الا كدة تقولها بعد ازنك انا عايزك فى كلمتين وتقولهاعلى كل اللى فى قلبك وتعتذرلها انك كنت مستحقرها او بتبصلها بصة وحشة بس المهم انك تقولها على اللى فى قلبك عشان ترتاح
انا بنصحك انك تروح تخطبها من عند اهلها
وادا ما وافقت ارجع ورحلها تانى وما تخليها تروح من اديك ربنا يوفقك
اسال عليها واعرف اذا كانت مخطوبة ولا ايه لو مش مخطوبة كلمها واتقدم لها على طول ومضيعش وقت لو مخطوبة اعرف بقا انها مش نصيبك وبلاش حالة الياس اللى انت فيها دى مهما كانت جميلة البنات الجميلة كتير وبعدين الجمال مش كل حاجة وبعدين من الاخر لو هة ايه فى كل شى بس مخطوبة يبقا تبعد عنها عشان مش نصيبك اللى ربنا كتبهولك واعرف ان ربنا هيعوضك وصدقنى لما تكون سعيد مع زوجتك اللى هى نصيبك هتفتكر الايام دى وتضحك وتقول اما الواحد كان شايف الدنيا ضيقة بشكل وبالتوفيق
انا شايفه انك تروح وتتكلم معاها او اسال حد من صحابها هى مخطوبه ولا ايه وان شاء الله خير (نهله طلعت)
)
اخي الكريم لو كانت غير مخطوبه فلا مانع من ان تسعى لخطبتها وتحاول جاهدا و إن لم ترضى بك فعلى الاقل ستكون قد ارضيت ضميرك بمحاولتك للحصول عليها وذا كانت مخطوبه فحاول ان تنساها لانها لن تترك خطيبها وحتى اذا تركته فلا اظن انك ستجد فيها تلك البنت التى كنت تتمنى وسيظل الخوف متواجد بينك وبينها اسأل الله ان يوفقك