السلام عليكم ورحمة الله وبركاته..سأحاول ان اختصر قدر الامكان فى سرد المشكله..انا كنت معجبه بشخص هو كان زميلى فى الجامعه وكنت طول سنوات الجامعه الاحظ اعجابه لى وحتى هو كان يصرح لى بذلك طوال الوقت ولكن فى حدود التلميح فقط وكان يعترف لى بحبه على سبيل الهزار والدعابه فقط فكنت دائما اعتقد انه معجب بى ولكن يخجل من مصارحتى المهم بعد سنوات الدراسه الجامعيه مباشرة اعترف لى بحبه وكنت سعيدة جدا بذلك لاننى ايضا كنت قد احببته ولكن بعد فتره تركنى دون اى سبب وكل ماقاله فقط انه مازال صغيرا على الزواج والمسئوليه وبعدها بعام تحدثنا مرة اخرى ولكن مر عام اخر وهذه المرة ابتعد عنى دون ان يبدى لى اية اسباب وحاولت ان اعرف منه سبب الانفصال فاستهزأ بكلامى له ولم يبرر ابتعاده عنى بأى سبب حتى ولو لحفظ ماء الوجه وهذا التصرف جرحنى كثيرا وبعدها بشهور سمعت انه تمت خطبته على فتاة ما .. وبعدها تزوج ولكن بعد عام ايضا وجدت منه رساله على البريد الاليكترونى يعتذر لى فيها عما بدر منه وقال لى انا فى حاجة لان اتحدث مع انسان يشعر بى وعندما تحدثت معه قال لى انه انفصل عن زوجته التى كان قد احبها اكثر من العالم اجمع ولم يبقى له منها غير ذكريات يعتبرها هى افضل أيام حياته على الاطلاق وعندما سألته عن السبب قال لى بالحرف الواحد (كما تدين تدان والحمد لله على كل شئ) واخبرنى ان زوجته ايضا طلبت الابتعاد فجأة دون اى اسباب وانها تمسكت بالطلاق وانه بذل كل مافى وسعه للحفاظ عليها ولكن دون جدوى .. المهم اننى عندما سألته عن الاسباب فأخبرنى انه ليس هناك اى سبب مقنع وكلها اسباب تافهه بالمعنى الادق ماهى الا (تلاكيك) للانفصال .. ولكن من خلال كلامه احسست ان زوجته لم تحبه يوما وانها من الممكن ان تكون قد احبت شخصا اخر غيره واتفقت معه على كل شئ ارجوكم لا تظنوا اننى اقول هذا لغيرتى من زواجه بها ولكن بالفعل هذه الايام يحدث الكثير من هذه الاشياء حتى اننى رأيت الكثير منها بعينى كما اننى اشعر بالفتيات لاننى مثلهن واعرف نفس مشاعرهن وتصرفات زوجته ليست تصرفات انسانه بالفعل تحب زوجها ولكنها تصرفات فتاة تعرف ما تفعله بالضبط ويعلم الله اننى سامحته من كل قلبى واتمنى له كل الخير وليس لى اى مصلحة فى زواجه منها او طلاقه لها فأنا الان مخطوبه لشخص احبه كثيرا والحمدلله.. المشكله ان صديقى هذا يحاول ان يعلق تصرفاتها معه على السحر والاعمال وانها ليست فى حالتها الطبيعيه وانها كانت تحبه كثيرا وبالرغم من ظلمها له الا انه يؤنب نفسه كثيرا ويلوم نفسه على اشياء حتى هى المخطئه فيها ويظن ان الظروف هى التى جعلتها تفعل هذا وانها لازالت تحبه .. هو الان مطلق بالفعل وليست مشكله عابرة بين زوجين ولكنه انفصل بالفعل عنها ولكن المشكله اننى ارى انه يوهم نفسه بالكثير من الاشياء التى تجعل حالته النفسيه اسوأ كل يوم ولكننى لا اعرف ماذا افعل هل اخبره برأيى هذا ام اجاريه فى كلامه وأواسيه وانتظر ما ستأتى به الايام له .. يعلم الله اننى فقط اريد له الخير والصالح وبصراحة انا اخشى عليه من هذه الفتاه لاننى من خلال كلامه شعرت بأنها غير ملتزمة والله اعلم .. ارجوكم انصحونى فى اسرع وقت واسفه على الاطاله
والسلام عليكم ورحمة الله وبركااااااااااااااته
