السلام عليكم ورحمـــه الله وبركاته
انا عندي 18 سنه انا
حبيت واحد من سني معايا في الفصل وكنت معجبه بيه اوي وبتصرفاته وهو اول حد انا اعجب بيه في حياتي وكنت بحبه بيني وبين نفسي ومكنيش اي حد يعرف من صحابي اني بحبه ولا هو كمان كان عارف حاجه
وجه في يوم طلب مني رقم موبيلي علشان كنا خلصنا امتحانات ومش هنشوف بعض تاني وقالي علشان اتصل اسلم عليكي
خد مني رقم موبيلي ولقيته تاني يوم اتصل سلم عليه وكلمني بعدها مرتين كمان كلام عادي خالص
وانا مااتصلتيش بيه ولا مره
وبعد تالت مكالمه اتكلم فيها معايه لقيته بعتالي رساله بعدها بنصف ساعه بيقوليها فيها انا بحبك وعايز اخطبك بس بعد سنه ولو موافقه رني عليه
انا طبعا فرحت اوي بس في نفس الوقت خفت اوي ورغم اني بحبه انا كمان
قولت مش هينفع افضل معاه سنه من غير مااهالي يعرفه ومش رضيت ارن عليه راح هو اتصل بيه روحت اقفلت التليفون خالص ومردتيش عليه
راح بعتالي رساله بعدها بكام يوم قالي انسي الرساله اللي كتبتهلك وانا اسف واحنا هنفضل اصحاب واخوات كمان وياريت ماتزعليش مني ولو مش عايزاني اتصل بيكي حتي اسال عليكي مش هتصل تاني
هو تلاقي قال اني زعلت ومش عايزه علشان كده بعتالي الرساله بيقولي متزعليش
انا بجد مش عارفه اعمل ايه انا بحبه اوو بس هو هيبقي اول حد في حياتي علشان كده انا خايفه اوووي ومش قادره اقوله انا كمان بحبك
علشان عمري ماجربت الحب
ياريت تقولولي اعمل ايه
لو بيحبك – يدخل البيت من بابه – هو تلميذ – يعني لسة ولا بيشتغل – ولا كون نفسه – ولا عنده شقة – ولا عنده مهر ولا عفش ولا جهاز – ولا حتي عنده شبكة – ياتري ظروفه ايه – اهله هيساعدوه – او هو امكانياته ايه – اهلك يقدروا يقيموا الموقف ويحددوا هيكون الوضع بينك وبينه ايه – صارحي والدتك وهي تقدر تساعدك – وعلاقتك بيه تكون في النور – خلي بالك من نفسك صدقيني لو هتعرفيه بعيد عن معرفة اهلك ممكن تغلطي معاه وهو مش هيخسر حاجة وانتي الخسرانه – ممكن لو بتحبيه تقروا الفاتحة بمعرفة اهلك وهما يساعدوكي ويساعدوه وتتعرفوا علي اهله وتشوفي امكانياتهم ايه وربنا يوفقكم لما فيه الخير وكل عام وانتم بخير
لو بتحبية قوليلو انك كمان بتحبية متخلهوش يحس انه بالنسبالك صديق وبعدين هو قالك بحبك يعنى عبر ليكى عن مشاعرة ناحيتك
قولى لمامتك انك بتحبيه وقوليلها انك بقيتى بنت كبيرة واى حاجه مامتك هتقولك عليها انتى هتعمليها وقوليلها لو هيا كانت عاوزة تكلمو وكدا تكلمو وبس يا حبيبتى اهم حاجه تكونو انتو الاتنين بتحبو بعض بس انتى مكبرة الموضوع