مشاكل الشباب النفسية

الخجل الاجتماعي وانعدام الثقه بالنفس

احب ابدا كلامى ان ليكم جزيل الشكر ان يكون فى منبر ذى هذا المنبر الى يخلى اى حد فى حالتى يحكى من غير خوف عشان يوصل لحل لمشكلته مش عايز اطول بس بصراحه انا مش عارف ابدا كلامى منين لانى محاط بعدد من المشاكل النفسيه الى محسسانى بالضعف والوهن دايما
انا عندى بما يسمى بالخجل الاجتماعى وانعدام الثقه بالنفس ومش عارف اعمل ايه بالظبط بالاضافه الى تلعثم فى الكلام فى اى موقف من المواقف والمشكله ان اى حد بتلعثم امامه مش شرط يبقى مسؤل او ذات شأن كبير ممكن اتلعثم قدام طفل
انا مشكلتى حقيقه ومرعبه ومسببالى ضعف كبير فى شحصيتى وبعد عن الناس بصفه دائمه خايف اتعامل من الناس او انى اتواجد معاهم باستمرار خايف خايف من كل حاجه خايف اتلكم خايف اعيش خايف اقول رايي خايف اعمل اى حاجه انا اصبحت كائن مهمل ملوش لازمه انا تعبت جدا ومش عارف اعمل ايه خايف من نظرات الناس ليه بحس ان كل الناس بتبص عليه وببقى مش واقف على بعضى مش عارف شكلى حلو ولا لا حعجبهم ولا لا مشكلتى بعمل حساب للناس على حساب نفسى بديهم قيمتهم من غير ما ادى لنفسى اى قيمه تذكر حاسس ان الكل باصص عليه وبيراقبنى مش عارف اتعامل مع الناس مش عارف اوصل ليهم مش عارف اتكلم معاهم فى دايما حاجز بينى وبينهم يمنعنى انى اوصل ليهم انا تعبت والدنيا ضاقت عليه خايف من كل الناس مكسوف من الناس محروج من كل الناس ومش عارف اعمل ايه ومعنديش اى ثقه بنفسى مطلقا ببقى ماشى باصص فى الارض اتفحص جسمى ولبسى على طول ماشى مش على بعضى ومش متوازن نهائيا وياترى انا ماشى عاجب الناس ولا لا بيفكروا فيه ولا لا بيبصوا عليه ولا لا شايفنى ولا انا اساسا مش على بالهم وانا الى واهم نفسى بشئ مش موجود اصلا انا تعبت من التفكير نفسى يبقى عندى ثقه فى نفسى انا حاسس انى مقدرش اسد فى اى حاجه ممكن اعملها متخرج من سنه ونصف ومش قادر اعمل اى حاجه لانى عاجز مش عارف افكر مش عارف اشتغل ومش عارف اعمل ايه فى حياتى ومستقبلى حشتغل ايه وحتجوز اذاى انا تعبات تعبان تعبان وفاض بيه الكيل ومليت حياتى مش لاقى فيها مكان ليه حاسس انى كم مهمل ملوش اى لازمه ولا اى نفع
وبالنسبه للجواز حاسس انى عمرى ما افكر انى اخطو الخطوه مش حقدر عليها خالص لانى مش بعرف اتعامل مع الجنس الاخر مطلقا وفى حاجز بينى وبينه عمرى ما حفكر مجرد تفكير انى اتجوز صعب عليه اعمل كده انا مش قدها لانى شايف نفسى غير سوى بالمره
انا اسف للاطاله بس الكلام ده ميوفيش الكلام الى عندى وممكن اقوله عن حالتى انا تركت مشكلتى بين ايديكم لعلى الاقى حل ليها عندكم ارجوكم لا تبخلوه عليه باى نصيحه ممكن ان توجهوها ليه ارجوكم اتوسل اليكم عايز ارتاح انا تعبت جدا من حياتى وانا عايشها وفيه كل ده انا تافه وخواف وخجول وجبان انا كل ده اذاى ممكن اتغير ولا ده مستحيل
انا اسف جدا للاطاله بس انا ارتحت فى الكلام والفضفضه ارجو ان تعينونى ان اتخطى صعوبات حياتى ولك جزيل الشكر والامتنان والعرفان
والسلام عليكم ورحمه الله وبركاته

