الحب على النت

قصة الحب على النت مش قادر انساها

السلام عليكم
يا جماعة انا حطيت قبل كدة مشكلة و انتو ردتولو عليها
بس المشكلة بتعتى انى مش قادر انسى مش قادر مش قادر
الاول دة الرابط بتاع المشكلة الى قبل دى في

مشاكل الحب على النت

المهم بعد الحاجات اللى حصلت فى المشكلة اللى فاتت دى حصل حاجات تانية خالص

انا كونت قربت انساها خالص و تفكيرى بقا عادى جدا على انها بنت و خلاص و كونت هانسى لاكن اللى حصل دة كان هايجننى

فى يوم لاقيت الموبايل بتاعى بيرن انا كونت نايم المهم بصيت على الموبايل لاقيت رقم دولى
المهم ماردتشى اول مرة تانى مرة رديت لاقيت واحد بيكلمنى بيقولى انا محمد ( اللى هوا ابن خالت اللى انا كونت بحبها و اللى هى سابتنى و راحتلو )
قولتلو خير عاوز اية قالى طلعها من دماغك و ماتكلمهاش تانى قولتلو انا اصلان مش بكلمها و اخر مرة كلمتها فيها كنت من كذا شهر
المهم هوا قال كلمة كدة حرقتلى دمى قومت شاتمو و شاتمها و اتقلبت المكالمة كلها شتيمة لاغيت لما قفلت
انا روحت قولت لاصحابى اللى حصل
فواحد قالى ان هى خالت ابن خالتها دة يكلمنى على شان هوا يغير عليها
و فعلان دة اللى انا حسيتو
مش دة يبقا ظلم كدة انها تخنى و بعد كدة تفضل تلعب بيا
ماعلينا المهم واحد صاحبى قالى انو انا ارجع الصور بتعتها و ابعتها لابن خالتها دة على شان يعرف انها انسانة مش كويسة و بتبعل بية زاى ما لعبت بيا
طبعا دة مش من اخلاقى فا انا معملتش كدة
انا قومت داخل على الفيس بوك و بحثت على الاكونت بتاع ابن خالتها دة و جبتو و بعتلو رسالة و قولتلو ابعتلى ايميلك على شان اوريلك حاجات ( كونت هابعتلو الرسايل اللى هى كانت بتشتمو فيها و الرسايل اللى كانت بتقولى فيها كلام حب و انها مستحيل تسبنى )
المهم لاقيت بعدها بكام ساعة اتصل بيا و لاقيتو بيكلمنى باحترام و بيقولى انا اسف على اللى حصل منى دة انا ماقصدشى ازعلك فى المكالمة اللى فاتت و فضل على كلام زاى كدة و بيقولى انا عاوزك تمسح صورها من عندك و انا قولتلو انى اصلان ماسحهم و انى لما كونت هاكلمك كونت هاوريلك الرسايل على شان مايحصلشى معاك نفس اللى حصل معايا فا هوا رد و قالى انو مش هايحصل حاجة على شان هوا كاتب كتابو عليها ( انا بصراحة اتحرق دمى جدا ) قولتلو مبروك و قفلت معاة المكالمة
و خلاص الحوار هدى على كدة و قررت انى انساها و مافكرشى فيها تانى و فعلان دة اللى حصل لمدة حوالى 3 اسابيع

المشكلة بقا فى اللى حصل معايا امبارح و انا نايم
و انا نايم حلمت بيها ( انها كانت عندى فى الشارع و بتشترى حاجة من محل و انا كونت فى نفس المحل بشترى حاجات
فاحاولت اكلمها و هى مارديتشى و انا كمان جيت قولتلها حتى كمان مش عاوزة تكلمينى دة انا كونت عاوز اطمن عليكى و كلام زاى كدة )
المهم صحيت من النوم و انا كونت هاتجنن و دماغى هاتنفجر من كترة التفكير فيها و مش عارف اعمل اية

و على فكرة انا كان عندى فى دماغى مليون موضوع قالقنى و من ضمنهم موضوع الجيش على شان انا كشف الجيش بتاعى كمان كام يوم
بس من ساعة الحلم دة و انا كل تفكيرى الموضوع دة و بجد مش عارف اعمل اية
ياريت تقولولى لو فى دواء مثلان او اى حاجة على شان اقدر انسى او اريح اعصابى

مشاكل وحلول ذات صلة

اضيف بتاريخ: Tuesday, December 7th, 2010 في 00:38

كلمات مشاكل وحلول: , , , , , , ,

3 رد to “قصة الحب على النت مش قادر انساها”

  1. elshabah
    07/12/2010 at 17:59

    انا مش هقولك انساها لان الحب الاول صعب انو يتنسى بس صدقنى لو فكرت لحظة واحدة بعقلك اكيد هتوصل لحل (انت خسرت واحد كان كداب كبير بس هى خسرت واحد كان بيحب بضمير)

  2. sam6
    07/12/2010 at 12:18

    انت شفت الحلم ده عشان عقلك الباطن مش قادر ينسى رغم ان العقل الحقيقى الظاهرى بيحاول ينسى وان كان صعب استغفر ربنا كتير خاصة قبل النوم وحاول تشغل نفسك (كتير)فى حاجة او عمل تكون بتحبه فعلا ولو قابلتها اعتبرها واحدة عادية ماتعرفهاش صدقنى هترتاح وده عن تجربة دايما افتكر انها خانتك وانها خلاص مستحيل تبقى ليك لأنها زوجة لشخص آخر يعنى خلاص بقت محرمة عليك وزى ماقلتلك حط هدف فى شغل او اى حاجة بتحبها وتفانى فى العمل ده عشان تحقق طموحك وصدقنى ربنا هيعوضك ان شاء الله بانسانة تستاهلك

  3. Aho asem
    07/12/2010 at 01:34

    سبحان الله مش قادرة افهم انت ازاي اتعمل فيك كل دا و لسا بتفكر فيها و لسا هامك اووي كدا و لا انتوا الشباب تحبوا اووي البنت اللي متعبركوش و قبلك 10 في حياتها و بعدك 100
    الدواء بقى ان حضرتك ترمي كل اللي حصل ورا ضهرك و تدوس على اي حاجة في الدنيا تيجي على كرامتك و ممكن تستعين بمقولتي المشهورة ( لن اجعل مشاعري ارضا يداس عليها بل سماء يتمنى المرء الوصول اليها )
    طبعا دا مش بالساهل و لا في يوم و ليلة هيحصل لكن مع الوقت هتنسى
    انتبه لحياتك و مستقبلك و حدد هدفك في الحياه و عيش عشانه و لما تحب حياتك و تتق الله
    هتلاقي بنت الحلال اللي ترضيك و تراضيك و ترضى عنك و تسعدك و تعرفك الحب الحقيقي و تتوج العللاقة بزواج بحلال ربنا و ساعتها تفتكر بقى الهلس دا و تفضل تضحك انا ازاي كنت باعمل كدا و هيا لو كانت ظلمتك هيتردلها
    انا اعرف واحدة الولد اللي كانت بتحبه سابها عشان صاحبتها و صاحبتها دي سابتو هوا كمان عشان صاحبه الدنيا دوراة
    ربنا يهديك و يرشدك للطريق المستقيم

اترك رداً أو حلاً لهذه المشكلة