الحب على النت

ازمات الحب عن طريق الفيس بوك

السلام عليكم ورحمة الله وبركاته انا عندى 19 سنه انامتدينه وعمرى واول مره احب وماليش اختلط بولااد اوى المهم انا اتعرفت على ولد على الفيس عن طريق الصدفه البحته هو فى هندسه فكانت قبل اسمه engوانامكملتش قراءت الاسم وافتكرته بنت وقبلت الاضافه وبعدها بفتره كلمته وعرفت انو ولد وقالى انى فهمت غلط ولوحبه احذفه هو مش هيضيق بس انامحدفتهوش معرفش دى غلطتى ولا فرحتى المهم قالتلو لا عادى بس عملته اوف لاين دايماعلشان مكلمهوش وبردو مكونش حذفته واحرجته بس فى يوم كنت زهقانه وروحت قرارت اكلمه عادى واتكلمنا وقالى انو بيحب واحده واول مايتخرج هيرتبطو وفرحت اوى ان فى حد لسه بيحب بجد واحترمته وقالتلو لاززم تتقى ربنا فيهاوتحافظ عليهاواالمهم استمرنانتكلم كده يجى 4 شهور واتفاقنايبقازى اخويه ولوغلطت ينبهنى وفعلا بقا يقولى لو عندى مشكله ولوحد بيرخم اديله الرقم يهزءه لو لقنى برد على بوست فى كومنت وولد ماصدق فتح حوار يقولى قصرى الكلام احسن وبقيت فرحانه بيه جدا والله زى اخويه وكنت بقوله كل حاجه وعمره ماطلب رقمى او يشوف حتى صورتى ولا كده خالص لدرجه حبيبتوبقيت تغير لماتلقينى عامله نشره على صفحته او كده او تجى تكلمه تلقيه فاتح اللاب بيكلمنى المهم علشان مطولش عليكو حسيت انى ببوظ حياته لانو بيحكيلى كل حاجه وقالى انهاغيوره وصلت لانهابيتغير منى ولقيت معهاحق وبقيت افتح قليل وابعد بس لقيت انى بعيط علشان مش قادره اكلمه وزهقانه وحسيت انى محتاجه اوى ورجعت افتح تانى ولقيت نفسي بعندها وفعلا شكت ان فى حاجه بنا وحكمت عليه يحذفنى وقالى سيبك منها هى بتتجنن بس المهم حصلو مشكله واخوه حصله مشاكل فبطل يفتح وبقيت خايفه يكون حصله حاجه وكل يوم اسيبله رساله ونفسيتى باظت خالص وبعدهابشهر فتح وقالى اللى حصل وكان مخنوق اوى وقالى انتى سبتيلى اكتر من 20 رساله تعرفى ان سلمى نفسهامساءلتش واعتبرتنى مخصامها ومستغربتش غيابي المهم قالتلو معلش غصب عنها بعدها اتخانقو وسابوبعض وهى قفلت الموبايل لدرجه اخدت الرقم منه علشان اكلمهاولقته مقفول بعدهافرحت معرفش ليه وبقيت كل يوم نتكلم وساعات مرتين فى اليوم وجيه يوم جالى عريس قالتلوهرفضه قالى ليه قالتلومش مناسب قالى لا مناسب بس انتى دماغك راحت بعيد وقالى اوعى يكون كلامى روش دماغك يابت وقعد يهزر وساعتهااتكسرت اوى لماقالى وفقى بس بعدها حاولت ابعد لقيته سبلى رسايل قالى عملتى ايه فى موضوعك قالتلورفضتو فرح وقالى متزعليش منى وقالى كلام اول مره يقولو قالى انا خايف عليكى وتعرفى انى فرحت بااهتمامك اكتر منها وبطيبتك بس هى حبتنى ومكنش ينفع اظلمها وقالى انولوينفع يتقدملى كان اتقدم بس هو5 هندسه ولسه لمايتخرج ويدور على شغل وقالى انامببطلش افكر فيكى اواتخيل شكلك وساعتها قالتلو اناهبعتلك صورتى وبعتها وفرح اوى وقالى لبسك واسع وانامبسوط اوى بيكى ومش هخون ثقتك ووفقت استنا لمايتخرج ودلوقتى بقالى سنه ونص معه وبحبه اوى ومع العلم عمرى ماقبلته وقرارنا نتقابل الاسبوع الجى ومن ساعتها وانا خايفه اكون بغلط وبهين نفسي واهلى بس انابثق فيه ومصدقه جدا كمان لان صحابتى فى هندسه واول ماشافت صورته قالتلى انااعرفه وشوفته كتير عندنا شكله محترم ومش عارفه اققبله ولا اعمل ايه خايفه اغضب ربناواققابله يحرمنى منه معنى نفسي اشوفه اوى بس مكسوفه وخايفه اسفه طولت عليكم اوى ارجو تساعدونى شكرا لوقتكم