مشاكل وحلول ذات صلة

اضيف بتاريخ: Monday, November 8th, 2010 في 14:37

كلمات مشاكل وحلول: , , , , ,

17 رد to “الخجل الاجتماعي وانعدام الثقه بالنفس”

  1. Basmala
    09/04/2022 at 23:52

    مش بعرف اتكلم مع الناس بتحرج او بخاف من اي حد علي طول ببص في الارض بدون سبب علي طول بتوتر وايدي بتترعش سعات اول لما اشوف حد مش بحاول ابص في وشو ببص في الارض وانا بتكلم ونفسي ابطل سعاتكده بكتم جوايا اي حاجه مبعرفش احكي ببقي عايزه بس مش بعرف حتي صحابيلو حكيت مش بعرف احكي كلو وطبعا مش بحكي لأهلي مش عارفه اي السبب بس بحرج من اي حاجه

  2. مختله
    01/02/2016 at 17:26

    عادى ربنا معاك انا عارفه الاحساس دا بس حط جواك دايما انك احسن من كل اللى حواليك دول كلهم عالم كدابه ومنافقه وولاد ستين … ماعلينا “اثبت نفسك” حل مشكلتك انك تنجح فى مجالك وتبقى شخص مميز والناس كلها هيجروا وراك صدقنى هما كل الناس عباره عن شله فشله ماشيين مع واحد متميز وصدقنى كل اللى انت راضى بيه قادر تعدله انت بس خليك متأكد ان سعادتك مش مرتبطه بالناس وانك مرتاح بعيد عنهم وعيش حياتك وعلى فكره الوحده جميله ممكن تحقق نجاح وانت لوحدك اضعاف لما حد يكون حواليك اصلا يعنى لو فكرت ليه مثلا بيقولو “سر النجاح الكتمان” لان الناس كلها بتكره بعضها زى “دارى على شمعتك تقيد كدا” وصدقنى لو اقتنعت من جواك انك احسن من كل الناس وكنت سعيد وناجح فى حياتك وسبتك خالص من الناس انت ممكن تلاقى السعاده فى كتاب او روايه حلوه رياضه فرديه كلام ناس ع النت ودا حلو ولما تعمل كل دا وتشيل من دماغك الناس هتلاقى نفسك تلقائى لما حد يجى يكلمك مش هتبقى مهتم ليه وهترد ببرود وهتلاقى الناس اصلا هى اللى بقت تكلمك كل الفكره انك مقصر فى حياتك ومجالك او مش ناجح فحاسس بالضعف خرج القوه اللى جواك وافرح وعيش واقعد من وقت للتانى شوف فيديوهات عن التفاؤل والثقه بالنفس اقولك حاجه “حب نفسك”

  3. عمرو
    30/06/2014 at 16:03

    انا عندى المشكله بردوه بس الكلام محدش من الاخر بيستفاد منه انا اسف الى انا بقول الكلام دهبس انا بقول الحقيقه ولا الى بيقول الحقيقه دلوقتى ممبيتحبش ولا انا غلطان وشكراااا

  4. افشل واحد
    11/05/2014 at 23:49

    السلام عليكم ورحمة الله وبركاته
    حقيقة يا جماعة في المشكل النفسيه ذي حضرتكوا قلتوا ان الواحد لازم يقرب لربنا بالصلاه وقيام الليل
    والله ماقصرتوا ان شاء الله !
    الوحده في الايام هذه رغم انه ممرضه لكن في هذه الايام صعب ويقرب من المستحيل تلاقي انسان قريب للربنا …..
    وذي ما انتوا عرفين ان المرء علي دين خليله , فجاءه تلقي نفسك منافق وتعبد الناس وخيف منهم ومش مقدر ربنا قدره – ربنا الي خلقك من نطفه ومكنتش حاجه اساسا – سيبه وبتفكر في نفسك وفي الناس لا حول ولا قوة الا بالله !………..ز
    طيب المفروض ايه , المفروض ان الانسان لا يفكر الا في الي خلقه وانسي نفسك انسي الناس والحكم لله وحد مش ليك او لغيرك للـــــــــــــــــه فقط .
    بس في مشكله هشتغل ايه !
    اي عمل مكسبه حلال , ومتفكرشي في مية سنه قدام لانك هتنهبل , ومنهبلتش علق علي كلامي يمعلم ولك الدعاء