اختي لاعلاقة لك به اطلاقا انتي الان مخطوبة لشخص اخر فهل ترضي بالخيانة له مع هذالسافل الواطي اللي غدرك بك في الماضي وتخلى عنك وتزوج بوحدة تانية وعايز يوقعك معه في الحرام وهو عارف انك مش له وقلبك مع خطيبك ازاي تسمحي له نفسه اواخلاقه هذالوكانت عنده اخلاق من الاساس ان يعمل معك كدا ويتقرب منكي وانت مخطوبة لغيره انسان واطي واناني وبلااخلاق ولاتربية اقطعي العلاقة به نهاية وللابد قبل مايعرف خطيبك انك تتكلمي معه وتحصل مشاكل بينكم قدتودي الى انهاء الخطوبة وتخسري خطيبك لاجل واحد سافل وحقير باعك بالامس ورجع يضحك عليكي يالمغفلة ثاني لانو شافكي وحدة تافهه ورخيصة ومافيش صداقة بين الرجل والمراة نهايئا لايضحك عليك الشيطان وتفكري انو في شي اسمه صداقة بين رجل وامراة غرباء عن بعض الله يهديكي ويسترعليكي وكل بنات المسلمين
استغفر الله ربي ولا حولة ولا قوة الا بك ربي العالمين
انا في نظري ان كل ما سرد منك اعتبره خيانة لا منك ومنه
كيف تخول لك نفسك بصداقة شخص خانك وتزوج عليك باخرى
انا لا افهم والله لا يهمنى ما قيل .في الشريعة الاسلامية يعتبر هدا خيانة
فباب التوبة مفتوح لكلاكم اللهم اهدي عبادك لاطريق الصح
انتي شايفاها غير ملتززمة علي اي اساس طب مانتي زيها
سمحتي لنفسك ترجعي لحبك القديم, وانتي مخطوبة
اتقي الله وشوفي مين الا مش ملتزمة
يا اختي العزيزة لا توجد صداقة بين الرجل و اامراة و احترمي خطيبك في غيبته فهذا لا يليق .
ابتعدي عنه احسن و شوفي لحياتك هو عندو الله يعينو….
يا اخت دق الماضي بابك فخافي ورتعبي منه لان لو فتحتي للماضي الباب سيحل عليكي الخراب
دعي الخلق للخااالق وانظري لحياتك .
قرأت رسالتك ورأيتك ذات قلب كبير جداً وطيب جداً لذلك عوضك الله بخطيب أعتقد إنه أفضل منه إنشاء الله. أما هذا الشخص فدعية لحياته و كما قال هو كما تدين تدان. فالأن المهم هو أنتى أنتى وفقط و يجب أن يراك مبسوطة و سعيدة فى حياتك و فى أعلى الأماكن . و لا تشغلى بالك به لأن و جودة حتى و لو لمجرد الصداقة سيؤثر على حياتك و لن تجنى من وراءه إلا الخسائر والتراجع فى حياتك . أتركية يحترق شوقا على زوجته التى تركته.
بصراحة كده لازم تتقبلى رسالتى الك بهدوء تام وتمعن فى كل عباره وهنبعد عن ايام الجامعه لانها فتره بتنتهى بانتهاء الدراسه نروح للنقاط المهمه فى موضوعك فى الاول وفى الاخر انتى كنتى بالنسبه للانسان ده استبن يعنى بمعنى اصح راكنك على الرف لوقت العوزه وانتى معلش فى اللفظ كنتى ساذجه حبتين وبتصدقى بسرعه وهو استغل الموقف ده لحسابو طبعا هو كان على علاقه بواحده غيرك ومرضاش يقول لانو كان بيفكر لو فشلت العلاقه دى يبقى انتى موجوده واهى واحده بتسد دى اول حاجه __ الحاجه التانيه ان ربنا بيحبك اوى لانو واضح كويس جدا ان الانسان ده معندوش شخصيه مستقله ولا يقدر ياخد قرار لوحدو وعندى احساس كده انو ابن امو اما بالنسبه للبنت الى سابتو فهيا سابتو لانها انخدعت فيك زيك بالضبط ولما عرفتو على حقيقتو سابتو فورا وبلا تردد ___ هنسيب بئى الولد ونروح ليكى انتى طبعا انتى فى الاول اهدرتى كرامتك يسيبك ويرجعلك وتوافقى يرجع يسيبك ويرجعلك وتوافقى ومفيش مره انتى الى سبتيه بل كل مره هو الى يرميكى وحتى ميسئلش فيكى ومع ذالك مبتتعلميش من الدرس والكارثه لما طلق رجعلك تانى وبردو عايزه تقفى جنبو