مشاكل وحلول ذات صلة

اضيف بتاريخ: Sunday, February 24th, 2013 في 17:06

كلمات مشاكل وحلول: , ,

6 رد to “ازمات الحب عن طريق الفيس بوك”

  1. الباشا معتز
    19/04/2013 at 15:01

    ربنا يكتبلكم السعاده لو فيه نصيب بس انا من رأى متقبليشهوش ولا تخرجى لوحدك مع شخص غريب عنك انتى بتقولى انك متدينه لو ربنا كاتبهولك هيبقى من نصيبك وهو لو بيحبك هيدخل الباب من بيته حتى لو كان محترم 60 محترم متخرجيش لوحدك معاه لو عايزه تشوفيه قوى احكى لولدتك ولو وصل الامر انك تقابليه بحضور ولدتك مفيش مشكله حصلت مع واحد صحبى اتعرف على بنت من على النت وقررت تقابله وهى كانت من بلد وهو من بلد ونزلت بلده وكلمته على الموبايل قالتله انا موجوده فى بلدكم وعايزه اشوفك ضرورى قرر ينزلها وراح يقابلها لقى والدتها معاها وقعدو يتكلمو لكن البنت متكلمتش خالص والدتها ال اتكلمت معاه ودخلت فى المواضيع الصحيحه وهو لم لقى نفسه هيتربط مع انه كان بيكلمها فون وعلى النت وقعدو يحبو بعض فتره لم لقى العمليه دخلت فى الجد هرب ومبقاش يرد عليها على الموبايل وقرر انه ينساها مع انها على وصفه ليها كانت جميله جدا ومحترمه وهيا لو مش محترمه عمرها ما كانت جابت والدتها تتكلم بالنيابه عنها وهوا ده الفعل الصواب اتمنالك كل الخير وخلى بالك من نفسك متخليش اى شخص مهما كان يسرق قلبك بمجرد انه قال كلام حلو المعامله اهم شئ اهم من الكلام المعامله هى اساس كل شئ قابليه بحضور والدتك او اخوكى الكبير لو ليكى اخوات وشوفى رد فعله هيكون ايه لو هوا صادق وعجبتيه هيتقدم ليكى فورا لو بيحبك

  2. مـــحدش مـــرتأح
    01/03/2013 at 23:04

    تفكيرك صح وانتى عملتى كل الى تقدرى تعمليه الدور هو يعمل لو بيحبك فعلان يبقا هيحاول بكل جاهد ان يوصل ليكى ويتقدم ليكى لكن حوار مقبله وتانى نشوف بعض ونتمشوا عل الكورنيش مش هينفع وقت ضايع عل الفاطى لو حبك هيحاول يصل ليكى لو خايف عليكى وخايف على سمعتك اكيد هيحاول يوصلك

  3. صوت الرعد
    01/03/2013 at 02:46

    انت ما غلطت .. واللي انت فيه عادي جدا .. قابليه ، لكن لا تطوري المقابلات إلى لقاءات حميمة ,. دائما قابليه في مكان عام .. ولا توافقي على اي شي غير هذا .. بالتوفيق

  4. الانسان الطيب
    27/02/2013 at 01:35

    أولا سلام عليكم ……..
    بصى أنا حقولك حاجة بصراحة ممكن كل الكلام اللى أتقال عليه أخطاء ده يعدى بمعى أنك أعتبرتيه أخوكى وفى نفس الوقت مردتيش أنك تحرجيه بأنك تلغى طلب الصداقة فديه حتة كويسة منك بصراحة لكن أنا رأيي أن اذا كان خطأ انفصالهم عن بعض يعنى هو وخطيبته بس بردوه أنتى حكمتى أنه يحذفك وهو اللى رفض ممكن كمان ميتقالش خطأ عليكى من الممكن أن هو اساسا مبيحبش خطيبته أو أو …الله أعلم بالسبب.
    المهم أنا شايف انوه انسان محترم مش مشكلة ملقاش شغل لأنه لسة طالب وبعدين عمره ما أذاكى ولا طلب صورتك ولا طلب رقم تليفونك فأنا شايف أنه انسان كويس وربنا يوفقكم معاه وحتعرفى ده بردوه لما تتأكدى أكترمن أنه فعلا أتقدملك ولا لأة

    والسلام عليكم

  5. Nour
    25/02/2013 at 19:51

    بسم الله الرحمن الرحيم

    اختي في الله 🙂

    طبعا بغض النظر عن كل الاحداث اللي فاتت .. خلينا منتكلمش فيها احسن و نبدء نتكلم في الحاضر

    بس خلينا متفقين ان اللي حصل قبل كدة ده غلط و استغفري ربنا و ربنا تواب رحيم ^_^

    فخلينا نبدء من دلوقتي و بلاش نتكلم في قبل كدة…

    انتي بتقولي انك حتقابليه الاسبوع الجي
    انا انصحك بشدة بلاش لانها حتكون غلطة كبيرة اوي غير كل اللي فات
    و متخليش اخطاء قبل كدة تهون عليكي الخطأ بعد كدة
    مقابلته مش حاجة صح