  5. لاخوف
    01/09/2013 at 02:18

    السلام عليكم و رحمه الله وبركاته
    ولله انا شايف يا جماعه من وجهه نظري ان الحل في المشكله دي طبعا بعد التقرب من الله سبحانه و تعالي انك تشارك و تحاول تفرض رأي صح و الناس اللي حواليك انت تشوفه صح و خالفهم لو انت مش عايز تعمل حاجه هما عايزين يعملوها كون صاحب رأي تكون صاحب شخصيه و لله الموفق

  6. ابو عاطف
    23/03/2012 at 02:18

    بص نفض لاى حد انتى مش بتحبة علشان انت خسارة فى اى بنت مش قدرة تقدرة وخليك فاكر انت راجل

  7. محمد عصام
    20/07/2011 at 07:05

    انت عارف انا حابب اقوللك حاجه انا شاب عندى 17 سنه وممكن تقول كنت اكتر من كدة شويه بس كانت عندى الرغبه من جواى فى انى اغير نفسى وكنت حاسس ان انا ما استحقش اكون كده وكمان اعرف ان تحديد المشكلة هى اول خطوات العلاج ولازم تحيى نفسك ان انت عندك الرغبه وده شئ ممتاز ولو عايز وجهة نظرى ابعد شويه عن اصحابك اللى عارفين حالتك ابعد خالص وقرب لربنا وفضفضله وصدقنى هترتاح وبعد ماتصلى اقعد مع نفسك وفكرها بمميزاتك ماتقولش ماعنديش دور هتلاقى وافتكر اى كلمه مدح اتقالت فى حقك وابتدى اتكلم مع نفسك بصوت عالى وابتدى حط لنفسك قواعد اجتماعية فى كل المواقف بما يليق مع شخصيتك وخليك دايما مبتسم …بكرة احلى…. وتحذيـــــــــــر هام ليك (اوعى تقارن ابدا نفسك بحد) واوعى تتكلم مع نفسك وتقول على نفسك اللى انت كاتبه ده تانى بل بالعكس دايما خليك متفائل وزى ماقولتلك ماتخلقش افكار سلبيه جوة عقلك ودايما ردد وقول انا واثق فى نفسى …انا واثق فى نفسى … انا محبوب .. ودايما ادعى ربنا وخليك معاه وربنا يوفقك وتبقى احلى

  8. يارب
    17/07/2011 at 15:04

    لكل من يعاني من الرهاب الاجتماعي والخجل والخوف وأي مرض نفسي
    عليك بالدعاء وصلاة الليل فصلاة الليل مطردة للداء وكثرة الاستغفار وأيضا قراءة سورة البقرة بتدبر وبنية الشفاء كل ثلاة ايام وراح تشوف الفرق
    وكذلك قراءة كتب تزيد الثقة في النفس
    والله يشفي الجميع

  9. الأم المثالية
    16/07/2011 at 00:33

    ياسلام على أبنائى الرجالة أنا حاسة إن إنا فشلت فى تربيتكم ؛معلشو بهزر معاكم الصراحة إنتوا رجالة بجد بس حاولو تكونوا جاديين مع نفسكم وتقربو من الله وحاولو تطلعوا على طرق محبة الله وشوفو الحياه بلون أبيض وكونوا علاقات مع الشباب الصالحين وقضوا وقت الفراغ فى اللعب الجماعى المباح وربنا يوفقكم ويوعدكم ببنات الحلال.

  10. العمل الاسود (الفارغ)
    23/03/2011 at 13:23

    هى اساسا مشكله صعبه وانا بعانى منها اوووووى و مش عارف اعمل ايه بس ممكن اديك حل ممكن يكون بسيط بنزبالك و ممكن يكون حل كويس هو انك تتعرف على بنت او وحده تبتتدى معاها الحياه هتكون حياه جدده بنزبالك و ممكن تشوف فرء فى حياتك لان الحب بيدى دفعه و هدف فى الحياه بس يعنى اوعه تثق فيها الى مده يوصل الى اكثر من 65 او 70 % و ربنا معاك و معايه

