انا اتعرفت علي شاب من علي النت اعرفه من 3 سنين و كنا اصحاب اووي و اول ما قالي انه عايز يرتبط بيا انا بعدت عنه و قلت انه بيضحك عليا
و فعلا بعدت بس كنا برجع اكلمه تاني بس بعدها بفتره كبيره جدا بس اخر مره رجعنا نتكلم فيها يعني الايام دي اتقربنا من بعض و عرفت انو مكان شغله قريب من بيتي
و لما عرف صمم انه يجي يشوفني انا اقف في البلكونه و هو في الشارع فانا وفقت علي اساس انه مش هيجي و هيعملي حوار
بس فعلا جيه و لقيته تحت العماره انا اتصدمت انو ما كنتش متوقعه كدا بس و بقينا نتكلم كل يوم علي النت بساعات .. و كل دا عايز ياخد رقمي و يشوفني بس
انا ماكنتش حابه كدا لاني مش بثق في حد اصلا و بعديها بشهر كلمته موبايل و بقي يكلمني كل يوم او يوم و يوم
بس انا برده حاسه انو فيه حاجه و بعديها شوفته مرتين مره اتمشينا حوالي نص ساعه كدا و تاني مره اعدنا في كافيه ساعتيين بس هو بيعاملني حلو جداا و مش شوفت منه حاجه وحش
و بيعمل حاجات و كل شويه يقولي لما نتخطب لما اجيللك البيت .. لما اشوف مامتك لما نتجوز و بيقول كلام يخلي اي بنت مكاني تدووب فيه كدا و تحبه اووي زي اي ولد بس دا بزياده شويه .. بس اتا بارده جدا معاه و تقيله اوووي فوق ما تتخيلوا و هو عارف كدا بس مش بيدايق او بزعله اوي مني يبصلي يقولي انا مش يزعل منك اصلا .اه نسيت اقولكم هو متخرج من جامعه خاصه و نظام انه كدا عنده بنات صحاب عادي كدا و بيكلمه
و هو كان بيعرف بنات كتيير جدا و قالي و مش خبه عليا . المهم بعد كل دا انا فيه حاجه من نحيته قلقاني منه و بتشككني فيه يعني مثلا يقعد يومين من غير ما يكلمني ويقولي اصل عندي مشاكل في الشغل و يصالحني و يرجع مش يكلمني تاني .. تاني حاجه قلتله هات باسوورد الفيس تبعك مش راضي ابداا و انا معاه اقوله واريني موبايلك يقولي ﻻ برده
انا مش عارفه اعمل ايه .. ومش عارفه اصدقه و لا لأ..؟؟ و اعرف منين اذا كان هو بيحبني ولا لأ..؟؟ سووووري طولت عليكم سامحوني ..و ساعدوني
الحب على النت
معجبه بشاب تقريبا بحبه و مش عارفه اثق فيه
اضيف بتاريخ: Tuesday, January 16th, 2018 في 17:39
كلمات مشاكل وحلول: النت, بنات, بنت, حب, شاب, موبايل
حبيبتي هذا ما يسمى بالشاب اللعوب .. ينهج بعض الشباب سياسة الشفافية بحيث يحدثك عن ماضيه و يخبرك عن علاقاته ثم يضعها في اطار العادي و المقبول ثم تقعين فتنضمين للائحة .. أنصحك بأن تكوني صارمة معه و أخبريه أنه لا مزيد من المكالمات او الحوارات بعد الآن الا بعد أن يتقدم لخطبتك الرسمية من أبوك و حماك الله من شره !