انا بنت عندى 15 سنه بس انا مش عايشه مع اهلى انا عايشه مع عم بابا مربينى من وانا نونو علشان هو مش بيجيب عيال هما اللى انا عايشه معاهم مستوهم المادى كويس ومتعلمين واهم حاجه عندهم التعليم وبابا وماما اللى انا مش عايشه معاهم مستواهم المادى مش اوى متوسط يعنى وماما نفسها انى اتعلم واتجوز واحد غنى.
بس انا دلوقتى بحب ولد عنده 18 سنة، وهو كمان بيحبنى اوى وعاوز يجى يخطوبنى وعنده شقه 150 متر وبيشتغل عامل فى شركه المياه وعنده توك توك بس هو مش مكمل تعليمه، خرج من سنه تانيه ثانوى زراعه هو يقدريفتح بيت والمستوى مناسب.
بس المشكله انى عارفه انه هيترفض علشان عم بابا هيقول انى لسه صغيره، وبابا هيقول انه مكملش تعليمه وماما بتقولى انه مش هيقدر يعشينى كويس زى ماهى نفسها علشان الفلوس وكده.
بس انا بحبه اووى اوووى وهو كمان بيحبنى اوى وبيخاف عليه جدا وهو اللى خلانى اقول لماما انى بكلمه وعاوز يقول لبابا بس انا مش راضيه بس انا موافقه عليه جدا، علشان مرات عم بابا الايام ديه بتعاملنى وحش بتقولى كل شويه كلام وحش وبتقولى انتى صايعه وها تفشلى، وانا مقدرش اعيش مع بابا وماما مش بعرف اعيش معاهم فانا عاوزه اخلص وامشى من عند عم بابا.
فانا عايزه اتجوز على طول اول ما اكمل ال 18 سنة، فانا شايفه انى ده سن كويس للخطوبة، وكمان هو بيحبنى اوى وانا بحبه اوى، وهتحدى اى حد علشانه وعلشان نتخطب ونتجوز، بس انا متاكده انه هيترفض.
بس مش عارفه اعمل ايه؟ ونبى قولولى انا تعبانه اوى انا مش بنام من كتر التفكير
انتي لسه بنت صغننه وشوفي دراستك واتركي هذا الشاب بلا حب بلا قطران انتي لسه امامك العمر طويل اسمعي كلام عم بابا وخليكي مؤدبه معهما .. وعاوز اقولك قبر ياخذك ويأخذ ناسك .. شوفي مصلحتك وفكري كويس واعقلي .. وبتاع التوكتوك مش ها ينفعك ولن يفتح بيت