  11. شريف
    05/12/2010 at 09:21

    يا جماعة لله يوفقكم انا كمان عندي نفس المشكلة وشكرا على الحل يا ابو احمد

  12. كدوانى
    02/12/2010 at 02:43

    ما رايك لو تتخيل ان الدنيا فاضيه وانت لوحدك عايش فيها…شوف هتمشى ازاى
    تخيل لو انك احسن واحد فى الدنيا شوف هتمشى ازاى….شوف هتكلم الناس ازاى

  13. prince of love
    11/11/2010 at 08:53

    اخي الحبيب خليك واثق من نفسك مش للدرحه يعني وبعدين انتا راجل عارف يعني ايه راجل ؟؟ مايهمكش شكلك ولا الحوار اللي انتا بتتكلم فيه دا الراجل مايعبوش غير جيبه لو حسيت بكدا هتلاقي نفسك طبيعي واتكلم مع الناس عادي مايهمكش

  14. ابو حميد
    09/11/2010 at 16:55

    انا نفس مشكلتو مش عارف ليش هيك بصير معي اشياء لا على بال ولا على اخاطر مع اني بخفش من حدا الا الله بش خلاص ليش هيك بصير معي مش عارف في ناس حكولي حد عاملك اشي كل ناس بتحبني بس انا مرات بتجيني ساعه بتمشكل معهم من ولا شيء ملل وزهق وفشل افكر اني ابعدعن اي اشي اسمو بشر يا ريت حل وشكرا الكم

  15. hatem_elrawy
    09/11/2010 at 13:43

    متشكر جدا استاذ ابو احمد على هذه النصايح الغاليه ويسعدنى انا ايضا التواصل معك اذا لم يكن هناك ازعاج لك فمشكلتى بالنسبالى هى حياتى لانى حاسس انى مليش قيمه تذكر وحاسس انى بقايا انسان ومش طبيعى وغير سوى اتمنى تفيدنى ويبقى ليك حزيل الشكر وجزاك الله خيرا

  16. ابو احمد
    09/11/2010 at 10:15

    اخي الكريم المشكلة التى تعاني منها هي الرهاب الاجتماعي وهي مشكلة نفسية منتشرة ولست الوحيد الذي يعني منها وهناك انواع كثيرة من الفوبيا وما تعانيه من النوع الصعب فى التخلص منه الا بالجد والتوكل على الله والتقرب الى المولي بالعبادات والاخلاص وان تعلم ان الله ما خلقك ليعذبك ولكن بذكر الله وطاعته سوف تطمئن نفسك فعليك ان تستعين بالله وتبدأ العلاج بقوة وعند المحاولة لا تهتم بالمحاولات الفاشلة ابدأ من جديد واقبل على ما تخاف منه واعلم انه لن ينقص اجلك ولن يستطيع احد ان يؤذيك الى بإذن الله ، هناك مقولة تقول ان تنول النفس هواها بما يخالف هواها فستذكر ان كل انسان سواف تواجهه هى مخلوق مثلك وليس مفضل عليك واجعل خشيتك من الله اشد من خشيتك من العبد واعلم انك اقوي من كثير من الناس وعامل الناس كما تحب ان يعاملوك ولا تفكر الناس مركزه عليك هذا من الشيطان الناس كل واحد فيهم مشغول بحاله انت وانصحك بممارسة هواية شوف بتحب ايه وركز فيه سواء كورة او غيرها ومارسها ولا تخف وياريت لو لعبة جماعية راح تعودك التعامل مع الناس ولا تحاول تهرب من المواقف الاجتماعية مثل الافراح والمناسبات قرب واضغط على نفسك وهيكون صعب ولكن صدقني مع كل مرة راح يبعد عنك الخجل اكثر وانا شخصياً لي تجربة والحمد لله ويسعدني مساعدتك اذا حبيت التواصل

  17. احمد عمر
    08/11/2010 at 16:41

    تنن الموضوع سهل جدا اولا لابد ان تداوم على الصلاة وحاول تقرب من ربنا ولازم يبقى عندك ثقة فى نفسك حب نفسك وصالحها وخليك على قناعة كاملة ان ما فيش حد احسن منك وانتة مش اقل من حد وحاول تتفاعل مع المجتمع وابدء باسرتك

اترك رداً أو حلاً لهذه المشكلة