    هو لو صادق و فعلا عايز يرتبط بيكي خليه يتخرج و يدور على شغل باجتهاد و يبدل اقصى جهد عنده عشان يقدر يوفر الشروط الاساسية اللي تخليه يقدر يتقدملك
    مش حقدر اقولك متتكلميش معاه خالص لان دي حاجة شبه مستحيلة .. بس حاولي تجاهدي نفسك على اد م تقدري و تقللي كلامك معاه
    و امنعي اي كلام عاطفي بينك و بينه و اتقي الله في نفسك و فيه

    حأكد على نصيحتي تاني اذا مكونتيش قادرة تمنعي الكلام معاه بشكل نهائي لحد م يجهز نفسه و ييجي يتقدملك .. حاولي على اد م تقدري تقللي الكلام معاه و ابعدي عن اي كلام عاطفي معاه و اتقي الله و استشعري بمراقبة ربنا سبحانه و تعالى ليكي

    مش قادرة اقولك متحسيش بالذنب للي حصل قبل كدة .. لانك لازم تحسي بالذنب
    بس مجرد الاحساس بالذنب دي حاجة كويسة و ربنا يغفرلك و يغفرله الاخطاء و التجاوزات

    خلاصة القول .. اوعي تخرجي معاه
    اوعي تبعتيله صور ليكي تاني
    اوعي حتى تكلميه في التليفون
    قللي كلامك معاه بقدر المستطاع
    ابعدي عن اي كلام عاطفي معاه و استشعروا مراقبة الله عز و جل في كلامكو مع بعض

    ادعي ربنا دايما انه يجمعكم في الحلال .. ادعي كتير اوي و ان شاء الله ربنا ييسرو ظروفه و يقدر يتقدملك في اسرع وقت
    و ربنا يغفرلكم و يغفرلنا زلاتنا جميعا و يتوب علينا
    و ربنا يجمعكم في الحلال و يجعلو ليكي زوج صالح و يجعلك زوجة صالحة و يبارك فيكم و يباركلكم .. اللهم آمين .

    آسفة للاطالة 🙂

  6. HanyMoh
    25/02/2013 at 02:21

    موضوعك فيه أخطاء كتيرة أوي للأسف.

    الخطأ الأول هو الإبقاء على صداقته وعدم حذفه.

    الخطأ التاني/ إنك انت اللي بدأتي كلام معاه في وقت من الأوقات.

    الخطأ التالت/ إنك استمريتي بالكلام معاه رغم إنك عرفتي إنه على وش خطوبة.

    الخطأ الرابع/ إنك أصريتي تتكلمي معاه رغم إنه غريب ومرتبط.

    الخطأ الخامس/ إنك حكيتيله حياتك الخاصة.

    الخطأ السادس/ إنك سمعتي لحياته الخاصة وقبلتي تتدخلي فيما لا يخصك.

    السابع/ إنك أصريتي تكلميه رغم إن خطيبته المحتملة مش موافقة.

    الخطأ الثامن/ إنك توقعتي إن وجودك هيفرق بينه وبين خطيبته المحتملة ومخرجتيش.

    الخطأ التاسع/ إنه فارقها وانت دخلتي مكانها.

    الخطأ العاشر/ إنك اخترتي شخص مش وفي وغدر بالبنت اللي عشمها بالخطوبة والجواز وسمح لنفسه يتكلم معاها على أمل الوفاء بوعده.

    الخطا الحادي عشر/ إنك بعتيله صورتك وانت مش عارفاه أصلا ومش ضامنة يعمل ايه بيها، وزي ما غدر بالأولى سهل لما يلاقي واحدة أحسن منك يسيبك، أو حتى لما يمل منك هيسيبك.

    أنا شايف إنك فرقتي بين اتنين حتى لو بدون قصد
    وكمان سيبتي مشاعرك تتعلق بشخص مرتبط ولو بشكل غير رسمي.

    ع العموم لا نريد البكاء على اللبن المسكوب، ولازم نعرف الحل ايه

    هو دلوقتي طلب مقابلتك بعد سنة ونص من التعارف

    أنا شايف إن مقابلتك له هتكون غلطة جديدة تنضاف لقائمة أخطائك.

    اطلبي منه تأجلي المقابلة لبعد الخطوبة، ومتثقيش فيه لأنه خان قبلك واحدة،واحدة بتحبه وبتغير عليه، حطي نفسك مكانها كده، وشوفي خطيبك بيكلم واحدة تانية ولو معتبرها أخته بجد حتى، بل حتى لو كان بيرد عليها بالقطارة.

    بداتي غلط، متكمليش غلط، اعدلي طريقك وامي معدولة بقى، استنيه لما يجيلك رسمي وتتأكدي من كلامه ومن شخصيته. وربنا يسامحك في اللي فات ويهنيكوا ببعض.

اترك رداً أو حلاً لهذه المشكلة