مع انك مخطوبه هو عارف نقطة ضعفك كويس جدا وحافظها وكمان بعيد عن نقطه الضعف بتنصريه على مراتو وبتقولى اننا ستات ونفهم بعض اكتر هو انتى اصلا سمعتى منها حاجه كل الى سمعتيه سمعتيه منو هو وبس ومع ذالك حكمتى على البنت بانها مش كويسه وحكمتى عليه من خلال كلامو وانا هقولك من امتى هو نفسو كان صادق فى كلامو معاكى لما هيبقى صادق عن كلامو فى مراتو المطلقه بالتاكيد هو كداب ومخادع وملوش راي لاكن كونك تصدقى عن مراتو كل الكلام الى يقولو فده لانك متغاظه منها اوى لانها اتجوزت الشخص الى كنتى بتحبيه وبعدين تساعديه على ايه دى هيا الى طلبت منو الطلاق وقالتلو غور من وشى هتجرى وراه ليه فوقى لنفسك انتى مخطوبه __ وفى النهايه هقولك حاجه لو قدرتى تنفذيها خلاص اقفى جنبو وساعديه قولى لخطيبك انا عايز اساعد حبيبي الاولانى واطلعو من الازمه الى هو فيها شوفى رد فعلو هيكون ايه هتقدرى تعملى كده ردى هتقدرى ؟؟؟؟ طبعا من رابع المستحيلات وواضح كمان مش هو بس الى شخصيتو ضعيفه انتى كمان شخصيتك ضعيفه __ ثم انتى عارفه الى بتعمليه من ورا ضهر خطيبك ده اسمو ايه ؟؟؟ ده اسمو خيانه وغدر تقبلى على نفسك ان خطيبك يعمل كده دانتى كنتى ولعتى فى امو ارجعى لعقلك ولو اتصل عليكى الانسان ده تانى قليلو حل مشاكلك بعيد عنى انت متلزمنيش انا مخطوبه لواحد بالف زيك دى نصيحتى ليكى قبل ما العلاقه تتطور بينك وبينو تانى وقتها هتخسري خطيبك وهتخسري نفسك وهتخسري نظره الناس ليكى وشكرا
الشخص ده اناني لايسعي الا لمصلحته فقط وكأنه عملك محطه احتياطي لما تضيق الظروف به وهو معترف بانه ضحك عليكي ايام الكليه انتي الان مخطوبه فوقي من وهم حبك له ،واعتقد ان خطيبك مش حيوافق علي صداقتك به وهو ممكن يخربلك حياتك لانه انسان فشل في حياته،والي بنفس تصرفاته وشخصيته لا يصلح صديق ولا يؤتمن،فوقي قبل ماتندمي
يا انسة انتى دلوقتى مخطوبه يعنى ما ينفعش تكلمى حد تانى غير خطيبك عايز حد يفهمنى يعنى ايه صداقة بين راجل وامراة ؟؟؟؟!!! ودا ما يتقلش عليه حتى صديق لان الصديق بيكون مع صديقه دايما مش لما ما يلقيش حد يدور على صاحبه سبيه وحتى لو نصحتيه مش هيعمل بالنصيحة واعمال ايه وشغل ايه اللى هو بيقول عليها هو مش متعلم ولا ايه ؟؟؟ لو اجتمع الانس والجن على ان ينفعوك بشئ لن ينفعوك بشئ الا قد كتبه الله لك وان اجتمعوا على ان يضروك بشئ لن يضروك بشئ الا قد كتبه الله عليك
الأخت العزيزة….يحتاج صديقك الي شخص يثق به لكي يخرج من أزمته… تقدمه بالنصيحة له و لا تجاريه…حتي يعيش الواقع…و اعتقد ان وقوفك جنبه في هذا الوقت هو من أفضل الأشياء اللي ستفعليها…و حافظي علي خطيبك
ده راجل انانى وبتاع مصلحته بيدور عليكى وقت مايحتاجك تقفى جنبه وبعدها يخلع
فكك منه خالص ولا صداقه ولا غيره
يا ستى انتى الان مخطوبه وبتقولى انك بتحبى خطيبك كثيراً يبقى مالوش لازمه الصداقه مع هذا الرجل اللى كان ندل معاكى وخدعك وقال انه بيحبك مع انه كان واقع لشوشته فى حب واحده تانيه فضلها عليكى بالزواج وتزوجها مع انه ساعة الجد تهرب منك وقال انه فقير ولسه صغير ولا يستطع الزواج بك
ابعدى عنه خالص وفكك منه وخليكى مخلصه لخطيبك احسن هتخسريه لان الحاجات دى ما بتستخباش وهيعرف ووقت ساعتها مش هيصدق انها صداقه بريئه بينك وبين الاخ الثانى